Itinuturing ni retired US boxing champion na si Floyd Mayweather Jr. na si Senator Manny Pacquiao ang pinaka-best fighter na kanyang nakalaban sa loob ng 21 taon niyang career.

Kung maalala kabilang sa mga boxing legend na nakaharap na ni Mayweather ay sina De La Hoya, Canelo Alvarez, Juan Manuel Marquez, Miguel Cotto, Sugar Shane Mosley, Arturo Gatti, Jose Luis Castillo, Diego Corrales at iba pa.

Paliwanag ni Mayweather kung bakit best fighter si Pacman ay dahil sa kakatwa niyang movement o galaw pagdating sa ring.

Patunay daw na pambihira ang galing ng Pinoy ring icon ay bunsod na rin ng maraming nitong panalo sa matitinding mga laban.

Pabor din si Mayweather na maging bahagi ng Hall of Fame ang fighting senator.

Ginawa naman ni Mayweather ang pag-amin kasunod nang anibersaryo ng anim na taon na ang nakalipas noong May 2, 2015 nang isagawa ang unification bout nila ni Pacquiao.

Hanggang ngayon ay hindi pa nababasag ang record ng dalawa bilang “richest fight ever in the history of boxing.”

Sinasabing sa naturang laban kumita si Pacquiao ng bilyong bilyong piso.

Inihayag naman ni Mayweather na sa laban kay Pacquiao, tumabo siya ng limpak limpak na salapi na umaabot sa $300 million.

“The best fighter I’ve ever fought probably was Manny Pacquiao because of his movement. He’s a hell of a fighter,” ani Floyd Jr. sa kanyang pagdalo sa The Million Dollaz Worth of Game. “And I can see why he won so many fights, and I can see why he’s going down as a Hall of Famer because of certain moves that he makes.”

Bukod sa tulong-pinansiyal ay suportado rin ng Philippine Sports Commission (PSC) ang mental health ng mga national rowers na tatarget ng Olympic Games berth sa Tokyo, Japan.

Ang Medical Scientific Athletes Services (MSAS) units ng PSC ang nagpapatibay sa pag-iisip ng five man-national rowing team na sasagwan sa 2021 World Rowing Asian-Oceanian Olympic Qualification Regatta sa Tokyo Bay.

“Diretso ang suporta at monitoring nila (PSC) sa amin. Hindi man naging madali ang preparations, motivated ang mga athletes natin,” ani national rowing coach Edgardo Maerina, ang kauna-unahang Pinoy na sumabak sa Olympics rowing event noong 1988 sa Seoul, Korea.

Tiniyak naman ni PSC chairman William “Butch” Ramirez ang kanilang suporta sa mga national rowers na pamumunuan nina 2019 Southeast Asian Games gold medalists Melcah Jen Caballero at Joanie Delgaco. “The PSC will give all-out support for our athletes no matter the present situation, for as long as we can,” ani Ramirez.

Sasabak sina Caballero at Delgaco sa women’s lightweight double sculls habang lalahok sina Zuriel Sumintac at Roque Abala sa men’s lightweight double sculls at lalaban si Cris Nievarez sa men’s single sculls.

“Salamat po sa PSC sa pagsuporta at pagtitiwala sa amin,” sabi ni Caballero. “Regular po ang online consultations namin sa sports psychology and sports physiology.”

Matapos gumuho ang plano sanang laban kontra kay World Boxing Organization (WBO) welterweight champion Terence Crawford, balik sa negosasyon ang kampo ni Manny Pacquiao para sa kanyang susunod na laban.

Mismong si Pacquiao na ang nagkumpirma na may gumugulong na negosasyon para tuluyan nang maikasa ang kanyang pagbabalik-aksiyon.

Ngunit tumanggi si Pacquiao na magbigay ng eksaktong detalye para hindi ito maudlot.

Nais rin ng eight-division world champion na ang Paradigm Sports ang mag-anunsiyo dahil ito ang humahawak sa kanyang boxing career.

“The negotiations are ongoing. I will not go into details so that there will not be any problems,” ani Pacquiao na wala ring inihayag pa na detalye sa usaping pagreretiro.

“We won’t answer that for now, because that is part of the negotiations. That will be included in the announcement,” dagdag ng Pinoy champion.

Balik sa hot spot si dating world champion Mikey Garcia na posibleng makaharap ni Pacquiao.

Nauna nang naglabas ng teaser ang business manager ni Pacquiao na si Arnold Vegafria sa kaniyang Instagram account para sa Pacquiao-Garcia fight. Napaulat na sa Agosto ito target ganapin kung saan mananatiling sa Dubai, United Arab Emi-rates ang target na maging venue ng laban.

Ngunit hindi rin isinasantabi ni Pacquiao ang posibilidad na sa Amerika ito ganapin.

Walang magawa ang boxing community kundi ang maghintay sa magi-ging anunsiyo ng kampo ni Pacquiao.

Hindi pa ang Tokyo Olympics ang  huling hirit ni Hidilyn Diaz dahil nangako itong sasabak pa sa 2021 Southeast Asian Games sa Vietnam sa Nobyembre.

Orihinal sanang magreretiro ang RIo Olympics silver medalist pagkatapos ng Tokyo Olympics kung natuloy ito noong nakaraang taon.

Subalit dahil naurong ang Tokyo Olympics sa Hulyo ngayong taon, nagdesisyon si Diaz na tapusin na ang 2021 season bago tulu-yang magretiro.

“After Tokyo Olympics, talagang balak ko na mag-retire kung natuloy sana last year. ‘Yun na ang last tournament ko,” ani Diaz.

Ipinaliwanag ni Diaz na ang time frame ang naging dahilan niya para ituloy na ang huling laban sa Vietnam SEA Games.

“Pero dahil halos magkasunod na rin naman ‘yung Tokyo Olympics and SEA Games, itutuloy ko na para tuluy-tuloy ‘yung momentum kasi nandun na. Hindi tulad kung noong 2020 ‘yung Tokyo Olympics medyo malayo sa 2021 Vietnam SEA Games,” ani Diaz.

Ipagtatanggol ni Diaz ang korona nito sa wo-men’s 55-kg division sa SEA Games na idaraos sa Nobyembre sa Hanoi, Vietnam.

Ngunit bago ang SEA Games, nakasentro muna ang atensiyon ni Diaz sa Tokyo Olympics kung saan isa ito sa inaasahang mag-uuwi ng medalya para sa Pilipinas.

Matinding preparasyon ang gagawin ng Philippine Fencing Association (PFA) para sa 31st Southeast Asian Games na iho-host ng Hanoi, Vietnam sa Nobyembre.

Isiniwalat kahapon ni national fencing head coach Rolando ‘Amat’ Canlas sa Philippine Sportswriters Association (PSA) Forum online edition ang plano ng PFA na training sa Korea at Hong Kong.

Ngunit nagdadala-wang-isip si Canlas dahil sa quarantine restrictions sa dalawang bansa.

“Iyong Plan B is mag-send na lang ng mga Korean fencers sa Ormoc City para may makalaban kaming malalakas. Siguro mga 12 fencers iyon,” ani Canlas. “Iyon ang second option na gagawin namin.”

Magtatakda ang fen-cing association ng national tryout para sa dele-gasyong ilalaban sa 2021 Vietnam SEA Games sa Nobyembre 21 hanggang Disyembre 2.

Isasabak din ng PFA, pinamumunuan ni Ormoc City Mayor Richard Gomez, ang mabubuong national team sa under-23 at open tournament sa Chinese-Taipei bukod pa sa pag-imbita sa mga fo-reign fencers.

Noong 2019 Philippine SEA Games ay sumikwat ang mga national fencers ng dalawang gold, dalawang silver at pitong bronze medals.

Nanggaling ang national team sa nakaraang Asia Oceania Olympic Qualifiers sa Tashkent, Uzbekistan kung saan walang nakakuha ng tiket para sa 2021 Olympic Games sa Tokyo, Japan sa Hulyo.

Tanging si national fencer Samantha Ca-tantan ang nakakuha ng bronze medal matapos matalo kay top seed Yana Alborova ng Uzbekistan sa semifinals ng women’s individual foil.

“Siyempre, nanghihinayang ako pero ganoon talaga ang competition na hindi lahat makakapasok (sa Olympics),” ani Catantan mula sa Pennsylvania. “Learning experience na lang para mag-training pa ako nang maige.”

Ang 19-anyos na si Catantan ay miyembro ng Penn State University fencing team sa US NCAA.

Inalat naman sa kani-kanilang events sa Olympic qualifier sina 2019 Southeast Asian Games gold medalist Jylyn Nicanor, Hanniel Abella, Nathaniel Perez, Noelito Jose at CJ Concepcion.

Si Walter Torres ang pinakahuling Pinoy fencer na nakalaro sa Olympics noong 1992 sa Barcelona, Spain.