Nanganganib na hindi pa rin ma-release ng Land Transportation Office (LTO) ang car plates ng mga rehistradong sasakyan mula 2013 to 2018 kung hindi maiaayos ang problema ng pagbabayad sa suppliers nito. Resulta diumano ito nang i-freeze ng Landbank Ortigas branch ang P180 million pesos na dapat ibayad sa OMI- JKG Philippines Inc.

Dahil sa “freeze order” ay hindi tuloy nakabayad ang supplier sa kanilang mga lokal at foreign suppliers at creditor banks.  Naantala tuloy ang delivery ng mga plaka. Ang freeze order ay napasyahan ng
Landbank base lamang sa isang sulat galing sa nagngangalang Christian Calalang na nagpapakilalang Presidente ng kumpanya.

Pero um-exit na sa eksena itong si Calalang nang mag take over na ang grupo ni Annabelle Arcilla sa pamamagitan ng isang Deed of Assignment.  Ang signatory ng Landbank ay si Arcilla representing  OMI-JKG.

Hindi lang ang Landbank ang sinulatan ni Calalang. Nagpadala rin siya sa AUB, Security Bank at Union bank, pero hindi pinansin ito ng mga nasabing banko dahil wala naman maipakitang Court Order man lang si Calalang para i-freeze ang pag release ng pera sa OMI- JKG.  Tanging landbank lang ang pinagbigyan ang sulat ni Calalang.

Ano ang ginawa ng LTO sa gitna ng problemang ito?  Imposibleng hindi alam ng mga opisyal ng LTO ang punu’t dulo ng awayan nila Arcilla at Calalang dahil sa nakakausap naman nila ang mga ito?

Hindi ba alam ng LTO na nagkaroon na ng sale at transfer of ownership and management ang grupo ni Calalang kay Arcilla at nagamit na ni Calalang diumano ang halagang P477 million pesos na mobilization fee para sa pag award ng project?

Hindi ba at may mga dokumento na ang LTO (maging ang LANDBANK) sa bagong resulta ng imbestigasyon ng NBI dito?

Hindi ba alam ng LTO kung sino ang aktwal na nag-deliver ng mga naunang plaka? Sa laki ng perang involved dito na IBINAYAD NG LIBU-LIBONG CAR OWNERS ay dapat alam ng LTO kung kanino dapat ibayad ang pera upang madeliver na ang mga plaka.

Kung ibabayad kay Arcilla ay makakapag-deliver ba siya? At kung kay Calalang naman, may kakayahan ba ito kung ibinenta na niya mismo ang proyekto kay Arcilla?

Pero ang balita ay gumamit ng “legal strategy” ang Landbank at LTO. Nagsampa o magsasampa raw ng interpleader case ang Landbank at LTO sa dalawang grupo upang ang dalawa raw ay magdemandahan kung sino dapat ang bayaran.

Heto ang magiging “lusot” ng Landbank at LTO para hindi mabayaran ang supplier. So habang may kaso ay wala munang plaka ang mga car owners? Ilang taon matatapos ang kaso? Aba wala na ang mga kasalukuyang nakaupo sa LTO ay nagkakaso pa?

Meantime pabor ang sitwasyon sa Landbank Ortigas dahil may P180 million pesos silang pondo at nagagamit. Pabor din sa mga LTO Officials dahil ikakatwiran nila na may Interpleader case pa!

Pero talo ang mga car owners dahil habang may kaso ay walang plaka. Paano na ang mga binayad nila.  Aba’y luma na mga sasakyan nila wala pang plaka.

Talo rin ang lehitimong supplier dahil mababaon sa utang dahil sa interest ng kanilang utang at malamang tuluyan nang hindi makapag-deliver.

Bakit gagamiting palusot ang “legal strategy” kung sa lebel naman ng LTO at Landbank ay kaya nilang desisyunan at paboran kung sino ang nagsasabi ng totoo.

Huwag gamitin ang husgado para magkaroon ng injustice! Injustice sa car owners – injustice sa suppliers. At lalo nang huwag gamitin ang batas upang itago ang korapsyon kung meron man.

May mga bago at pinagandang bike lanes ang binuksan noong Linggo ang lungsod ng Quezon City sa mga pangunahing lansangan dito bilang bahagi sa pagsusulong ng active, sustainable at environment-friendly na transportasyon na laan sa mga residente at mangagawa.

Inilungsad din ang proyektong ito upang maisulong ang pagbibisekleta at ng masiguro ang kaligtasan ng mga bikers at iba pang aktibong taong gumagamit ng bike lanes sa Quezon City.

Naaayon din ang proyektong ito sa commitment na maging isang bike-friendly city kung saan ang mga bikers ay makararating sa kanilang destinasyon ng mabilis at ligtas.

Lumahok sa inagurasyon sila Quezon City Mayor Joy Belmonte, VM Gian Sotto at Metro Manila Development Authority Chairman Benjamin Abalos. Kasama rin sila Department of Transportation (DOTr) assistant secretary Mark Steven Pastor at QC District 2 councilor Mikey Belmonte na siyang naghain ng city’s Safe Cycling and Active Transport Ordinance.

“We are working double time on this project so that the increasing number of bikers in our city will be able to travel safely without other vehicles running over their lanes. This was a priority for us even before COVID 19 pandemic as part of our global commitment to reducing air pollution by 2030. But due to pressing need for transport during the pandemic, and the bike culture that emerged as a result of this, we are fast- tracking its implementation,” wika ni Belmonte.

Noong nakaraang taon ay inulat ng lungsod ng Quezon City na kanilang palalawakin pa ang 55 kilometers na bike lanes hanggang 161 kilometers. Ang unang bahagi ng proyekto ay ang improvement ng mga dati ng bike lanes at ang paghahanap pa ng mga bagong ruta upang mapaganda ang connectivity at madagdagan ang 93 kilometers na network ng bike lanes.

Ang ikalawang bahagi naman ay ang karagdagan 81.7 kilometers upang mabigyan ang mga bikers at iba pang aktibong gumamit ng bike lanes ng access sa mas maraming  lugar pa sa Quezon City.

Kakulangan sa mga separators, poor bike lane visibility para sa mga drivers, rampant vehicle parking at kakulangan ng mga signages ang mga naging pangunahing problema na kinaharap ng mga bikers ang siyang nakita ng lungsod.

Kaya noong December, nilagdaan ni Belmonte ang Safe Cycling and Active Transport Ordinance na siyang pinaiiral ng lungsod ng Quezon City bilang suporta sa mga alternatibong transportasyon.

“It recognized the importance of supporting active transport solutions to reduce carbon emission, address scarcity and ensure equality in allocating urban road space; promote a shift to safe, cost-effective, non-congestive and non-polluting active transport and increase mobility for the general public,” dagdag ni Belmonte.

Inilungsad din ang voluntary bike registration program na mandated sa Safe Cycling and Active Transport Ordinance. Sa pamamagitan nito, matutulungan ang isang biker sa pagkakataong nawala at ninakaw ang bike. Matutulungan din ang biker sa pagkakataon ng isang aksidente.

“The importance of this bike registration program is to help our bikers in case their bicycles cannot be located or are stolen. We can aid them and they can avail of the assistance of the police in investigating missing bikes because the owners can readily present a certificate of ownership issued by DPOS,” wika ni DPOS head Elmo San Diego.

Kailangan lamang magbigay ng isang government ID, 2×2 photo, proof of purchase ng bicycle, electric bike o scooter; isang picture na kasama ang bike, e-bike or e-scooter; at rehistro fee na P150. Isang sticker naman ang ibibigay bilang identification. (LASACMAR)