NAGHAHANDA na ang mga opisyal ng Pilipinas sa Canada sa pagpapauwi ng mga labi ng mga Filipino na namatay sa April 26 attack sa street festival sa Vancouver na nag-iwan ng 11 katao na nasawi.

Sinabi ni Maria Andrelita Austria, Manila’s ambassador to Ottawa, na naka-monitor din ang embahada sa kalagayan ng mga Filipino na kabilang sa mga nasaktan matapos na rumagasa ang sasakyan sa crowd na nagdiriwang ng Filipino heritage sa Lapu-Lapu Block party.

“The consulate is currently facilitating the repatriation of the remains of Filipino nationals who lost their lives and are in close coordination with the families of the victims. Assistance is being provided to the affected families,” ayon kay Austria sa isang kalatas.

Sa ulat, kinasuhan ng British Columbia Prosecution Service ang suspek na si Kai-Ji Adam, 30 anyos, residente ng Vancouver, nang walong bilang ng second degree murder at posibleng madagdagan pa ang kaniyang kinakaharap na kaso.

Hindi naman nagbigay ang Austria ng pagkakakilanlan ng mga biktima o nagpahayag kung ang lahat na nasawi ay Filipino o Filipino-Canadians.

“We continue to monitor the status of the injured and are working closely with Canadian authorities to ensure that justice is served,” ayon sa diplomat.

Noong nakaraang linggo ay nakapulong ng Austria ang pinakamahalagang provincial at municipal officials, kinatawan ng Vancouver Police Department at miyembro ng Filipino community.

Nagbabala naman ang embahada sa publiko laban sa indibiduwal o grupo na nagpapanggap na biktima o nagso- solicit ng donasyon.

“Please ensure that any donations or assistance are directed only through verified organizations or individuals,” ang sinabi ng embahada. ( Daris Jose)

SA LOOB na ng selda isinilbi ng pulisya ang arrest warrant laban sa isang lalaki na akusado sa robbery with homicide matapos makulong sa hindi nabanggit na kaso sa Caloocan City.

          Sa ulat, nakakuha ng kopya ng warrant of arrest ang Northern Police District’s District Investigation and Detective Management Division (DIDMD) laban sa 23-anyos na si alyas “Rolly” na residente ng Novaliches, Quezon City.

          Ayon kay P/Col. Allan Umipig, hepe ng DIDMD, ang arrest warrant ay inisyu ng Caloocan City Regional Trial Court (RTC) Branch 121, para sa kasong Robbery with Homicide, noong January 10, 2024 na walang inirekomendang piyansa.

          Gayunman, natuklasan ng mga tauhan ng DIDMD na kasalukuyang nakakulong si alyas Rolly sa Caloocan City Jail sa Talimusak corner Tanigue Street, Kaunlaran Village, Barangay 18, sa hindi nabanggit na kaso.

          Dahil dito, agad isinilbi ng mga operatiba ng DIDMD Tracker Team 3 ang naturang arrest warrant laban kay alyas Rolly sa loob ng CCJ dakong alas-9:50 ng umaga at ipinaalam din sa kanya ang uri ng kanyang pagkakasala at mga karapantan niya.

Pinuri naman ni NPD District Director P/BGen. Josefino Ligan, ang DIDMD at lahat ng sangkot na tauhan nito para sa kanilang hindi natitinag na pangako sa pagtataguyod ng batas at pagbibigay ng hustisya.

“The Northern Police District remains steadfast in its mission to track down fugitives and maintain peace and order throughout the CAMANAVA area,” pahayag niya. (Richard Mesa)

LAGLAG sa selda ang isang hinihinalang tulak ng illegal na droga matapos kumagat sa ikinasang buy bust operation ng pulisya sa Caloocan City.

          Batay sa ulat, nakatanggap ng impormasyon ang Northern Police District Drug Enforcement Unit (NPD-DDEU) hinggil sa umano’y illegal drug activities ni alyas “Bebe”, 33, street-level pusher at residente ng Libis Baesa.

          Nang magawang makipagtransaksyon sa suspek ng isa sa mga tauhan ni P/Major Jeraldson Rivera, hepe ng DDEU, ikinasa nila ang buy bust operation sa koordinasyon sa Philippine Drug Enforcement Agency (PDEA).

          Dakong alas-3:59 ng madaling araw nang dambahin ng mga operatiba ng DDEU ang suspek matapos tanggapin ang marked money mula sa pulis na nagpanggap na buyer, kapalit ng isang sachet ng shabu sa kanto ng Makaneneng at Bukidnon Sts., Barangay 153.

          Sa report ni Major Rivera kay NPD District Director P/BGen. Josefino Ligan, nakumpiska nila sa mga suspek ang humigi’t kumulang 36 grams ng hinihinalang shabu na may standard drug price value na P244,800.00 at buy-bust money.

          Kasong paglabag sa Sections 5 at 11 sa ilalim ng Article II ng R.A 9165 o ang Comprehensive Dangerous Drugs Act of 2002 ang isinampa ng DDEU laban sa suspek sa Caloocan City Prosecutor’s Office. (Richard Mesa)