NA–VERIFY na ang TikTok account ni Miss Universe 2018 Catriona Gray at nag-post siya ng video para i-celebrate ito.

Imbes na maging glamorosa si Queen Cat, pinili niyang mag-no make-up para mas natural na lumabas ang ganda niya.                                            

“I live for glam moments but, I feel prettiest when I’m just… ? we’re verified! thanks @tiktokphilippines,” caption pa niya sa video.

Nakakuha ang naturang video ng 4.2 million views and 820,000 likes!

Nakabalik na sa Pilipinas si Catriona pagkatapos ng mahabang bakasyon sa US kasama ang boyfriend na si Sam Milby. Kasalukuyang naka-quarantine siya ngayon.

Wala rito si Catriona noong magkansela ang Sunday Noontime Live kunsaan isa siya sa mga host.

“Currently midway through my quarantine (mandatory travel protocol) but my mind is here,” caption ni Catriona sa photo kunsaan naka-pose siya sa mga puno na may autumn leaves.

Na-miss niya agad ang hometown ni Sam sa Ohio.

Panay naman daw ang video call ni Cat sa kanyang parents na nakatira na ngayon sa Canada. Bumabawi raw siya dahil hindi niya nakasama ang mga ito noong Pasko at Bagong Taon.

***

GINAWA ng loveteam sina StarStruck 7 Ultimate Male Survivor Kim de Leon at StarStruck 7 First Princess Lexi Gonzales sa bagong weekly anthology ng GMA NewsTV na My Fantastic Pag-ibig.

Hindi raw inakala ng dalawa na sila ang ipe-pair sa isa’t isa. Pero dahil sa pagtambal nila sa comedy skit sa All Out Sundays, nagkaroon na sila ng following.

Kumpara raw noong nasa StarStruck pa sila, di raw masyadong nagkikibuan sina Kim at Lexi.

“Nag-usap lang kami ni Lexi noong kakaunti na lang kami sa Starstruck. Yung wala ka nang choice kundi kausapin mo na siya kasi konti na lang kayo. Si Lexi kasi, sobrang galing niya sa lahat. So intimidating siya. Natatakot kaming kausapin siya noon!” tawa pa ni Kim.

Sey ni Lexi: “Ngayon kasi puwede na kami magbiruan ni Kim. Noon kasi parang naiilang pa kami sa isa’t isa. Naging open na rin kami ngayon at marami na kaming kuwentuhan. Mas ramdam ko na confident na si Kim sa sarili niya. Gumagaling siya as an actor.”

Magsimula ang first two-part ng pilot episode ng My Fantastic Pag-ibig titled “Love Wars” on January 30 at February 6 sa GMA News TV.

***

IMBIYERNA na si Jennifer Lopez sa mga netizen na pinagpipilitan na nagpapa-Botox siya kaya name-maintain niya ang ganda ng mukha niya.

Kasalukuyang nagpo-promote si J.Lo ng beauty product lina niya na J.Lo Beauty.

May isang netizen na nag-inakusahan si J.Lo na she had tons of Botox sa mukha nito.

Sey ng 51-year old singer-actress: “LOL that’s just my face!!! For the 500 millionth time…I have never done Botox or any injectables or surgery!!

“I don’t judge anybody. If you want to do Botox and injectables, that’s fine! But I don’t want people lying on me and saying, ‘Oh, she’s trying to make believe that this stuff works. No, I’m telling you what I do that works! Please don’t call me a liar. I don’t have to lie about things. I’ve been pretty honest about my whole life.” 

“I just felt it had to be set straight, but in a loving way. And one of my big beauty secrets is that I try to be kind to others and lift up other women. I think that that is important for us to do for each other instead of trying to tear people down.”

Inamin niya na minsan na siyang pinilit ng ex-boyfriend niya noon na magpa-botox pero tinanggihan niya ito.

“I was 23 and I was like, ‘I’m going to pass. I didn’t like needles anyway, but the boyfriend’s like, ‘Yeah, you should start it. I do that.’ I was like, ‘No, thank you.’ And I just wonder what would’ve happened to me if I would’ve started Botox at 23, what I would look like right now. My face would be a totally different face today.” (RUEL J. MENDOZA)

NAGLABAS na ang ABS-CBN at Star Magic ng official statement regarding sa fake nude photo nina Sue Ramirez at Maris Racal na patuloy na nagsi-circulate online.

Narito ang full statement ng Kapamilya Network:

“It has come to our attention that maliciously edited images of our talents, Sue Ramirez and Maris Racal, have been circulating online.

“ABS-CBN and Star Magic condemn the act of illegally manipulating photos of celebrities or anyone, which is a form of gender-based online sexual harassment under RA 11313 or The Safe Spaces Act.

“We would like to appeal to everyone to stop sharing these fake photos on social media. The welfare of our talents is our top priority, and we intend to pursue legal action against the perpetrators and anyone who posts, distributes, or duplicates these images.

“Everyone should be treated with dignity and respect, even on social media.”

Bago lumabas ang statement, nag-tweet na si Maris ng, “There’s an edited photo of Sue and I spreading online. Kung sino man ang nag edit nun, wala kang utak. Itigil na ang pambabababoy ng katawan ng mga babae. Pagaari namin ‘to. 2021 na, manyak ka pa rin? Magbago na.”

Pinost naman ni Sue sa kanyang IG account ang original photo nila ni Maris na in-edit para maging nude photo.

“Repost ko lang ulit tong mga picture na to para hindi kayo NATATANGA sa fake news. Ewan ko ba kung anong dahilan at pinuputakte niyo kami ng ganito. Wag ko lang mahanap ang nagpapakalat ng kung ano-anong katarantaduhan na to. Ayoko na sanang magsalita pero ginagambala niyo ang katahimikan ng buhay ko. Umayos kayo. AT WAG TANGA PLS. Wag basta bastang naniniwala sa mga nakikita online. HINDI KAYO PINALAKING UTO UTO. Pls lang. Sumosobra na kayo. Sa mga nakakatanggap ng picture, siguro naman may delikadesa at respeto kayo enough to know na dapat hindi na kumalat pa ang PAMBABABOY na ito.”

Hindi rin napigilang I-post ni Sue ang edited photo nila ni Maris na sabog na sabog na ang galit sa mga gumawa nito at sa mga taong nagpapakalat pa online kahit kitang-kita naman na fake ang naturang nude photo.

Umpisa ng IG post niya, “NAKAKADIRI KA. SA LAHAT NG NAGSHARE NETO AT SA DEMONYO SA LUPA NA GUMAWA AT NAG EDIT NG KABABUYAN NA TO, NAKAKATAWA BA TO PARA SAINYO?!!!!”

Kaya panawagan niya, “Sa 8.1M followers ko, nakikiusap ako sainyo. Tulungan niyo ako na matapos na ang kulturang ito. Kulturang bumababoy sa mga kababaihan. Kulturang MAPANIRA. Kulturang KASUKLAM-SUKLAM.

“THIS CAN HAPPEN TO ANYONE. Sa nakakaalam kung san nagsimula ito, pls contact me through DM. Help me get to the bottom of this.

“HINDI NA TAMA ITO. Masyado na kayong nawiwili sa mga panggagago niyo samin. AYOKO NANG MANAHIMIK. ABUSADO KAYO.” (ROHN ROMULO)

WAGI pa rin ang Sunday noontime show ng GMA-7 na All Out Sundays base sa resulta ng ratings na lang noong nakaraang Linggo.

Nagsama-sama na rin ang mga sikat na Kapamilya sa nakaraang airing ng ASAP Natin ‘To kunsaan, unang beses din itong napanood sa TV5 na. Bukod pa rito, napapanood pa rin sa A2Z channel at mga online and cable channels. Pero siguro, iba talaga kasi kung sa ABS-CBN talaga ito napapanood.

Ang All Out Sundays naman nina Alden Richards ay patuloy na namamayagpag on its time-slot. Pansin din namin, mas interesting din ang mga bagong segment.

Sa AOS naman, mukhang pwede nilang gamitin na ang tagline ng The Clash ngayon na “Isa para sa lahat” sa nangyari.

***

BININYAGAN na ang anak ng actress na si Ryza Cenon at ng partner njya na si Miguel Cruz na si Night.

Sa Christ The King Parish ginanap ang ceremony at sa Lola’s Cafe ang reception.

Ilan sa mga kaibigang artista na napili ni Ryza para maging ninang ng anak ay ang mga old time friends na rin niyang talaga na sina Chynna Ortaleza, LJ Reyes at Chariz Solomon. Si LJ ay nakarating ng church habang ang mga hindi, sa zoom app nag-join. Talagang ang pinili raw nila, yung alam nila na ano man ang mangyayari, titingnan ang baby nila bilang mga pangalawang magulang.

Magti-three months old pa lang si Baby Night pero kitang-kita na ang kaguwapuhan nito. Na ayon kay Ryza, pinaglihian daw niya ang South Korean actor na si Gong Yoo dahil 3 beses daw niyang pinanood ang Goblin.

Sa isang banda, naging sobrang ingat naman sina Ryza at Miguel sa safety protocols. Mula church hanggang reception ay meron itong free antigen swab testing sa lahat ng bisita nila at maging crew sa restaurant. (ROSE GARCIA)

LABIS-LABIS nga ang pasasalamat ni Lovely Abella kay Kathryn Bernardo dahil sa napakagandang regalo na natanggap niya, dalawang araw bago sila ikasal ni Benj Manalo noong Sabado.

“Sobrang Thank you My Ga and Ga @janaranilla sa time and effort, Thank you so much @bernardokath sa napakagandang Gift buti na lang naihabol, salamat super @bernardokath  #benly,” post ni Lovely.

May isa namang walang magawang basher na nag-comment ng, “Panay comments sya post ni kath kasi may kaila my ga galawan ng user.”

Na hindi napigilang patulan ni Lovely, ‘di raw siya galit lalo na sa masasama ang ugali kaya si Lord na bahala at sumabad na rin ang asawa niyang si Benj kaya nasabihan tuloy silang guilty at mayabang.

Payo naman ng solid fans ni Kath na dedmahin na lang ang bashers at wag ng pag-aksayahan ng oras. Ang iba naman ay nahihiya para kay Kathryn, na totoo talaga kung makipagkaibigan.

Nagkalapit nga sina Kathryn, Alden Richards at buong cast ng blockbuster film Hello, Love, Goodbye habang nagso-shooting sa Hong Kong at nagkaroon sila ng pact na mananatiling magkakaibigan kahit tapos ang pelikula.

Pero ang ending, nag-away-away ang mga fans sa kanyang IG account at kung kani-kanino na napunta ang usapan.

Nag-post uli si Lovely after two days at nang kanyang saloobin…

“Heto muna ang ipopost ko, before anything else.. Grabe pala ang bashers noh? Nandudurog ng puso, di mo alam kung sino at anong klaseng tao sila para manghusga..

“Bago ako magsimula sa industriya di ko pinangarap ang sumikat, pinangrap kung buhayin ang Anak ko at pamilya ko dahil breadwinner ako, sadyang mabait nga talaga siguro ako tulad ng sinasabi ng iba kasi lahat ng mababait na tao nakakasama ko, siguro hindi ko hinayaang itago kung ano ang pagkatao ko.”

“No filter ako sabi nga nila, kung ano ang ugali ko yun ang totoo kahit sa mga VLOGS namin kaya magsubscribe na din kayo @stephtancouture.”

Dagdag pa niya, “sabi ko My Ga wag na ako na, pero sabi niya regalo daw niya, wag tayong tumatanggi sa blessings yan ang natutunan ko kasi yan ang way nila to share their blessings at para lalo sila maBlessed kaya sabi ko buti NAIHABOL kasi 2 days na lang kasal ko na.

“Di ko kailangan magpaliwanag sa inyo, pero gusto ko lang sabhin na tulad ninyo tao din kami, nasasaktan sa panghuhusga ninyo, masakit pero siguro nga kailangan tanggapin dahil nasa industriya ako, pero wag kayong ganun, di niyo alam ang mga kwento kaya wag kayong manghusga..

“Saksi ang aking mga kaibigan na sina @pernellagonzaga at @kelly.harris_ kung gaano ako inalagaan ni kath para gumanda ako sa mismong kasal ko, siya ang nag detalye ng Gown ko at talagang sinama ni si @janaranilla para icheck lahat kung okay sa akin, salamat sa time and effort Ga, humabol pa yan para lang makita niya kung fit sa akin at maganda sa akin kaya MY GA @bernardokath Thank you for everything, salamat sa mabuti mong PUSO, di ko makakalimutan ang regalo mo at kung di dahil sayo, baka wala akong maisuot.. Mahal kita kayo ni Bal.. #ManalonasiGa #benly.”

Nagpasalamat si Lovely sa comment ni @mirandaomez888, “Di q alam anung nangyayari. But on behalf of KATHNIEL congrats ga. Deserve moh nah maging friens c Kath. Dito lang kme para sau.”

Infairness ang ganda ng gown na pina-rush ni Kathryn, kaya muli na namang nagpasalamat si Lovely, “Super Happy ako sa kinalabasan ng Wedding Gown ko, Thank you so much @stephtancouture kahit 2 days lang ginawa super Ganda ang ganda ng fit.. Thank you @bernardokath @janaranilla di ko makakalimutan ang nilaan niyong pagmamahal sakin.. salamat ng marami.. Sobrang bumagay ang Bouquet ko from @ginger_eventstyling, and Thank you @toniaviles naachieve natin ang gusto kung look and @moster_manilyn sa mabilisan nating hair up.. Thank you sobra..” (ROHN ROMULO)

ANG Borracho Film Productions ni Atty. Ferdinand Topacio ang magpo-produce ng comeback movie ni Claudine Barretto.

Ito ay ididirek ni Joel Lamangan mula sa script ni Eric Ramos.

Ang story idea ay nagmula mismo kay Atty. Topacio, na nag-compose pa ng kanta na inawit sa contract signing cum presscon ni Claudine to announce her movie comeback after a six-year hiatus.

Claudine expressed happiness na finally ay matutuloy na rin ang kanyang pagbabalik sa pag-arte. Ilan ulit na kasi naibalita na may gagawin siyang pelikula pero hindi naman ito natutuloy.

“Excited ako sa project na ito,” wika ni Claudine who was accompanied sa presscon ng kanyang manager na si Arnold L. Vegafria.

Makakasama rin ni Claudine sa pelikula ang mahusay na singer na si Gerard Santos, nakakapanalo lang bilang Entertainer of the Year sa Aliw Awards.

Bukod sa contract signing with Borracho Film Productions, pumirma rin si Claudine ng endorsement contract with Cathy Valencia.

Sabi naman ni Direk Joel, matagal na niyang gustong makatrabaho si Claudine sa pelikula. Naidirek na niya si Claudine sa teleserye at hanga siya sa husay ng aktres.

“Hindi siya dapat mag-retire dahil mahusay siyang aktres. Alam ko ang potential niya. Ipinapangako ko na ang pelikulang gagawin ay magiging isang importanteng pelikula na ipagkakapuri ng lahat,” pahayag ni Direk Joel na nagulat na siya pala ang napisil ng Borracho Films to be at the helm of Claudine’s comeback acting vehicle.

Sa presscon ay natanong si Claudine tungkol sa napabalitang relasyon nina Jodi Sta. Maria at Raymart Santiago.

Sinabi ni Claudine na okey lang sa kanya kung may relasyon man sina Raymart at Jodi. Pero sana raw ay huwag kalilimutan ni Raymart ang responsibilidad niya bilang isang ama. Ipinaglalaban lang daw ni Claudine what is due her children.

Nagkausap naman daw sila ni Jodi pero itinanggi niya na tinawagan siya nito, as Jodi said in some of her interviews.

Siya raw ang tumawag kay Jodi at naging maayos naman ang kanilang pag-uusap.

***

HINDI pa rin pinapayagan na magbukas ang mga sinehan pero umaasa pa rin si Atty. Topacio na maipapalabas sa big screen ang Mamasapano film na dinirek ni Lawrence Fajardo para sa Borracho Films.

Commitment daw niya sa pamilya ng mga sundalo ang pelikulang ito. Gusto raw nilang ilahad ang kwento ng SAF 44 based sa mga news reports at senate inquiry.

Very factual daw ang kwento kaya nararapat lang daw itong mapanood ng mas maraming tao.

Bagamat open din siya sa idea ng streaming, mas magugustuhan daw niya na maipalabas sa mga sinehan ang Mamasapano film dahil mas maganda raw na mapanod ito sa big screen.

Si Edu Manzano ang tanging artista ng pelikula na present sa presscon noong Monday ng tanghali.

Sa open forum ay sinabi ni Edu na walang pinapanigan ang pelikula. Bahala na raw ang audience ang humusga sa kwento ng movie after nila mapanood ito.

All star cast ang Mamasapano film. Tampok din sa movie sina Claudine Barretto, Aljur Abrenica, Rey Abellana, L.A. Santos, at Gerard Santos. (RICKY CALDERON)