HABANG lalong nakakamit ng My Plantito ng Puregold Channel ang pagkilala dahil sa mahusay na pagpapakita nito ng kuwentong boy-love, pamilyang Pilipino, at pakikipagkaibigan, mapapanood na ang serye ng retailtainment pioneer sa YouTube ngayon na may English subtitles.

Tampok si Kych Minemoto bilang nangangarap na vlogger na si Charlie, at si Michael Ver bilang gwapong kapitbahay at plantito na si Miko, mabilis na sumikat ang digital na serye sa mga tagapanood sa buong bansa, na ang 21 episode nito ay mayroon nang 29.5 milyong view sa kasalukuyan.

Noong una itong ipinalabas, naging paborito kaagad ang serye ng mga fan, dahil itinatanghal nito ang perpektong balanse ng kilig, kwela, at nakatutunaw ng pusong mga sandali hindi lamang sa pagitan nina Charlie at Miko, pati na rin kina Charlie at ang mapagmahal nitong ama na si Janong (Chef Ghaello Salva), at ang tapat nitong best friend na si Bianca (Devi Descartin).

Dahil dito, masayang inaanunsyo ng Puregold na mapapanood na ang serye sa YouTube na may English subtitles, para mas maabot pa ito ng mga fan sa iba-ibang sulok ng mundo.

“Alam namin kung gaano kainit ang pagtanggap ng mga tagapanood sa ‘My Plantito’ at naririnig namin ang hiling ng mga fan na mas marami pa sana itong maabot,” ani Ms. Ivy Hayagan-Piedad, Senior Manager for Marketing ng Puregold Channel.

“Ngayong may English subtitles na ang YouTube episodes ng My Plantito, patunay lamang na nakikinig ang Puregold Channel at tumutupad ng pangako. Ngayon, ang mga tagasubaybay mula sa ibang mga bansa ay may oportunidad na matunghayan ang magandang kuwento ng serye.”

Dagdag sa tagumpay ng kompanya sa industriya ng retail, nangunguna rin ang Puregold sa retailtainment, at kabilang sa mga serye na naipalabas nito ang GVBoys, Ang Babae sa Likod ng Face Mask, Ang Lalaki sa Likod ng Profile, at 52 Weeks.

Mapapanood ang My Plantito na may English subtitles sa opisyal na YouTube Channel ng Puregold, https://www.youtube.com/@PuregoldChannel.

Ang YouTube cut ng serye ay mapapanood sa loob ng pitong linggo, at ipinalabas na ang unang episode noong Oktubre 7.

(ROHN ROMULO)

PAANO na ba mag-date ngayon? Ano ba ang eksena? Worth it pa ba talaga?

Sasagutin ang mga ito sa ‘The Cheating Game,’ na pinagbibidahan nina Julie Anne San Jose at Rayver Cruz at mapapanood na sa Netflix Worldwide simula October 26.

‘A feverish, deep-dive into the psyche of two individuals who react differently to betrayal,’ ang pelikula ay isang romantic drama na magpapakita ng mature, relatable, at realistic side sa pakikipag-date sa panahon ngayon.

Sa kwento, si Hope (Julie) ay isang young professional na may pagka-idealistic. Umiikot ang mundo niya sa kanyang fiance at ang non-governmental organization (NGO) na kanilang itinayo. Hanggang sa mag-viral online ang sex video ng kanyang fiance kasama ang ibang babae.

Heartbroken, mag-uumpisang muli si Hope. Magiging content producer siya sa isang kumpanyang, lingid sa kaalaman niya, ay isa palang troll factory. At dahil ayaw na niyang muling maloko sa pag-ibig, gagawa siya ng isang ‘cheat sheet’ na nagdedetalye ng ‘anatomy of a cheater’ na gagawin niyang batayan sa pakikipag-date.

Makikilala ni Hope si Miguel (Rayver), isang self-made businessman na larawan ng isang ‘perfect guy’ at malayung-malayo sa kaniyang ex.  Ngunit habang napapalapit ang loob nila sa isa’t isa, unti-unti na ring lumalabas ang kanilang long-kept secrets.

Makakasama nina Julie at Rayver sa “The Cheating Game” sina Martin Del Rosario bilang Brian Villogo; Winwyn Marquez bilang Vanessa; Yayo Aguila bilang Faith Celestial; Candy Pangilinan bilang Tita Gelly; Phi Palmos bilang Joi Celestial; Thea Tolentino bilang Natalie; at Paolo Contis bilang Mister Y.

Mapapanood din sa pelikula sina Chef Jose Sarasola, Charm Aranton, Charlize Ruth Reyes, Rocelyn Ordoñez, Aaron Maniego, Andrea So, Ida Sabido, Evan Tan, Roi Oriondo, Bernadette Anne Morales, Felds Cabagting, at Iman Manoguid.

Unang pelikula sa ilalim ng GMA Public Affairs, ang ‘The Cheating Game’ ay co-written at directed ng best-selling author na si Rod Marmol (“Cuddle Weather,” “Mata Tapang,” at “Quaranthings”). Batay ito sa orihinal na konsepto ni Peabody award-winning documentary writer at producer Shao Masula, at co-written ito ni Jessie Villabrille na head writer din ng ilan sa mga sikat na GMA primetime series.

(ROHN ROMULO)

MINSAN pa ay nag-express ng labis na pasasalamat si Sylvia Sanchez sa kanyang daugther-in-law na si Maine Mendoza, asawa ng kanyang anak na si Cong. Arjo Atayde, dahil sa simula pa lang ay magkasundo na sila.

Sa IG account ng premyadong aktres, pinost ang photos at videos na kuha sa kanilang recent trip sa ibang bansa.

Simula ng caption niya, “This is a first for me.

“It feels so great to be a Mother-In-Law lalo na pagkasundo mo ang Daughter In Law mo.

“What a Blessing to have this kind of relationship with you my daughter @mainedcm.

“Ito ang tanging hiling namin sa mga anak namin. Uwian kami ng mabubuting asawa. Maine nak, I love watching you & Arjo Happy and I am behind you two 100%.”

Dagdag pa ni Sylvia, “Ako taga picture at taga-video ninyo so we can capture wonderful moments. At gaya ng sabi ko sayo, ito din ang gagawin mo later on sa mga magiging anak nyo ni Arjo.

“Let’s fill up our hearts with countless happy memories. This is our second trip together and super excited ako dahil ang next trip natin ay kasama na ang buong pamilya .

“Soon Yahoooo!!!!!!

“Loving You both @arjoatayde @mainedcm brings me so much joy & happiness. Love you my kiddos.”

Reply naman ni Maine, “Love you, ma! thank you po for everything!”

Tuwang-tuwa naman ang netizens at ganun na rin ang ilang celebrities sa naturang post at comment nila:

“@sylviasanchez_a awwww so sweet! So happy for all of u lalo kang sasaya pag nag ka apo kna, ganyan din ako i love all my in-laws.”

“Napakabuti nyo pong biyenan, swerte ni Maine.”

“Ito yung hiling or pinagdarasal ng bawat babae na makasundo 100% ang biyenan at manugang.Sana lahat ganyan para lahat happy family. God Bless po.”

“God bless po ms sylvia your such a kind and loving mom to ur kids and now to ur daughter in law.”

“Both Arjo and Maine lucky specially may byenan na super bait down to earth.”

Samantala, patuloy na napapanood si Sylvia sa ‘Senior High’ na kung saan kasama niya sa abg anak na si Gela Atayde.

***

SA isang isinagawang pag-aaral sa kaugalian ng mga tao sa buong mundo, lumalabas na ang pinakamalaki nilang kasiyahan ay ang nakakapaglaro sa snow, o kaya ay nakakapagtampisaw, hindi man makapaligo sa tabing dagat.

Ang snow ay kung winter, ang pamamasyal sa dagat ay kung summer. Dalawang magkaibang panahon, at hindi kailanman napagsasabay ang dalawang iyan. Pero gamit ang makabagong teknolohiya, pilit na pinagsama ni Thomas Choong, na siyang naka-imbento rin ng snow machine na ginagamit ng Snow World, na mapagsabay ang dalawang magkaibang panahon. Gamit ang mga makabagong teknolohiya ay maaaring puntahan ang tabing dagat ano mang oras, at kagaya rin ng inaasahang sariwang hangin sa tabing dagat kung pumapalo ang mga alon sa dalampasigan, ganoon din ang hanging inyong malalanghap gamit ang mga makabagong ionizers.

Yon lamang ay isa nang karanasang hindi mo palalampasin, pero kung kasabay niyan ay madarama mo na bumabagsak mula sa langit ang maliliit na butil ng snow, at may snow rin sa iyong paligid, aba iyan ay isang kahanga-hangang karanasan na mahirap mong maranasan, pero possible na ngayon sa loob ng Snow World Manila. Nang simulan ito sa Star City marami ang nagsasabing imposible iyon dahil sa init ng panahon sa PIlipinas. Isa pa nagkaroon na ng ibang winter attraction noon pa sa PIlipinas, pero hindi tunay na snow kung di dinurog na yelo at kung minsan ay foam lamang.

Gamit ang makabagong imbensiyon, nadala ang tunay na snow sa loob ng Star City. Naitayo ang pinakamahaba na man made ice slide sa loob, naitayo ang isang magandang snow village, isang coffee shop, at iba pang attractions kasama ng snow.

Ngayon ang atraksiyon naman ng tag-araw ang isinama nila sa Snow World Manila, na bukas mula Huwebes hanggang Linggo, mula alas dos ng hapon hanggang alas diyes ng gabi.

(ROHN ROMULO)