• September 17, 2026

  • Ang Diyaryong Pinagkakatiwalaan

 

Archive for May, 2024

China warships, nilabag ang NOTAM habang isinasagawa ang PH-US-France WPS exercise -Balikatan executive agent Colonel Michael Logico

Posted on: May 2nd, 2024 by @peoplesbalita No Comments
NILABAG ng Chinese warships ang notice to mariners (NOTAM) matapos mamataan habang isinasagawa ang maritime exercise ng naval forces ng Pilipinas, Estados Unidos at France sa West Philippine Sea (WPS).
Sinabi ni Balikatan executive agent Colonel Michael Logico na ang report ay ipadadala sa National Task Force for the West Philippine Sea (NTF-WPS) para sa posibleng diplomatic response.
“May na-violate sila syempre,” ayon kay Logico nang tanungin kung nalabag ng Chinese People’s Liberation Army Navy (PLAN) ang NOTAM nang makita ang presensiya ng Chinese warships sa naturang lugar.
Sinabi ni Logico na inaprubahan ng Philippine Coast Guard (PCG) ang NOTAM, ni-request ng Balikatan organizers para tiyakin ang kaligtasan habang isinasagawa ang maritime activity kabilang na ang gunnery exercise.
“That NOTAM is for their safety because we are also conducting gunnery exercises in the area. So for them to enter into our training area knowing fully well that we are conducting these types of activities, it was a big risk on their part for them to do that,” ayon kay Logico.
“Chinese PLAN Navy vessels with bow numbers 167 and 793 were seen during the conduct of the exercises,” dagdag na pahayag ni Logico.
Nito lamang April 22, opisyal na sinimulan ng Pilipinas at Estados Unidos ang kanilang taunang joint military exercise o Balikatan para ngayong taon.
Bilang bahagi ng Balikatan, ang mga Navy ng Pilipinas, Estados Unidos at France ay nagsagawa ng kanilang unang multilateral maritime exercise mula April 25 hanggang 29.
Nakiisa ang mga nagpartisipa sa gun exercise (GUNNEX) para sa kanilang “live-fire capabilities at communication skills.” (Daris Jose)

PBBM, ipinag-utos na rebisahing mabuti ang minimum wage rates

Posted on: May 2nd, 2024 by @peoplesbalita No Comments
NANAWAGAN si Pangulong Ferdinand Marcos Jr. para sa pagrerepaso o pagsusuri sa minimum wage rates sa bawat rehiyon.
Ang direktibang ito ng Pangulo ay bahagi ng kanyang naging talumpati ngayong araw, Mayo 1, kasabay ng pagdiriwang ng Labor Day o Araw Ng Manggagawa sa isang President event sa Palasyo ng Malakanyang.
Sa kanyang Labor Day message, kinilala ni Pangulong Marcos ang napakahalagang pagsisikap ng mga manggagawang Filipino hindi lamang sa pagbibigay sa pangangailangan ng kanilang pamilya kundi ang tanging ambag ng mga ito sa development o pagsulong ng ekonomiya ng Pilipinas.
Tinuran pa ng Pangulo na ang Pilipinas ay nakatayo ”upon the sweat and toil of Filipino workers as he acknowledged the people who championed labor rights.”
“On this special day, we recognize the invaluable contributions of our hardworking men and women whose grit and resilience have paved the way for our national development,” ayon sa Pangulo.
”We also pay homage to all the people who raised their voices in the pursuit of social justice, championing the rights of workers and ensuring that their efforts are duly valued and compensated,” dagdag na wika nito.
Samantala, idineklara naman ni Pangulong Marcos ang May 1 bilang regular holiday alinsunod sa Proclamation No. 368 na may petsang October 11, 2023.  (Daris Jose)

PBBM, magpapaabot ng tulong sa mga manggagawang tinamaan ng EL Niño

Posted on: May 2nd, 2024 by @peoplesbalita No Comments
Makatatanggap ng financial assistance mula sa gobyerno ang mga manggagawa sa agrikultura at iba pang sektor na labis na naapektuhan ang kanilang pananim at iba pang ‘sources of income’ ng El Niño phenomenon.
Bahagi ito ng nagpapatuloy na aid program ng pamahalaan sa gitna ng nagpapatuloy na tag-tuyot.
“Sa susunod na araw ay magpapaabot tayo ng tulong pinansyal sa mga lubhang naapektuhan ng El Niño sa buong bansa – yaong mga nasiraan ng pananim at kabuhayan dahil sa tagtuyo’t,” ayon kay Pangulong Ferdinand Marcos Jr., sa kanyang naging talumpati sa idinaos na ika-122 Labor Day commemoration sa Palasyo ng Malakanyang, araw ng Miyerkules.
Pinangunahan din ng Pangulo ang 50th anniversary ng promulgasyon o proklamasyon ng Labor Code of the Philippines, ipinalabas noong May 1, 1974 ng kanyang ama na si dating Pangulong Ferdinand E. Marcos Sr.
Sa kabilang dako, nakatanggap naman ang Pangulo ng commemorative stamps para sa 50th anniversary ng paglagda sa Labor Code of the Philippines.
Tinuran ng Chief Executive na ang financial assistance na ipagkakaloob sa mga manggagawang apektado ng El Niño phenomenon ay karagdagan lamang sa nagpapatuloy na programa ng Department of Agriculture (DA), Department of Social Welfare and Development (DSWD), at Department of Labor and Employment (DOLE).
Tiniyak ng Pangulo na ipaprayoridad ng gobyerno ang pagtulong sa mga naapektuhan sa Mindanao.

PBBM sa mga manggagawang pinoy: ‘KAYO ANG PUSO AT KALULUWA NG ATING LAKAS-PAGGAWA; KAYO ANG MUKHA NG BAGONG PILIPINAS’

Posted on: May 2nd, 2024 by @peoplesbalita No Comments
PINARANGALAN ni Pangulong Ferdinand R. Marcos Jr. ang mga manggagawang filipino habang pinangunahan ang ika-122 Labor Day Commemoration at ika-50 taong anibersaryo ng proklamasyon ng Labor Code of the Philippines (LCP).
Sa naging talumpati ng Pangulo sa nasabing pagdiriwang sa Palasyo ng Malakanyang, nagpaabot ng pasasalamat ang Pangulo sa mga Filipinong manggagawa sa Pilipinas at sa ibang bansa para sa kanilang dedikasyon at matibay na suporta para sa kanilang pamilya at mahal sa buhay, nagdala ng mahalagang kontribusyon sa ekonomiya ng Pilipinas.
“Sa lahat ng mga manggagawang Pilipino, muli ako’y nagpapasalamat sa inyo. Kayo ang puso at kaluluwa ng ating lakas-paggawa, ang nagsusulong ng ating tagumpay, at ang dahilan kung bakit patuloy tayong nangangarap para sa isang mas maliwanag na bukas,” ayon kay Pangulong Marcos.
“Kayo ang mukha ng Bagong Pilipinas—magagaling, masisipag, at punong-puno ng dedikasyon—kaya’t nararapat lamang na bigyan ng dangal, respeto, at paghahanga. Umasa po kayo na ang mga manggagawang Pilipino, sa loob o labas man ng bansa, ay patuloy na aalagaan ng pamahalaan,” dagdag na wika nito.
‘special mention’ para sa Pangulo ang ika-50 anibersaryo ng labor legislation na ipinalabas ng kanyang ama, dating Pangulong Ferdinand E. Marcos Sr.
Ang Presidential Decree No. 442, o Labor Code of the Philippines, ay ipinalabas noong May 1, 1974.
Samantala, mainit na tinanggap ni Pangulong Marcos ang mga manggagawang Filipino sa Malakanyang kasama ang ibang mga opisyal mula sa gobyerno at development partners sa pangunguna ng International Labour Organization (ILO).
Nagpaabot naman ng pasasalamat ang Pangulo sa mga ito at kinilala ang kanilang kontribusyon hindi lamang para-i-promote ang magandang relasyon sa labor sector, kundi maging sa kanilang patuloy na suporta at partisipasyon upang maging malakas ang ekonomiya ng bansa. (Daris Jose)

Ads May 1, 2024

Posted on: May 1st, 2024 by @peoplesbalita No Comments

PBBM, isiniwalat ang government measures para kontrolin ang presyo ng elektrisidad

Posted on: May 1st, 2024 by @peoplesbalita No Comments

TINIYAK ni Pangulong Ferdinand R. Marcos Jr. sa publiko ang plano at estratehiya ng gobyerno para patamlayin ang presyo ng kuryente sa gitna ng kasalukuyang mataas na demand ng elektrisidad.

 

 

Sinabi ni Pangulong Marcos sa isang ambush interview sa Pikit, Cotabato, na walang artificial crisis sa power sector. Ang meron aniya ang bansa ay ang power system overload dahil sa dry spell.

 

 

Patuloy na mino-monitor ng gobyerno ang situwasyon dahil sa pagsirit ng demand, sinabi ng Pangulo, ang pagbibigay katiyakan sa mga tao na gagawin ng gobyerno ang lahat at isakatuparan ang mga hakbang para kontrolin ang presyo ng elektrisidad.

 

 

“Ang naging consumption natin biglang tumaas talaga dahil napaka init. Kaya’t nakabantay kami ng husto.  Kaya naman nagkakaroon ng problema sa mga iba’t ibang sistema kaya namin tinututukan,” ang winika ng Pangulo.

 

 

“At ‘yung pagtaas ng [presyo]— mayroon kaming mga plano, mga strategy para hindi na magtaas ng presyo ng kuryente. At least for now, in this crisis time,” aniya pa rin.

 

 

Isa sa itinutulak ayon kay Pangulong Marcos ay ang hikayatin ang National Grid Corporation of the Philippines (NGCP) na magtayo ng transmission lines na ipinangako nito para palakasin ang “much-needed electricity” lalo na sa mga lugar na hindi konektado sa grid.

 

 

Samantala, ang Pangulo ay nasa Cotabato para pangunahan ang inagurasyon ng Malitubog-Maridagao Irrigation Project Stage II (MMIP II). (Daris Jose)

Gobyerno, nagbago na ng approach para i-maximize ang suplay ng tubig sa Mindanao sa gitna ng La Niña-PBBM

Posted on: May 1st, 2024 by @peoplesbalita No Comments

NAGBAGO na ng atake at hakbang ang gobyerno para i-maximize ang suplay ng tubig sa gitna ng La Niña phenomenon na inaasahan na tatama sa maraming bahagi ng Mindanao sa huling bahagi ng taong kasalukuyan.

 

 

“Nagbago na talaga ang approach sa flood control, sa irrigation at lahat. Kaya’t ‘yun ang sinusundan namin ngayon,” ayon kay Pangulong Ferdinand Marcos Jr.

 

 

Ang pahayag na ito ng Pangulo ay matapos tanungin hinggil sa magiging tugon ng pamahalaan sa low-lying areas sa Cotabato at Maguindanao sa sidelines ng inagurasyon ng Malitubog-Maridagao Irrigation Project Stage II (MMIP II).

 

 

Winika ng Pangulo na aalamin ng pamahalaan ang partikular na magiging gamit ng tubig, kung ito’y para sa irigasyon, hydro, o gamit sa bahay.

 

 

“Ang approach ngayon, lahat ng ginagawa na ito kung mayroon isang kasama d’yan ang irrigation, kasama d’yan ang fresh water supply. Kasama d’yan ang flood control at kasama na d’yan ‘yung patubig na para sa mga magsasaka,” aniya pa rin.

 

 

Tinuran pa rin nito na maraming mga bagong teknolohiya ang akma sa magiging tugon ng pamahalaan sa La Niña phenomenon.

 

 

Kabilang sa mga ito ay ang paglikha o pagtatayo ng mas maraming dams na magtatampok sa multiple functions gaya ng pag-convert ng tubig para gamit sa bahay, para sa irigasyon, flood control at hydro-electric power. (Daris Jose)

Lord’s Glock Singles Empowerment Seminar

Posted on: May 1st, 2024 by @peoplesbalita No Comments

‘Di na gagamitin ang ‘Wowowin’ sa pagbabalik-TV: WILLIE, nangako na handang magbigay ng tulong sa TV5

Posted on: May 1st, 2024 by @peoplesbalita No Comments
KUMPIRMADO na rin ang pagbabalik telebisyon at pumirma na ng kontrata si Willie Revillame sa Kapatid Network at Media Quest Ventures para sa bagong partnership.
Ginanap ang naturang pagpirma ni Willie last  noong April 26 kung saan present ang mga bosing ng TV5 kasama sina presidente ng Media Quest Holdings and Cignal TV na si Jane Basa, TV5 President Guido Zaballero, MediaQuest Holdings CFO John Andal at Sienna Olaso.
Pinasalamatan naman ni Willie unang una si Manuel V. Pangilinan sa panibagong second chance na ibinigay daw sa kanya, huh!
 “Alam ko namang may doubt pa rin, but you have to understand syempre ‘yung mga pinagdaanan ko at alam niyo naman ‘yung pinagdaanan ko sa ibang channel.”
“Pero no regrets kung ano mang channel akong mapunta,” paliwanag pa ni Willie.
Hindi rin naman nakalimutan ni Willie ang pasasalamat niya sa dating network, ang GMA, pati na rin ang mga executives ng dating pinaglingkurang TV network.
 Nangako naman ang TV host handa na raw siyang magbigay ng tulong sa TV5 sakaling kailangan siya ng network.
“Hindi lang ‘yung bagong programa ko ang aalagaan ko, even TV5,” pangako niya.
“Kung anong maitutulong ko sa TV5, kung anong creativity, ideas, kahit walang bayad I’m willing to do that.”
 Ayon pa kay Willie, hindi na nila gagamitin ang titulong “Wowowin,” pero magkakaroon pa rin siya ng game show.
Sa ngayon daw ay nagbe-brainstorming pa rin sila sa magiging bago niyang programa.
(JIMI C. ESCALA) 

Babaeng biktima ng trafficking napigil, escort nito inaresto

Posted on: May 1st, 2024 by @peoplesbalita No Comments

NAPIGIL ng mga ahente ng Bureau of Immigration (BI) ang isang babaeng biktima ng human trafficking  nang tinangkang eskortan  ng kanyang lalaking trafficker sa Davao City.

 

 

Ang biktima na isang babae ay ni-rescue sa Davao International Airport  habang papasakay ito ng Scoot Airlines flight patungong Singapore.

 

 

Ayon sa biktima, biyaheng Singapore umano siya bilang turista kasama ang kanyang employer pero kalaunan ay inamin niya na ni-recruit lamang siya upang magtrabaho bilang katulong sa United Arab Emirates na hindi binanggit kung magkano ang suweldo.

 

 

Sinabi pa ng biktima na sinabihan siya ng kanyang lalaking escort na kunwaring katulong siya sa kanyang pagbabakasyon.

 

 

Pero base sa datos, nalaman na ang escort na lalaki ay mayroon nang dating kaso kung saan nag-sponsor na rin ito ng iba pang babae subalit walang datos kung kailan bumalik ang nasabing babae kung saan nalaman na ang babae ay inilipat sa Thailand.

 

 

Suspeta ng BI  immigration protection and border enforcement section (I-PROBES) na gawain talaga ng nasabing escort na lalaki na nagrerecruit ng mga Filipino upang magtrabaho sa Middle East  pero iniiwan na lamang niya ito sa ere.

 

 

“These traffickers dupe victims into agreeing to such schemes, only to leave them penniless in the middle of an unfamiliar foreign country,” ayon kay Tansingco.  “Aspiring workers should never ever agree to such arrangements,” dagdag pa nito.

 

 

“We thank the IACAT for actively pursuing cases against these traffickers,”ayon pa  kay Tansingco.  “It makes our job meaningful because we know that these escorts are finally put behind bars,” pagtatapos nito. GENE ADSUARA

People's Balita.
All rights reserved. © Copyright 2026.