MUKHANG kahit hindi pabor ang mga fans ni Sharon Cuneta ay walang atrasan ang paggawa ng Megastar ng pelikula under the direction of the controversial Darryl Yap.

Revirginized ang title ng comeback film ni Sharon sa bakuran ng Viva Films after 19 years. Ito ay mula sa panulat at direksyon ni Darryl Yap.

Ayon sa director, isa raw ito sa most important script ng buhay niya.

Sumalang sa zoom presscon si Darryl Yap noong linggo kasama sina Sharon at Rosanna Roces.

Ano kaya ang reaction niya sa disgusto ng mga Sharonians na siya ang napisil ng Viva para magsulat at magdirek ng comeback film ni Sharon?

Kung pagbabasehan ang pamagat, tila kakaibang Sharon ang mapapanood sa Revirginized.

Isang taong hindi na nakikipagtalik sa mahigit tatlong taon o isang nilalang na sumailalim sa vaginal tightening surgery ang dalawang kahulugan ng salitang revirginized.

Kasama rin sa pelikula sina Cristina Gonzales at Albert Martinez.

Leading naman ni Sharon si Marco Gumabao sa Revirginized na uumpisahan ang shooting sa unang linggo ng March 2021.

Kakaiba raw ang role ni Sharon sa movie. Eh di ba kakaiba rin ang roles niya sa Ang Pamilyang Hindi Lumuluha at Kuwaresma? Kumusta naman ang resulta ng mga nasabing pelikula?

We love Ate Sharon dearly and we mean well by voicing the concern of the Sharonians who are not happy with the decision of Viva na ipadirek si Ate Sharon kay Darryl Yap.

Kung sisilipin ninyo ang ilan sa fan groups ni Ate Shawie sa Facebook, you can come across comments na hindi masaya ang fans na gawin ni Sharon ang movie with Darryl Yap.

     ***

UNANG na-meet ni Direk Adolf Alix si Superstar Nora Aunor noong 2011.

Ayon sa Facebook post ni Direk Adolf, big fan pala ni Ate Guy (at ni Lolita Rodriguez) ang kanyang ina.

Natuwa nga raw ang mother niyang nang malaman na baka may gawin silang pelikula ni Ate Guy. Unang gumawa ng short film sina Ate Guy at Direk Adolf titled Kinabukasan kung saan kasama rin si Alden Richards.

Ayon pa kay Direk Adolf, tiyak daw na natutuwa ang kanyang yumaong ina dahil muli niyang makakatrabaho sa pelikula ang Superstar.

What makes Kontrabida even more special for Direk Adolf is the thought na ang pelikula ay tribute of sorts sa isa pa niyang paboritong aktres na si Ms. Anita Linda. In fact, Anita Rosales ang name ng karakter ni Ate Guy sa movie.

Dedicated daw para sa kanyang ina at kay Ms. Anita Linda ang Kontrabida. Sana raw ay gabayan sila ng mga ito sa shoot.

First time na gaganap na kontrabida ni Ate Guy at siya mismo ang nagsabi na minsan lang niya ito gagawin. The script written by Jerry Gracio must be that good para tanggapin ni Ate Guy ang project.

“It is always a joy to work with an actress of your magnitude but with such humility and eagerness to embrace new things unexpected of your stature as an icon of Philippine Cinema. Your instinct to never shy away from risks makes you conquer new horizons.Thank you Ate Guy for embarking on this new journey to take a peek into the life of a KONTRABIDA,” pahayag ni Direk Adolf sa kanyang FB account.

Ikinatuwa naman ng mga fans ni Ate Guy na may bagong movie ang kanilang idol at ibang-iba ang look niya sa Kontrabida.

Sosyal na sosyal kasi ang dating ni Ate Guy. Sabi nga ng mega producer na si Joed Serrano, “We will treat her like a queen because she is a queen.”

Kaya asahan ang todong suporta ni Joed dahil masasabing dream project niya ang movie for the Superstar.

Kasama rin sa pelikula sina Bembol Roco, Rosanna Roces, Ricky Gumera, Charles Nathan, Mhack Morales at Miko Pasamonte.

Ang pelikula ay produced ng Godfather Productions, Ovation Productions at Mr. P Entertainment. (RICKY CALDERON)

“OH my God!! Kaya pala andami nag follow sa akin.

“thank you @reallysharoncuneta for the kind words. Malaking karangalan ang maka trabaho at maka daupang palad ka. Di ko malilimutan ang mga kabaitan mo sa kin mula noon. Hayaan mong bumawi ako,” ito ang naging reaction ni Rosanna Roces sa pinost ni Megastar Sharon Cuneta sa Instagram.

Sabi ni Mega, “I am so excited to work with Osang, Ms. Rosanna Roces @therealrosannaroces in my new movie! Napakatotoong tao at napakahusay na artista niya, at sa movie namin siya ang lalabas na best friend ko! Aalis na ako bukas, my dear Sharonians, para sa location namin at first shooting day na namin sa Monday! Excited to work also with Direk Daryll Yap – nung kinuwento niya sa akin ang story ng movie namin, tawa ako ng tawa, pero naiyak ako sa ending at may kurot sa puso. Ganyan kagaling si Direk Daryll. Buti na lang sa panahon ng pandemya na walang sinehan, may platforms tulad ng Viva Max kung saan lalabas ang movie namin. Sana po abangan niyo! Masaya at ibang-iba po ako dito! Love you all! Please pray for our safety and protection and the success of our movie! Thank you all so much.”

Nang magkita naman sila ni Sharon noong Linggo, ay ganun ang tuwa at pagkayap sa kanya ng Megastar na na-capture sa mga photos na ibinahagi ni Osang.

“Yes yan po reaction nya pagkakita sa akin . Tanda ko pa ang sinabi nya some 18yrs ago…na pag niyakap kita …ibig sabihin noon gusto kita..mahal kita. Maigsi nga naman lang daw ang buhay ..bat nga naman tayo makikipag plastikan?! I love you more @reallysharoncuneta #RESPECT.”

Sumagot naman si Sharon sa kanyang IG post, “Parang umpisa na natin ito, Ms. O…parang mamahalin talaga kita lalo! Thanks so much for the gifts, the hugs, today!!! See you tomorrow! Goodnight and sleep tight! God bless you. #respect.”

This week, nagsimula na nga ang lock-in shooting nina Sharon at Rosanna para sa Revirginized na mula sa panulat at direksyon ni Darryl Yap na ihahatid ng Viva Max.

Samantala, bukod dito ay nakapag-shooting na rin siya kasama ang nag-iisang Superstar na si Nora Aunor sa pelikulang Kontrabida na mula sa direksyon ni Adolf Alix at sa panulat ni Jerry Gracio.

Say ni Osang, “Ang ganda ng Ninang Kahapon (Feb. 27)…Bagay sa kanya ang mahabang buhok. .. yung linya ko 2 weeks ko inaral para di magkamali….ayun nung ka eksena ko sya…natulala na naman ako. Unang linya pa lang nakalimutan ko na.

“Hahahaha tingnan ba naman ako sa mata. Wag ganun Ninang guy!! Alam mo naman nakaka bato balani ka hahahahaha mahal na mahal ka namin..wag ka magkakasakit ingatan mo sarili mo. Andito lang kami lagi para sa yo. #Kontrabida”

Sa panahon ng pandemya, napakapalad talaga ni Rosanna na mapasama sa dalawang magkaibang obra na pagbibidahan ng dalawang movie queens ng bansa na kilalang Superstar at Megastar, na tiyak na aabangan ng kani-kanilang tagahanga. (ROHN ROMULO)

WALA pa rin kupas ang isang John Lloyd Cruz.

Kahit na tatlong taon din yata na nag-leave ito sa showbiz, tila nasasabik pa rin sa kanya ang mga tagahanga niya.

Pinagkaguluhan si John Lloyd ng mga fan niya sa Sorsogon. Kasalukuyang nasa naturang probinsiya ang actor para sa shooting ng Servando Magdamag. 

Ayon kay Lloydie, isang pelikula raw ito na hindi niya matatanggihan. Lalo na ang maka-trabaho niya pareho ang director na si Direk Lav Diaz at ang writer ng movie na si Ricky Lee.

Ang alam namin, after ng Servando Magdamag, ang pelikula naman nila ni Bea Alonzo ang susunod niyang gagawin. Pero, may balita rin na tila baka hindi na matuloy si Bea. May gagawin din itong movie sa VIVA naman kunsaan, pagsasamahan nila ni Alden Richards.

Ang maganda lang, mukhang simula na ito ng muling pagbabalik sa pag-arte ng actor.

Sa rare rin na pagkakataon, nag-upload pa ito sa kanyang Facebook page na magkasama sila ni Joshua Garcia.

Pwedeng sabihin na may fondness si John Lloyd kay Joshua para bigyan niya ito ng kakaibang importansiya at payo.

Sey ni Lloydie kay Joshua, “One day everything will fall into place just the way it should be. So until then, don’t focus too much on the confusion. Just focus on improvement and betterment.    Create a great life for yourself,”

Si Joshua ay madalas masabihan na may hawig sa actor at diumano’y susunod sa yapak nito

***

MUKHANG madaling natanggap ni Janno Gibbs na tinanggal na sila ng naka-isyuhan na co-host sa noontime show ng NET25 na Happy Time na si Kitkat.

Obviously, hindi naging happy time ang ending ng isyu nila na lumabas sa social media. Nang maglabas ng letter si Janno, ipinaliwanag niya ang nangyari at sinabi rin niya na pinaalis na lang sila ng management.

Siyempre, INC ang may-ari ng istasyon at siguradong against sa policy nila ang mga ganitong awayan o scandal.

So yun nga, mukhang kahit nawalan ng show at siyempre, isa sa sure source of income na, mukhang positive lang si Janno na ang hinaharap ngayon ay ang paggawa ng kanta.

Ito ang recent post niya na may caption na, “Back in the studio. New song. Soon.”

At base sa mga nag-comment, halos lahat naman ay masaya na back to music ito at isa sa comment nga sa kanya, “Better days ahead. More blessing for you.”

“When one door closes another one will open.”

Sa isang banda, malaking bagay rin siguro na suportado si Janno ng kanyang pamilya, lalo na ng mga anak. (ROSE GARCIA)