INAMIN ni Elle Villanueva na mahirap ang pinagdaanan niya sa buhay kamakailan.
Isa na rito ang kanyang near-death experience matapos siyang aksidenteng madulas habang nasa taas ng Mount Titlis sa Switzerland.
Kuwento ng ‘Apoy Sa Dugo’ actress, dumausdos siya pababa at halos wala nang makita dahil sa fog. Nang mangyari ito, ang nasa isip na lamang daw niya ay kung “ito na ba ‘yong katapusan” dahil bago pa man mangyari ang trip na iyon, noong March 2025, ay nasa “dark place” siya.
“I was being ungrateful na, ’cause I can’t help it. Alam mo ‘yung kapag ang dami ng thoughts na nangyayari sa mind mo, hindi mo na ma-filter out na nagiging ungrateful ka na, na ang dami mo ng question if what’s happening is enough na ba?,” sey ni Elle.
Noong magpa-check up after the accident, nabigla siya sa sinabi ng doktor na hindi niya matanggap.
“Nagpa-check din ako and then ‘yung sinabi sa akin ng doctor was really shocking to me na hindi ko siya ma-accept. She said something na it was shocking for me that I am diagnosed with this possibly.”
Hindi na binanggit ni Elle kung ano yung sinabi ng doktor. Mas may appreciation na siya ngayon sa mga blessings na natatanggap niya.
“That slope made me realize that life itself is already a gift. Life itself is already enough. Gift siya ni God na pangalagaan mo. Tingnan mo ‘yung magagandang bagay sa paligid mo dahil marami talaga. There are many things to be grateful for.
“Live to the fullest. Live at the moment. I spent so much time not looking at my phone. I don’t use my phone as much. And, I do appreciate the people around me. I really take my time to talk to them.
“Nu’ng naging mas open ako sa buhay and I started caring less with what other people think. Just spreading the love.”
***
BUKOD sa showbiz, abala rin ang aktres na si Cai Cortez sa kanyang trabaho bilang konsehala sa Taytay, Rizal.
Kuwento ni Cai, kaya raw siya tumakbo bilang konsehal dahil sawa na raw siya sa kakatanong sa mga opisyales nila sa Taytay lalo pagdating sa mga nangyayari sa kanilang distrito.
“Tulad ng iba, marami rin akong mga tinatanong at hinahanap sa mga namumuno sa amin. Kaya to get those answers, I decided to run for councilor and thank God, nanalo tayo. Ngayon, alam ko yung mga nangyayari sa loob and inaakasyunan namin agad yung mga problema,” sey ni Cai.
Aware din daw siya na marami ang nawawalan na ng tiwala sa mga artista na pumapasok sa pulitika. Gusto niyang maging maganda halimbawa na hindi lahat ng actors-turned-politician ay pabaya sa pagiging public servant.
“Nakikita nila ako every day sa municipal hall. Bukas ang opisina natin para sa mga humihingi ng tulong o may reklamo. I’m doing my best to be a good public servant. Ayoko rin na may masabi sila na hindi maganda sa trabaho ko,” sey ni Cai na kasama sa GMA Afternoon Prime series na ‘Apoy Sa Dugo.’
***
FOR the first time in Screen Actors Guild history, apat na may dugong Pinoy ang nakatanggap ng Actors Award.
Tatlo rito ay kasama sa cast ng HBO Max series na ‘The Pitt’ na nanalong Outstanding Performance by an Ensemble in a Drama Series. Ito ay sina Isa Briones, Amielynn Abellera at Kristin Vilanueva na gumaganap na mga Filipino nurses sa naturang medical drama.
Sa Instagram, nagpasalamat si Isa Briones, na anak ng international Filipino actor na si Jon Jon Briones, sa SAG-AFTRA.
“Thank you for believing in our show and this incredible cast. What a special thing to celebrate all our hard work together.”
Ang pang-apat na may dugong Pinoy ay ang Hollywood actress na si Hailee Steinfeld na kabilang sa cast ng pelikulang ‘Sinners’ na nagwaging Outstanding Performance by a Cast in a Motion Picture.
Hindi nakadalo si Hailee sa Actors Awards at kasalukuyang buntis ito sa first baby nila ng mister na si Josh Allen.

(RUEL J. MENDOZA)

SA interview ni Kapuso Big Winner Caprice Cayetano sa “24 Oras Weekend” sinabi niya na ido-donate sa charity foundation ang bahagi ng isang milyon na kanyang napanalunan sa ‘Pinoy Big Brother: Celebrity Collab Edition 2.0’.
“Gusto ko po i-save and makapag-help din po sa mga tao na nangangailangan,” say ni Caprice.
“Ang naisip ko pa talaga ay Little Ark Foundation para sa mga bata po na nangangailangan non.”

Si Lella Ford naman ang itinanghal na Kapamilya Big Winner.
Ang 2nd Big Placers ay sina Kapuso Heath Jornales at Kapamilya Krystal Mejes; 3rd Big Placers sina Kapuso Ashley Sarmiento at Kapamilya Joaquin Arce; at 4th Big Placers naman sina Kapamilyang Miguel Vergara at Kapuso Princess Aaliyah Kapuso.
Samantala, sa pamamagitan ng Instagram story nitong Linggo, March 1, ibinahagi ni Caprice ang labis na pasasalamat sa lahat ng taong sumuporta.
“Una sa lahat, hindi ko po inakala ang mga nakita ko kagabi. Hindi ko rin po in-expect ang support na natatanggap ko ngayon, kaya sobra po akong nagpapasalamat.
Maraming maraming salamat po sa inyong lahat!” Pahayag ng dalaga.
“Nagpapasalamat po ako at ang buong pamilya ko. Thank you so much po sa love and support! Sobrang grateful po kami sa inyong lahat!”
Nagbigay din mensahe si Caprice sa mga kabataan, “Sa lahat ng kabataang Pinoy, let’s always look at the bright side of life!”
Congrats Caprice at tiyak na marami pang blessings ang darating sa ‘yo!

(ROHN ROMULO)

NITONG Lunes, Marso 2, sa mismong bayan ng Malolos ay nagbigay na ng pahayag ang Gobernador ng Bulacan na si Daniel Fernando tungkol sa mga isyung naglalabasan.
Partikular ito sa isyu diumano ng road rage sa pagitan ng Gobernador at Presidential son Vinny Marcos.
“Yung sinasabing road rage ay malinaw nang nagpahayag ang Malacañang tungkol dito at ang LTO. Okay na po yan,” umpisang pagbabahagi ni Gobernador Daniel.
“Sa puntong ito, higit sa anupaman na negatibong balita na nagkalat sa social media, ang mas mahalaga sa akin ay ang inyong pagtitiwala at pagkilala sa aking pagkatao.
“Maraming salamat po sa inyong patuloy na pag-unawa at pagmamahal.
“Salamat po at binigyan ninyo ng pagpapahalaga ang mahabang panahon ng aking tahimik na paglilingkod, lalo na po sa mga kapus-palad.
“Hindi man po perpekto si Daniel Fernando, si Daniel Fernando po ay hindi perpekto, pero pinagsisikapan ko pong huwag magmalabis sa ating mga kababayan at kapwa-Pilipino.
“Para naman po sa ibang hindi nakakakilala sa akin at hindi pa nakikipag-ugnayan sa inyong abang lingkod, sana ay magkaroon ng pagkakataon na tayo ay lubusang magkakilala para sa lalong ikabubuti ng paglilingkod sa ating mga kababayan, lalo po ngayong naggigiyera sa Middle East.
“Dun sa mga namba-bash sa atin, please, nakikiusap po ako sa inyo, gawin po nating makabuluhan ang social media.
“Panahon na po para tayo ay manalangin sa Panginoon nang mas malalim sapagkat hindi po natin alam ano ang meaning ng digmaang ito.
“Pinipili ko pong manatiling kalmado, magpakumbaba, at manatiling nakatuon sa aking sinumpaang tungkulin na maglingkod sa ating mga kalalawigan.
“Sapagkat ang ating motto, ‘Ang Diyos ang ating sandigan at ang Mahal na Birhen ang aking sandalan.’
“Pasensya na po kayo naging emosyonal ako. Hindi naman po talaga ako emotional.
“Mapagbiro po talaga ako, di ba? Ngayon lang po yan.
“Basta tayo, tuluy-tuloy po ang ating paglilingkod, tapos na po yan.”
Tinukoy rin ni Gov. Daniel ang tungkol sa bukol niya sa noo na inaakala ng iba na bunga ng diumano’y pambugbog sa kanya.
“Ito po kasi lymphoma. Paano ba operahan ito?
“Sabi ko na lang third eye, X-ray machine,” pagbibiro pa ni Gobernador Daniel.
***
FAKE news raw ang isyung nakikialam si Carmina Villaroel sa mga relasyon ng mga anak niyang Mavy at Cassy Legaspi.
Mismong si Ashley Ortega na girlfriend ni Mavy Legaspi ang nagsabi nito.
“I think that’s fake news!
“Sobrang bait ni Tita Carmina. Actually even before pa naging kami ni Mavy, naka-build na rin kaming relationship ni Tita Carmina sa set ng Widows’ Web [GMA series noong 2022].
“Lock-in taping kasi yun. So, parang two months kami nagkasama sa Tagaytay.
“Mag-ate kami doon sa role namin sa Widow’s Web, ate ko siya.
“So talagang yung relationship namin, we also have to work it out kasi lagi kaming magkaeksena.
“And of course, siyempre pag lock-in taping, iyon yung lagi mong nakakasama during pandemic nung time na yun.
“So lagi akong nakiki-microwave kay Tita Carmina nung time na yun.
“And of course, noong naging kami ni Mavy, nagyayaya siya, sila na mag-dinner lalo na pag birthday ni Tito Zoren [Legaspi], birthday ng kambal, recently.
“Tapos pag-birthday ni Tita Carmina, I was there when she turned fifty.
“And yun, there are moments nagyayaya silang mag-dinner sa house and they always welcome me.Samantala, napapanood ngayon si Ashley sa Apoy Sa Dugo sa GMA Afternoon Prime.
Bida rito sina Ashley, Derrick Monasterio, at Elle Villanueva.
Tampok rin sa serye sina Pinky Amador, Thea Tolentino, Cai Cortez, Patricia Coma, Ricardo Cepeda, Toniyuh at Larkin Castor, sa direksiyon ni Ralfh Manuel Malabunga.
Napapanood ito Lunes hanggang Biyernes, 4:05 ng hapon.

(ROMMEL L. GONZALES)