INVOLVED ngayon ang pangalan ni Miss Universe-Philippines 2009 Bianca Manalo sa sinasabing hiwalayan ng magkarelasyong Celeste Cortesi, dating Miss Universe-Philippines 2022 at ng boyfriend nitong tech millionaire, British national, at philanthropist na si Jonathan Michael Sterling. 

     Ang masaklap pa nito, kasalukuyang buntis si Celeste at si Jonathan ang sinasabing ama nito.

     Maagap naman ang Sparkle GMA Artist Center sa paglalabas ng pahayag at tahasan nitong dineny ang nasabing akusasyon.

     Ayon sa pamunuan ng Sparkle…

     “On behalf of our Sparkle Artist, Bianca Manalo, we woud like to clarify that there is no truth to rumors circulating about her involvement with another couple. 

“She is single and not in any relationship. we hope this settles the matter and that we all continue to spread and click kindness instead”.

     Ni-repost ito ni Bianca sa kanyang social media account.

     Kung ating matatandaan, si Senator Sherwin Gatchalian ang huling napabalitang nakarelasyon ni Bianca.

     Pero nung January 2025, nagkaroon ng intriga ang kanilang relasyon, nang mapansin ng mga netizen na in-follow na nila ang isa’t isa sa knai-kanilang social media account.

     Nag-post nuon ang senador ng kanyang holiday photos pero wala na si Bianca sa mga ito.

     Samantalang nung 2024, nasa Japan naman si Bianca para doon mag-spend ng kanyang holiday season.

     Tinuldukan ni Senator Sherwin ang mga spekulasyon ng sa isang interview nuong January 21, 2026 sinabi nitong “non-existent” ang kanyang lovelife.

     Ang tanong… Hindi ba’t nasangkot din sa isang kontrobersya itong si Bianca nung kasalukuyan nitong ginagawa ang pelikulang “Magandang Dilag” sa kanyang co-star na si Rob Gomez?

     Naglitawan ang mga screenshots ng usapan nina Bianca at Rob sa halos lahat ng social media platform, na nagpapatunay na nagkaroon sila ng ugnayan.

     Agad naman itong pinabulaanan ni Bianca. Tinawag niya itong “false rumors” at unfounded accusations”.

     Hindi kaya ito ang naging dahilan para hiwalayan ni Senator Sherwin itong si Bianca?

     Marami tuloy ang nagtatanong at humuhulang may katotohanan ang mga paratang dito. 

     May mga nagsasabing may pattern na raw kasi.

     Walang basehan ang mga paratang kay Bianca. 

     Napakaganda naman nito, para lang maging isang third wheel.

     Well, prangkahan lang tayo, kayo ba naniniwalang si Bianca ang posibleng dahilan ng hiwalayang Celeste at Jonathan? 

***  

UMAMIN si Pasig City Mayor Vico Sotto na inokupa ng pulitika ang kanyang kabataan.

     Nagsimula sa pulitika ang binata nuong siya ay twenty nine years old. Ngayong thirty six na siya at last term na ng kanyang serbisyo, wala pang plano si Mayor Vico tungkol dito.

     Sa isang panayam kay Mayor Vico ni Bernadette Sembrano sa kanyang social media account, inilahad nito ang kanyang saloobin.

     “I gave my entire thirties, last term ko ito kaya I’m excited.

     “Imagine I started at twenty nine years old, so, ngayon ano na ‘ko thirty six.

     “I’ll end my term at thirty eight. I gave my best years naman.

     “Halos wala na akong ibang nagawa. I mean in my personal life, ha! Halos wala ng iba. Kasi you need to focus,e. It’s a full time job. 

     “Siyempre, may gusto rin akong gawin na iba, di ba pero di puwede, e. Kailangan focused, kasi the people trusted you,e. 

     “Ito yung naging open door para sa akin. Ako naman, pumasok lang sa open door. and when you’re there, you want the best of every moment and every opportunity.

     “Hindi ko naman gagawin na half-hearted ang isang bagay. Kasi I was given a chance to do this job.

     “I want to do this to the best of my ability.” banggit nito.

     Sa ngayon, wala pang balak si Mayor Vico kung ano ang kanyang susunod na hakbang pagkatapos ng kanyang termino.

HINDI na rin napigilan ni Miss Universe 2015 Pia Wirtzbach ang magbigay ng kanyang opinyon tungkol sa “halfies” issue sa pageantry world. 

Sa kanyang Facebook post nitong Biyernes, June 12, sinabi ng beauty queen-actress na hindi nasusukat ang identity ng isang tao sa lugar kung saan siya ipinanganak.

“I have always believed that identity isn’t measured by where you were born, how you look, or how others see you,” say ni Queen Pia.

Pagpapatuloy niya, “It’s shaped by the values you carry, the roots you honor, the love you have for where you come from, and the pride you feel whenever you see our flag represented anywhere in the world. “

Diin pa ng beauty queen, walang isang paraan sa pagiging Pilipino dahil… 

“There is no single way to be Filipino. We each carry that connection in our own way…through our experiences, our families, and the values that bring us home,” paniwala pa ni Pia.

“Today, I’m celebrating that connection and everything it means to me. I hope you are too.

“Proud to be Filipino. Always,” pagtatapos ni Pia. 

Nag-ugat ang “halfies” issue dahil, sanaging pahayag ng Filipino-American pageant titleholders na sina Brandon Espiritu at Jether Palomo.

Samantala, nag-sorry na si Brandon noong June 10, 2026 matapos na i-bash ng netizens.

Kasunod nito ay tuluyan nang nag-deactivate ng social media pages ang kontrobersyal na si Brandon, at biglang pagbaba ng social media followers niya dahil sa sobrang inis at galit ng mga Pinoy. 

IPINAHAYAG ng teen actress na si Xia Vigor na wish niyang makagawa muli ng magandang MMFF project na tulad ng “Miracle in Cell No. 7” na tinampukan nila ni Aga Muhlach at ng iba pang magagaling na actors. 

Aniya, “Yes po, kasi malaking opportunity po ang mga ganoong projects, especially when I work with veteran actors po. Kasi, marami po akong natututunan sa kanila and nadadala ko po talaga ang mga itinuturo nila sa akin throughout my whole acting career.

 “So, sana po talaga in the future I can have another big project like iyong Miracle in Cell No. 7 at sa MMFF din po sana ito,” masayang wika niya.

Ayon pa sa half Filipino-half British na bagets, ang MMFF entry nilang ito ni Aga ang itinuturing niyang biggest break sa showbiz. 

Esplika ni Xia, “Ito pong movie ang masasabi kong biggest role ko at most challenging po sa acting at ang mga kasama ko po roon ay talagang mga veteran actors po.

“So, its such an honor po talaga and that’s really the most memorable project for me.”   

Na-miss na ba niyang muling makatrabaho si Aga?

Tugon ng tisay na teen actress, “Siyempre po, naging tatay ko talaga siya sa set… and sobrang sweet po ni tito Aga, parang naging tunay na tatay ko siya sa set. And I realized, parang ang fun niyang maging tatay. So, super fun working with him po talaga.”

Si Xia ay 16 years old na ngayon at isang magandang teenager na. May bagong seryeng aabangan sa dalagita, ngunit hindi pa niya alam ang mga detalye nito.

“Series po siya, sa Viva po, pero wala pa po akong alam pa kung sino ang mga kasama ko, wala pa po akong idea,” nakangiting pakli pa niya.

Ngayon ay pumasok na rin sa pagkanta si Xia. Ang debut single niya ay “Aminin” na sinundan ng “Mahal Kita, Bahala Na” mula sa Viva Records. 

***

DIVINE, thankful na kasama sa health advocacy show

NAGPAPASALAMAT ang sexy actress na si Divine Villareal na kasali siya sa isang health advocacy show. Ito ang “Itanong Natin Kay Dok Larry,” tampok si Doctor Larry Sambrano na siyang gaganap bilang Doc Larry.

Bukod kina Doc Larry at Divine, kasama rin sa cast sina Tabs Sumulong at Enki Gray.

Ang show ay isang informative series na tatalakay sa usaping pangkalusugan na mapapanood sa Facebook, YouTube, at TikTok. Nagsimula na ito last June 13, 4pm.

Nagkuwento si Divine hinggil sa bago niyang show.

Aniya, “Isa po akong nurse rito na laging kasama po ni Doc Larry. Ito po ay directed by direk Roman Pererz Jr.

“Parang isa siyang short series po, na every episode po ay iba’t ibang kuwento ang mapapanood, pero same character po.”

Dagdag pa ni Divine, “Marami po tayong matututunan dito about sa mga health at sakit po. At the same time ay maaaliw at matatawa rin po kayo sa mga story.”

Thankful din ang aktres na mabigyan ng ganitong klase ng show.

Saludo rin ang magandang aktres kay Doc Larry sa adbokasiya nito hinggil sa health.

“Napakabuti pong doctor ni doc Larry, kasi ginawa niya po talaga itong show na ito para marami po tayong matutunan about sa ating health,” sambit pa niya.  

Para makasunod sa mga updates sa naturang programa, maaaring mag-follow sa kanilang Facebook account sa link na: https://www.facebook.com/share/14ebuB2BXz6/