2025 May Archive - People's Balita

Archive for May, 2025

2 patay sa pag-araro ng SUV sa NAIA

Posted on: May 6th, 2025 by @peoplesbalita No Comments

DALAWA ang kumpirmadong patay kabilang ang isang 5-anyos na batang babae habang apat ang nasaktan nang araruhin ng isang sports utility vehicle ang walkway sa labas ng terminal 1 entrance ng departure area ng Ninoy Aquino International Airport (NAIA), kahapon ng umaga.

Dead on the spot si Maliya Masunson, 5 at Dearick Keo Faustino, 28 habang isinugod naman sa San Juan De Dios Hospital ang apat na mga sugatan. Ang katawan ng bata ay pumailalim sa SUV.

Hawak naman ng Philippine National Police Aviation Security si Leo Gonzales, 47, driver ng Ford Everest na may plakang DCB-3411.

Batay sa inisyal na pagsisiyasat, nangyari ang insidente bandang alas-8:45 ng umaga sa entrance gate ng terminal 1.

Sa pahayag ng driver naka-park siya sa harap matapos na maibaba ang kanyang hinatid na pasahero.

Papaalis na siya sa parking lot nang biglang may dumaan na sedan at sa halip na preno, silinyador ang natapakan kaya humarurot at sinagasa ang steel barrier gayundin ang mga tao na naroroon.

Gayunman, hindi mapigilan ang galit ng isang papaalis na OFW na ama ng batang babaeng nang makita nitong inararo at namatay ito habang nasa ilalim ng SUV na bumangga pa sa salamin ng nasabing lugar.

Bandang alas-10:15 ng umaga kahapon ay tuluyang ng naalis ang SUV. (Daris Jose)

PBBM, nais na magkaroon ng katarungan ang mga naging biktima ng road crash —Malakanyang

Posted on: May 6th, 2025 by @peoplesbalita No Comments

LABIS na ikinalungkot ni Pangulong Ferdinand Marcos Jr., ang kamakailan lamang na ‘road crashes’ na nagresulta ng pagkasawi ng maraming indibidwal.

“Of course kinakalungkot po ng Pangulo (Marcos) ang mga nangyari, lalo po’t may mga buhay po na nawala, may mga kababayan din po tayong nasaktan, hindi magandang balita po ang ganitong klaseng aksidente,” ayon kay Presidential Communications Office Undersecretary at Palace Press Officer Claire Castro sa press briefing sa Malakanyang,

At dahil aniya sa pag-uutos ng Pangulo na mabigyan agad ng hustisya ang mga pamilya ng nasawi, kagyat na umaksiyon aniya si Transportation Secretary Vince Dizon sa bagay na ito.

Bukod dito, nagbabala at nagbigay na rin ng agarang pag-uutos si Dizon patungkol sa regular at mandatory drug test para sa public utility vehicle (PUVs) drivers, “effective immediately.”

Matatandaang, 10 indibiduwal kabilang na ang apat na bata, ang nasawi sa isang multiple-vehicle collision sa Tarlac City Toll Plaza sa Subic-Clark-Tarlac Expressway, noong nakaraang Huwebes.

Dalawang iba pang indibidwal ang nasawi, araw ng Linggo nang araruhin ng SUV ang departure area ng Ninoy Aquino International Airport (NAIA) Terminal 1.

Samantala, nanawagan naman si Vice President Sara Duterte sa publiko na sumunod sa traffic rules para mapigilan ang road accidents na maaaring magresulta ng pagkasugat at pagkamatay ng mabibiktima nito.

Sa isang video message para sa Land Transportation Safety Month, tinukoy ni VP Sara na ang tiyakin na ligtas ang lansangan ay hindi lamang trabaho ng mga traffic enforcers, kundi maging responsibilidad ng bawat mamamayan, pribadong sektor at gobyerno.

“Mga kababayan, sumunod tayo sa batas-trapiko. Gamitin ang tamang tawiran. Iwasan ang paggamit ng cellphone habang nagmamaneho o naglalakad. At i-report agad ang mga panganib sa daan. Simpleng disiplina, malaking ambag sa kaligtasan,” ang sinabi ni VP Sara.

Kaya nga, hinikayat ni VP Sara ang pribadong sektor na siguraduhin na ang mga driver ay may sapat na kasanayan na bumagtas sa mga kalsada at panatilihin ang kanilang mga sasakyan ay nasa maayos na kondisyon.

Tinuran pa ni VP Sara na responsibilidad ng pamahalaan na panatilihing ligtas ang road infrastructure at ipinatutupad ng maayos ang batas trapiko. (Daris Jose)

LTO, sinuspinde ang lisensya ng driver sa NAIA tragic accident

Posted on: May 6th, 2025 by @peoplesbalita No Comments

ALINSUNOD sa direktiba ni Pangulong Ferdinand “Bongbong” Marcos, Jr. na papanagutin ang mga pasaway na motorista, sinuspinde agad ng Land Transportation Office (LTO), sa ilalim ng patnubay ni DOTr Secretary Vince B. Dizon, ang lisensya ng driver na sangkot sa malagim na aksidente sa Ninoy Aquino International Airport (NAIA) Terminal 1 noong Linggo, May 4. Ang suspensyon ay epektibo sa loob ng 90 araw.

Ayon kay LTO Chief, Assistant Secretary Atty. Vigor D. Mendoza II, naglabas din ang ahensya ng show cause order laban sa rehistradong may-ari ng sasakyan. Dagdag pa ni Asec. Mendoza, inatasan ang driver na isuko ang kanyang lisensya sa lalong madaling panahon.

“Una sa lahat, nais kong ipahatid ang aking taus-pusong pakikiramay sa pamilya ng dalawang nasawi sa aksidenteng ito. Talagang nakalulungkot ang pangyayaring ito lalo’t isa sa mga namatay ay isang bata, anak ng isang overseas Filipino worker,” ani Asec. Mendoza.

“Nakapaglabas na kami ng show cause order na nag-aatas sa rehistradong may-ari ng sasakyan at sa driver na humarap sa aming tanggapan upang magpaliwanag bilang bahagi ng aming imbestigasyon,” dagdag niya.

Batay sa ulat na natanggap ng LTO, isang itim na Ford Everest (Plate No. DCB-3411) ang bumangga sa west departure curbside area bandang alas-8 ng umaga noong Linggo. Ilang indibidwal ang nasugatan sa insidente.

Hawak na ng mga awtoridad ang driver at ayon sa kanyang pahayag, paalis na sana siya sa departure area matapos ihatid ang pasahero nang biglang may dumaan na sedan sa kanyang harapan.

Dahil dito, siya ay nataranta at imbes na preno ang apakan, napindot niya ang silinyador. Dahil dito, dalawa ang nasawi at tatlo pa ang nasugatan.

Agad na nagtungo si Secretary Dizon sa lugar upang personal na tingnan ang kalagayan ng mga biktima at ipinahayag niyang ipapaubaya na niya sa kapulisan ang masusing pagsisiyasat.

Sinabi ni Asec. Mendoza na bagaman may naunang pahayag na ang driver, magsasagawa pa rin ang LTO ng hiwalay na imbestigasyon upang matukoy ang lahat ng detalye at mga dahilan ng trahedyang ito. (PAUL JOHN REYES)

Rapist na top 2 most wanted sa Malabon, himas-rehas

Posted on: May 6th, 2025 by @peoplesbalita No Comments

NAGWAKAS na ang pagtatago ng isang puganteng kriminal na nakatala bilang isa sa pinaka-most wanted na personalidad nang matunton ng pulisya sa kanyang pinagtaguang lugar sa Malabon City, kamakalawa ng gabi.

Sa ulat, nakatanggap ng impormsyon ang Northern Police District (NPD) hinggil sa tinutuluyang lugar ng akusadong si alyas “Roger”, 32, na nakatala bilang Top 2 Most Wanted Person sa lungsod.

Magkasanib ang District Special Operations Unit (DSOU), Northern District Intelligence Team ng Regional Intelligence Unit (NDIT-RIU), at Women and Children Protection Section ng Malabon Police Station na binuo ni NPD Director P/BGEN. Josefino Ligan upang tugisin ang akusado na mahigit tatlong taon ng nagtatago sa batas.

Dakong alas-7:45 ng gabi nang malaglag na ng tuluyan sa kamay ng batas si alyas Roger na kinasuhan ng magulang ng batang biktimang ginawan niya ng kahalayan matapos masukol sa kanyang tinutuluyang lugar sa Dalagang Bukid St. Brgy. Longos

Ayon kay Malabon Police Chief P/Col. Jay Baybayan, isinilbi ng pulisya kay alyas Roger ang warrant of arrest na inilabas noong Nobyembre 3, 2022 ni Malabon Family Court Branch 4, Presiding Judge Abigail Santos Domingo-Laylo kaugnay sa mga kasong Statutory Rape, Sexual Abuse, at Acts of Lasciviousness.

Walang inilaang piyansa ang korte sa kasong Statutory Rape habang may piyansa namang P200,000 sa Sexual Assault at P180,000 sa Acts of Lasciviousness para sa pansamantalang paglaya ng akusado.

“I issue this stern warning for those who prey on women and children: NCRPO, with all its available resources, will not rest until you will be arrested and held accountable for your crimes,” pahayag naman ni National Capital Region Police Office (NCRPO) Regional Acting Director P/MGEN. Anthony Aberin makaraang magpaabot ng pagbati sa NPD sa matagumpay na operasyon. (Richard Mesa)

Holdaper, nadisarmahan ng biniktimang sekyu sa Caloocan

Posted on: May 6th, 2025 by @peoplesbalita No Comments

HINDI nagtagumpay sa kanyang masamang balak ang isang holdaper matapos pumalag at madisarmahan pa siya ng biniktimang security guard na may pagsasanay sa pagtatanggol sa sarili sa Caloocan City, kahapon ng madaling araw.

Kasong paglabag sa Robbery Hold-Up, paglabag sa Comprehensive Firearms and Ammunition Regulation Act at Election gun ban ang isinampa ng pulisya laban sa suspek na si alyas “Ungas”, 29, ng Brgy., 20, sa piskalya ng Caloocan City.

Sa ulat ni Caloocan Police Chief P/Col. Paul Jady Doles kay Northern Police District (NPD) Director P/BGen. Josefino Ligan, pauwi na mula sa kanyang duty ang sekyu na si Vicente Gaviola, 43, nang mula sa likuran ay tutukan siya ng baril ng suspek at magdeklara ng holdap dakong alas-4:30 ng madaling araw sa harapan ng Royale Moto Club sa 10th Avenue.

Binantaan pa ng suspek ang biktima na huwag lilingon at papalag kung ayaw niyang mamatay subalit sa halip na masindak, ginamit ni Gaviola ang natutunan sa pagsasanay bilang sekyu na dahilan upang maagaw niya ang armas at mapadapa ang suspek.

Humingi na rin ng tulong ang biktima sa mga bystander sa lugar na sila namang nag-ulat ng insidente sa nagpapatrulyang mga tauhan ng East Grace Park Police Sub-Station 2 na nagresulta sa pagkakaaresto sa suspek.

Nakumpiska sa suspek ang isang hindi lisensiyadong kalibre .38 revolver na kargado ng isang bala. (Richard Mesa)

‘Mandatory drug testing’ at pagbawas sa ‘maximum driving hours’ para sa mga PUV drivers, iimplementa ng DOTr

Posted on: May 6th, 2025 by @peoplesbalita No Comments

IPINAG-UTOS ngayong araw ng Department of Transportation (DOTr) na sumailalim ang lahat ng Public Utility Vehicle (PUV) drivers sa ‘mandatory drug testing’. Ito ay kasunod ng mga insidente sa daan na sangkot ang mga public transportation drivers.

Sa naging pulong balitaan ngayong araw, ayon Department of Transportation (DOTr) Secretary Vince Dizon, gagawin nilang regular ang mandatory drug testing at hindi lamang kapag kukuha ng lisensya o kahit magrerenew ng lisensya.

Suhestiyon pa ni DOTr Sec. Dizon na gawin ito bawat 90 na araw para mas masuri pa talaga ang mga drivers. Aniya, makatutulong nila sa pag-iimplenta nito ang Philippine Drug Enforcement Agency (PDEA)

“DOTr will be working with PDEA to implement mandatory drug testing..Ako po galit na galit no’ng narinig ko na hindi pumayag magpa-drug test ang driver ng Solid North. Wala po siyang choice. Nakapatay ka ng tao tapos di ka magpapa-drug test? Mandatory po ito, regular mandatory. Hindi lang ito kapag magre-renew ka ng lisensya, magre-renew ka ng prangkisa, rehistro, regular ito. We’re recommending every 90 days..” pahayag ni DOTr Sec. Vince Dizon sa naging pulong balitaan ngayong araw.

Samantala, planong iimplementa na rin ng ahensya kasama ang Land Transportation Franchising and Regulatory Board (LTFRB) at Land Transportation Office (LTO) ang pagbawas ng maximum driving hours ng mga pampasaherong bus. Mula anim na oras, ito ay magiging apat na oras na. Ibig-sabihin, kapag ang byahe ay lagpas na ng apat na oras, dapat may kapalitan na ang driver.

“I have asked LTFRB and the LTO to change the maximum number of hours that a driver can drive consecutively, from six to four hours…. Kapag ang biyahe mas mahaba sa four hours, dapat may relyebo, hindi kundoktor.” dagdag na pahayag ni DOTr Sec. Dizon.

Ads May 6, 2025

Posted on: May 6th, 2025 by @peoplesbalita No Comments

Hiling ng transport groups kay PBBM, CTPL insurance coverage dagdagan

Posted on: May 5th, 2025 by @peoplesbalita No Comments

MULING nanawagan ang mga transport group sa administrasyon ni Pangulong Ferdinand “Bongbong” Marcos Jr. na itaas ang halaga ng insurance coverage sa ilalim ng Compulsory Third Party Liability (CTPL) na binabayaran ng mga motorista sa rehistro at renewal ng kanilang sasakyan, kasunod ng trahedyang naganap sa SCTEX toll plaza sa Lungsod ng Tarlac na ikinasawi ng hindi bababa sa sampung katao.

Kasunod ng karambola ng mga sasakyan na nag-ugat sa isang bus na nawalan ng kontrol noong Mayo 1, tiniyak ni Land Transportation Franchising and Regulatory Board (LTFRB) Chairman Atty. Teofilo Guadiz III na magtatrabaho siya nang doble para maiproseso at maibigay agad ang insurance benefits sa lahat ng biktima.

Ayon sa pahayag ng LTFRB, inatasan na ni Chairman Guadiz ang Passenger Accident Management and Insurance Agency (PAMI) na agad iproseso at ipamahagi ang insurance claims sa mga biktima ng naturang aksidente.

Ngunit habang sigurado ang 33 nasugatang pasahero ng bus na makakatanggap ng insurance mula PAMI na nasa halagang P100,000 medical expenses bawat isa, hindi saklaw nito ang mga nasugatang sakay ng dalawang pribadong sasakyan.

Dagdag pa rito, kahit umaabot sa P400,000 ang insurance coverage mula sa PAMI para sa bawat nasawing pasahero ng mga pampublikong sasakyan, hindi ito saklaw ng walong namatay na sakay ng Nissan Urvan at dalawang nasawi mula sa KIA Sonet sa aksidente sa SCTEX noong Mayo 1.

Ito ang nais ipanawagan ng Alliance of Transport Operators and Drivers Association of the Philippines (ALTODAP) na pinangungunahan ni Melencio “Boy” Vargas, kasama ang iba pang transport groups, sa administrasyong Marcos. Aniya, dapat pangunahan ng Insurance Commission ang pagsasaayos nito upang makinabang ang milyon-milyong gumagamit ng kalsada.

Ayon kay Vargas, matagal na nilang adbokasiya kasama ng iba pang transport groups ang pagsusulong ng makatarungang insurance benefits, lalo na’t araw-araw nasa kalsada ang kanilang mga miyembro at batid na nila ang mga suliraning kaakibat ng pagkuha ng insurance claims.

Isa pa sa mga isinusulong ng ALTODAP at ng iba pang transport group ay ang pagpapabilis ng proseso ng insurance claims sa tuwing may aksidente sa kalsada.

Ayon kay Vargas, ang Katipunan Flyover accident at ang kamakailang trahedya sa SCTEX ay dapat maging wake-up call para sa pamahalaan upang tugunan ang mga hinaing ng mga gumagamit ng kalsada.

“Mas maganda siguro na maaksyunan ito ngayon buwan bilang regalo ng administrasyong Marcos sa mga Pilipino dahil celebration ng Road Safety Month tayo ngayong buwan ng Mayo,” pahayag ni Vargas. (PAUL JOHN REYES)

“For anyone who loves the original ‘Jurassic’ films, this one is for you.” Watch the evolution of a timeless classic in new “Jurassic World Rebirth” featurette

Posted on: May 5th, 2025 by @peoplesbalita No Comments

AD_4nXejWWvaJxxEIxza4WUnE90Qyoqw2ecYQv1xGhS58jzcubxSttug-j8xH_PW4veY_L2zJHVZlzCKK3IW1w5h8k2zTea_eQQeUJpINvXmTJ7nHU2LPFeIadypZcyDN70QQzGjLuap.jpeg

THE enduring appeal of the Jurassic films is the main inspiration for the newest installment in the franchise, Jurassic World Rebirth. “It’s called Rebirth. It harkens back to the first film. It’s a survival story,” explains Scarlett Johansson, who plays covert operations expert Zora Bennett in the film.

Check out the featurette: https://youtu.be/goWTKnZSkJI

In Jurassic World Rebirth, a skilled team of experts are on a top-secret mission to secure genetic material within the DNA of dinosaurs across different environments. When an accident strands them on a forbidden island, once housing an undisclosed research facility for Jurassic Park, they come face-to-face with a shocking discovery hidden from the world for decades. The film also stars Jonathan Bailey and two-time Academy Award winner Mahershala Ali.

A new era is born as Jurassic World Rebirth arrives in the Philippines on July 2. Follow Universal Pictures PH (FB), UniversalPicturesPH (IG), and UniversalPicsPH (TikTok) for the latest updates.

About Jurassic World Rebirth

A new era is born. This summer, three years after the Jurassic World trilogy concluded with each film surpassing $1 billion at the global box office, the enduring Jurassic series evolves in an ingenious new direction with Jurassic World Rebirth.

Anchored by iconic action superstar Scarlett Johansson, Emmy and SAG nominee Jonathan Bailey and two-time Oscar® winner Mahershala Ali, this action-packed new chapter sees an extraction team race to the most dangerous place on Earth, an island research facility for the original Jurassic Park, inhabited by the worst of the worst that were left behind. Also starring acclaimed international stars Rupert Friend and Manuel Garcia-Rulfo, the film is directed by dynamic visualist Gareth Edwards (Rogue One: A Star Wars Story) from a script by original Jurassic Park screenwriter David Koepp.

Five years after the events of Jurassic World Dominion, the planet’s ecology has proven largely inhospitable to dinosaurs. Those remaining exist in isolated equatorial environments with climates resembling the one in which they once thrived. The three most colossal creatures across land, sea and air within that tropical biosphere hold, in their DNA, the key to a drug that will bring miraculous life-saving benefits to humankind.

Jurassic World Rebirth is directed by BAFTA winner Edwards from a script by Koepp (War of the Worlds), based on characters created by Michael Crichton. The film is produced by Oscar® nominee Frank Marshall and Patrick Crowley, both longtime Jurassic franchise producers and of last summer’s blockbuster, Twisters. The film is executive produced by Steven Spielberg, Denis L. Stewart and Jim Spencer.

(ROHN ROMULO)

May mga pelikulang tinanggap na 1,000 a day lang: EPY, full support kahit sa mga baguhan at indie filmmakers

Posted on: May 5th, 2025 by @peoplesbalita No Comments

FULL support si Epy Quizon kahit sa mga baguhan at indie filmmakers na tulad ni direk Gayle Oblea.

Bakit ganoon na lamang ang pagtulong niya sa mga ito?

“Siguro ang pinakamagandang tanungin niyo diyan yung mga nakatrabaho kong producers at directors.

“I mean, especially yung mga unang Cinemalaya? Alam ng mga producers at directors yan, tandaan niyo ang Cinemalaya magkano lang ang grant?

“So para umarte ka sa Cinemalaya, magkano lang ang ibabayad sa iyo, kung ano lang yung kaya ng mga filmmakers nun.

“Meron akong mga pelikulang tumanggap ako 1,000 a day, ang shooting namin sa Tarlac, e toll pa lang ubos na yun e, di ba?

“I mean, filmmaking of course it’s my bread and butter, kaya mahirap din sabihin na gumagawa ako ng pelikulang hindi ako tumatanggap ng pera, pero may mga pelikula kang ginagawa mo for the love, for the art, for the…dahil alam mong hindi rin kaya ng filmmaker, tulong mo yun sa filmmaker.

“Actually, yung ginagawa ko tulong yun sa mga filmmakers na mga aspiring, especially like yung mga pelikulang short film.

“Ang short film naman kasi how does the producer get their money back? They don’t know, it’s hard to get… saan mo ibebenta ang short film?

“Hindi siya full-feature film na puwede mong ipalabas sa sinehan, hindi din naman siya bibilhin ng Netflix, short film e, short format, so wala siyang money-back.

“So as a filmmaker myself, at tama yung ginagawa, ano tawag dun?

“Advocacy ang tawag dun, this is an advocacy film and mahirap maningil sa advocacy film, mahirap presyuhan yung ginagawa mo for advocacy, mahirap lagyan ng presyo yung, ‘Ah bayaran mo ako ng sampung libo or bente mil!’

“Ang hirap presyuhan.

“Tapos kinabukasan sasabihin mo, ‘Panoorin niyo kasi advocacy namin ‘to’, di ba?

“So there are films na ginagawa mo dahil sa tulong, dahil alam mong wala namang… ngayon kung may budget naman yung pelikula, magbayad naman kayo ng tama, para rin matulungan din kaming mga filmmakers.”

Isa sa si Epy sa mga cast members ng short film na “As The Moth Flies” ni direk Gayle.

Official entry ito sa 1st Famas Short Film Festival na may screening simula May 3 hanggang 9, sa Victoria Sports Cinema sa Quezon City.

Produced ng Creative Kartel, Happy Manila, Desi Matters, at Rav Singh, nasa “As the Moth Flies” rin ang indie actors na sina Mina Cruz at Boo Gabunada.

Ang 1st FAMAS Short Film Festival ay inorganisa ng Filipino Academy of Movie Arts and Sciences at pinamahalaaan ng festival director na si Gabby Ramos at FAMAS president Francia Conrado.

Ang awards night ay sa May 10 sa Music Museum presented by REMS Entertainment.

(ROMMEL L. GONZALES)