2026 June 20 Archive - People's Balita

Archive for June 20th, 2026

PBBM, umaasa na ‘back to normal’ na ang Senado sa ilalim ng liderato ni Gatchalian

Posted on: June 20th, 2026 by Francis Paolo Torres No Comments

UMAASA si Pangulong Ferdinand Marcos Jr., na ‘back to normal’ na ang Senado matapos maplantsa na ang gusot sa liderato makaraang mahalal si Sherwin Gatchalian bilang Senate President.

“Sana naman, sa paglagay ni Sen. Sherwin [Gatchalian] bilang SP ay mabalik naman tayo sa normal na patakbo ng Senado,” ang sinabi ni Pangulong Marcos sa mga mamamahayag sa Kazan, Russia.

Pinuri ng Pangulo ang mga mambabatas para sa maayos na special session na idinaos nito lamang Hunyo 17.

“That is exactly what we have been all hoping for, that things become orderly, na maging maayos ang takbo ng Senado,” aniya pa rin.

Inamin ng Pangulo na nalungkot siya nang maantala ang pag-apruba sa LEDAC (Legislative-Executive Development Advisory Council) priority bills at appointments sa Department of Foreign Affairs at military nang hindi magdaos ng sesyon ang Senado sa nakalipas na ilang araw.

“All of those just came to a dead stop noong nagkakagulo, noong hindi pumapasok ‘yung mga senador, hindi sila nagse-session,” aniya pa rin.

At nang hingan naman ng komento ang Pangulo ukol sa pagkakatalaga kay Sen. Chiz Escudero bilang Senate Impeachment Court presiding officer sa kaso laban kay Vice President Sara Duterte, ang tugon nito ay “I will support whoever the Senate chooses as long as the process that they undertook in making the choice is proper, is legal, is constitutional. Then that’s fine with me.”

Aniya pa, ang mga puna at kritisismo laban kay Escudero “are opinions.”

“I don’t think that reflects in any way on what, how he will do,” diing pahayag ng Pangulo.

Nauna rito, itinalaga ng bagong majority bloc ng Senado si Senator Francis “Chiz” Escudero bilang presiding officer sa impeachment trial ni Vice President Sara Duterte.

Sinabi ni Sen. Panfilo “Ping” Lacson na ang pagtatalaga kay Escudero bilang presiding officer ng impeachment court ay magiging opisyal sa pagpupulong ng korte sa Hulyo 6, 2026.

Binanggit ni Lacson na napili si Escudero dahil ito ay isang abogado at sa kanyang malawak na karanasan sa mga proseso ng impeachment.

“Kaya iyon ang pinagkasunduan ngayong umaga, bagaman maaari pa rin itong magbago. Iminungkahi rin ito ni Sen. Win (Sherwin Gatchalian),” aniya tungkol sa bagong Pangulo ng Senado.

Tinanggihan din niya ang mga haka-haka na ang hakbang ay ginawa kapalit ng desisyon ni Escudero na sumali sa bagong mayorya ng Senado. ( DARIS JOSE)

PBBM, Putin itinulak ang energy security, mas malalim na ASEAN-Russia cooperation

Posted on: June 20th, 2026 by Francis Paolo Torres No Comments

KAPWA binigyang-diin nina Pangulong Ferdinand R. Marcos Jr. at Russian President Vladimir Putin ang kahalagahan ng ‘energy security, food security at economic cooperation” kasabay ng pagmarka ng 35 taon ng dialogue relations sa pagitan ng Association of Southeast Asian Nations (ASEAN) at Russia sa isinagawang ASEAN-Russia Commemorative Summit.

Sa pagsasalita sa joint press briefing matapos mag-co-chair sa summit, sinabi ni Pangulong Marcos na pinag-usapan ng mga lider ang ‘areas of cooperation’ na mapakikinabangan kapwa ng Southeast Asia at Russia sa gitna ng nagpapatuloy na global uncertainties.

“Today, ASEAN and the Russian Federation commemorate 35 years of dialogue relations and we affirm our shared commitment to a partnership that remains constructive, forward-looking, and responding to the evolving needs of our people,” ang sinabi ni Pangulong Marcos.

Aniya, nagpalitan ng pananaw ang mga ASEAN leaders at si Putin ukol sa pagpapalakas ng pagtutulungan sa ‘peace and security, trade and investment, food and energy security, science and technology, at people-to-people exchanges.’

Binigyang diin ni Pangulong Marcos ang pagpapatibay ng mahahalagang dokumento kabilang na ang Kazan Declaration 2026 at ASEAN-Russia Comprehensive Plan of Action 2026-2030, magsisilbi bilang roadmap para sa ‘future engagement’ sa pagitan ng regional bloc at Moscow.

“These documents provide a comprehensive roadmap for expanding practical cooperation and delivering tangible results and benefits to our peoples in the years to come,” ang winika ng Pangulo.

Sinabi ni Putin na napagkasunduan ng ASEAN member-states at ng Russia ang pangangailangan na mas palalimin ang ‘economic cooperation, diversify trade at palakasin ang energy partnerships.’

“Russia offers increased exports in ASEAN states of products with high added value, including fertilizers and medicines. Naturally, we’ll continue to supply our Asian friends with food and energy, which are very high in demand,” ani Putin.

Binigyang diin naman ni Putin ang kahandaan ng Russia na makipagtulungan sa ASEAN countries sa pag-develop ng mapayapang nuclear energy programs sa pamamagitan ng state-owned nuclear corporation Rosatom.

“We expect the situation in the Middle East and in the Persian Gulf will stabilize, which will have a positive effect, among others, on global energy and food markets,” ani Putin.

Bilang ASEAN Chair, muli namang inulit ni Pangulong Marcos ang commitment ng Pilipinas na palakasin ang ASEAN centrality at tiyakin na ang kasunduan kasama ang external partners ay makapag-aambag sa kapayapaan sa rehiyon, katatagan at kasaganaan. (DARIS JOSE)

Pagpapalawig ng paternity leave, isinusulong ng mambabatas

Posted on: June 20th, 2026 by Francis Paolo Torres No Comments

ISANG panukala ang isinusulong na palawigin ang paternity leave hanggang 105 araw.

Ito ay ayon sa House Bill No. 9891 ni inihain ni Akbayan Party-list Rep. Chel Diokno na nais nito palawigin pa ang paternity mula sa kasalukuyang pitong araw.

Ayon kay Diokno, ang HB 9891 o Paternity and Parental Leave Act (PAPA Leave Act) ay upang ma-promote ang responsible parenthood, pagtibayin ang pamilya at bigyan pagkakataon ang mga ama or caregivers na nandoon sila sa mga unang araw ng isinilang na sanggol.

Nais ni Diokno na dagdagan ang paid paternity leave mula sa pitong araw hanggang 90 days mula pagkasilang o 60 araw sa kaso ng miscarriage o emergency termination ng pagdadalantao.

Batay sa HB 9891, may dagdag na 15 days of paid parental leave na maaaring gamitin sa loob ng isang taon mula sa kapanganakan ng anak nito, pwede dire- diretso o magkakaibang okasyon. Suma- tutal nito ay 105 days ng total leave benefits, katulad ng 105-day maternity leave law ni Akbayan Party-list at Sen. Risa Hontiveros.

“By investing in shared parenting, this measure advances gender equality, improves child and family wellbeing, and strengthens labor force participation. It affirms that childcare is not solely the responsibility of women, but a shared parental duty that must be actively supported by the State,” sinabi ni Diokno.

Samantala, nagbabala si Diokno na kung ang isang tatay ay nabigo sa kanyang tungkulin na tulungan na mag-alaga ng kanyang bagong silang na anak, maaari siyang kasuhan sa paglabag ng Anti-Violence Against Women and Their Children Act of 2004.

Nakapaloob din sa HB 9891 ang maaring matanggap na benepisyo ng mga ama o caregiver sa ilalim ng Social Security System (SSS).

(Vina de Guzman)

9 NARCOTIC DETECTION DOGS, INIRETIRO NA NG PDEA, HANDA NG IPA-AMPON

Posted on: June 20th, 2026 by Francis Paolo Torres No Comments

PORMAL nang iniretiro ng Philippine Drug Enforcement Agency (PDEA) ang siyam (9) na Narcotic Detection Dogs (NDD), o K9, at handa na para ipa-ampon ang mga ito para sila ay mailipat na sa isang nararapat na buhay sa labas ng aktibong serbisyo.

Ang mga retiradong K9 ay binubuo ng 5 Belgian Malinois, 3 Jack Russell Terrier, at 1 Labrador, na may average na edad na 12 taon. Ang mga lubos na sinanay na “bayaning aso” na ito ay nagsilbi ng may karangalan sa loob ng maraming taon sa mga operasyon laban sa ilegal na droga sa buong bansa, kabilang ang mga inspeksyon sa mga pasilidad ng kulungan, mga misyon ng paghahanap at pagsamsam, mga aktibidad ng interdiction, at mga operasyon ng checkpoint sa mga paliparan, daungan, at mga terminal ng transportasyon.

“These K9s have been loyal partners in our mission against illegal drugs. Their courage, discipline, and dedication have saved countless lives and supported countless successful operations,” sabi ni PDEA Director General Undersecretary Isagani R. Nerez.

Binigyang-diin ni DG Nerez na ang pagreretiro ng mga NDD ay bahagi ng pagtiyak sa kanilang patuloy na kapakanan at dignidad pagkatapos ng maraming taon ng serbisyo publiko.

“We owe these dogs more than gratitude. We owe them a safe, peaceful, and loving forever home where they can enjoy their remaining years in comfort,” dagdag pa ni DG Nerez.

Ang pasilidad ng PDEA K9 Unit ay hindi mainam na pangmatagalang kapaligiran para sa mga tumatandang aso. Kaya naman, pinapadali ng ahensya ang pag-aampon sa kanila upang matiyak na ilalagay sila sa mga tahanan na walang stress kasama ang mga pamilyang may kakayahang magbigay ng wastong pangangalaga, atensyon, at habag.

Hinihikayat ang mga interesadong mag-ampon na magbigay ng matatag at mapagmalasakit na kapaligiran para sa mga retiradong asong nagtatrabaho na nagpakita ng pambihirang serbisyo sa bansa. Ang mga profile ng pag-aampon ng mga retiradong K9 ay ilalathala sa isang pahayagan at ipo-post sa opisyal na pahina ng PDEA sa Facebook, ang “Topstories,” upang maabot ang mga potensyal na mag-aampon.

Ang mga aplikante ay kinakailangang magsumite ng kumpletong listahan ng aplikasyon at mga kinakailangang dokumento sa pamamagitan ng email address na pdeak9adoption@gmail.com , o personal na magsumite sa PDEA K9 Unit Facility sa Sitio Lambakin, Barangay Sto. Cristo, Lungsod ng San Jose Del Monte, Bulacan.

Kapag nakumpleto na ang mga kinakailangan, ang mga aplikante ay sasailalim sa isang paunang pagsusuri na susundan ng isang personal o online na panayam. Ang mga kwalipikadong aplikante ay itatakda para sa pagtutugma sa isang K9, at ang mga matagumpay na pagtutugma ay magpapatuloy sa mga kaayusan sa turnover. Binigyang-diin din ng PDEA na isasagawa ang pagsubaybay pagkatapos ng pag-aampon upang matiyak ang patuloy na kapakanan at kagalingan ng mga retiradong K9.

“Hindi natatapos sa turnover ang aming responsibilidad. Patuloy naming sisiguraduhin na ang aming mga hero dog ay ligtas, malusog, at maaalagaan nang maayos sa kanilang mga bagong tahanan,” pagtatapos ni PDEA Chief.

(PAUL JOHN REYES)

Q2 nationwide simultaneous earthquake drill, idinaos sa Maynila

Posted on: June 20th, 2026 by Francis Paolo Torres No Comments

IDINAOS sa lungsod ng Maynila ang Second Quarter Nationwide Simultaneous Earthquake Drill, na aktibong nilahukan ng mga kawani ng Pamahalaang Lungsod ng Maynila at ng SM City Manila.

Ayon kay Manila City Disaster Risk Reduction and Management Department (MCDRRMD) Director Arnel Angeles, ito ay mahalagang bahagi ng patuloy na pagpapalakas ng kahandaan ng bawat Manileño sakaling tumama ang lindol o iba pang sakuna.

“Ang kahandaan ngayon ang susi sa kaligtasan bukas,” ani Angeles.

Eksaktong alas-9:00 ng umaga nang patunugin ang sirena bilang hudyat ng pagsisimula ng earthquake drill.

Kaagad namang isinagawa ng mga kawani ng Manila City Hall ang tamang evacuation procedures at maayos na nagtungo sa mga itinakdang evacuation area.