BAGSAK sa selda ang 19-anyos na delivery driver nang makuhanan umano ng shabu makaraang maaresto habang nagsusugal kasama ng isang lalaki sa Valenzuela City.

Nahaharap sa kasong paglabag sa PD 1602 at R.A 9165 (Comprehensive Dangerous Drug Act of 2002) si alyas “Jay-R”, residente ng Brgy., Mapulang Lupa.

Sa ulat, habang nagsasagawa ng Atni-Criminality Operation ‘Oplan Galugad’ ang mga tauhan ni Valenzuela Police Chief P/Col. Joseph Talento sa Wistaria St., De Castro Subdivision, Brgy., Paso De Blas nang maaktuhan nila ang dalawang lalaki na nagsusugal umano ng ‘cara y cruz dakong alas-8:15 ng gabi.

Nilapitan nila ang mga ito saka nagpakilala bilang mga pulis na nakatalaga sa Police Sub-Station 1 bago inaresto at nakumpiska sa kanila ang bet money, pangara at isang plastic sachet na naglalaman hinihinalang shabu na nakuha umano kay alyas Jay-R. (Richard Mesa)

POSIBLENG umabot hanggang o lumagpas pa ng Setyembre ang impeachment trial ni Vice President Sara Duterte dala na rin sa madami o malaking bilang ng mga saksi at documentary evidence na iprinepara ng panig ng prosekusyon at depensa.

Sinabi ni lead prosecutor Rep. Gerville Luistro na ang naunang timeline na tinataya ng prosekusyon ay maaaring hindi na sapat dala na rin sa laki ng saklaw ng kaso.

Ayon sa mambabatas, ang pinal na schedule ay nasa discretion pa rin ng impeachment court, at siyang magdedetermina kung ilang trial dates ang ilalaan sa magkailang panig.

Ang trial proper ay nakatakdang magsimula sa July 6.

Inihayag naman ni legal spokesperson at private prosecutor Benjamin Tolosa Jr. na hiniling ng prosekusyon ang nasa 62 trial dates, habang ang depensa ay humiling ng 30.

Pero, sinabi nito na maaaring mapabilis ang pagdinig depende kung papaano ito hahawakan ng korte ang presentasyon ng mga saksi. Maaari aniyang iharap ang ilang saksi sa isang araw ng hearing.

(Vina de Guzman)

NAGPAABOT ng pakikidalamhati at pakikiramay si Leyte Rep. Ferdinand Martin G. Romualdez sa mga kamag anak ng mga nabiktima ng pamamaril sa San Jose National High School sa Tacloban City nitong Lunes kung saan tatlo ang napatay at lima ang nasugatan.

“I am deeply saddened and heartbroken by the tragic shooting incident at that claimed the lives of students and left several others injured. Our thoughts and prayers are with the families of the victims, the injured students, their classmates, teachers, and the entire school community as they face this unimaginable tragedy,” pahayag ni Romualdez.

Ayon kay Romualdez, inatasan niya ang kanyang tanggapan upang makipag-coordinate sa mga awtoridad para bigyan ng assistance ang mga nabiktima.

“A school should always be a place of learning, safety, and hope. No parent should have to endure the pain of losing a child in a place where they are supposed to be protected. I have directed my office to coordinate with local authorities and relevant government agencies to determine what assistance can immediately be provided to the affected families,” sabi ni Romualdez.

Kasabay nito, nanawagan si Romualdez sa pulisya na alamin ang puno’t dulo ng insidente sa gitna ng mga lumalabas na ulat na bullying umano ang dahilan.

“As we mourn, we must also reflect on what more can be done to ensure the safety and well-being of our students. We owe it to our children, our teachers, and every Filipino family to make our schools places where young people can learn without fear. In this difficult time, let us unite as one community in prayer, compassion, and support for those affected,” sabi ni Romualdez. 

(Vina de Guzman)

DAHIL sa lumalaking bilang ng mga batang malnourished, pinanawagan ni Speaker Faustino “Bojie” G. Dy III ang pagbabalangkas ng House Bill No. 9466 o National Nutrition Program sa Kamara.

Binanggit ni Dy ang latest findings ng Department of Science and Technology-Food and Nutrition Research Institute (DOST-FNRI), na nagpapakita ng pagtaas sa 25.3 percent ng kabansutan o malnutrisyon ng mga bata sa taong 2025.

“The House prioritized this measure (HB 9466) because we recognized that hunger and malnutrition are not only health issues—they are education issues, economic issues, and ultimately nation-building issues,” sinabi ni Dy.

Ayon kay Dy, ang malnutrisyon ay hindi lamang humahadlang sa paglaki ng isang bata kundi hinahadlangan din nito ang kanyang kakayahang matuto, mangarap, at magtagumpay. 

“Kaya sa bawat hakbang laban sa malnutrisyon, mas marami tayong batang nabibigyan ng pagkakataong maabot ang kanilang buong potensyal at mas magandang kinabukasan.” sinabi ni Dy.

Hangarin ng HB 9466 na palitan ang Republic Act No. 11037, o Masustansyang Pagkain Para sa Batang Pilipino Act, at palawakin ito sa National Nutrition Program para sa mga bata mula Kindergarten hanggang Grade 3, undernourished learners mula Grades 4 hanggang 12, nutritionally at-risk pregnant learners, children with disabilities, indigenous learners, and iba pang kabilang na vulnerable sectors. 

Kabilang din dito ang pagpapatibay ng maternal nutrition interventions, micronutrient supplementation, milk feeding, sanitation and hygiene programs, nutrition education, at suporta sa local farmers at fisherfolk. 

“Government services must reach people where the need is greatest. When a child goes to school hungry, that is not simply a nutrition problem. It affects classroom performance, educational outcomes, and future opportunities. Kung seryoso tayo sa pagpapabuti ng kalidad ng edukasyon, kailangan din nating seryosohin ang laban kontra gutom at malnutrisyon. Hindi maaaring paghiwalayin ang dalawang ito.” sinabi ni Dy. 

(VINA de GUZMAN)