2021 January Archive - People's Balita

Archive for January, 2021

Quiapo Church, nanawagan sa mga deboto na makiisa sa “localized traslacion” ng Poong Hesus Nazareno

Posted on: January 6th, 2021 by @peoplesbalita No Comments

Nanawagan ang pamunuan ng Minor Basilica of the Black Nazarene sa mga deboto ng Poong Hesus Nazareno na makiisa sa “localized traslacion 2021” sa halip na dumagsa sa Quiapo church.

Inihayag ni Rev.Fr. Danichi Hui, Parochial Vicar ng Basilica na ginawang localized ang Traslacion ngayong 2021 bilang pag-iingat sa banta ng corona virus.

Ayon kay Rev. Fr. Danichi Hui, Parochial Vicar ng basilica, humingi ng tulong ang Quiapo Church sa mga simbahan sa Metro Manila at maging sa iba’t ibang lalawigan upang magsagawa ng nobenaryo at mga misa para sa kapistahan ng Mahal na Poong Hesus Nazareno.

“Localize celebration meaning sa mga provinces na pinagdalhan namin ng image ng Nazareno ay magsi-celebrate sila doon ng novena masses at fiesta mass. We also asked some parishes and diocese to celebrate novena,” pahayag ni Fr. Hui sa Archdiocese of Manila – Office of Communications.

Ibinahagi ng pari na kanilang hiniling sa mga lalawigan na may mas maluwag na panuntunan ng community quarantine ang pagsasagawa ng motorcade sa imahe ng Poong Nazareno.

“Bilang isang deboto ang hiling namin ay una sumunod sa mga minimum health protocols (new normal protocols) second, kung pupunta ng Quiapo, alamin muna ang mga entrances at exit points para di maabala,” dagdag pa ni Fr. Hui.

Panawagan naman nito sa mga deboto na may karamdaman na huwag nang pumunta sa simbahan sa halip ay antabayanan at subaybayan na lamang sa social media pages ng Quiapo church tulad ng Facebook, YouTube at Twitter upang makaiwas sa sakit.

Naniniwala ang basilica na sa pamamagitan ng localized traslacion ay mabawasan ang pagdagsa ng mga deboto sa Quiapo Church sa ikasiyam ng Enero lalo’t naitatala taun-taon ang mahigit sampung milyong indibidwal na nakikilahok sa Traslacion.

Ilan sa mga lugar na bibisitahin ng imahe ng Poong Nazareno sa National Capital region ang Hospicio de San Jose; Jan 1, San Lazaro Hospital; Jan 2, Manila Cathedral; Jan 3, Greenbelt Chapel; Jan 4, Manila City Hall; Jan 5, Bureau of Fire Prevention – QC; Jan 6, Manila Police District; and Jan 7, Brgy. 394.

Bukod sa mga parokya sa National Capital Region ay may mga lugar din na bibisitahin ang replica image sa Northern at Southern Luzon.

Libreng bakuna laban sa Covid-19 na ibibigay ng LGUs, welcome sa Malakanyang

Posted on: January 6th, 2021 by @peoplesbalita No Comments

WELCOME sa Malakanyang ang ikinakasa ng pamahalaang lokal ng Maynila, Makati, Pasig, Valenzuela, Navotas at Paranaque na pagbibigay ng libreng bakuna laban sa COVID-19.

Para kay Presidential Spokesperson Harry Roque, nangangahulugan lamang na maraming budget para bumili ng vaccine.

“Well, unang-una .. lahat po ng transaksyon sa mga manufacturer will be government to government. So, wala naman pong mao-order na independent doon sa mga orders na gagawin po ni Vaccine Czar Sec. (Carlito) Galvez. So, let’s just say we welcome the contribution of the LGUs kasi ang ibig sabihin mas marami tayong budget para bumili ng vaccine. At hindi lang iyon manggagaling sa pondo ng national government,” ayon kay Sec. Roque.

Sa ulat, ikinakasa na ng pamahalaang lokal ng Maynila ang pagbibigay ng libreng bakuna laban sa COVID-19 na inaasahang ilulunsad sa mga susunod na buwan.

Dahil dito, hinimok kahapon ni Manila Mayor Isko Moreno ang mga residente ng Maynila na magparehistro para sa libreng pagbabakuna laban sa COVID-19 sa pamamagitan ng www.manilacovid19vaccine.com.

Sinabi ni Moreno na sa pamamagitan ng isang ordinansa na naunang naipasa ng Konseho ng Lungsod ng Maynila na pinamumunuan ni Vice Mayor at Presiding Officer Honey Lacuna at Majority Floor leader Joel Chua ay naging daan ito sa pagkakaloob ng P200 milyon para sa pagbili ng COVID-19 vaccines.

Pinasalamatan naman ni Moreno si Pangulong Rodrigo Roa Duterte at ang National Action Plan vs COVID-19 chief implementer at “vaccine czar” Sec. Carlito Galvez Jr., para sa lahat ng suporta sa pagsisikap ng lungsod ng Maynila na labanan ang COVID-19.

Ayon sa alkalde, ang pamahalaang lungsod ay nakatakdang pumasok sa isang advanced marketing agreement contract upang magreserba ng paunang 400,000 dosage ng mga bakuna para sa 200,000 residente. Prayoridad na maturukan ang mga medical frontliners na susundan ng mga senior citizens bago ang mga mamamayan ng Maynila.

Habang isinasagawa ang pagbabakuna, tuluy-tuloy pa rin aniya ang pagbibigay ng libreng swab at serology testing sa lungsod.

“Libreng COVID-19 vaccine para sa LAHAT ng #ProudMakatizens. Naglaan kami ng P1 Billion para tiyakin na walang gagastusin ang bawat Makatizen na mabibigyan ng bakuna. Libre. Ligtas. Para sa lahat,” ani Mayor Abby Binay sa isang online post.

Ginawa ng alkalde ang anunsyo kasunod ng naunang interes ng lokal na pamahalaan ng Maynila at Paranaque na mamahagi ng libreng vaccine supply sa mga residente.

Ayon kay Binay, naglaan ang city government ng P1-bilyon para sa procurement o pagbili ng vaccine supply.

Ito raw kasi ang una sa mga prayoridad ng lungsod ngayong taon para maprotektahan ang kanyang mga residente mula sa coronavirus.

“Hangad ko na pangalagaan ang kalusugan ng bawat #ProudMakatizen ngayong 2021. Una sa prayoridad natin ang pagbili ng bakuna kontra-Covid at ang pagsasagawa ng mass vaccination para sa buong komunidad.”

“We are aiming for 100% vaccination in Makati.”

Sa ngayon sine-set pa raw ng lokal na pamahalaan ang ilulunsad na online registration system para matiyak na ligtas at accessible sa bawat residente ng Makati ang libreng COVID-19 vaccine.

Nakikipag-coordinate rin umano ang lungsod kay vaccine czar Sec. Carlito Galvez para sa pagbili ng mga bakuna.

“Guidelines for online registration to be announced soon. I want the free COVID-19 vaccine to be available and accessible to ALL Makatizens. Stay safe!”

Batay sa huling anunsyo ng local government, umabot na sa 10,152 ang total confirmed cases ng lungsod. Mula sa kanila, 9,494 na ang gumaling. Habang 376 ang namatay.

Bukod sa Makati City, nag-anunsyo rin ang lokal na pamahalaan ng Valenzuela City ng libreng COVID-19 vaccines. Ayon kay Mayor Rex Gatchalian, P150-million na alokasyon naman ang kanilang ilalaan para mabakunahan ang mga residente.

“Our efforts are meant to augment and supplement the initiative of the national government who will take the lead on this endeavor.”

Pati na ang lungsod ng Navotas na mayroon naman daw P20-million alokasyon pambili ng vaccine supply.

Ayon kay Mayor Toby Tiangco, nagkaroon na ng informal survey sa kanyang mga residente, at karamihan sa kanila ay gustong maturukan ng bakuna basta’t susundin ng LGU ang brand na gusto nilang magamit sa populasyon.

Batay sa huling update ng mga LGUs, umabot na sa 8,531 ang total confirmed cases sa Valenzuela; habang 5,458 naman ang sa Navotas.

Sinabi ni Metro Manila Council head Mayor Edwin Olivarez ng Paranaque, hinihintay pa nila ang tugon ng Food and Drug Administration (FDA) at Department of Health (DOH) ukol sa hiling na guidelines para sa pagbili ng COVID-19 vaccines.

“Some LGUs will be providing budgets so it could help the national government, so the national government can concentrate on provinces, municipalities in the outskirts of Metro Manila,” ani Olivarez sa isang interview. (Daris Jose)

LIBRENG DRIVE-THRU AT WALK-IN COVID-19 SEROLOGY TESTING SA MAYNILA, BALIK OPERASYON NA

Posted on: January 6th, 2021 by @peoplesbalita No Comments

MULING binuksan sa publiko ang lahat ng libreng drive-thru at walk-in COVID-19 serology testing centers sa Lungsod ng Maynila ngayong araw, ika-4 ng Enero, matapos pansamantalang isara ng mga ito nitong nakaraang Kapaskuhan.

Sa abiso ng Manila Health Department (MHD), muling bubuksan sa residente at hindi residente ng Maynila ang Drive-Thru Testing Center sa Quirino Grandstand gayunfin ang mga Walk-in Testing Centers sa Gat Andres Bonifacio Memorial Medical Center, Ospital ng Tondo, Justice Jose Abad Santos General Hospital, Ospital ng Sampaloc at Ospital ng Maynila.

Magbibigay ng libreng serbisyo ang mga nasabing COVID-19 serology testing centers mula Lunes hanggang Biyernes sa ganap na ika-8 ng umaga hanggang ika-5 ng hapon. (GENE ADSUARA)

PSG, handang mamatay para kay PDu30-Sec. Roque

Posted on: January 6th, 2021 by @peoplesbalita No Comments

HANDANG mamatay ang Presidential Security Group (PSG) para protektahan ang seguridad ni Pangulong Rodrigo Roa Duterte.

Ito ang mensaheng nais ipabatid ng Malakanyang sa paggamit ng PSG nang smuggled at hindi FDA approved na COVID-19 vaccine.

“Alam ninyo po ang PSG bagama’t iyan po ay—ang mga tauhan niyan ay galing sa lahat ng sangay ng Hukbong Sandatahan ng Pilipinas, malinaw po ang kanyang misyon ‘no – ito po ay to protect the President of the Republic of the Philippines and his immediate family,” ayon kay Presidential Spokesperson Harry Roque.

Aniya, nagkaroon ng desisyon ang PSG na sa panahon ng pandemya eh isa sa malaking banta sa kalusugan ng Pangulo ay kung mahahawa siya ng mga taong nakapaligid sa kanya at ito nga aniya ay ang PSG.

“So nagdesisyon sila maski wala pa pong authorization na magpabakuna. In other words po, dahil handa naman silang mamatay para sa Presidente eh pumayag na rin sila na magpasaksak dahil sa kanilang pagnanais na huwag sanang mahawaan ang ating Presidente,” ani Sec. Roque.

“Ang mensahe po nila ay malinaw: magpapakamatay po sila sa Presidente, para sa Presidente para bigyan siya ng proteksiyon,” dagdag na pahayag ni Sec. Roque.

Samantala, ang sambayanang Pilipino naman aniya at si Pangulong Duterte ay nagbibigay-pugay sa katapatan ng PSG sa kanilang misyon na protektahan ang Pangulo. (Daris Jose)

SWAB TEST MUNA BAGO BUMALIK SA TRABAHO

Posted on: January 6th, 2021 by @peoplesbalita No Comments

Sumailalim muna sa swab testing para sa Coronavirus Disease 2019 (COVID-19) ang mga empleyado ng Pamahalaang Lungsod ng Navotas bago bumalik sa kanilang trabaho.

“Experts said there is a possibility of a dramatic increase of COVID cases after the holidays. We deemed it prudent to have our employees tested for their own safety and the safety of those they come in contact with while working,” ani Mayor Toby Tiangco.

Lahat ng empleyado, kabilang ang mga opisyal ng lungsod ay naka-iskedyul para sa testing simula kahapon January 4-8.

Hindi sila kailangang dalhin sa quarantine o isolation kung hindi sila na tagged bilang close contacts ng COVID patients o hindi nagpapakita ng anumang symptoms ng sakit.

Noong June, ang mga nagtatrabaho sa Navotas city hall ay sumailalim din sa COVID-19 test.

Naglunsad din ito ng malaking community testing mula ng ipatupad ang city-wide lockdown noong July 16.

Bukod dito, nanawagan ang lungsod sa mga kompanya at informal workers na naka-base sa Navotas na sumailalim sa libreng COVID testing ng lungsod. (Richard Mesa)

Yorme Isko, walang planong tumakbo sa pagkapangulo sa 2022 election

Posted on: January 6th, 2021 by @peoplesbalita No Comments

Nilinaw ni Manila Mayor Isko Moreno na wala siyang plano na tumakbo sa pagkapangulo sa halalan na gaganapin sa 2022.

Aminado raw si Moreno na masaya siya dahil nakasama ang kaniyang pangalan sa isa sa mga presidential bets sa 2022 batay sa inilabas na listahan ng Pulse Asia survey.

Labis ang pasasalamat ng alkalde sa mga sumagot ng naturang survey ngunit mas kailangan pa rin daw na mag-focus ang bawat isa sa realidad na nahaharap pa rin sa health crisis ang buong mundo.

Gayundin ang panawagan niya sa mga pangalan na nakasama sa nasabing listahan.

Nabatid kasi sa sruiver na 12 porsyento ng 2,400 respondents ang nagsabi na iboboto nila si Moreno kung sakali na mapagdesisyunan nitong tumakbo sa pagka-presidente.

Ayon sa alkalde, mas mahalaga sa mga panahon ngayon ang kung ano ang mga gagawing hakbang para labanan ang pandemya na dala ng coronavirus disease.

Mas maigi rin aniya kung mas pagtutuunan na lamang ng pansin ang plano ukol sa pamamahagi ng bakuna na inaasahang sisimulan sa first quarter ng kasalukuyang taon. (GENE ADSUARA)

MANILA LGU, PINAGHAHANDAAN NA ANG PAGBIBIGAY NG LIBRENG BAKUNA KONTRA COVID-19 SA MGA MANILENYO

Posted on: January 6th, 2021 by @peoplesbalita No Comments

NAKAPAGPALISTA na sa “online pre-registration” ang mga Manilenyong intresadong mabakunahan kontra COVID-19 sa “on-line registration” matapos itong ilunsad ng lokal na pamahalaan ng Maynila.

Ayon kay Manila Mayor Isko Moreno Domagoso, inilunsad ng pamahalaang lokal sa pamamagitan ng Manila Health Department ang online registration na www.manilacovid19vaccine.com upang maging maayos at mapaghandaan nila ang dami ng nais magpabakuna kontra Covid-19.

Aniya, sa oras na maaprubahan ng national government agency ang gagamiting bakuna ay handa na ang lokal na pamahalaang lungsod ng Maynila sa isasagawa nilang operasyon upang mabakunahan ng libre ang mga Manilenyo.

“Ito yung pamamaraan ng syudad na pagiging maagap na inihahanda na natin kasi modesty aside, the City of Manila reserved already P200M since July and we’ve been talking to multinational pharmaceutical pharmacies even though they are in phase 2 at that time, at yan nagtagumpay yan kasi nagkaroon ng movement,” ani Domagoso.

“Having said that, we will try to reach as many as possible because the first order that we are trying to eye in our own little way is 400,000 dosage that will serve 200,000 Manileños,” dagdag pa ng Alkalde.

Ayon pa kay Domagoso, wala rin problema kung buong pamilya ang nais magpabakuna dahil pipilitin nilang kayanin na magkaroon ng pondo para mabakunahan ang lahat ng residente ng lungsod ng Maynila.

Aniya, kung kukulangin ang hawak na pondo na P250 million, handa silang maglaan ng P1 billion para makabili at mabigyan ang lahat ng nasabing bakuna.

Tiniyak naman ni Domagoso na ang bibilhing COVID-19 vaccine ng lokal na pamahalaang lungsod ng Maynila ay aprubado ng Food and Drug Authority (FDA) dahil hindi aniya nito kukunsintihin at hindi nito papayagan ang iligal na pagbabakuna laban sa nasabing sakit.

“Bawal na bawal yan. Walang Presidente, walang Mayor, walang senador na magsasabi hindi pwedeng mag FDA, hindi po, may batas po. Kaya yang mga tolongges na yan pati ilang senador na nagsasabi na hindi kailangan ng FDA eh kailangan po, huwag natin hikayatin yung mga ilegal,” giit ni Domagoso. (Bishop Jesus “Jemba” M. Basco)

5 SANGKOT SA DROGA TIKLO SA P.7 MILYON SHABU AT BARIL

Posted on: January 6th, 2021 by @peoplesbalita No Comments

ARESTADO ang limang drug personalities, kabilang ang isang Grab driver matapos makumpiskahan ng higit sa P.7 milyon halaga ng shabu at baril sa magkahiwalay na buy-bust operation ng mga pulis sa Caloocan at Malabon cities.

Ayon kay Caloocan police chief Col. Samuel Mina Jr., dakong 3:40 kahapon ng madaling araw nang magsagawa ng buy-bust operation ang mga operatiba ng Station Drug Enforcement Unit (SDEU) sa pangunguna ni P/Capt. Deo Cabildo kotra kay Arvin Amion alyas Daga, 25 sa kanyang bahay sa Phase 6, Brgy. 178, Camarin Road.

Nang tanggapin ni Amion ang P7,500 marked money mula sa pulis na nagpanggap na buyer kapalit ng isang medium plastic sachet ng shabu ay agad siyang dinamba ng mga operatiba.

Nasamsam sa suspek ang humigit-kumulang sa 55 gramo ng shabu na tinatayang nasa P374,000.00 ang halaga at buy-bust money na binubuo ng isang tunay na P500 bill at pitong piraso ng P1,000 boodle money.

Nauna rito, alas-2:45 ng madaling araw nang matimbog din ng mga operatiba ng Malabon Police SDEU sa pangunguna ni P/Capt. John David Chua sa ilalim ng pangangasiwa ni P/Col. Angela Rejano sa buy-bust operation sa Sta Rita St. Sto Rosario Village Brgy. Baritan, Malabon city si Eduardo Sanchez, 47, (pusher/listed), Nicolo Felongco, 36, (pusher/listed), grab driver, Leo Ponce, 42, at Marlon Sarmiento, 37, (user/listed).

Nakuha sa mga suspek ang humigit-kumulang sa 55 gramo ng shabu na tinatayang nasa P374,000.00 ang halaga, isang cal. 45 psitol na may magazine na kargado ng 3 bala at marked money na binubuo ng isang tunay na P500 bill at 16 piraso ng P500 boodle money. (Richard Mesa)

Toni, todo-depensa sa na-evict na PBB housemate na si Russu

Posted on: January 6th, 2021 by @peoplesbalita No Comments

LAST Sunday, January 3, ang ikalawang na-evict sa “Pinoy Big Brother: Connect” ang housemate na si Russu Laurente, ang batang boksingero mula sa General Santos City.

Nangyari nga ang eviction matapos na aminin ni Russu kay Kuya na sumang-ayon siya noon sa issue ng ABS-CBN shutdown at humingi ng tawad sa lahat ng mga Kapamilyang naapektuhan ng pagpapasara sa network.

Dumepensa naman ang isa sa mga host ng reality show, ang TV host-actress na si Toni Gonzaga sa mga bashers ng nang natsuging housemate sa pamamagitan ng kanyang IG post kasama ang larawan ng kuha sa harap ng Bahay Ni Kuya.

“Back to work this 2021. For our 2nd eviction night housemate Russu was evicted because of a mistake he did that eventually made him realize the damage it has done,” panimula niya. “People are very quick to judge him, call him names and crucify him on social media because of it without realizing that at 19 years old, he doesn’t know the gravity of words spoken.

“He has learned his lesson and this will help him grow and mature in life. And now that he knows better. We will do better.

“May this also serve as a reminder for us to not define or label a person by the mistakes they’ve committed but from how they rise up, rebuild and become a better person they are really supposed to be.

“I hugged the boy after the show and he kept apologizing. Forgiveness is a gift everyone deserves. #sundayrealization2021,” sabi pa ni Toni.

Inamin naman ni Russu kay Big Brother na isa siya sa mga nagsabing dapat nang ipasara ang ABS-CBN noong kasagsagan ng pagdinig ng Kongreso sa franchise renewal ng network.

Sa naging pahayag ng binata, “Alam ko po Kuya na nasaktan po kayo na minsan po isa rin ako sa mga sumang-ayon sa pagpapasara ng iyong tahanan nong mga panahong hindi ko pa alam ‘yung mga nangyayari, ‘yung mga totoong nangyayari po sa mga nakikita ko po kuya.

“I’m sorry po kuya kung nasaktan ko po kayo at ‘yung pamilya po ng ABS-CBN.”

Bukod nga kay Russu, umamin at nag-apologize din si Crismar Menchavez sa pagsuporta nila sa shutdown ng ABS-CBN noong nakaraan taon. “Humingi po talaga ako ng tawad kuya kasi alam ko once in my life, parang I don’t care na maikling time lang ‘yun na nag-agree ako, but I did agree, sa thought ko na nag-yes ako sa thought ko, kahit hindi ko siya pinost or everything but I agreed to the shutdown and I am ashamed of it and I’m sorry po talaga, Kuya,” sabi ni Crismar.

Kaya naman gusto ng mga galit na galit na bashers na siya naman ang susunod na ma-evict, matapos ma-save last week.

May usap-usapan din na may ikatlo pang nakapasok sa Bahay ni Kuya, na sumuporta din sa pagpapasara ng Kapamilya network. (ROHN ROMULO)

Mga dalangin ko po sa Bagong Taon

Posted on: January 6th, 2021 by @peoplesbalita No Comments

BAGONG taong 2021 na po noong Biyernes, Enero 1.

Katulad po nang nakagawian na ng OD buhat noong 1997 dito sa People’s BALITA Sports page, may mga dalangin po ako sa ating Dakilang Lumikha para sa Philippine sports, lalo na sa ilang mga atleta.

Narito po ang ilan:

Weightlifter Hidilyn Diaz – Mag-qualify uli at makopo na ang gold medal sa 32nd Summer Olympic Games 2020 sa Tokyo, Japan na ni-reset lang sa Hulyo 2021 sanhi ng pandemya. Ito na ang pang-apat at huli na niyang quadrennial sportsfest makaraang mag-silver sa 2016 Rio de de Janeiro Olympics.

Gymnast Carlos Edriel Yulo – Makagintong medalya rin sa 2020Tokyo Games dahil sa Malaki na ang gastos na sa kanya ng Philippine Sports Commission (PSC) at pag-aasikaso ng Gymnastics Association of the Philippines (GAP) sa tatlong taong pagti-training sa Japan.

Boxers Eumir Felix Marcial at Irish Magno – Umay na ang mga Pinoy at ang Association of Boxing Alliances in the Philippines (ABAP) sa silver at bronze medals sa mga nakaraang Olimpiks, kaya dasal kong gold na ang masuntok ninyo.

Pole vaulter Ernest John Obiena – Manalo ng gold buhat sa Tokyo Games lalo’t napatunayan na kayang tumalo ng mga astig ding karibal patunay ng mga tagumpay sa Southeast Asian Games, Asian Championships, Summer University Games at iba pa.

Marathoner Mary Joy Tabal – Makapasa sa Olympic qualifying women’s marathon para sa ikalawa niyang Olympics. At suntok man sa buwan, sana ay makamedlya na maaaring graceful exit na sa national team ng pinakamagaling na lady marathoner natin sa may 52 taong kasaysayan ng event sa bansa.

Karateka Jamie Christine Lim – Makahabol din sa papalapit na Olympics sa pag-qualify sa isang torneo sa Paris, France sa taong ito.

Bakuna laban sa Coronavirus Disease 2019 – At higit sa lahat, makatuklas na ng iniksiyon laban sa pandemya para makabalik na sa normal lahat kasama po siyempre ang sports