2021 May Archive - People's Balita

Archive for May, 2021

Sec. Roque, matapang na hinamon ng debate si VP Leni

Posted on: May 12th, 2021 by @peoplesbalita No Comments

MATAPANG na hinamon ni Presidential Spokesperson Harry Roque si Vice-President Leni Robredo ng isang debate.

Ang dahilan ni Sec Roque, isa rin kasi sa maingay si VP Leni sa isyu ng West Philippine Sea (WPS).

Sinabi kasi ni VP Leni na magkakaroon sana ng magandang diskurso sa publiko kung natuloy ang debate sa pagitan nina Pangulong Rodrigo Duterte at dating Supreme Court Associate Justice Antonio Carpio patungkol sa mga isyu sa West Philippine Sea.

“Ang problema po, baka sabihin na naman ni Antonio.. ni Justice Carpio hindi ako pupuwede dahil abogado ka lang ordinaryo, ako naging mahistrado. Si VP Leni, wala rin pong pigil sa pagpupula kay Presidente pagdating sa West Philippine Sea. So, dahil wala rin naman pong tigil si VP Leni baka kung gusto niya kaming dalawa na lang para dormate vs dormate,” ayon kay Sec.Roque.

“Magka-dormitoryo po kami niyan ni VP Leni, magkaibigan po kami niyan. puwedeng mag-debate ang mga kaibigan. So, kung ayaw po ni Justice Carpio kasi ang tingin ko.. iyong subject matter ni Antonio Carpio talagang ayaw niyang mag-debate kasi imposibleng pag-debatehan iyon mga hindi naman sinasabi n Presidente,” dagdag na pahayag nito.

Ang magiging paksa ay kahalintulad ng paksa patungkol sa mga isyu sa West Philippine Sea na nais nitong gamiting pan-debate kay dating Supreme Court Associate Justice Antonio Carpio.

“Same topic. Ito bang polisiya na panglabas ni Presidente na indipendiyente na panglabas na polisiya. Ito ba ay nagresulta sa pagkabawas ng soberenya ng Pilipinas? O di naman kaya ay nagresulta sa kawalan ng teritoryo. Iyan po ang proposition kasi paulit-ulit na lang na sinasabi interrogation of sovereignty, giving away territory. Iyan po ang pag-debatehan. Puwede rin po na silang dalawa ni Justice Carpio magkasama. Isama na rin nila si dating DFA Sec. Albert Del Rosario ,” anito.

At sa tanong kung saan naman sila magde-debate ni VP Leni ay sinabi ni Sec.Roque ay gawin ito sa dormitoryo nila sa UP.

“Kung gusto niya , doon sa Kalayaan dormitory kung saan kami nanirahan ng isang taon,” ani Sec.Roque.

Samantala, binira ni Sec.Roque ang pahayag ni VP Leni na maliliwanagan sana ang mga tao sa ilang isyu sa West Philippines Sea kung mayroon ganitong public discourse kung matutuloy ang one-on-one debate ni Pangulong Duterte at Carpio.

“Ang importante po ay ang debate VP. So, kung papayag po si retired Justice Antonio Carpio.. mag-debate po kami. Mayroon bang polisiya ang ating Presidente Duterte na namimigay ng teritoryo sa China? Dahil ang pag-amin nga po ni Justice Carpio ay nawala ang Scarborough Shoal sa administrasyon ni Presidente Aquino dahil nga po sa mga orders na ginawa ng dating Secretary of Foreign Affairs Albert Del Rosario. Pag-debatehan po natin iyon,” ani Sec. Roque.

“Kung talagang ayaw ni Associate Justice na makipag-debate sa ordinaryong abogado gaya ko dahil siya ay dating mahistrado ng Supreme Court.. TAYO po mag-debate po tayo kasi gaya po ni Associate Justice Carpioo.. wala rin kayong tigil sa pagsasabi na namimigay ng teritoryo ang Presidente. Once and for all, mayroong dapat tumayo sa hanay ng oposisyon para mag-debate kung talagang ang Presidente Duterte ang namimigay ng teritoryo sa China or kung ibang mga administrasyon.,” dagdag na pahayag ni Sec. Roque.

Sa ulat, kinuwestyon din ni VP Leni na tila pinapalabas nina Sec. Roque at Chief Presidential Legal Counsel Salvador Panelo na si Carpio ang naghahamon sa Pangulo.

Binanggit din ng Bise Presidente ang ilang social media memes na tila si Carpio ang umatras sa debate.

Una nang sinabi ni Carpio na kakasa siya sa hamon na debate pero imbes ang Pangulo ang kanyang makakaharap ay si Roque ang makakatapat nito.

Samantala, na-trending sa Twitter ang hashtag #DuterteDuwag matapos mag-back out ang Pangulo sa debate

Pero sagot ni Panelo, ang pag-atras ng Pangulo ay hindi nangangahulugang duwag na siya, ayaw lang nilang samantalahin ito ni Carpio para sa media mileage. (Daris Jose)

Thirdy Ravena handa pa ring maging bahagi ng Gilas Pilipinas

Posted on: May 12th, 2021 by @peoplesbalita No Comments

Handa pa ring maging bahagi ng Gilas Pilipinas si Thirdy Ravena anumang oras sakaling tawagan siya ng Samahang Basketball ng Pilipinas (SBP).

Kasunod ito ng pagpirma nito ng multi-year extension sa San-En NeoPhoenix team ng Japan.

Paliwanag pa nito na wala siyang sama ng loob kahit na hindi siya nakasama sa third window ng 2021 FIBA Asia Cup qualifiers sa Clark sa darating na June 16-20.

Aniya na naiintindihan nito ang desisyon ng SBP kahit hindi siya isinama na maglaro.

Bukod kasi sa FIBA Asia Cup qualifiers ay naghahanda ang Gilas Pilipinas sa Olympic Qualifying Tournament na gaganapin sa Belgrade sa buwan ng Hulyo.

Sa sobrang init: Mamalagi sa bahay – PAGASA

Posted on: May 12th, 2021 by @peoplesbalita No Comments

Dahil sa sobrang init ng panahon, hinikayat ng PAGASA ang publiko na mag-ingat at mamalagi lamang sa loob ng tahanan dahil aabutin ng 38 degrees Celsius ang heat index.

Ayon kay weather forecaster Chris Perez, nitong nagdaang linggo ay nakaranas ang Metro Manila ng maximum temperature na 34.8 degrees Celsius pero aabutin ang epekto ng init sa katawan ng tao ng hanggang 36-38 degrees Celsius heat index.

Kahapon, pumalo ang heat index sa Metro Manila sa 33.9 hanggang 39.1

Jersey ni Jordan nabili sa auction ng $1.38-M

Posted on: May 11th, 2021 by @peoplesbalita No Comments

Naibenta sa $1.38 milyon sa isang auction ang jersey na isinuot ni NBA legend Michael Jordan.

Ayon sa Heritage Auction nabili ang jersey na suot ng dating Chicago Bulls star noong 1982-83 season ng University of North Carolina.

Isinuot din ito ni Jordan ang number 23 Tar Heels jersey noong maging cover siiya ng Sporting News noong March 1983 kung saan idineklara bilang NCAA player of the year si Jordan.

Ang parehas na jersey ay unang nabili sa halagang $63,500 ng ito ay ini-auction noong 1999.

Ang unang pinakamahal na jersey ni Jordan na naibenta sa auction ay ang Chicago Bulls uniform noong 1986-87 nito naibenta sa halagang $480,000.

Ads May 11, 2021

Posted on: May 11th, 2021 by @peoplesbalita No Comments

Mahigit 400 atleta dumalo sa test event ng Tokyo Olympics

Posted on: May 11th, 2021 by @peoplesbalita No Comments

Dinaluhan ng ilang dang mga atleta sa test event sa Olympic Stadium sa Tokyo.

Isinagawa ng organizer ang nasabing hakbang para malaman nila ang ilang gagawin nilang adjustments tatlong buwan bago ang pagsisimula ng nasabing Tokyo Olympics.

Walang mga inimbitahan manood na audience sa nasabing stadium kung saan doon gaganapin ang opening at closing ng torneo.

Nasa 420 atleta kabilang ang siyam na galing sa ibang bansa ang sumali na ito ay hinati sa morning at evening sessions.

Kabilang na nakibahagi si 2004 Olympic gold medalist US sprinter Justin Gatlin.

Nauna rito ilang daang petitioners ang pumirma sa online petitions sa pagpapaliban ng torneo dahil sa banta pa rin ng COVID-19.

PNP muling nagpatupad ng balasahan; bagong command group ni Eleazar pormal nang umupo sa pwesto

Posted on: May 11th, 2021 by @peoplesbalita No Comments

Muling nagpatupad ng balasahan ang Philippine National Police (PNP) kasunod ng pag bakante ng ilang ilang pwesto sa PNP matapos magretiro sa serbisyo si retired Gen. Debold Sinas.

Sa direktiba na pirmado ni newly-installed PNP Chief Gen. Guillermo Eleazar, nasa 11 Police Generals and Colonels ang kabilang sa panibagong rigodon.

Epektibo ngayong araw May 10, 2021 ang reshuffle.

Ito ay sina MGen Bernabe Balba ang PNP SAF Director na ngayon ay itinalaga bilang commander ng DIPO- Visayas, BGen Nelson Bondoc itinalagang PRO4B regional police director; BGen. Eliseo Cruz regional police director ng PRO4A; BGen Jose Hidalgo inilipat sa NCRPO mula sa DIPO Western Mindanao; BGen. Jimili Macaraeg mula sa Directorate for Logistics inilipat sa NCRPO; BGen Pascual Muñoz mula sa PRO4B itinalaga sa Directorate for Logistics; BGen. Felipe Natividad mula sa Calabarzon itinalagang bagong SAF Director; Col Gregory Bonagbal sa Office of the CPNP; Col. Neri Vincent Diego Ignacio mula sa mula sa SAF itinalaga sa Directorate for Comptrollership; Col Cesar Pasiwen mula sa PRO1 itinalaga sa SAF; Col Randy Peralta mula sa Office of the CPNP itinalaga bilang bagong DIPO- Western Mindanao.

Ito ang kauna-unahang rigodon na ipinatupad ni Eleazar matapos maupo sa pwesto nuong Biyernes.

Samantala, pormal nang umupo sa kani kanilang mga pwesto ang mga opisyal na bumubuo sa command group ni PNP Chief General Guillermo Eleazar.

Sa kanyang unang flag raising ceremony bilang PNP Chief, pinangunahan ni Eleazar ang panunumpa nina: Lt. Gen. Joselito Vera Cruz na bagong Deputy Chief for Administration, Lt. Gen. Ephraim Dickson na bagong Deputy Chief for Operations at Lt. Gen. Dionardo Carlos na Chief of the Directorial Staff.

Si Vera Cruz at Dickson ay mga kaklase ni Eleazar sa PMA Hinirang Class of 1987 habang si Carlos naman ay myembro ng PMA Maringal Class of 1988.

Dahil sa magandang trabaho sa nakalipas na hinawakang posisyon, ginawaran muna ng medalya ng Pambihirang Paglilingkod si Eleazar.

Medalya ng Kasanayan sina Vera Cruz at Dickson.

Habang ginawaran din ng pagkilala sa Pambihirang paglilingkod si Carlos.

Samantala, pormal nang umupo sa kani kanilang mga pwesto ang mga opisyal na bumubuo sa command group ni PNP Chief General Guillermo Eleazar.

Si Vera Cruz at Dickson ay mga kaklase ni Eleazar sa PMA Hinirang Class of 1987 habang si Carlos naman ay myembro ng PMA Maringal Class of 1988.

Samantala, dahil sa magandang trabaho sa nakalipas na hinawakang posisyon, ginawaran muna ng medalya ng Pambihirang Paglilingkod si Eleazar.

Medalya ng Kasanayan si Vera Cruz at Dickson.

Habang ginawaran din ng pagkilala sa Pambihirang paglilingkod si Carlos.

Kasabay ng assumption sa kanilang mga opisina, itinurn over din sa kanila ang mga office symbol.

Dahil naman umiiral pa ang MECQ, wala pa ring formation sa harap ng National Headquarters at limitado lang din ang bilang ng mga dumalo.

DOH maghahain ng ’emergency use’ application para sa Sinopharm COVID-19 vaccine

Posted on: May 11th, 2021 by @peoplesbalita No Comments

Mismong Department of Health (DOH) na raw ang maghahain ng aplikasyon para magkaroon ng emergency use sa Pilipinas ang COVID-19 vaccine ng Chinese company na Sinopharm.

Ito ang inamin ni Health Sec. Francisco Duque III, matapos mapasali sa emergency use listing ng World Health Organization (WHO) ang Sinopharm vaccine.

Ayon sa kalihim, ngayong araw nila ipapasa ang aplikasyon sa Food and Drug Administration (FDA), na nangangasiwa sa mga aplikasyon ng emergency use authorization.

“Ang DOH maga-apply ng EUA sa FDA para sa Sinopharm dahil nga mayroon ng emergency use listing na inilabas ng WHO,” ani Duque sa interview ng Teleradyo.

Noong Biyernes nang ianunsyo ng WHO na kasali na rin sa kanilang emergency use listing ang naturang Chinese vaccine. Ibig sabihin, pwede nang i-rolyo ng mga bansa ang bakuna ng Sinopharm.

Tulad ng sa Sinovac at Bharat Biotech, gawa sa inactivated virus ang bakuna ng Sinopharm.

Ayon sa WHO, may efficacy rate na 79% ang naturang vaccine brand sa mga symptomatic at hospitalized COVID-19 patients.

Ito rin daw ang kauna-unahang bakuna na mayroong “vaccine vial monitor,” na isang uri ng sticker na nakakabit sa vial o lalagyan ng bakuna.

“It is the also first vaccine that will carry a vaccine vial monitor, a small sticker on the vaccine vials that change color as the vaccine is exposed to heat, letting health workers know whether the vaccine can be safely used,” ayon sa WHO.

Bukod sa Sinopharm vaccine, ginawaran na rin ng emergency use ng WHO ang COVID-19 vaccines ng Pfizer-BioNTech, Janssen, Moderna, at AstraZeneca na gawa ng manufacturer sa South Korea at India.

Una nang sinabi ng FDA na bukod sa vaccine manufacturers, pwede ring mag-apply ng emergency use ang pamahalaan, sa pamamagitan ng DOH.

Noong nakaraang linggo nang maturukan ng Sinopharm vaccine si Pangulong Rodrigo Duterte. (Daris Jose)

Magparehistro para sa 2022 elections – Comelec

Posted on: May 11th, 2021 by @peoplesbalita No Comments

Nagpaalala kahapon ang Commission on Elections (Comelec) sa publiko na magparehistro na, lalo’t 4 na buwan na lang bago ang deadline para rito.

Target ng komisyon na magkaroon ng 7 milyong bagong rehistradong botante pero nasa 2.8 milyon pa lang ang bilang ng mga nagpaparehistro mula Abril 30. Sa Setyembre 30 nakatakda ang deadline para sa voter registration.

Ayon kay Comelec Spokesperson James Jimenez, hindi palalawigin ang voter registration period kahit suspendido ito sa mga lugar na nasa ilalim ng mahigpit na community quarantine status.

“Unfortunately, mukhang hindi na siya puwedeng i-extend because the day after the close of registration [is] filing of COC (certificates of candidacy), which means we have to start preparing for election day documents na,” ani Jimenez.

Gumagawa naman umano ng mga hakbang ang Comelec para palawakin ang pagkakataon ng publiko para magparehistro habang sinusunod ang health protocols laban sa COVID-19.

Kabilang dito ang ‘pre-online registration’ para mabilis na ang proseso pagtungo ng aplikante sa Comelec office.

Sec.Roque, ibinala ni Pangulong Duterte sa ‘debate’ laban kay Carpio

Posted on: May 11th, 2021 by @peoplesbalita No Comments

SA HALIP na si Pangulong Rodrigo Roa Duterte ang kumasa sa debate na tinanggap ni dating Supreme Court Justice Antonio Carpio ay si Presidential Spokeperson Harry Roque ang makakaharap nito.

Sinabi ni Sec. Roque na itinalaga siya ni Pangulong Duterte na siyang makipag-debate kay Carpio.

” Pero tuloy po ang debate. eh, ang sabi po ni Presidente kung papayag si Antonio Carpio..tuloy po ang debate dahil importante po naman na marinig ang mga ideas para ang taumbayan ang makagawa ng konklusyon. Ang sabi po ni Presidente na itinatalaga niya po ang inyong abang lingkod na makipag-debate kay retired Justice Antonio Carpio at tinanggap ko naman po ang pagtatalaga ni Presidente,” pagtiyak ni Sec. Roque.

Sabihin lamangsa kanya ng Philippine Bar Association (PBA) kung kailan at saan ang debate at sisipot siya doon.

“Pero ang pagde-debatehan po…malinaw. Unang-una, sino ang responsable sa pagkawala ng teritoryo ng Pilipinas? Si Presidente Duterte ba o ang ibang administrasyon? Pangalawa, tama ba ang sinasabi ni Antonio Carpio na binalewala ni Presidente ang panalo natin doon sa The Hague Tribunal? At kung gusto niya, pangatlo, eh tama ba po na namimigay ng teritoryo ang Presidente Duterte. Ang sabi po nila, kaya nga po natin pinapahalagahan ang debate, ang malayang pananalita dahil “the truth test of truth is the power of an idea to be accepted in the free market place of ideas,” ang pahayag ni Sec.Roque.

“Retired Supreme Court Justice Antonio Carpio, it owuld be a pleasure to debate against you. I’ll see you at the designated time and place,” an hamon ni Sec. Roque.

Nauna rito, sinabi ni Sec. Roque na totoong hinamon ni Pangulong Duterte si Justice Carpio sa debate pero ang debate aniya ay dalawang bagay.

“Sino ba ho ang responsable sa pagkawala ng Scarborough Shoal? Eh iyong detalye po na sinabi ni Antonio Carpio sa kanyang gustong maging debate eh kung kabahagi raw po si retired Justice Carpio doon sa pagkawala ng Scarborough Shoal. Hindi naman po iyon.. hindi naman po iyon ang subject matter ng debate. Ang subject matter po ng debate ay “sino at anong administrasyon ang naging dahilan kung kelan nawala po sa Pilipinas ang possession sa Scarborough Shoal at kung gusto ninyo, itanong na rin natin.. “sino at anong administrasyon na nawala sa atin ang Mischief Reef?,” ang pahayag ni Sec. Roque.

Aniya, bagama’t handang-handa na si Pangulong Duterte sa debate laban kay Carpio ay kagabi aniya, Mayo 6 ay tinanggap naman ng Pangulo ang payo ng ilan sa mga miyembro ng kanyang gabinete kasama si Executive Secretary Salvador Medialdea.

“Ang sabi po ng ating mga gabinete at sinusugan pa po ito ng dalawang senador.. si Senate President (Tito) Sotto at Senador (Aquilino) Pimentel (Jr.) na wala pong mabuting magiging resulta itong debateng ito para sa sambayanang Filipino,” aniya pa rin.

“Pangalawa po ay nanindigan naman ang mga miyembro ng gabinete na bakit papayag sa debate eh nakaupong Presidente si Presidente Duterte at si Atty. Antonio Carpio bagama’t isa siyang dating mahistrado ay abogado na ngayon. Parang hindi naman po yata tabla ano? Na ang Office of the President o ang Presidente mismo ay haharap sa isang ordinaryong mambabatas parang.. hindi po patas,” dagdag na pahayag ni Sec. Roque.

“At ang pangatlo at pinaka-importante ay sinabihan po ang Presidente ng ating mga miyembro ng gabinete na napakahirap po na mag-participate si Presidente sa ganyang debate. Bakit po? kasi po nakaupo pa siyang Presidente. At ibig sabihin, lahat ng masasabi ng Presidente doon sa debateng iyon ay makakaapekto po sa mga polisiya ng gobyerno. Hindi na po mababawi ang pupuwedeng sabihin ng Presidente sa debateng iyon bukod pa sa katotohanan na kaya nga po tayo may tinatawag na executive privilege noh? iyong mga bagay-bagay na hindi dapat isapubliko para makagawa ng mga tamang desisyon bagama’t hindi popular na desisyon ng isang Presidente. Mako-compromise po iyong mga bagay-bagay na ito, iyong mga impormasyon na ito… kung papayag po at ituloy ng Presidente ang pag-debate kay dating SC Justice Antonio Carpio,” litanya ni Sec. Roque. (Daris Jose)