2021 March Archive - People's Balita

Archive for March, 2021

Anak nina JOHN LLOYD at ELLEN, ‘di na tinatago at kampante na kay DEREK

Posted on: March 5th, 2021 by @peoplesbalita No Comments

KUNG gaano halos itinatago noon ang mukha ni Elias, ang anak nina John Lloyd Cruz at Ellen Adarna sa social media, ngayon ay out na out na ito sa mga video ni Ellen.

Maging si Derek Ramsay ay nagpo-post ng video na kasama sina Ellen at anak nito. Nakahiga sila sa kama, nakagitna si Elias na pinaglalaruan ang mukha ni Derek. At may spider raw sa mukha ni Derek. Kaya kumanta pa ang huli ng Eensy Weenzy Spider.

At kitang-kita rin sa video na dumagan at yumakap si Elias kay Derek, evidence na very comfortable ito sa boyfriend ng ina.

Ang reply ni Ellen sa video na yun, “My boys my heart. I kennot.”

In fairness, ang daming nag-heart sign sa video. Ang daming naku-cutean kay Elias at nagsabing happy family at sweet daw.

Kung pagbabasehan ang mga video at pictures na pino-post nilang dalawa, mukhang live-in na nga ang set-up nila.

***

PANDEMIC man at hindi pa rin talaga nakakapag-face-to-face lalo na sa mga awards night, pero isa yata ang Kapuso Primetime King na si Dingdong Dantes sa maraming natatanggap na awards ngayon.

Katulad na lang sa 5^th Film Ambassadors Night (FAN 2021) ng Film Development Council of the Philippines at Guild of Educators, Mentors, and Students (GEMS)Hiyas ng Sining Aawards, parehong kinilala si Dingdong bilang recipients ng Cinemadvocate Award para sa ipinakita niyang malasakit sa mga displaced TV at film worker at maging sa mga stuntment sa panahon ng pandemya.

Ayon kay Dingdong sa naging virtual awards night, “Sobrang nakakataba po ng puso na makatanggap ng ganitong recognition. Na consider ko po itong trabahong ito and of course, His blessings as an opportunity to reach out to others, and help in transforming their lives.”

Bukod sa naunang parangal, si Dingdong din ang itinanghal ng GEMS sa Best Performance by an Actor (TV) para sa Descendants of the Sun.

***

MAY mga shippers na agad ang JulieVid tandem nina Julie Anne San Jose at David Licauco.

Ramdam, lalo na ng mga fan ni Julie ang sincerity ni David.

Aminado kasi si David na kinakabahan talaga siya noong una, naiilang daw siya lalo pa nga’t Julie Anne San Jose na ito. Kuwento pa nga na nakarating sa amin, hindi halos makapagsalita si David kapag kaharap na si Julie.

Naku-kyutan naman daw ang mga staff dito kaya nagkaroon ng parang bonding session ang dalawa at doon na unti-unting na-relax si David. Na-realize din nito kung gaano raw ka-humble at kakalog din si Julie. Sa naging Kapuso Brigade Zoomustahan, tinanong ng fan si David kung ano ang masasabi nito sa leading lady.

Sey niya, “She’s very nice. As we all know maganda naman talaga si Julie and she’s very talented. But ang pinakahinangaan ko sa kanya is ‘yung mood n’ya at 8 a.m. is not different from ‘yung mood n’ya sa last scene. I think that says a lot about her na masipag talaga siya at gusto niya ‘yung ginagawa n’ya. Sinabi ko nga sa kanya ‘yun, e. Na parang ang galing at ‘di ko siya nakita ever na sumimangot.”

May kakaibang chemistry raw ang dalawa na siguradong makikita kapag ipinalabas na ang Heartful Café sa GTV. (ROSE GARCIA)

Bulacan, susunod sa uniform travel protocol ng IATF

Posted on: March 5th, 2021 by @peoplesbalita No Comments

LUNGSOD NG MALOLOS– Ipinatupad ni Gob. Daniel R. Fernando ang uniform travel protocol ng Inter-Agency Task Force (IATF) for the Management of Emerging Infectious Diseases sa kanyang pinakabagong inilabas na executive order kung saan hindi na kailangan ng travel authority at COVID testing bago makapasok sa Lalawigan ng Bulacan.

Ayon sa Seksyon 4 ng Executive Order No. 5, series of 2021 na pinirmahan ni Fernando noong Pebrero 28, 2021, susundin sa lahat ng lungsod at bayan sa Bulacan ang standardized travel protocols para sa lupa, dagat at himpapawid na nakasaad sa Resolution No. 101, series of 2021 na inilabas ng IATF.

Sinabi ni Fernando na buo ang kanyang suporta sa hakbang ng pamahalaang nasyunal.

“Naniniwala po tayo na ito ay kanilang pinag-aralang mabuti at kanilang nakikita na ito ay makatutulong sa ating bansa. Lubos po ang ating panalangin na ang hakbang na ito ay simula na ng unti-unting pagbabalik sa normal ng ating pamumuhay lalo pa at nariyan na po ang bakuna laban sa COVID-19,” anang gobernador.

Sinabi rin ng gobernador na kung walang sintomas ang lokal na byahero, hindi na kailangan na sumailalim sa quarantine.

Ayon din sa kaparehong executive order, inatasan ng punong lalawigan ang lahat ng lokal na pamahalaan na ipagpatuloy ang pagpapatupad ng containment strategies at targeted lockdowns sa mga lugar na mataas ang bilang ng impeksyon at hawahan ng COVID-19, ayon na rin sa pagsang-ayon ng Regional IATF.

Samantala, pinahaba ang implementasyon ng Modified General Community Quarantine (MGCQ) sa Lalawigan ng Bulacan hanggang sa hatinggabi ng Marso 31, 2021. (Bishop Jesus “Jemba” M. Basco)

Ads March 5, 2021

Posted on: March 5th, 2021 by @peoplesbalita No Comments

487K AstraZeneca vaccines darating sa Pinas

Posted on: March 5th, 2021 by @peoplesbalita No Comments

Darating sa Pilipinas ang 487,200 bakuna mula sa AstraZeneca.

Ito ang inanunsiyo ni Sen. Bong Go na sinabing sasalubungin nila ito (Marso 4, Huwebs) ni Pangulong Rodrigo Duterte dakong alas-7 ng gabi sa Villamor Airbase.

Ang nasabing bakuna ay mula sa COVAX facility.

“This is to confirm that the initial shipment of AstraZeneca is set to arrive tomorrow, March 4, 2021, 7:30PM, as part or the first round of allocated doses from the COVAX facility,” pagkumpirma naman ni Presidential Spokesman Harry Roque.

Matatandaan na inasahan ng gobyerno ang pagdating ng mahigit sa 500,000 bakuna ng AstraZeneca vaccine nitong Lunes subalit hindi natuloy dahil sa limitadong bakuna.

Ayon kay Go, nakatanggap ang Malakanyang ng isang liham na nag-aabiso ng pagdating ng bakuna.

Umaasa naman ang senador na hindi na mauudlot ang pagdating ng bakuna ngayong araw.

Samantala, tumanggi naman sina Vaccine Czar Sec. Carlito Galvez at Health Sec. Francisco Duque III na kumpirmahin ang pagdating ng AstraZeneca vaccines ngayong Huwebes.

“Dalawang beses na kami nakuryente diyan. Mabuti i-confirm ‘pag may plane nang lumipad from Belgium,” sabi ni Galvez, chief implementer ng National Task Force Against COVID-19.

Samantala, nakatitiyak ang Malacañang na mas tataas ang kumpiyansa ng mga mamamayan na magpabakuna habang patuloy ang pagd ating ng bakuna sa bansa.

Ayon kay Presidential Communications Operations Office Secretary Martin Andanar, mas dumami ang health workers na nais mabakunahan.

Ilang pribadong ospital na rin aniya ang nag-request ng alokasyon ng Sinovac. (Daris Jose)

Sec. Roque, agad nagbigay linaw sa anunsyong ‘special working holidays’ ang Nov 2, Dec 24 at 31

Posted on: March 5th, 2021 by @peoplesbalita No Comments

NILINAW ni Presidential Spokesperson Harry Roque ang kanyang sinabi na malabong irekonsidera at bawiin ng Malakanyang ang anunsyong ‘special working holidays’ ang November 2, December 24 at 31 dahil “isang taon na tayong nakabakasyon”.

“Alam nyo po, ang konteksto nito, ‘yung karagdagang araw na pinagpapatrabaho tayo, kasama na po ‘yung bisperas ng Pasko, bisperas ng Bagong Taon. Ang konteksto lang nito, talagang maraming tao ang hindi nakapaghanapbuhay dahil dito sa pandemiyang ito. Kaya nga ninanais ng economic team na makahabol naman tayo, at iyon po ang konteksto na aking sinabi. Hindi naman po talaga bakasyon ‘yan, kung hindi, hindi nakapagtatrabaho, kaya ngayon na pupuwede na po tayong makapagtrabaho sana dahil nagbubukas na tayo ng ekonomiya, hayaan naman nating kumita at makapagtrabaho ang ating mga kababayan,” ang palinawanag ni Sec. Roque.

Marami kasi ang na-offend sa naging pahayag ni Sec. Roque na kaya nag-anunsyo ng ‘special working holidays’ ang November 2, December 24 at 31 ay dahil nga “isang taon na tayong nakabakasyon”.

Nauna rito, tablado sa Malakanyang ang panawagan ni Senator Risa Hontiveros na irekonsidera at bawiin ang anunsyong ‘special working holidays’ ang November 2, December 24 at 31.

Ang katuwiran ni Sec. Roque, masyado ng napakatagal na nagbabakasyon ng mga Filipino dahil sa Covid 19 kaya’t malabong pagbigyan ang panawagan nito.

“Well alam nyo po yan ay dahil sa advised ng economic team. napakatagal na po nating nakabakasyon. halos isang taon na tayong bakasyon dahi sa Covid-19,” ayon kay Sec. Roque.

“Siguro naman po dahil nandito na ang bakuna, hayaan naman natin na maka-recover tayo for loss time noh? Pero tingnan po natin kung anong mangyari .. tingnan natin baka naman dahil may bakuna na eh makabalik na tayo sa dati. Baka hindi na natin kinakailangan na maghabol pa noh? pero let us have faith po sa economic team at sa katotohanan na napakatagal na po nating nakabakaasyon. Iyong iba nga nawala ng trabaho gusto ng mag-trabaho noh?so, let’s leave at that po,” dagdag na pahayag ni Sec. Roque.

Matatandaang, inamyendahan ng Malakanyang ang listahan ng holiday ngayong taon kung saan sinabing special working holidays na ang November 2 (All Souls’ Day), December 24 (Christmas Eve) at December 31 (last day of the year).

“While we understand the need to increase economic productivity, demoting special Filipino holidays to special working holidays will only burden and demoralize Filipino workers, many of whom are already underpaid and struggling with high prices of goods,” panig ni Hontiveros.

“This is rubbing salt on the people’s wounds. Bakit aalisin ang pagkakataon para kumita ang mga kababayan natin ng extra, ngayong marami ang hirap sa buhay?”

“What is the motivation to suddenly make them working holidays? May iba namang mga special non-working holiday na pwedeng galawin, pero yung Christmas Eve at New Year’s Eve? Dapat understood na non-negotiable ang mga petsang ito,” giit pa nito.

Matatanggal aniya sa mga empleyadong papasok ang karagdagang holiday pay na 30 percent ng kanilang daily basic wage. (Daris Jose)

Pope Francis, magsasagawa ng misa sa Vatican para sa 500th anniv ng Kristyanismo sa PH

Posted on: March 5th, 2021 by @peoplesbalita No Comments

Pangungunahan ni Pope Francis ang mga Pilipino sa Italy sa selebrasyon ng ika-500 taon ng Kristyanismo sa Pilipinas.

Ayon kay Scalabrinian Father Ricky Gente ng Filipino Chaplaincy sa Rome, magsasagawa ng Misa ang Santo Papa sa St. Peter’s Basilica sa Marso 14 dakong alas-10:00 ng umaga.

Ngunit dahil sa nagpapatuloy na COVID-19 pandemic, limitado lamang ang bilang ng mga papayagang dumalo sa misa sa loob ng basilica.

Sinabi pa ni Gente, ila-livestream ang misa upang maabot ang mga Pilipino sa iba’t ibang panig ng mundo.

“Join us in Rome to pray, praise and thank God for his gift of the Christian faith,” wika nito.

Kasama ni Pope Francis si Cardinal Luis Antonio Tagle, prefect ng Congregation for the Evangelization of Peoples, at Cardinal Angelo De Donatis, vical general ng Rome.

Maliban dito, mangunguna rin ang Santo Papa sa tradisyunal na pagdarasal ng Angelus sa St. Peter’s Square sa tanghali pagkatapos ng Misa.

Kung maaalala, noong 2019 ay nanguna rin si Pope Francis sa tradisyunal na “Simbang Gabi” Mass kasama ang Pinoy community sa Roma at kinilala ang papel ng mga overseas Filipino workers sa paglago ng Simbahang Katolika sa buong mundo.

P921 M Chinese deal ng PNR di na tuloy

Posted on: March 5th, 2021 by @peoplesbalita No Comments

Hindi na itutuloy ng Philippine National Railway ang Chinese deal na nagkakahalaga ng P921 M para sa pagbili ng gauge diesel multiple unit (DMU) trains na gagamitin sa Bicol line.

Ayon kay PNR general manager Junn Magno, ang kontrata na ibinigay sa CRRC Zhuzhou Locomotive Co. Ltd na siyang nanalo sa naunang bidding ay kanilang isasailalim sa panibagong bidding.

“The PNR board, which is the head of procuring entity, has decided to cancel the contract. We are in cancellation proceedings with CRRC and we will rebid the project,” paglilinaw ni Magno.

Sa kasalukuyan ang PNR ay nasa pre-procurement process na para sa rebidding ng nasabing project.

Matatandaan na noong December 2019 ang PNR ay lumagda sa isang kontrata kasama ang CRRC Zhuzhou para sa pagbili ng bagong standard gauge DMU trains matapos na ipahayag noong October 2019 na ang Chinese firm ang siyang nanalo sa nangyaring bidding.

Ang mga bagong trains na nakaschedule na dumating ngayon June ay gagamitin sa PNR South Long Haul o ang tinatawag na PNR Bicol project.

Subalit dahil sa ginawang annual audit ng Commission on Audit (COA) noong 2019 ay lumabas na ang P921 M na project para sa pagbili ng DMU trains ay lumabag sa procurement law sapagkat ang nasabing kumpanya ng Chinese ay hindi nagsulit ng post-qualification bidding requirements.

Sa ngayon ay tuloy ang field investigation at surveys at ganon din ang right-of-way acquisitions para sa PNR Bicol project. Hinahanda na rin ang procurement ng design at build contractor.

Ang target na partial operation ay mangyayari sa second quarter ng susunod na taon at magkakaron naman ng full operability sa darating na 2025.

Mayron itong 639 kilometers long-haul line na kung matatapos ay makakabawas ng travel time mula Manila hanggang Bicol. Kung ang travel time sa kotse ay 12 hours, sa train naman ay magiging 6 hours na lamang mula Manila papuntang Bicol. (LASACMAR)

IMMUNIZATION PROGRAM NG DOH KONTRA TIGDAS, IN-EXTEND HANGGANG MARSO 7

Posted on: March 4th, 2021 by @peoplesbalita No Comments

UPANG maabot ang target na population na 95%, pinalawig pa ng hanggang Marso 7 ang immunization program ng Department of Health (DOH) laban sa sakit na rubella, tigdas at oral polio vaccine Supplemental Immunization Activity (MR-OPV SIA).

Inulat ng DOH na hanggang noong March 1, 2020, 83.7% o 4,269,423 ang nabakunahan laban sa tigdas at rubella habang mayroong 3,939,677 o 82.4% ng national target ang nabakunahan laban sa polio.

Ang Luzon,Region III aang may pinakamalaking nabakunahang sanggol at may edad 9-59 buwang gulang kontra tigdas at rubella na nasa kabuuang bilang na 881,789 o 91.1%.

Habang 1,026,404 o 90.6% na may edad 0-59 months old naman s aoral polio vaccination.

Sa National Capital Region (NCR), mayroong 873,532 o 85.7% ang nakatanggap ng measles at rubella vaccines.

At naabot naman ng Region IV-A ang 79.2% o 1,031,342 ng total coverage sa tigdas at rubella habang 79.1% o 1,205,345 ang nabakunahan kontra polio.

Sa Visayas, 87.7% o 579,319 sanggol at mga bata sa Region VI ang nmabakunahan kontra tigdas ay rubella na sinundan ng Region VII na may 78.5% o 544,047, at sa Region VIII na may 78.3% o 359,394 total coverage.

Mayroon namang 85.7% o 660,354 sa Region VI, 78% o 363,508 sa Region VII, at 76.7% o 411,066 ang nakatanggap ng polio vaccines.

Sa pagpapalawig ng immunization program at sa mahigit 800,000 bata na hindi pa nababakunahan sa mga target na rehiyon, muling hinikayat ng DOH ang mga magulang at legal guardians na pabakunahan ang kanilang anak na may edad 0-59 buwang gulang laban sa vaccine-preventable diseases sa ilalim ng MR-OPV SIA.

“Millions of children are saved every year from these diseases through vaccination. Thus, we call on our local government units to continue strengthening our vaccination programs and ensure maximum coverage under the MR-OPV SIA campaign,” ayon kay Health Secretary Francisco T. Duque III .

“To our parents and guardians, let us retain our confidence in vaccines and put our trust in science. These vaccines are proven safe and effective. Let us protect our children and not deny them the opportunity to grow into healthy individuals, free from vaccine-preventable illnesses,” hikayat pa ng kalihim. (GENE ADSUARA)

2 MILYON SWAB TEST, NAPROSESO NA

Posted on: March 4th, 2021 by @peoplesbalita No Comments

UMABOT na sa mahigit 2 milyon ang swab test sa buong bansa ang naiproseso ng Phiilippine Red Cross (PRC) sa patuloy nitong pagtulong sa bansa sa paglaban sa Covid-19,ayon kay PRC Chairman & CEO Sen. Richard Gordon

Nagsimula ang PRC na magsagawa ng COVID-19 swab tests noong April 2020, na aabot sa 9,000 samples kada araw . Naabot naman ng red cross ang 1 milyon sa loob ng anim na buwan noong October 2020.

“The 2-million milestone by 13 PRC Molecular Laboratories nationwide accounts for 24% of the country’s output, and for about 37% of testing in NCR” ayon sa PRC .

Sa unang dalawang buwan ng 2021 lamang, sinimulan din ng PRC ang paglabas ng mas mura, non-invasive , ngunit tumpak na mga Saliva RT-PCR test sa kanilang mga laboratoryo, at sa mga drive-thru na mga site sa mga mall sa buong bansa. Hindi magtatagal, ang koleksyon ng mga sample ng laway ay magagamit din sa pamamagitan ng mga Angkas bikers upang mas maraming tao ang maaaring makakuha ng mga pagsubok habang mananatiling ligtas sa kanilang mga tahanan.

“The Philippine Red Cross remains committed to saving lives and alleviating human suffering. I thank all the researchers, medical technologists, staff, and volunteers who continue to hold our first line of defense against our unseen yet unforgiving enemy,” ayopn pa kay Gordon.

Ngunit binigyang diin din ng PRC Chair na hindi ito dapat maging sanhi ng pagdiriwang, ngunit “isang paalala na kailangan pa rin tayong maging agresibo sa pagsubok, pagsunod, at paggamot sa virus.

Kailangan nating tuklasin ang virus at panatilihin mapigulan ang pagkalat ng maaga upang ligtas na makabalik sa trabaho, bumalik sa paaralan, at muling simulan ang ating buhay.

Binigyang diin din ng Public Health Specialist na si Dr. Susan Mercado ang kahalagahan ng pagsubok, na sinasabing “Ang pagsusuri ay palaging magiging haligi o pundasyon ng pagkontrol sa sakit.”

Ang parehong swab at saliva RT-PCR ay magagamit para sa pag-book sa PRC official website https://book.redcross.org.ph/.

Ang PRC Helpline 1158 ay nagpapatakbo din 24/7 upang matugunan ang mga alalahanin na nauugnay sa COVID-19. (GENE ADSUARA)

Sotto marami pa palang mapaglalaruang mga liga

Posted on: March 4th, 2021 by @peoplesbalita No Comments

SALTONG makapaglaro si National Basketball Association (NBA) prospect Kai Zachary Sotto sa 20th NBA G League 2021 sa ESPN Wide World of Sports Complex sa Bay Lake, Florida noong Pebrero 10.

Hindi na rin siya maaaring maging student-athlete scholar sa 83rd United States National Collegiate Athletic Association (NCAA) 2021.

O makabalik pa sa 84th University Athletic Association of the Philippines (UAAP) 2022 ng Setyembre.

Iyan ay dahil sa mahigpit na panuntunan sa Coronavirus Disease 2019 ng Estados Unidos dahil bumalik pa ng ‘Pinas ang 18-anyos, 7-3 ang taas at tubong Las Piñas kaya hindi na pinapasok sa playing venue para hindi makabalik sa G League.

Tinanggap din agad ng Ohio-based management firm na East West Private na handler ng Pinoy cage phenom ang insentibong galing sa G League kaya nawala na ang amateur status ni Sotto. Dahil sa pabuyang kinuha ng asungot niya, naging awtomatiko na siyang professional basketball player.

Patuloy ang pananahimik ng EWP, walang pahayag sa susunod na plano tapos ng tatlong dagok kay Sotto. Pati sa mga tirada ni American coach at ngayo’y nagmamando sa Thailand national team na si Chris Daleo na pinakalas si Sotto sa EWP para sa kabutihan ng binate.

May busal ang bibig ng handler ni Sotto hanggang kahapon.

Pero sa pag-aanalisa ng Opensa Depensa, marami pa lang naghihintay para sa ating kababayan na nagpahirap nga ng lang sa landas niya na maging unang homegrown na makaabot sa NBA. Mas maigi at mabailis sana kung nasa G League na.

Magpakadalubhasa ka na lang muna Kai sa talento sa sa European League. Hindi ba’t interesado dati sa serbisyo mo ang Spanish clubs Real Madrid, Barcelona, Baskonia, at Estudiantes, pati German team na Alba Berlin.

Dahil itinuturing na isang pro na, puwede ka na ring pumirma ng kontrata at makapaglaro saan mang parte ng mundo. Naririyan din Sotto ang National Basketball League (NBL)-Australia, B.League-Japan , China Basketball Association (CBA) ,Taiwan at iba pa.

Kaya hindi pa katapusan ang lahat para sa iyo Sotto.