2022 December 28 Archive - People's Balita

Archive for December 28th, 2022

SIM cards, iparehistro na

Posted on: December 28th, 2022 by @peoplesbalita No Comments

SA PAGSiSIMULA ng rehistrasyon ng SIM card, pinaalalahanan ni Camarines Sur Rep. at National Unity Party (NUP) president LRay Villafuerte ang mga cellular phone owners ng tinatayang 150 million Subscriber Identification Module (SIM) cards na iaprehistro ang kanilang numero sa loob ng ibinigay na deadline upang maiwasan ang automatic deactivation ng kanilang SIM numbers.

Umaasa naman ang mambabatas na mayroon ang Department of Information and Communications Technology (DICT) at National Telecommunications Commission (NTC) ng isang “ultrasafe cybersecurity system” sa implementing rules and regulations (IRR) ng bagong batas ukol sa SIM registration upang maiwasan na magkaroon ng breach sa mga sensitibong datos ng registered celfone subscribers at maiwasan na maabuso ng ilang mapagsamantalang PTEs (public telecommunications entities) at iba pang grupo.

Ang pahayag ng mambabatas ay kasunod na rin sa pagsisimula ngayong Disyembre 27 ng implementasyon ng Republic Act (RA) 11934 o batas ukol sa mandatory registration ng SIM cards ng lahat ng celfone subscribers sa bansa.

Sa ilalim ng batas, ang lahat ng existing postpaid at prepaid SIM users ay kailangang magparehistro, sa loob ng 180 araw o 6 na buwan upang hindi ma-deactivate ang kanilang celfone numbers.

Pero, nakasaad sa IRR ng RA 11934 na maaaring mapalawig ang deadline nito ng hanggang 120 araw o apat na buwan pa.

Upang magparehistro, ang bawat individual celfone user o SIM card owner ay kailangang magsumite ng detalye ukol sa kanya tulad ng pangalan, kapanganakan, kasarian, current o official address at official identification (ID) card at numero sa PTE kung saan siya may mobile phone subscription.

Naniniwala ito na sa pamamagitan ng mandatory SIM registration, ang lahat ng mobile phone subscribers ay as mapoprotektahan mula sa phone-based scams tulad ng smishing.

Mas magiging madali rin sa otoridad o PTEs na ma-trace ang personalidad na nasa likod ng text scams at mapanagot ang mga ito sa breach of privacy at iba pang pangloloko.

Ang ‘smishing’ ay short message service (SMS) phishing kung saan sinusubukang makapangloko ang scammers sa pagkuha ng kanilang personal information, tulad ng passwords at credit card numbers, at bank accounts. (Ara Romero)

Marcos admin naglaan ng 5-6% na gross domestic product para sa infrastructure development

Posted on: December 28th, 2022 by @peoplesbalita No Comments

NAGLAAN ng malaking bahagi ang administrasyong Marcos kaugnay sa ekonomiya ng bansa para sa pagpapaunlad ng imprastraktura gayundin ang pagtaas ng badyet para sa agrikultura at pangangalaga sa kalusugan.

Sa pahayag na inilabas ng Office of the Press Secretary (OPS), binanggit ang nagawa ng Department of Budget and Management (DBM).

Ang departamento ay naglaan ng 5% hanggang 6% ng taunang gross domestic product (GDP) sa ilalim ng mga programang “Build Better More”.

Gayundin, upang mabawasan ang epekto ng pagbabago ng klima, sinuportahan ng Budget department ang National Greening Program ng Department of Environment and Natural Resources (DENR) at ang Renewable Energy Development Program ng Department of Energy (DOE).

Ayon sa DBM, naglaan din ito ng malaking halaga sa 2023 national budget para sa mga climate-related expenditures.

Nakalista din sa mga nagawa ng DBM ngayong taon ang agresibong digitalization nito alinsunod sa agenda ni Pangulong Marcos.

Sa ilalim ng digitalization thrust nito, pinalawak ng DBM ang Action Document Releasing System (ADRS) at isinagawa ang Unified Reporting System (URS) Encoding sa mga regional office nito

Ang Budget department ay na-digitalize din ang Public Financial Management Program at ang Learning Management System (LMS).

Department of Health , nakapagtala ng 593 na kaso ng chikungunya

Posted on: December 28th, 2022 by @peoplesbalita No Comments

NAKAPAG-ULAT ang Department of Health (DOH) ng halos 600 kaso ng chikungunya sa buong bansa.

Ang pinakahuling Disease Surveillance Report ng DOH ay nagpakita na mayroong 593 kaso na naiulat mula Enero 1 hanggang Disyembre 3.

Ang bilang ay 566 porsyento na mas mataas kaysa sa 89 na kaso ng chikungunya na iniulat sa parehong panahon noong nakaraang taon.

Ang tatlong nangungunang rehiyon na may kaso ng chikungunya ay ang Calabarzon na may 154; Central Visayas na may 127 at Davao Region na may 111.

Samantala, ang mga nakapagtala ng pinakamataas na pagtaas kumpara noong 2021 ay ang Calabarzon (1,825 percent; 8 to 154), Western Visayas (1,625 percent; 4 to 69) at Central Visayas (1,055 percent; 11 to 127).

Ang datos mula sa Epidemiology Bureau ng DOH ay nagpakita rin na mayroong zero deaths mula sa chikungunya na naiulat ngayong taon at sa parehong panahon noong nakaraang taon.

Ang isang chikungunya virus ay kumakalat sa mga tao sa pamamagitan ng kagat ng isang nahawaang lamok.

Nagdudulot ito ng lagnat at matinding pananakit ng kasukasuan, sabi ng World Health Organization.

Gayunpaman, sinabi nito na ang mga malubhang kaso at pagkamatay mula sa sakit ay bihira.

DepEd employees, pinasalamatan ni VP Sara sa pagseserbisyo sa kabataan

Posted on: December 28th, 2022 by @peoplesbalita No Comments

PINASALAMATAN ni Vice President at Education Secretary Sara Duterte ang mga tauhan ng Department of Education (DepEd) dahil sa kanilang dedikasyon at pagmamahal sa pagseserbisyo sa mga kabataang Pinoy.

Sa kanyang pahayag, sinabi ni Duterte na malaking pasasalamat niya sa mga tauhan ng DepEd sa patuloy na pagtatrabaho kahit na may banta pa rin ng COVID-19 at iba pang mga kalamidad.

“Nagpatuloy kayo sa paggabay at paglinang ng murang kaisipan ng ating mga kabataan para maabot nila ang kanilang mga pangarap sa buhay.Mahalaga ang inyong papel sa ating pag-unlad bilang isang bansa,” pahayag ni Duterte.

Binati rin ni Duterte ang mga ito ng masayang pagdiriwang ng Kapaskuhan, mapayapa at mapagpala at puno ng pag-asa sa pagpasok ng Bagong Taon.

“Patuloy nating mahalin ang Pilipinas,” sabi pa ni Duterte. (Daris Jose)

Mahigit 48K outbound passengers, naitala ng Philippine Coast Guard bago ang mismong araw ng Pasko

Posted on: December 28th, 2022 by @peoplesbalita No Comments

MULING nadagdagan ang bilang ng mga naitatalang pasaherong bumabyahe sa bansa isang araw bagong ang Pasko.

Sa datos ng Philippine Coast Guard, umabot na sa 48,636 ang bilang ng mga outbound passengers habang nasa 47,000 naman na mga inbound passengers ang kanilang naitala mula sa 331 vessels at 535 motor bancas sa lahat ng mga pantalan sa buong bansa noong Sabado, Disyembre 24, 2022.

Samantala, kung maaalala, una rito ay inilagay na ng PCG ang lahat ng districts offices, stations, at sub-stations nito sa “heightened alert” bilang bahagi ng paghahanda sa magiging pagdagsa ng mga pasahero ngayong holiday season mula Disyembre 15 hanggang Enero 7, 2023.

Kaugnay nito ay nagpakalat na rin ang kagawaran ng kabuuang 2,504 PCG frontline personnel para magbantay sa lahat ng mga pantalan sa Pilipinas.

Paggamit ng vape sa indoor public places, papatawan ng multa na P5K-P20K

Posted on: December 28th, 2022 by @peoplesbalita No Comments

PAPATAWAN ng mabigat na parusa ang mga mahuhuling maninigarilyo ng vapes sa indoor public places kabilang na sa government offices, mga paaralan, paliparan at simbahan.

Sa inisyung department administrative order ng Department of Trade and Industry (DTI) na nagsasaad ng implementing rules and regulations (IRR) ng Republic Act No. 11900 o ang Vaporized Nicotine and Non-Nicotine Products Regulation Act.

Nakapaloob din dito na ang minimum allowable age na pinapahintulutang makabili, magbenta o gumamit ng vapes ay 18 years old.

Ayon sa datos mula sa Department of Educations na nasa 1.1 million mga mag-aaral ang nasa edad 18 hanggang 20 anyos para sa school year 2020-2021 at ito aniya ang bilang ng mga mag-aaral na maaaring payagan na makabili ng mapanganib na produkto sa ilalim ng vape law na nauna na ring ibinabala ng ahensiya na mapanganib sa kalusugan.

Ang mga first time offenders ay mumultahan ng P5,000 ahabang ang mga mahuhuling nag-vivape sa indoor public places na mahuhuli sa ikalawang pagkakataon ay mumultahan ng P10,000 at P20,000 para sa third offense.

Para naman sa mha lalabag na vape business entities o establishments ay kakanselahin ang kanilang business permits.

Ang mga establishments at retailers naman na magbebenta sa minors ay mumultahan ng P10,000 o pagkakakulong ng 30 araw o mas mababa depende sa discretion ng korte sa first offense.

Samantala, ang mga brick at mortar stores at online traders ay minamandato na magrehistro sa gobyerno para magbenta ng vape products.

Ang mga lalabag naman sa naturang requirements ay mumultahan ng P100,000 sa first offense at P200,000 sa second offense.

Sa third offense ay may penallty na P400,000 at revocation ng kanilang business permits.

Sa manufacturers, importers, distributors o retailers na mapatunayang lalabag sa requirements sa product packaging ay mumultahan ng P2 million hanggang P5 million, at pagkakakulong ng 2 hanggang 6 na taon. (Gene Adsuara)

P19.65B, nagastos ng DoH para sa benepisyo ng mga health workers

Posted on: December 28th, 2022 by @peoplesbalita No Comments

PUMALO na sa P19.65 billion ang nagastos ng Department of Health (DoH) para sa benepisyo ng mga healthcare workers.

Base sa DOH accomplishment report para sa buwan ng Hulyo at Disyembre na ipinresenta sa Palasyo ng Malakanyang, makikita rito na kabilang ang active hazard pay sa benepisyo na ibinigay sa medical personnel.

Iniulat din ng DOH ang probisyon ng One COVID Allowance o Health Emergency Allowance para sa 1,624,045 healthcare workers at special risk allowance para sa 73,711 manggagawa.

Nauna rito, sinabi ni Pangulong Ferdinand “Bongbong” Marcos Jr. na bukas ang Office of the President (OP) para sa dayalogo para pag-usapan ang mga usapin na may kinalaman sa hinaing ng mga nurse at iba pang healthcare workers.

Naniniwala ang Chief Executive na ang benepisyo na ipinagkakaloob sa mga nurse ay hindi sapat lalo pa’t hindi matatawaran ang serbisyo at sakripisyo ng mga ito para masiguro ang kalusugan ng publiko.

Samantala, winika pa ng DOH na may 1,430,286 karagdagang pasyente ang naserbisyuhan ngayong taong 2022, na may karagdagang tulong na pumapalo sa P16.6 billion.

Ang DOH din ay nagkaloob ng P11.24 billion na medical assistance sa 1,878,650 pasyente sa pamamagitan ng Medical Assistance to Indigent Patients (MAIP) program “as of November of this year.”

Namahagi rin ito ng P468.59 milyong halaga ng tulong sa lahat ng rehiyon para sa Disaster Risk Reduction and Management in Health (DRRM-H) activities at nagtatag ng karagdagang 40 functional specialty centers, Tinatayang nasa 46 na ang kabuuang bilang ng specialty facilities sa buong bansa.

“When it comes to vaccination rate, an additional 3,100,258 individuals have been vaccinated against COVID-19, bringing the official tally of fully vaccinated Filipinos to 73,713,573,” ayon sa DoH.

“On the other hand, some 6,068,268 Filipinos received their first booster, raising the tally to 21,047,212. Meanwhile, a total of 2,843,537 got their second booster shot, increasing the total to 3,691,412 individuals,” dagdag na pahayag ng DoH.

Iniulat din ng DoH ang “ongoing organizational development activities para sa rightsizing, decoupling ng alert level system mula restriksyon at ang institutionalization ng e-Arrival system.”

Ayon pa rin sa DoH, “the e-Arrival card, which aims for a faster completion of the traveler registration process, “fulfills part of the Marcos administration’s plan to ease the country’s stringent entry protocols in order to attract more tourists.” (Daris Jose)

Teacher solon nanawagan kay Pangulong Marcos muling buksan ang peace talks sa CPP-NPA-NDF

Posted on: December 28th, 2022 by @peoplesbalita No Comments

Nananawagan ngayon si House Deputy Minority Leader at ACT Teachers Party List Representative France Castro kay Pangulong Bongbong Marcos na muling buksan ang usaping pangkapayapaan sa Communist Party of the Philippines- New Peoples Army- National Democratic Front (CPP-NPA-NDF) para sa totoong pagkakaisa ng bansa.

Ang panawagan ni Castro ay kasabay ng pagdiriwang ng ika 54th anniversary ngayong araw ng CPP NPA NDF ngayong araw, December 26,2022.

Naniniwala si Castro na ang pagbabalik muli ng peace negotiations sa usaping pangkapayapaan ay tugon para makamit ang totoong pagkakaisa at ituloy kung ano ang huling pag uusap.

Sinabi nng mambabatas na ang peace negotiations ay nagkaroon ng milestone agreements simula nuong 1992.

Kabilang sa napagkasunduan nuon ng GRP at NDFP panels Comprehensive Agreement on Social and Economic Reform (CASER) na siyang tutugon sa root causes ng armed conflict.

Subalit nuong November 2017 tinerminiate ni dating President Rodrigo Duterte ang peace talks sa makakaliwang grupo.

Ayon sa Teacher solon sayang ang mga napagkasunduan na lalo na sa land reform, rural development at national industrialization and economic development dahil ito ang gist ng negotiations at panimula para tugunan ang ugat ng kaguluhan.

Dagdag pa ni Cong Castro marami ang sumuporta sa nangyaring breakthrough sa peace negotiations kabilang ang ilang mga mambabatas.

Ipinunto rin ni Castro na walang halaga ang fake news, red tagging at pekeng mga surrenderees ang maaaring makapagbago dahil mayroon talagang glaring inequalities sa Philippine society.

LRT-2 may libreng sakay sa ‘Rizal Day’ tuwing rush hour

Posted on: December 28th, 2022 by @peoplesbalita No Comments

MAY HANDOG na libreng sakay ang pamunuan ng Light Rail Transit Authority (LRTA) sa linya ng LRT-2 ngayong Biyernes, ito habang ginugunita ang ika-126 anibersaryo ng kabayanihan ni Jose Rizal.

“May handog na LIBRENG SAKAY ang pamunuan ng Light Rail Transit Authority (LRTA) sa Biyernes, ika-30 ng Disyembre, mula 7:00 a.m. hanggang 9:00 a.m., at mula 5:00 p.m. hanggang 7:00 p.m.,” wika ng LRTA sa isang pahayag, Martes.

“Ang LIBRENG SAKAY ay bilang pakikiisa ng LRTA sa mga Pilipino sa paggunita at pag-alala sa kabayanihan ni Gat Jose Rizal.”

Aalis ang unang tren sa Recto at Antipolo stations sa araw na ‘yon ng 5 a.m. Ang huling biyahe mula Antipolo ay aalis ng 9 p.m. habang 9:30 p.m. naman ito sa Recto.

Pinaaalalahanan naman ng LRTA ang mga pasahero na sumunod pa rin sa ipinatutupad na health, safety at security protocols upang makaiwas sa banta ng COVID-19 at sakuna.

Wala pa rin namang pahayag ang LRT-1, MRT-3 at Philippine National Railways kung magbibigay sila ng kahalintulad na libreng sakay sa parehong araw.

Ang lahat ng ito ay nangyayari matapos ang kontrobersiya sa kakulangan ng stored value Beep cards sa mga linya ng tren nitong mga nagdaang linggo at buwan. (Daris Jose)

Nabigyan sana ng more time para alagaan ang ama: NIKKI, napakahusay at sobrang apektado sa mga eksena sa ‘Family Matters’

Posted on: December 28th, 2022 by @peoplesbalita No Comments

KUNG marami tinamaan sa nag-trending ng trailer ng pelikulang Family Matters na entry ng Cineko Productions sa Metro Manila Film Festival (MMFF) 2022, na humamig ng milyung-milyong views last month, hindi naman nabigo o nadismaya ang mga naunanang nakapanood noong araw ng Pasko.

Patuloy ngang pinipilihan at usap-usapan ang Family Matters na kung saan nagtagisan sa pag-arte sina Noel Trinidad, Liza Lorena, Nonie Buencamino, Mylene Dizon, Agot Isidro, JC Santos, James Blanco, Ian Pangilinan at Nikki Valdez.

Napakahusay ng pagkakasulat ni Mel del Rosario at pagkakadirek ni Nuel Crisostomo Naval, kaya malakas ng laban nila sa Best Picture, Best Director at Best Screenplay, bukod pa lalaban din ang buong cast sa acting category.

Sigurado rin na labis na natutuwa ngayon si Pandi, Bulacan Mayor Enrico Roque na sa first day ng MMFF 2022 ay na sa Top 4 sila agad, at bali-balitang tumaas na nga dahil sa patuloy na sinusuportahan ng manonood.

Sa special preview ng Family Matters sa Gateway Cinema, na kung saan kasama naming nanood si Nikki, masasabi naming hindi talaga siya nagpakabog kina Agot at Mylene. Damang-dama talaga namin ang character niya bilang Ellen, at ang eksena nila ni Liza ang unang nagpatulo ng luha namin. Kaya bet na bet namin siyang magwagi ng Best Supporting Actress.

Kuwento naman ni Nikki, nag-cut na raw ang eksena nila ni Liza, pero umiiyak pa sila ng beteranang aktres, dahil masyado ngang maganda yun scene nila kaya dalang-dala sila.

Say pa ni Nikki, “ang background ng character ko talaga, before dumating si JC, kami talaga ang close. Parang I was the favorite until dumating si ‘menopause baby’.

“I think may pagka-real lang and organic yun scene namin nina Tita Liza, siyempre nanay and daugther.”

At kung mga part sa movie talaga siyang naiyak ay ang mga eksena ng award-winning actor na si Nonie, na matindi rin ang laban sa Best Supporting Actor.

Aminado si Nikki na sobra siyang naapektuhan at iniyakan talaga niya.

“I wish I have more than time to take care of my dad. I lost my dad in 2015. Kaya everytime na lumalabas ‘yun eksena ni Tito Noni, naiiyak ako.”

Wish lang namin na mas marami pang pami-pamilyang makapanood ng Family Matters, ganun din ang mga kabataan ngayon, na tiyak maraming tatamaan at matututunan. Dahil sa pelikulang ito na worth talagang panoorin, mas lalo pa ninyong mamahalin ang inyong mga magulang.

(ROHN ROMULO)