NAG-VIRAL talaga sa social media ang photos nina Bimby Aquino at Ryzza Mae Dizon na kuha sa isang restaurant sa isang mall.

Kaya kilig na kilig ang mga dabarkads dahil mula sa hosting nila sa ‘Eat Bulaga’ ay nakapag-date sila. 

Kasama nina Bimby at Ryzza ang kanilang mga mama pati na rin ang isa pang anak-anakan ni Kris Aquino na si Miles Ocampo at si Jenny Ferre.

Marami ang natuwa dahil sa patuloy ang paglakas ng Queen of All Media, mula sa pagdalaw sa noontime show dahil sumama  nga ito hanggang dinner.

Bongga rin si Kris dahil naghahanap siya ng pagkain na parehas na gusto nina Ryzza at Bimby.

“She doesn’t eat burgers, and she doesn’t like pizza. Eh si Bimb mabubuhay sa burgers at pizza. So kailangan maghanap tayo ng food na pareho niyong gusto,” pahayag ni Kris at napansin nito na gusto pala ni Ryzza ang steak.

Say pa ni Kris na magtanong sina Bimby at Ryzza sa isa’t-isa.

Hirit naman ni Bimb, “First date, kasama ang mga nanay! Hahahaha!”

“Ganun talaga, up to the 10th date, kasama ang mga nanay!” sagot naman ng kanyang mommy. 

Tanong naman si Bimby kay Ryzza, “Hindi ka ever nagka-boyfriend?”

Hindi naman ang sagot ni Ryzza, at tinanong naman nito si Bimby kung nasubukan nang manligaw.

Oo raw, pero parang hindi naman ligaw, dahil kinaibigan lang daw niya. 

Tinanong naman ni Miles si Kris kung pinakaboto ba ito kay Ryzza.

“Gusto kasi ni Bimb maasikaso, at `yung maalaga, kasi daw ‘yun ang personality niya, na siya maalaga. 

“Super naman ‘yung ginawa niyang pag-alaga sa akin. Gusto daw sana niya na ma-return `yon sa kanya,” sagot ni Kris.

Kaaliw din ang pagbibiro ni Kris kay Ryzza ng ‘manugang’ at bagay din ang Ryzza Mae Cojuangco-Aquino! 

Well, mukhang may aabangan ang netizens sa loveteam nina Bimby at Ryzza Mae. 

SINAGOT ni Matet de Leon ang mga bashers na nagkokomento ng negatibo tungkol sa kanyang mga post.

“Maraming nangyari sa amin na hindi ko na nire-reveal sa inyo dahil hindi naman kayo kasali. ‘Pag nalaman ninyo, baka maloka kayo!” sagot nito sa isang basher.

Prangka. Walang kagatul-gatol magbigay ng pahayag itong si Matet, lalo na kung alam niyang nasa tama siya. 

May paninindigan.

Malayo si Matet sa ate niyang si Lotlot de Leon.

Tahimik lamang ito. Malumanay. May kasaibhan nga na, “she can be meek as a lamb but can always roar like a lion”.

Pinatunayan ito ni Lotlot ng matanong siya tungkol sa mga pahayag ni Ian de Leon sa isang panayam dito sa Fast Talk With Boy Abunda.

Dito talagang naglabas na siya ng sama ng loob.

     Di na nakapagpigil pa.

     Umalma nang husto si Matet sa mga bashers niya. Nag-post ito…

     “Naging maingat ako sa pagsagot. Yung mga piagsasabi ni ian, TRUTH niya yun. Noong nagpa-interview siya at nagsabing siya ang sole heir ng paulit-ulit, umikot ang mga puwet ninyo. Nag-ssume na nang-aagaw kami. Mga ‘to naman o. Yung amin, ayoko na sana ilabas. Never kayong nakarinig o nakapanood na nagover-share ako, ha”.

     Sinagot din nito ang mga kritikong nagsasabing wala siyang utang na loob.

     “Nakatingin ang nanay ko habang nagsusulat ako ngayon Alam niyang sobrang grateful ko at naalagaan ko siya ng higit sa makakaya ko. 

     “Kaya guys, tama na yan. ‘Wag niyo na inisin sarili ninyo ha? Hindi naman kayo kasali eh.”

     Bukod sa pagsagot sa mga bashers nag-iwan din ng mensahe si matet para sa kapatid na si Ian…

     “Sana sinabi mo rin sa tao ‘yung mga nagawa mong mali. Na hindi totoong nangkakamkam kami. Na ‘yung zoom meeting (tutal nabanggit mo na) eh para sa play na ffeling ko mali at hindi enterprise o foundation? Sana hindi mo nae-enjoy ito. 

     “Sa tingin mo ba deserve namin ‘to? Na wina-walanghiya kami ng tao kahit alam mo kung sino at anong klaseng tao kami? Mukha kaming kupal kahit alam mong hindi. ‘Di kayo sumasagot sa chat eh. Dito na lang.”

     Sa kasalukuyang kontrobersyang nangyayari sa pamilya nina Matet, sino nga kaya ang nagsasabi ng totoo?

     Isa siguro sa mga puwedeng magpatotoo kung sino ang tama at mali ay walang iba kundi si Christopher de Leon.

     Si Boyet ang itinuturing na ama nina Lotlot, Matet, Kenneth, at Kiko. Bukod sa tunay na anak nitong si Ian sa namayapang superstar na si Nora Aunor.

     Bakit nga ba hindi namamagitan si Boyet sa sigalot ng pamilya niya?

     Wala ba siyang alam? O ayaw lang nitong makialam?

     Hindi ba’t higit sa lahat siya ang puwedeng mamagitan sa naging problema ng kanyang mga anak?

STAR-STUDDED ang 17th Star Awards for Music ng PMPC Star Awards Inc. sa pagdalo ng karamihan sa winners at awardees sa gabi ng parangal na ginanap nitong Huwebes, Hunyo 25, 2026, sa Teatrino, Promenade Greenhills, San Juan City.

Consistent sa pagpunta sa Star Awards for Music ang Asia’s Songbird na si Regine Velasquez-Alcasid kaya naman nakapagpasalamat siya onstage sa pagkapanalo bilang Female Concert Performer of the Year.

Hindi rin nasayang ang pagdalo at pag-stay hanggang matapos ang awards night nina Moira, James Reid at ng magkapatid na Paulo at Miguel Benjamin ng bandang Ben&Ben dahil kabilang sila sa big winners at personal nilang natanggap ang kanilang mga tropeyo para sa napanalunan nilang major awards.

Si Moira ang itinanghal na Female Recording Artist of the Year. Nasungkit naman ng “jgh” album ni James Reid mula sa mahigpit na laban ang Album of the Year. Habang iniuwi naman ng Ben&Ben ang Duo/Group Artist of the Year.

Idagdag pa riyan ang nakuhang special award ni Moira na Female Star of the Night at si James bilang Male Celebrity of the Night.

Maging ang dalawa sa hosts na sina Jayda Avanzado at Dylan Menor ay nagkamit din ng mga parangal. Hindi nga makapaniwala si Jayda na mananalo siya ng Female Pop Artist of the Year plus Female Celebrity of the Night. 

Wagi naman si Dylan ng Male Star of the Night. Nakasama nilang mag-host ng awards night sina Jarren Garcia at Marthena Jickain.

Dumalo rin sa music event si Maki kaya natanggap niya ang award niyang Male Pop Artist of the Year. Pero kinailangan niyang umalis dahil may tinatapos pa siyang recording kaya hindi niya nakuha ng personal ang tropeyo para sa hit song niyang “Dilaw,” na nanalong Song of the Year.

Hindi nakapunta sa taunang parangal ng PMPC ang multi-awardees na SB19, BINI, at si TJ Monterde. Marami pa naman silang napanalunan awards. Pero nagpadala sila ng representatives mula sa kanilang management team at recording company.

Nagwagi ang SB19 ng Duo/Group Concert Performer of the Year at Concert of the Year para sa kanilang “Pagtatag! World Tour (Manila).” Nakuha rin nila ang award para sa Music Video of the Year (“Kalakal” with Gloc-9), gayundin ang special Fan Favorite Award mula sa co-presentor ng Star Awards for Music na PlayTime. Ang SB19 ang nakakuha ng pinakamaraming boto mula sa isinagawang fan poll ng PlayTime sa kanilang website.

Nanalo naman ang BINI ng Pop Album of the Year para sa kanilang “Talaarawan” album sa Star Music. Winner din sila sa Dance Recording of the Year para sa dance hit nilang “Salamin Salamin.” Ang naka-tie nila sa naturang award na P-Pop group din mula sa AQ Prime Music, ang Bilib, ang present kaya natanggap nila ang tropeyo para sa kanta nilang “Say Whatcha Wanna Say.”

Tatlong awards ang pinagwagian ni TJ – Male Recording Artist of the Year, Male Concert Performer of the Year, at Collaboration of the Year – kung saan naka-duet niya ang kanyang misis na si KZ Tandingan sa awitin niyang “Palagi.”

Hindi rin nakapunta sa awards night si Kris Lawrence na nanalong R&B Artist of the Year. Pero nagdulot naman ng kilig sa audience ang pagdating ng dati ni Katrina Halili para tanggapin ang award. Patunay lang na talagang nagkakamabutihan muli ang dalawa lalo na’t madalas silang mapanood na sweet sa kanilang collab videos sa social media.

Present naman lahat ng Lifetime Achievement awardees para tanggapin ang kanilang mga natatanging parangal – ang Pilita Corrales Lifetime Achievement Awardees na sina Celeste Legaspi at Andrew E, pati na si Mon del Rosario na pinagkalooban naman ng Parangal Levi Celerio Lifetime Achievement Award. Hinandugan ng tribute performance ni Ima Castro si Celeste, ang Salbakuta para kay Andrew, at sina Chad Borja at JV Decena para kay Mon.

Dumalo na, nag-perform pa ang legendary group na Rainmakers, na recipient ng Mga Natatanging Alagad ng Musikang Pilipino.

Kabilang din sa singers at performers na nagtanghal sina Jarren Garcia, Sam Concepcion, at Jojo Mendrez.

Nakatuwang ng PMPC Star Awards Inc. sa pag-organisa ng 17th Star Awards for Music ang Echo Jham Entertainment Production na pinamumunuan ni Ms. Mhae Sarenas. Si Calvin Murphy Neria ang nagdirek ng naturang music event.

Nagdiriwang at nagpapasalamat naman sa tagumpay ng 17th Star Awards for Music ang mga opisyales at miyembro ng PMPC Star Awards Inc. sa pangunguna ng kasalukuyang Pangulo na si Fernan de Guzman at ng Overall Chairman na si Mell Navarro.