2020 July Archive - People's Balita

Archive for July, 2020

Partylist solon sa Roque statement na natalo ng PH ang prediction ng UP sa COVID cases: ‘Di na siya nahiya’

Posted on: July 2nd, 2020 by @peoplesbalita No Comments

Binatikos ni Bayan Muna party-list Rep. Eufemia Cullamat ang aniya’y “napakainsensitibong” pahayag ni Presidential Spokesperson Harry Roque na tinalo na ng Pilipinas ang COVID-19 prediction ng University of the Philippines (UP).

Hindi na aniya nahiya si Roque na buong galak pa nitong sinasambit ang naturang pahayag gayong ang Pilipinas ay pangatlo sa may pinakamataas na kaso ng COVID-19 sa Southeast Asia, at pangalawa sa nakapagtala ng pinakamaraming casualty sa naturang sakit.

Makikita aniya sa ngayon na hirap nang lunukin ng administrasyon ang kapalpakan sa epektibong pagtugon sa pandemya halimbawa na lamang ang maraming backlog sa COVID-19 testing sa bansa.

“Lalong lumalala ang mga kaso dahil sa walang libreng mass testing at walang epektibong contact-tracing na ginagawa. Walang malawakang pagpapakilos sa mga manggagawang pangkalusugan,” ani Cullamat.

Kung pagbabasehan rin anya ang tracker ng Department of Health, hanggang noong June 28 ay nasa mahigit 46,000 na indibidwal ang positibo sa virus kung saan 36,438 ang validated.

Bagong cease and desist order ng NTC vs ABS-CBN, ‘di makakaapekto sa franchise hearing – House leader

Posted on: July 2nd, 2020 by @peoplesbalita No Comments

Nilinaw ni House Committee on Good Government and Public Accountability Chairman Jose Antonio Sy-Alvarado na hindi makakaapekto sa magiging desisyon ng Kamara sa franchise bid ng ABS-CBN ang inilabas na alias cease and desist order ng National Telecommunications Commission (NTC).

Ito ay matapos na ipinahinto kahapon ng NTC ang broadcast operations ng Sky Direct pati na rin ang digital television transmission ng ABS-CBN sa TV Plus gamit ang Channel 43.

Sa isang panayam, sinabi ni Alvarado na tanging sa mga gumagamit lamang sa naturang serbisyo ang maapektuhan ng cease and desist order ng NTC pero walang implikasyon naman sa mga pagdinig na isinasagawa ng Kamara sa 25-year franchise bid ng ABS-CBN.

Iginiit ni Alvarado na wala namang pagkakaiba nang pagkakaroon at kawalan ng ceased and desist order dahil Mayo 5 pa lamang ay paso na aniya ang prangkisa ng media giant.

Kahapon inilabas ng NTC ang alias cease and desist order habang tinatalakay sa Kamara ang ilang issue na kinakaharap ng network.

Kinuwestiyn ng ilang mga kongresista ang patuloy na pag-ere ng ABS-CBN ng kanilang mga palabas gamit ang Channel 43 sa kabila ng cease and desist order na inilabas ng NTC na nagsasabing dapat nang ihinto ang broadcast operations ng network makaraang mapaso ang prangkisa nito noong Mayo 4.

Sa panibaong kautusan, binigyan diin ng NTC na kabilang ang TV Plus sa listahan ng mga radio at TV stations na pinasasara nila sa oder na inilabas noon namang Mayo 5.

PBA pa rin ang ‘most secure’ na opsyon para sa mga players – chairman

Posted on: July 2nd, 2020 by @peoplesbalita No Comments

Naniniwala si PBA chairman Ricky Vargas na hindi banta sa liga ang interes ng mga koponan mula sa ibang mga bansa sa mga Pinoy players.

Ayon kay Vargas, kumpiyansa itong babalik para maglaro sa PBA sa hinaharap ang mga dekalibreng Pinoy players na pinili munang maglaro sa ibang bansa.

Maliban kay Ravena, interesado rin umano ang isang Japanese ballclub sa sinuspindeng si Calvin Abueva ng Phoenix, maging si Terrence Romeo ng San Miguel.

Sa kabila nito, tiwala si Vargas na ang PBA pa rin ang pinakamagandang destinasyon para sa mga basketbolistang Pilipino.

“They will have to rethink if they join that conference (season) or two or join the PBA which is more secure with what they are doing and closer to home,” ani Vargas.

Muli ring binanggit ng TNT KaTropa governor ang umiiral na regulasyon sa PBA kung saan maaaring ma-ban ang player na eligible nang maging pro kung mabigo itong mag-apply para sa draft sa dalawang sunod na taon.

Pero inihayag nito na posibleng ibang kaso ang kay Ravena dahil sa kinausap na nito si PBA commissioner Willie Marcial tungkol sa kanyang plano.

“Si Thirdy naman didn’t apply for the draft but he informed the commissioner that he was looking at playing in Japan,” sambit ni Vargas.

“As of this time, the rule hasn’t changed,” dagdag nito

Reaksyon ito ni Vargas kasunod pa rin sa pagkuha ng koponan sa Japanese B.League na San-en NeoPhoenix kay dating Ateneo standout Thirdy Ravena.