BABY Girl pala ang magiging first baby ng mag-sweethearts na sina Sophie Albert at Vin Abrenica.

Hindi naman kami nagulat dahil ang ganda at ang blooming na buntis ng Kapuso star. Aminado itong ngayon na lang talaga nagsi-sink-in daw sa kanilang dalawa ni Vin na in a few months ay magiging mga mommy at daddy na sila.

“Actually ngayon na lang siguro kami naging happy kasi, nag-sink-in na lahat. Pero before, sobrang kabado talaga namin ni Vin kasi ang dami rin mga bagong responsibilities.

    “You’ll be living in a new place, e, ako, bunso ako so, beybing-beybi talaga ko sa pamilya and now, I’m having my own baby.

“I’m really scared, pero sabi naman, everything will be alright. Being a parent is a happy experience, so I’m looking forward to that.”

Engaged na rin sila at naka-planong magpakasal.  Pero sabi nga ni Sophie nang makausap namin, eight years na rin ang relasyon nila ni Vin at pareho raw kasi silang career-driven kaya parang hindi talaga naiisip na ilagay sa next level ang eight years relationship nila.

Kaya feeling daw niya, baka si Lord na rin daw ang kumilos at nangyari ang lahat. Though, sabi ni Sophie, siyempre, ideally, marriage muna raw sana ang gusto nila before baby.

Happy si Sophie at nagpapasalamat sa GMA-7 dahil ramdam daw niya kung paano siya suportahan sa new phase na ito ng buhay niya.

***

ISA na naman sa dating pangarap lang ng Asia’s Multimedia Star na si Alden Richards ang natutupad.

Simula na nga ng shooting nila ni Bea Alonzo.

Ang movie nila na galing sa dalawang adaptation, ang Pure Soul ng Japan at ang A Moment to Remember ng Korea.

Mixed-emotions daw ang nararamdaman ni Alden dahil finally, magsisimula na ito. Dati ay nasa wish list lang din ni Alden si Bea among actresses na gusto niyang makapareha.

As for his role, sey nito, “Wala akong natututunan kung laging do’n lang ako sa comfortable roles pero ngayon, after ko siyang basahin, masaya ako na mas lamang yung kaba kasi hindi biro yung role.”

Co-production ng VIVA, GMA Films at APT Films ang pagsasama ng dalawa na ang balita, hihintayin pa rin naman talaga na open na talaga ang mga sinehan kapag ito ay ipinalabas. (ROSE GARICA) 

DESIDIDO na ang 33-year-old actress na si Angelica Panganiban na mag-retire na siya sa paggawa ng teleserye.

Noon pang September 2020 unang sinabi ang bagay na ito ni Angelica at inulit niya muli ngayon.

     “Hindi iyon overnight decision,” sabi ni Angelica sa isang interview.

“Ilang taon ko rin iyong pinag-isipan. Noon ko pa tinatanong ang sarili ko, bakit ko pa ginagawa at pinapagod ang sarili ko? Naisip ko na six years old pa lamang ako, pinapagod ko na ang sarili ko, kaya natanong ko rin ang sarili ko, kelan ka titigil?”

Napakarami na ring nagawang TV shows and teleseryes si Angelica kaya siguro napapagod na rin siya.

“Hindi naman sa nawawalan na ako ng gana, kaya lang pwedeng dumating na rin ako dun sa oras na hindi ko na gusto ang ginagawa ko, at iisipin ng mga manonood na nilalaro ko na lamang ang character ko kasi ayaw ko na. 

“Siguro ngayon, naibigay ko na ang 100 percent ng kaya kong gawin sa  mga teleserye, sa bawat character na gampanan ko. Kaya ibibigay ko na sa mga susunod na artista sa akin ang mga nagawa ko nang roles.”

Sa ngayon, gusto raw ni Angelica na gumawa na lamang ng movies, tulad ng ginawa niya with Coco Martin, ang Love or Money.

Hindi kaya gusto na ring mag-concentrate ni Angelica sa kanyang lovelife, sa non-showbiz boyfriend niyang si Gregg Homan, a businessman from Subic, Zambales?

***

KASUNDO lahat ni Gabby Concepcion ang cast ng romantic-comedy series na First Yaya, simula pa sa lock-in taping nila ng serye sa San Fernando, La Union.

At lalo niyang kasundo ang first time na leading lady na si Sanya Lopez.

Bukod sa naging solid ang samahan ng buong cast ng serye, nakita ni Gabby kay Sanya na madali itong pakisamahan at hindi naging mahirap ang adjustment niya para sa role, na isa ngang yaya ang actress.

“Mapagmahal siya sa kapwa, madali siyang barkadahin. At saka marami  siya laging dalang pagkain sa set.

“Nakakatuwang walang member ng cast na hindi ko kasundo, walang negative sa set namin, okay lahat.”

Ang gusto naman ng cast kay Gabby, “mahilig siyang magluto, lagi niya kaming tatanungin, ano ang gusto naming kainin, tapos magluluto na siya. Masarap siayng magluto, mahilig siyang mag-imbento ng lulutuin.”

Hindi na maiinip ang mga televiewers dahil mapapanood na simula sa March 15, ang First Yaya na may world premiere na sa GMA Telebabad, GMA-7.

***

INIP na ang mga fans at supporters ng bagong magka-love team na sina Julie Anne San Jose at David Licauco ng upcoming GTV series na Heartful Cafe, kaso next month pa pala, sa April, ang simula nito.

Feel daw ng mga fans na papatok ang team-up nila kaya tuwing may socmed post sila, lalo na iyong mga behind-the-scenes, napupuno ito ng magagandang comments.

At excited na raw silang mapanood sa kanilang TV screen ang ‘JulieVid.’ May chemistry raw ang dalawa at hindi ito maikakaila kahit sa mga photos pa lamang nila.

“She’s very nice, very talented,” sabi ni David.

“Hangang-hanga ako sa kanyang mood na from 8 AM hanggang sa last scene, ganoon pa rin siya, di ko siya nakita ever na sumimangot.” (NORA V. CALDERON)