2024 May Archive - People's Balita

Archive for May, 2024

Papasukin na rin ang mundo ng pulitika: JOAQUIN, pinagtanggol si ISKO sa isyung ‘puppet’ ng isang politician

Posted on: May 1st, 2024 by @peoplesbalita No Comments

KUMPIRMADONG papasukin na ang mundo ng pulitika ni Joaquin Domagoso. Kinumpirma na sa amin ng isang malapit sa mga Domagoso ang pagtakbong kunsehal sa unang districto ng Maynila.

Si Joaquin ay anak ng aktor at dating mayor na si Francisco “Isko” Moreno.

Susundan ni Joaquin ang tinatahak ng amang si Isko Moreno.

Matandaang sa showbiz nag umpisa si Isko bago pumalaot sa pulitika.. Naging 3 termer councilor then tmakbong vice mayor and naging alkalde ng Maynila na kung saan napaganda niya nang husto ang capital city ng Pilipinas.

Hindi malayong maging ganun na rin ang kapalarım ni Joaquin na ngayon pa lang ay pinagkakaguluhan sa lahat ng mga iniikutang lugar sa Tondo.

Samantala pinagtanggol naman ni Joaquin ang amang si Isko sa isyung “puppet” ang dating mayor ng isang makapangyarihang incumbent politician.

Sa latest vlog ni showbiz insider Ogie Diaz noong Biyernes, Abril 26, Ito ang mga naging kasagutan ni Joaquin sa isyu.

“Papa ko, hindi puppet. Papa ko ang mastermind ng lahat. Siya ‘yong nag-iisip. Siya ‘yong nag-wowork Monday to Sunday. Hindi siya ‘yong matutulog na ‘bukas vacation muna ako. Punta muna ako rito.’ Hindi. ‘Kahit nasa bakasyon ako, hindi ako nakakapag-enjoy sa bakasyon,’” sey ka ng batang Moreno.

Dagdag pa rin ni Joaquin na mahilig magplanu nang magaganda para sa mga constituents nito.

“Gano’n siyang tao. Mahilig siyang gumawa ng maganda. At masabi niya: ‘nakatulong ako. Naibigay ko ‘yong mga hindi ko natikman, naibigay ko sa ibang mga tao,’” banggit pa ni Joaquin.

Lagi raw naririnig ni Joaquin at pina parinig sa kanya ang mga pinagdaanang buhay bago narating Ang anumang kinatatayuan nito sa ngayon.

“Lagi niyang sinasabi, noong kabataan niya never niyang nagawa ‘to. Never siyang nakapag-aral ng private school. Nag-public school siya, mainit. Walang aircon.

‘Ngayon pupunta kang Almario Elem School (kung saan nag-aral si Isko) may aircon na sila.

Pupunta kang gan’to, may gymnasium na sila.”

Ayon pa rin kay Joaquin ay wala pa rin naman daw sa ngayon sa mga plano ng ama kung babalik sa mundo ng pulitika na kahit sobrang dami ang lumalapit kay Isko for him to run again as Manila City Mayor, huh!

JIMI C. ESCALA)

Dahil nakapulupot ang pusod sa leeg: YASMIEN, na-CS para maisilang ang second baby nila ni REY

Posted on: May 1st, 2024 by @peoplesbalita No Comments

SUMAILALIM sa cesarean section ang Kapuso actress na si Yasmien Kurdi para maisilang ang ikalawa nilang anak ni Rey Soldevilla.

Sa Instagram, ibinahagi ni Yasmien ang ilang larawan sa ginawang procedure sa kanyang panganganak.

“After series of tests nalaman namin na manipis pa din pala ang CS scar ko even after 11 years – not a good indication. ‘Di na namin itinuloy because of many high-risk possible scenarios and we opted for CS the day I labored.

“We also found out during the procedure that the baby had a cord coil. It actually was a good call that we opted CS because if we tried VBAC [vaginal birth after cesarean section] we would have ended up doing CS still,” saad ni Yasmien.

Ang cord coil ay ang pagpulupot ng pusod ng baby sa leeg nito habang nasa loob ng sinapupunan, na maaaring magdulot ng komplikasyon sa kanilang pagsilang.

Nagpasalamat si Yasmien sa mga duktor na nag-asikaso sa kanila ng kaniyang baby.

“A #cesarean (C-Section) is a life saving procedure for women like me.. I chose to do whatever it took to get my baby out healthy and safe!” sey pa ng aktres.

Labing-isang taong gulang na ang panganay na anak nina Yasmien at Rey na si Ayesha.

Nobyembre noong nakaraang taon nang ibahagi nila na pagbubuntis muli ng aktres, at kamakailan ay inihayag nila na babae muli ang kanilang magiging pangalawang anak.

***

PUMIRMA na rin sa management ng Sparkle GMA Artist Center ang winner ng 2019 Bida Man ng ‘It’s Showtime’ na si Jin Macapagal.

Nakilala ang Cebuano hunk dahil sa husay nitong sumayaw at gusto nga raw niyang mag-explore pa sa kanyang career. Pang-leading man din ang dating ni Jin at may mababagayan siyang teleserye sa GMA.

Bago pa pumirma sa Sparkle si Jin, nakapag-guest na siya sa ‘TiktoClock’ at sa sitcom nila Dingdong Dantes at Marian Rivera na ‘Jose & Maria’s Bonggang Villa 2.0.’

***

NAKI-JOIN sa saya ang ‘My Guardian Alien’ lead stars na sina Kapuso Primetime Queen Marian Rivera, Gabby Concepcion, at Raphael Landicho sa Philippine Book Festival sa World Trade Center matapos officially i-launch noong April 26 ang much-awaited children’s book version ng GMA Prime drama na ‘My Guardian Alien.’

Ang storybook ng serye ay pinamagatang “Si Gren, Ang Kaibigan Kong Alien” na tungkol sa istorya ng magandang pagkakaibigan ng isang bata at ng isang alien na nais makarating sa Earth at makipaglaro sa kanya.

Sa pamamagitan ng children’s book na ito, nais hikayatin ni Marian ang mga kabataan na mahilig sa pagbabasa ng libro. Ayon sa kanya, ito rin ay isang magandang bonding para sa pamilya. Dahil dito, nag-donate rin ang Kapuso stars ng mga kopya ng storybook sa Nook Book project ng National Book Development Board of the Philippines.

Available na ang highly-anticipated children’s book na “Si Gren, Ang Kaibigan Kong Alien” sa GMA Store, Shopee, at Lazada.

(RUEL J. MENDOZA)

Navotas ipapatupad ang bagong oras ng trabaho

Posted on: May 1st, 2024 by @peoplesbalita No Comments

MAGPAPATUPAD ang Pamahalaang Lungsod ng Navotas ng bagong iskedyul ng oras sa trabaho simula Mayo 2, 2024.

Ito’y matapos lagdaan ni Mayor John Rey Tiangco ang Executive Order (EO) No. JRT-016, na nagsasaad ng pagbabago ng oras ng trabaho sa pamahalaang lungsod mula 8am-5pm hanggang 7am-4pm alinsunod sa Metropolitan Manila Council (MMC) Resolution No. 24-08 , s. 2024.

“Apart from helping ease traffic congestion in Metro Manila, this change in work schedule will also give workers more time to spend with their families or pursue other meaningful endeavors,” ani Tiangco.

Ang mga departamento, opisina, at mga yunit na may shifting schedules tulad ng traffic management, emergency preparedness and response, at peace and order ay hindi sakop ng EO, upang matiyak ang patuloy na paghahatid ng serbisyo publiko.

Pananatilihin din ng mga coach ng NavotaAs Scholarship Program ang kanilang iskedyul, gayundin ang mga klase sa Navotas Polytechnic College at Navotas Vocational Training and Assessment (NAVOTAAS) Institute.

Sa lahat ng pampublikong pasilidad sa kalusugan sa lungsod, tanging ang health center sa Brgy. Ang Tanza 2 at ang Navotas City Hospital ang magpapatakbo sa kanilang karaniwang iskedyul ng trabaho.

Mahigpit ding hinikayat ni Tiangco ang mga barangay sa lungsod na maglabas ng mga katulad na executive order na nagpapatupad o nagbabago ng kani-kanilang oras ng trabaho alinsunod sa Resolusyon ng MMC. (Richard Mesa)

Walang artificial power crisis sa Pinas- PBBM

Posted on: May 1st, 2024 by @peoplesbalita No Comments

WALANG ARTIFICIAL power crisis sa bansa sa kabila ng halos araw-araw na ang red at yellow alerts na idineklara sa Luzon at Visayas grids.

”No, it definitely is not an artificial crisis, dahil talagang the power systems are overloaded. Ang naging consumption natin biglang tumaas talaga, because of the, dahil napakainit,” ayon kay Pangulong Ferdinand Marcos Jr. sa isang ambush interview sa Pikit, Cotabato.

Sinabi pa ni Pangulong Marcos na patuloy na mino-monitor ng gobyerno ang suplay ng kuryente sa bansa.

”We’re continuing to monitor the price and we’re continuing to encourage and to endorse all of the programs of NGCP (National Grid Corporation of the Philippines) so that they will increase the coverage of their transmission lines all over the country,” aniya pa rin.

Nauna rito, sinabi ng Department of Energy na ang April 2024 unplanned outages sa mahigit 32 power plants ay record-setting, mayroong 1,811 megawatts ng power lost o mahigit sa doble sa nakalipas na average na 700 megawatts ng power supply na nawala mula 2019 hanggang 2023.

Nauna rito, nanawagan ang mga mambabatas sa Kongreso ng masusing imbestigasyon ukol sa red at yellow power alerts sa Luzon at Visayas grids sa gitna ng unplanned outages ng mahigit sa 32 power plants.

“It is imperative to conduct a thorough investigation into the actions of generation companies during plant failures, to determine the extent of their responsibility in the current energy crisis and to hold them accountable for any exploitative practices that harm consumers,” ang sinabi ng mga mambabatas sa House Resolution 1690.

Sinabi ng mga miyembro ng Kongreso na dapat pagtibayin ang batas para iprayoridad ang consumer protection, tugunan ang ugat ng dahilan ng energy crisis, at ipatupad ang mga hakbang na pipigil sa ‘exploitation’ ng power shortages para sa profit o kita.

Samantala, ang mga naghain ng resolusyon ay House Deputy Minority Leader France Castro of ACT party-list, House Assistant Minority Leader Arlene Brosas of Gabriela party-list, at Kabataan party-list lawmaker Raoul Manuel. (Daris Jose)

“Furiosa: A Mad Max Saga” to hold World Premiere at the 77th Cannes Film Festival

Posted on: May 1st, 2024 by @peoplesbalita No Comments

Nine years after “Mad Max: Fury Road,” the Australian director, screenwriter and producer George Miller’s famous saga is back on the Croisette! The highly anticipated “Furiosa: A Mad Max Saga” will be revealed in the presence of the director and the cast, led by Anya Taylor-Joy, Chris Hemsworth and Tom Burke, on the occasion of an Out of Competition gala screening at the Grand Théâtre Lumière at the Palais des Festivals on Wednesday May 15.

“Mad Max” (1979), “Mad Max II: The Challenge” (1981), “Mad Max: Beyond Thunderdome” (1985), “Mad Max: Fury Road” (2015), “Furiosa: A Mad Max Saga” (2024): in 5 episodes and in almost 5 decades, George Miller has created a cathartic myth, even a cathartic mythology. “Mad Max” is a chronicle of societal and environmental collapse, playing with genre codes to question these themes, initially visionary and now cruelly topical. Originally filmed in the Australian Outback, this revisited “Western on wheels” describes a dystopian world where speed and movement are just as synonymous with life energy as with death as a result of resource depletion, offering the viewer a dose of adrenaline rarely equalled on the big screen.

“Furiosa: A Mad Max Saga” is the latest episode. It returns to the origins of Furiosa, the new saga-heroine who appeared in “Mad Max: Fury Road,” rewarded with several Oscars. Actress Anya Taylor-Joy plays the young Furiosa, trying to return home, despite numerous hostile armed gangs.

“The idea of this prequel has been with me for over a decade,” said George Miller. “I couldn’t be more thrilled to return to the Festival de Cannes – along with Anya, Chris and Tom – to share ‘Furiosa: A Mad Max Saga.’ There is no better place than La Croisette to experience this film with audiences on the world stage.”

George Miller, the singular and unclassifiable filmmaker, passing from post-apocalyptic films to young audiences – “Babe” (1995), “Happy Feet” (2006) – was twice a Festival de Cannes Jury member before becoming its President in 2016 for the 69th edition. In 2022, he presented “Three Thousand Years of Longing” with Tilda Swinton and Idris Elba, Out of Competition.

“Furiosa: A Mad Max Saga” will arrive in Philippine theaters on May 22.

About “Furiosa: A Mad Max Saga”

As the world fell, young Furiosa is snatched from the Green Place of Many Mothers and falls into the hands of a great Biker Horde led by the Warlord Dementus. Sweeping through the Wasteland, they come across the Citadel presided over by The Immortan Joe. While the two Tyrants war for dominance, Furiosa must survive many trials as she puts together the means to find her way home.

This all-new original, standalone action adventure was directed by George Miller, script by Miller and “Mad Max: Fury Road” co-writer Nico Lathouris. The film was produced by Miller and his longtime partner, Oscar-nominated producer Doug Mitchell (“Mad Max: Fury Road,” “Babe”), under their Australian-based Kennedy Miller Mitchell banner.

Starring Anya Taylor-Joy in the title role, Chris Hemsworth, Alyla Browne and Tom Burke.

In cinemas May 22, 2024, “Furiosa: A Mad Max Saga” is distributed in the Philippines by Warner Bros. Pictures, a Warner Bros. Discovery company.

Join the conversation using #Furiosa

Photo & Video Credit: “Warner Bros. Pictures”

(ROHN ROMULO)

Big night ni Derrick White, nagdala sa Celtics sa 3-1 edge vs Heat

Posted on: May 1st, 2024 by @peoplesbalita No Comments

NAGBUSLO si Derrick White ng 38 puntos sa 15-for-26 shooting, kabilang ang 8-for-15 victory mula sa 3-point range, at ang Boston Celtics ay namayagpag sa 102-88 panalo laban sa host Miami Heat.

Nagdagdag si Jayson Tatum ng 20 points at 11 rebounds para sa Celtics, na nasungkit ang 3-1 lead sa best-of-seven Eastern Conference quarterfinal series.

Nagtapos naman si Jaylen Brown ng 17 puntos.

Si White, na isang 29-anyos lamang na shooting guwardiya, ay gumawa ng career-high point total para sa regular season at postseason.

Sa kabilang banda, pinangunahan ni Bam Adebayo ang Heat na may 25 points, 17 rebounds at limang assist.

Nag-ambag si Tyler Herro ng 19 puntos at si Caleb Martin ay may 18 para sa Miami.

Ngunit iyon naging sapat para makuha ng Heat ang kanilang tagumpay.

Magaganap ang Game 5 ng serye sa Miyerkules ng gabi sa Boston.

Nurse, 1 pa niratrat ng senglot na rider, dedbol

Posted on: May 1st, 2024 by @peoplesbalita No Comments

DALAWANG katao, kabilang ang isang nurse ang nasawi matapos pagbabarilin ng isang senglot na rider matapos sumemplang sa kanyang motorsiklo sa Caloocan City.

Dead-on-the-spot ang mga biktimang sina alyas “Mark”, 38, ng Merry Homes Subdivision, Brgy.172, Urduja at obrerong si alyas “Willy”, 39, ng Brgy 173 Congress, matapos silang pagbabarilin ng security officer na si alyas “Joel”, 54, ng Badjao St. Saint Dominic, Brgy. 168 Deparo, dakong alas-8:10 ng Linggo ng gabi sa kanto ng Road 17 at Road 6, Lagumbay St., Upper Congress Village, Brgy. 173.

Sa nakarating na ulat kay Caloocan Police Chief P/Col. Ruben Lacuesta, sumemplang ang motorsiklong minamaneho ng suspek nang mawalan ng kontrol bunga ng kalasingan kaya’t tinangka siyang tulungan ni ‘Mark’.

Sa hindi batid na dahilan, na-praning ang suspek na bigla nalang bumunot ng baril at kaagad na pinaputukan ang biktima na duguang humandusay.

Tinangka namang umawat ni ‘Willy’ subalit, pinagbabaril din siya ng suspek na dahilan ng agaran din niyang pagkamatay.

Tinangka pang tumakas ng suspek nang makita ang paparating na mga tauhan ng Congressional Police Sub-Station-9 subalit, kaagad namang siyang nadakip ng mga pulis.

Ayon kay Col. Lacuesta, nakumpiska sa suspek ang isang kalibre .9mm Glock pistol na may magazine habang nakuha sa lugar ng pinangyarihan ng krimen ang tatlong basyo ng bala ng naturang kalibre ng baril.

Iprinisinta na ng araw ng Martes ang suspek sa Caloocan City Prosecutor’s Office para sa inquest proceedings kaugnay sa kasong dalawang bilang na murder na isasampa laban sa kanya. (Richard Mesa)

PBBM, tinukoy ang magiging papel ng mga ex-Moro combatants para mapagtagumpayan ang kapayapaan, seguridad sa Bangsamoro

Posted on: May 1st, 2024 by @peoplesbalita No Comments

TINUKOY ni Pangulong Ferdinand Marcos Jr. ang magiging papel ng unang batch ng Moro combatants sa pagpapanatili ng kapayapaan at seguridad sa Bangsamoro Autonomous Region in Muslim Mindanao (BARMM).

Pinangunahan ni Pangulong Marcos ang graduation Ceremony of the Bangsamoro Police Basic Recruit Course (BPBRC) Batch 2023-01 Classes Alpha – Bravo “Bakas-Upit” sa Parang, Maguindanao del Norte.

”Ang inyong misyon ay higit pa sa paglilingkod at pangangalaga sa mga kababayan natin. Kayo ang tutulong sa pagsusulat ng bagong yugto para sa Bangsamoro tungo sa mas tahimik at matiwasay na kinabukasan,” ang bahagi ng naging talumpati ni Pangulong Marcos.

”Kahit saan man kayo italaga, kayo ay kinatawan ng kaayusan at pagbabago na layon nating ipamana sa ating mga anak,”aniya pa rin.

“Kayo ang tutulong sa pagsusulat ng isang bagong yugto para sa Bangsamoro, tungo sa mas tahimik at matiwasay na kinabukasan.

Kaya ang inyong pagsasanay at pagtatapos ngayong araw ayhigit pa sa pagtupad natin sa mga obligasyong na nakasaad sa Bangsamoro Organic Law.

Ito ay ang pagsasakatuparan natin sa hangaring maranasan ang tuluy-tuloy na kapayapaan at pag-uunlad,” lahad ng Pangulo,

Inamin ng Chief Executive na mahirap ang daang tatahakin ng mga ito subalit tinitiyak niya aniya na magiging mas madali ito kung tatanggapin at [aalalahanin] ang apat na puntong iiwan niya sa mga ito.

“Una, kayo ay natanggap dahil sa inyong karakter at hangaring makapag-ambag sa ikauunlad ng Bangsamoro. Ang ibig sabihin nito, anuman ang inyong pinag-hirapan at natamasa, ang inyong integridad pa rin ang susi sa inyong tagumpay. Sikapin ninyong tuparin ang manatiling pundasyon ng inyong trabaho at serbisyo mula ngayon.”

“Pangalawa, tapang at determinasyon ang siyang nagtulak sa inyo upang harapin ang linggo-linggong pagsasanay. Ngayon na magsisimula na, na magsuot ng uniporme at magsilbi sa bayan, tiyak na dodoble ang pagsubok sa mga katangian ninyo. Sa pagharap ninyo sa mga bagong hamon, gawin ninyong inspirasyon ang inyong tungkulin sa mamamayan. Isapuso at isa-isip ninyo ang imahe ng inyong rehiyon at ating bayan na may seguridad at kaayusan,” ayon sa Pangulo.

Ang pangatlo aniya ay “ngayong dala-dala na ninyo ang bagong kaalaman tungkol sa pagpupulis at sa batas ng BARMM at ng Pilipinas, hindi dapat ito natatapos ang pagpapa-unlad ninyo sa inyong mga sarili.

Patuloy ang— patuloy na paglinangin ang inyong kakayahan at kasanayan nang tumaas ang kalidad ng inyong serbisyo. At ang pinakamahalaga, siguraduhing umuunlad rin ang inyong pag-unawa sa inyong kapwa at sa mundo. Hindi kailanman natatapos ang pagsulong at pagpapabuti, kaya kailangang maging masigasig kayo sa pagtuklas ng pangangailangan ng taumbayan. Sa pamamagitan nito, kayo’y magiging tunay na modelo ng ating mga mamamayan,” ang bahagi ng talumpati ng Pangulo.

“Ika-apat at pang-huli, hangga’t tunay at tapat kayo sa inyong mga tungkulin bilang miyembro ng kapulisan, buong-buo ang aking suporta sa inyo,” litaniya ng Pangulo.

Sinabi pa ng Punong Ehekutibo na makakatuwang niya ang mga ito sa pagsisikap na mabigyan ang bawat Pilipino ng payapa at masaganang buhay.

“Naniniwala ako na sa paglago ng Bangsamoro, yayabong din ang buong bansa. Mas madali nating makamit ang ating hinahanap na Bagong Pilipinas,” aniya pa rin.

Sa kabilang dako, ang graduating class ay binubuo ng 100 trainees na pantay-pantay na hinati sa pagitan ng

Moro Islamic Liberation Front (MILF) at Moro National Liberation Front (MNLF), mayroong 92 kalalakihan at 8 kababaihan.

Ang mga dating Moro combatants ay sumailalim sa 23-week program, inihanda ang mga ito na maisakatuparan ang kanilang mahalagang tungkulin ng police force, na may pagtuon na ipatupad ang national laws at tamang regulasyon sa rehiyon.

Ang mga bagong graduates ay pansamantalang itatalaga bilang patrolmen at patrolwomen alinsunod sa decree ng National Police Commission (NAPOLCOM). Mayroon silang hanggang 15 taon mula sa petsa ng kanilang pagpasok sa serbisyo upang makakuha ng college degree. (Daris Jose)

6 milyong metric tons ng basura nahakot sa cleanup drive ng SMC

Posted on: May 1st, 2024 by @peoplesbalita No Comments

UMAABOT sa 6 milyong metriko tonelada ng basura ang nahakot ng San Miguel Corporation (SMC) sa isinagawang clean up drive sa mga ilog sa Metro Manila.

Kabilang sa nakuhang mga basura ang nasa 3 milyon tonelada sa flood prone area sa lalawigan ng Bulacan at mag-uugnay sa bayan ng Meycauayan, Obando, Bulakan, Bocaue, Marilao, Balagtas at Guiguinto.

Ayon kay SMC President and CEO Ramon Ang, ito ang pinakamalawak at mahabang clean up drive na kanilang ginawa na sinimulan noong pang 2020 sa ‘heavily-polluted’ river systems na Pasig River, Tullahan River, at San Juan River.

Nabatid na halos 1.2 milyon metriko tonelada ng basura ang nahakot sa Pasig River; 1.1 milyon tonelada sa Tullahan River, at halos 320,000 tonelada sa San Juan river mula 2020 hanggang ngayon.