2021 January Archive - People's Balita

Archive for January, 2021

MAINE, masayang kasama si ARJO sa wedding entourage ng kapatid; wish ng marami na magkatuluyan

Posted on: January 23rd, 2021 by @peoplesbalita No Comments

NAG-VIRAL na naman sa social media ang mga photos nina Maine Mendoza at Arjo Atayde.

Kuha ang mga larawan sa wedding ng brother ni Maine na si Nico at sister-in-law na si Krisha na kung saan kasama ang love birds sa wedding entourage, na in-upload sa fan account online na @everythingarmaine.

At based sa mga pictures, kitang-kitang ang kaligayahan nina Maine at Arjo at marami ang nagsasabi na perfect for each other sila and hopefully, mauwi rin sila sa kasalan.

Nag-post din si Maine sa kanyang IG account na mga photos, dalawang solo pic at dalawang rin na kasama si Arjo, na may caption na, “Yesterday’s look for my brother’s wedding” at marami talaga ang natuwa.

Narito naman ang ilan sa comment ng netizens:

“Next na ang Armaine.

“Sana nga talaga para maka move on na mga Delulus at tigilan na si Alden kasi siya pa yung lagi sinisisi sa mga gawain ni girl.

“The Aldub freaks are again saying edited, please move on, it is 2021, been 6 years ago. Enough.

“Not an aldub/maine/alden/arjo fan ha? Pero wala naman ako nakikitamg comments na nagsasabi edited yung pic lol. Girl ikaw ang mag move on ha!

“Ikaw nalang may sabi niyan.. wala nang paki mga fans ni yayadub noon na nagpasikat sa kanya sa lovelife niya ngayon.

“dami pa ding comments from delulus sa IG and twitter. FAKE and

“EDITED, not to mention sarzuela daw ang lahat. Yung iba naman sabi gate crasher si Arjo at ang totoong kasama ay si Alden at ang dalawang anak nila.

“nasa twitter kasi lahat ng delulu. Hindi ka naman nag check ng twitter so natural wala ka makikita.

“I think (he/she) is pertaining to those fans on Twitter not necessarily here sa comment section. In case you’re not aware marami pa rin nauuto ng mga accounts na puro imbento yung mga tweets about Alden and Maine. They are the same people na nagpapakalat na kasal at may anak na daw yung dalawa.

“Sarap sa feeling pag legal on both sides tapos nakakasali sa family events ni jowa. #relatemuch.

“Hindi kagwapohan si Arjo but he looks dashing pero si Maine waley talaga ganda.

“Aw. Sana sila na talaga. Kasi mahirap yan pag nag-break, di mabubura sa wedding photos ang ex. Yan ang reason kung bakit sa debut ng pinsan ko isang pinsang lalaki lang din namin ang kinuha nyang escort.

Hahaha this is true. Pag di pa sure, wag isama sa official family photos as much as possible.

“May mga angle talaga si Maine na hindi appealing. I guess it’s her lips/mouth?

“Are you kidding? It is those lips that are MOST appealing. They’re called pillow lips and everyone hopes to have it.

“Mas fresh at bata tignan si Arjo kaysa kay Maine.

“Si maine and alden daw ang kinasal, edited daw ito hahahahhahaha.

“Real pic versus ig pic. Lol.

“Eh anong gusto nyo perfect sa ganda pero pangit naman ang kalooban at puros kaplastikan? Atleast kung para sainyo d kagandahan c maine eh dun lang sya sa totoong nagmamahal sknya at kung saan sya masaya. Kesa naman mabuhay sya sa ilusyon ng mga delulu na d naman sya gusto nung lalaki na pinagduduldulan sya. Don na tau sa totoo diba? Magbago na kayo bashers! Maine is happy at wala naman problema sknya, pti real fans supportado sya at family nya. Kayo nalang ang natitirang bittermelons.

“Ang tanong… paano gagawin ng mga adn kuno na kasalanan ni Alden na magkasama ang armaine?”

Well, sana nga mas marami pa ang matuwa sa relasyon at pagmamahalan nina Arjo at Maine na kaka-celebrate lang ng kanilang second anniversary.

(ROHN ROMULO)

‘Mahigpit na implementasyon ng protokol sa kalusugan, sundin’- Gob Fernando

Posted on: January 23rd, 2021 by @peoplesbalita No Comments

LUNGSOD NG MALOLOS– Muling binigyang diin ni Gob. Daniel R. Fernando ang kahalagahan ng mahigpit na pagpapatupad ng protokol sa kalusugan at COVID-19 Inter-Agency Task Force (IATF) for the Management of Emerging Infectious Diseases Resolutions sa kanyang mensahe sa opisyal niyang Facebook page kamakailan.

“Ipatutupad po natin ng may lalong paghihigpit ang protokol at pamantayan sa kalusugan upang maiwasan ang muling pagkalat ng COVID-19, nais nating matiyak na hindi mawawalang saysay ang mga pinagtiisan at ipinaglaban natin noong ECQ,” ani Fernando.

Inulit din ng punong lalawigan na disiplina sa sarili ang pinakamabisang panlaban sa COVID-19.

“May karampatang parusa at multa ang lalabag sa health at IATF protocols dahil ang pinakamabisang panlaban ay disiplina ng bawat isa, ang pagsasagawa ng minimum health standards, kaya ugaliin po natin ang patuloy na pag-iingat at huwag po natin itong balewalain, huwag tayong masanay sa mali,” anang gobernador.

Aniya, bagaman umani ng mga papuri ang Bulacan mula sa nasyunal na pamahalaan dahil sa pagkakamit ng pinakamababang infection rate at pinakamataas na recovery rate na 96 porsyento at walang namatay sa nakalipas na mga buwan sa mga lalawigang nakapalibot sa National Capital Region, patuloy pa rin ang laban ng lalawigan kontra COVID-19.

Sinabi din niya na ayon sa mga tala, tumaas ang pagkalat ng COVID-19 nitong nakalipas na panahon ng Kapaskuhan kung kaya nananawagan siya sa lahat na gawin ang kanilang bahagi.

“Ang bawat isa ay maaaring mag-ambag sa pamamagitan ng pagbibigay prayoridad sa minimum health standards para patuloy na makabalik ang mga tao sa kanilang pagtatrabaho, maiiwasan ang pag-akyat ng kaso at ‘di mawala ang pangamba sa pagsasara ng mga negosyo at kawalan ng trabaho, at mas magiging mabilis ang pagbubukas ng ekonomiya,” bahagi ni Fernando.

Ayon sa pinakahuling surveillance update nitong Enero 20, 2021 4PM na sa 11,201 COVID-19 na mga kaso sa Bulacan, 10,090 (90%) ang gumaling, 703 (6%) ang aktibong kaso 408 (4%) ang namatay. Sa kasalukuyan, 52 na mga bagong resulta ang nadagdag sa kabuuang bilang ng mga naitalang beripikadong kaso ng Provincial Epidemiology and Surveillance Unit (PESU). (Bishop Jesus “Jemba” M. Basco)

Kobe Paras pass sa 3rd window

Posted on: January 23rd, 2021 by @peoplesbalita No Comments

Habang nag-commit na si Kai Sotto sa third window ng FIBA Asia Cup Qualifiers, hindi naman masisilayan sa aksyon si Gilas Cadets member Kobe Paras.

Walang darating na Paras sa Inspire Sports Academy sa Calamba, Laguna dahil nagpasya itong lumiban sa third window dahil sa personal na kadahilanan.

Ayon sa ulat, nagpaalam na ang University of the Philippines standout sa kanyang mga teammates gayundin sa miyembro ng coaching staff.

Huling naglaro si Paras noong Nobyembre sa second window ng qualifiers sa Manama, Bahrain.

Nagtala ito ng averages na 3.5 points, 5.5 rebounds, 2.0 assists, at 1.0 steals sa dalawang panalo ng Gilas Pilipinas kontra sa Thailand.

Sina Javi Gomez de Liaño, Dave Ildefonso, Justine Baltazar, Calvin Oftana, William Navarro at Kemark Cariño ang Gilas Cadets na kasalukuyang nasa loob ng ‘Calambubble’.

Inaasahang darating naman ngayong araw sa bubble ang iba pang miyembro na sina Juan Gomez de Liaño at Dwight Ramos.

Makakasabay ng dalawa ang bugso ng PBA players na nagkumpirmang lalaro sa third window.

Nauna nang pumasok sa bubble sina Kiefer Ravena ng NLEX, CJ Perez ng Terrafirma at Justin Chua ng Phoenix.

TWG binuo para balangkasin ang “Sagip Kolehiyo Act”

Posted on: January 23rd, 2021 by @peoplesbalita No Comments

Pinagtibay ng House Committee on Higher and Technical Education ang House Resolution 1380 na iniakda ni Rizal Rep. Juan Fidel Felipe Nograles.

Layon ng resolusyon na hilingin sa komite na hikayatin ang pagsasanay ng mas maraming Pilinong siyentista at dalubhasa sa ibang bansa.

Sinabi ni Dr. Ben Macatangay, kinatawan mula sa Commission on Higher and Technical Education (CHED), na ang suporta ng pamahalaan para sa dayuhang scholarship at pagsusulong ng ibayong pag-aaral at pagsasanay sa ibang bansa ay isang magandang puhunan sa mataas na edukasyon, na tiyak na mamumunga ng maraming manggagawa na may teknikal na kakayahan, kabilang na ang pagpapalawig ng paglilipat ng kaalaman, kasanayan at teknolohiya.

Binuo rin ng komite ang isang technical working group (TWG) na babalangkas sa HB 7446 o ang “Sagip Kolehiyo Act,” na nalalayong gamitin ang Unified Student Financial Assistance System for Tertiary Education (UNIFAST), para sa pag-eenrol at ayuda sa pag-aaral ng mga estudyante sa kolehiyo, na mga anak ng Overseas Filipino Workers (OFWs), at iba pang mga manggagawa, na nawalan ng trabaho dahil sa pagbagal ng ekonomiya na sanhi ng pandemyang dulot ng COVID0-19.

Layon pa ng panukala na palakasin ang enrollment sa mga pribadong Higher Educational Institutions (HEIs), at maiiwasan nito ang pagdami ng walang trabaho sa bansa.

Inaprubahan ng komite ang mga lokal na panukala: HB 8198 na iniakda ni Deputy Speaker Pablo John Garcia, na naglalayong gawing regular na campus ang Balanban extension campus ng Cebu Technological University (CTU); at ang HB 8247 ni North Cotabato Rep. Jose Tejada, na naglalayong itatag ang isang medical school sa University of Southern Mindanao (USM). (ARA ROMERO)

LEADER NG ONLINE PROSTITUTION SA KOREA, DINAKMA SA PAMPANGA

Posted on: January 22nd, 2021 by @peoplesbalita No Comments

INARESTO ng Bureau of Immigration (BI) ang isang Korean national na wanted sa kanilang bansa dahil sa pago-operate ng online prostitution advertising site.

Sinabi ni BI Commissioner Jaime Morente ang ginawang pag-aresto kay Seo Jungnam, 41, sa Amor Riverside Anunas, Angeles City, Pampanga ng mga operatiba ng BI’s Fugitive Search Unit (BI FSU).

Ang operasyon ay isinagawa sa pakikipagtulungan sa mga awtoridad ng Korea maTapos na nakatanggap ng impormasyon na si Seo ay wanted sa Korea na may Interpol Seoul Notice noong December.

Ayon kay BI FSU Chief Bobby Raquepo na si Seo ay naninirahan na sa Pilipinas simula pa noong 2015 at siya ay suspek sa isang exploitation at prostitution case sa Korea matapoS itong maglagay ng isang prostitution advertisements online.

Dahil dito, isang arrest warrant ang inisyu laban sa kanya ng Uijeongbu District Court sa Korea noong 2018.

Si Seo, kabilang ang kanyang mga kasapakat ay kumita ng halos 32M Korean Won o P1.3M dahil sa pago-operate sa nasabing online prostitution site na may pangalang Payboy.

“We received information from our Korean counterparts that Seo’s passport is also undergoing revocation, making him an undocumented alien,” paliwanang ni Raquepo. (GENE ADSUARA)

‘ASAP Natin ‘To’ at ‘FPJ: Da King’ ng ABS-CBN, mapapanood na sa TV5 kaya natsugi ang show nina PIOLO at MAJA

Posted on: January 22nd, 2021 by @peoplesbalita No Comments

MAPAPANOOD na ang ASAP Natin ‘To at FPJ: Da King ng ABS-CBN sa TV5.

So by now, mas malinaw na siguro kung bakit nawala na lang bigla ang Brightlight Production’s blocktimer show na SNL (Sunday Noontime Live) headed by Piolo Pascual and Maja Salvador.

Siyempre, maraming natuwa sa balitang ito kunsaan, malinaw na partnership ng ABS-CBN at TV5. Ito na ang sinasabi ng bagong Star Magic head na si Direk Lauren Dyogi na partnership o collaboration ng dalawang networks.

Marami ang natuwa dahil mas mapapanood na ngayon ang mga programang ito ng ABS-CBN sa mas malaking channel at nationwide ang coverage.

Halata rin ang saya ni Vice Ganda na napa-tweet nang, “Congratulations ABS-CBN and TV5!!!!! #BetterDays.”

‘Yun lang, paano na kaya ang mga naging host ng SNL na galing ng ASAP gaya nina Piolo at Maja, ia-absorb pa rin kaya sila ng ASAP now na ito na ang papalit sa time-slot nila?

***

MARAMI ang nakapanood at talagang nagustuhan ang Korean film na My Sassy Girl.

At ang nagwagi sa Pilipinas na actress para gumanap dito ay walang-iba kung hindi si Toni Gonzaga.

Siya ang nakakuha ng title role ng Philippine adaptation ng hit Korean film na My Sassy Girl na pinagbidahan ng magandang South Korean actress na si Jun Ji-Hyun (My Love from the Star).

Ang mismong production outfit nila na TinCan Films ang siyang magpu-produce ng movie at very proud nga ang mister ni Toni na si Direk Paul Soriano nang i-announce nito officially kasabay ng kanyang pagbati sa birthday ni Toni ng “Happy Birthday to My Sassy Girl @celestinegonzaga.”

Ilang bansa na rin ang nag-adapt nito tulad ng America, India, Neptali, China at iba pa. Yun nga lang, malamang ay alam ni Toni na bago pa man niya ito tinanggap, may pressure na agad dahil sa success nga ng movie at sa dami na nag-adapt.

Positive si Toni sa My Sassy Girl. Sa latest vlog nga niya, tinanong siya ni Direk Paul kung ano ang greatest achievement niya sa work.

Sey niya, “It’s hard to pick one, pero siguro yung pinaka-latest, yung My Sassy Girl. Yun siguro. First time ko napanood yung pelikula, 2006, we we’re shooting You Are The One, hindi ko makalimutan yun, nasa Pampanga kami.” (ROSE GARCIA)

Psalm 16:5

Posted on: January 22nd, 2021 by @peoplesbalita No Comments

You are my inheritance, O Lord.

Serantes bumalik sa pagamutan

Posted on: January 22nd, 2021 by @peoplesbalita No Comments

NAGBALIK sa Veterans Memorial Medical Center sa Quezon City ang 1988 Seoul Summer Olympic Games men’s boxing bronze medalist na si Leopoldo Serrantes dahil sa dati at matagal na niyang karamdamang pulmonya at sa sakit sa puso.

Pinabatid ng Philippine Sports Commission ang kalagayan ng 58-anyos at may taas na 5-2 na bayani ng mga Pinoy sa quadrennial sportsfest sa pamamagitan ng Twitter nito lang Miyerkoles, Enero 20. Humihiling din ang ahensya sa sports ng gobyerno ng panalangin sa lahat para sa mabilis na paggaling ng retiradong boksingero’t sundalo.

Nakikipagtalastasan naman si Association of Boxing Alliances in the Philippines (ABAP) secretary-general Edgar Genaro ‘Ed’ Picson sa PSC para makakuha ng pinansiyal na tulong para kay Serrantes na minsan na ring naratay at nakapanayam ng sumulat na ito sa naturang ospital, ilang taon pa lang ang nakararaan.

Kinopo niya ang medalyang tanso sa Seoul nang matalo sa semifinals kay Ivailo Khristov ng Bulgaria sa desisyon 5-0.

Dinaig niya sa quarterfinals si Mahjoub Mjirish ng Morocco sa referee stop contest, third round; si Sammy Stewart ng Liberia sa Round of 16, 5-0, at si Hassan Mustafa ng Egypt sa second round ng RSC sa Last 32 tapos mag-bye sa Round of 64.(REC)

Ads January 22, 2021

Posted on: January 22nd, 2021 by @peoplesbalita No Comments

QC nagkaloob ng P100M para sa EDSA busway ramps

Posted on: January 22nd, 2021 by @peoplesbalita No Comments

Ang lokal na pamahalaan ng Quezon City ay nagkaloob ng P100 million para sa konstruksyon ng elevated ramps sa kahabaan ng EDSA.

Ito ang sinabi ni Metropolitan Manila Development Authority (MMDA) Chairman Benjamin Abalos matapos ang ginawang inspection sa Balintawak market noong makalawang araw.

Ang Department of Transportation (DOTr) at Department of Public Works and Highways (DPWH) ay nagbigay rin ng pondo para pagtatayo ng busway ramps sa EDSA.

“We are coordinating with DOTr and DPWH to address traffic woes caused by the U-turn slot closures along EDSA,” wika ni Abalos.

Noong nakaraang taon, ang MMDA ay sinarahan ang madaming U-trun slots sa kahabaan ng EDSA na siyang naging sanhi ng pagsisikip sa nasabing highway at iba pang pangunahing lansangan sa Metro Manila.

Kamakailan lamang ay mayron na naman sinarahan na U-turn slots ang MMDA at ito ay ang nasa General Malvar/Bagong Barrio sa EDSA. Ito ay sinarahan dahil sa gagawing EDSA Busway project ng DOTr kung saan ang innermost lane sa EDSA ay gagamitin bilang designated at exclusive lane para sa public utility buses (PUBs).

Habang si Mayor Joy Belmonte naman ay nakiusap sa MMDA na muling buksan ang mga iba pa na U-turn slots na sinarahan sa EDSA.

Samantala binuksan ng Metropolitan Manila Development Authority (MMDA) noong nakaraang taon ang dalawang (2) U-turn slots sa EDSA sa Quezon City matapos na pagsabihan ng mga lawmakers at ng pamahalaang lungsod ng Quezon City ang MMDA.

Ang nasabing U-turn slots ay ang nasa tapat ng Quezon City Academy at ang malapit sa Darrio Bridge sa Balintawak upang magamit ng mga motorista at dahil sa sunud-sunod na complaints na tinalakay sa nakaraang congressional inquiry ng House committee sa Metro Manila development.

Ang nasabing U-turn slot sa Quezon Academy ay bukas lamang para sa mga light vehicles samantalang ang nasa Darrio Bridge ay para lamang sa mga emergencies at government vehicles.

Nagalak naman si Mayor Joy Belmonte sa naging desisyon ng MMDA sa muling pagbubukas ng nasabing U-turn slots, na noon pa man ay hiniling na ni Belmonte dahil sa maraming complaints na kanyang natatangap mula sa mga motorista.

Nangako si Belmonte na ang pamahalaang lungsod ng Quezon City sa ilalim ng task force traffic management ay silang mangangasiwa sa stop-and-go scheme sa mga nasabing U-turn slots. (LASACMAR)