ALTHOUGH ang TV show niyang “Walang Matigas na Pulis sa Matinik na Misis” ang pino-promote ni Senator Bong Revilla sa ginawa niyang pag-iikot sa iba’t-ibang lugar ngayon sa Kamaynilaan ay hindi maiiwasang mag-iişip ang mga tao na may kinalaman sa posisyong tatakbuhan niya sa 2025 elections.

Usap-usapan kasi sa umpukan ng mga Barangay Chairman dito sa Tondo kung saan kinausap ni Sen. Bong ang mga ito last Saturday. Ayon pa sa isang chairman na nakausap namin ay may pahiwatig na raw ang senador na tatakbo sa mas mataas na posisyon sa darating na eleksiyon.

Pero ang tiyak na magbibigay ng malaking panalo kay Sen. Bong kung sakaling totoo ang pagtakbo niya sa mataas na posisyon o manatiling senador muna ay ang panukalang batas niya na pirmado na ngayon ni PBBM.

Ito ang batas ba kung tawagin ngayon ay ang REVILLA LAW na magbibigay ng karagdagabg benepisyo ng mga senior citizens na may edad 80, 85, 90 at 95 years old. Sa Revilla Law ay ang mga nabanggit na edad ng mga senior citizen at makakatanggap na ng sampung libong piso at pagdating naman na 100 years old ay mabibiyayaan pa rin ng 100 thousand pesos ang mga lola at lolo na aabot sa ganung edad.

Kaya ngayon pa lang ay aligaga na at panay tanong sa amin ng mga senior citizen kung saan at paano makapag-apply para sa naturang benepisyo.

***

MUKHANG hindi nag-materialize ang kalat na kalat na noon na magsanib-puwersa o bibilhin na ng ABS-CBN ang franchise ng Advanced Media Broadcasting System (AMBS).
Ayon sa nakausap naming taga-Dos ay wala naman daw talagang nagaganap na pag-uusap ng mga Villar (namamahala ng AMBS) at ng management ng ABS-CBN.

Ayon pa rin sa kausap namin ay walang katotohanan daw na nag-aaplay ng isang bagong prangkisa ang Kapamilya network. Pero umiiwas namang magkomento ang kausap namin na ang news department na ng Kapamilya network ang namamahala ngayon ng AMBS kung kaya on going ang recruitment nila ngayon ng mga baguhang news reporter.

Pero ang isang nakalulungkot na balita ay ang nasagap naming tuluyan nang gigibain ang matatawag ng historical building ng ABS-CBN na nasa Mother Ignacia at isang Rockwell condo mall ang itatayo dito.

(JIMI C. ESCALA)

NAKU my dear editor Rohn Romulo, nakahihinayang na hindi tayo naging bahagi sa solo event ni Justin de Dios ng paborito kong boy group na SB19!

Magso-solo muna yata si Justin with his first solo single na ‘Surreal’ na nagkaroon ng grand launch kamakailan somewhere.

Ipinapanood raw ang music video ng ‘Surreal’, bukod sa kinanta ito ng live ni Justin at siyempre nagkaroon ng interview portion with Justion.

Pahayag ni Justin, “After po ng release pupunta po ako sa mga events and guestings po, and hopefully po yung gusto ko po sanang mangyari na ma-venture ko rin po yung iba’t ibang parts ng entertainment industry other than music.”

Kasi nga, nais rin ni Justin na i-explore ang pagiging aktor.

“Ngayon, siyempre promote tayo ng songs. Pero afterwards sana po ma-experience ko more yung acting and directing, so sana po makapasok po sa film industry.

“Kasi nu’ng na-experience ko po siya [acting], it’s a new world. Ibang-iba po siya sa environment ng music na part. So gusto ko pang i-try, gusto ko pang tingnan ‘yung bigger picture kasi cameo lang po ako nu’ng time na ‘yun. Gusto kong ma-experience more.”

January of this year, may cameo si Justin sa isang Kapamilya series at ito ang kanyang acting debut.

“Super na-overwhelm ako and thankful. Sana po magkaroon pa ako ng projects.”

Open raw siya kahit sino ang makapareha niya onscreen.

“Honestly kahit sino po, [open naman ako]. Basta siguro po… what I can say about it is something na deserve ko.

“Not just because na gustung-gusto ko lang siya or tinry kong kunin but then at least deserve ko yung magiging role ko. Kung may ka-partner man ako or ka-work it’s something din na parang deserve ko siyang makatrabaho.”

Bet rin ni Justin na maka-arte sa isang coming-of-age na drama at ang nakakaliw na hirit pa niya ay, “Basta ang importante po mamamatay ako sa ending.”

***

MATAPOS ang kanyang pakikipagrelasyon sa isang non-showbiz guy noong 2021, isang taon at kalahati na ang relasyon ni Phoebe Walker kay Rico Robles na isang actor/DJ at former housemate sa ‘Pinoy Big Brother Celebrity Edition’ (2006).

Sa kuwento ni Phoebe, nagkakilala sila ni Rico sa gym.

“Nagkakilala kami sa gym and you know, parehas kaming in a relationship at that time, and then sabay kaming naging single and you know mabait naman siya.

“And iyon rin yung gusto ko, pareho kaming nasa industry so naiintindihan niya yung requirements ng trabaho ko kaya mas ano ngayon, mas harmonious, happy relationship,” ang nakangiting wika pa ni Phoebe.

In-acknowledge pa ni Phoebe si Rico na dumalo sa premiere ng pelikula ng aktres, ang ‘Buy Bust Queen’ kung saan hindi nagpaseksi si Phoebe bagkus ay nagpaka-action queen siya dito bilang isang agent ng PDEA at tumutulong sugpuin ang paggamit at pagbebenta ng iligal na droga.

Base ang role niya sa tunay na ‘Buy Bust Queen’ na si Director III Charlene Magdurulang na mula sa pagigigng isang PDEA female agent ay isa na nagyong Regional Director ng PDEA Region 13 CARAGA.

Hatid ito ng Pinoyflix Films and Entertainment Production sa kooperasyon ng Philippine Drug Enforcement Agency (PDEA) at sa direksyon ni JR Olinares na siya ring line at supervising producer ng pelikula na ang executive producer ay si Zaldy Lumacang.

May special participation sa movie si former PDEA Director General Wilkins Villanueva (as himself). Kasama rin sa pelikula sina Ervic Vijandre, Ritz Azul, Maxine Medina, Ellaine Ochoa, Cheng Alessa, Ameera Johara, Ayeesha Cervantes, Alex Medina at Jeffrey Santos, at sina Christian Vazquez, Jeric Raval Jeffrey Santos, Dindo Arroyo, Ping Medina, at Ricardo Cepeda.

Palabas na ang ‘Buy Bust Queen’ sa mga sinehan.

(ROMMEL L. GONZALES)