Higit 12,000 ng isinumiteng sample para sa COVID-19 ang kinonsiderang backlogs sa iba’t ibang laboratoryo sa bansa, ayon sa Department of Health (DOH) noong Biyernes.

Sa isang virtual forum, sinabi ni Health Undersecretary Maria Rosario Vergeire na kabilang sa mga dahilan ng pagkakaroon ng delay sa pagproseso ng mga sample na ito ay dahil sa “overwhelming” na pagdating ng mga specimen dahil sa binagong protocol para sa expanded COVID-19 testing.

Noong nakaraang linggo, inanunsyo ng Malakanyang na kahit ang mga hindi nakikitaan ng sintomas ng COVID-19 ay isasama sa expanded testing program ng pamahalaan.

Upang matapos ang mga backlog, sinabi ni Vergeire na nilimitahan ng mga laboratoryo ang bilang ng mga sample na tinatanggap ng mga ito kada araw.

Nagpatupad din ng zoning ang DOH para sa madaling referral sa ibang kalapit-laboratoryo.

“Pag ang isang laboratory ay nagkakaroon na ng problema like backlogs, puwede natin hingin ang tulong ng isang laboratory na malapit sa kaniya para ma-share niya ‘yung burden of these tests that are being processed,” ayon kay Vergeire.

Hanggang Hulyo 9, mayroong 83 na laboratoryo sa bansa ang accredited na magsagawa ng COVID-19 tests, kung saan 62 sa mga ito ang polymerase chain reaction (PCR) facility at 21 ang GeneXpert laboratories.

Umabot naman sa 19,459 ang average number ng mga test na isinagawa araw-araw mula Hulyo 1 hanggang 7.

Hanggang Hulyo 9 naman, nakapagtala na ang Pilipinas ng 51,754 na kaso ng COVID-19 kung saan 12,813 ang nakarekober at 1,314 naman ang nasawi.

TINATAYANG nasa 80% completion na ang mga Road projects ng Department of Public Works and Highways (DPWH) na inaasahang magpapagaan sa daloy ng trapiko sa EDSA at iba pang major roads sa Metro Manila (MM).

Ayon kay DPWH Sec. Mark Villar, na ‘as of may 2020’, tinatayang aabot sa 23,657 kilometers na mga bagong tulay ang malapit nang makumpleto ang konstruksyon.

Inaasahan aniyang malaki ang maitutulong nito sa 31 existing Bridges na nasa bahagi ng Pasig River, Marikina River at Manggahan Floodway.

Sinabi pa ng Kalihim na kabilang sa mga proyektong ito ang Bonifacio Global City – Ortigas Center Road Link Project Na konektado Naman sa Ginagawang tulay na mag-uugnay Sa Lawton Avenue, sa Makati At Sta. Monica Street, sa Pasig City.

Sakali aniyang makumpleto na ang mga ito, aabot na lamang sa labindalawang minuto o 12 minutes ang travel time sa pagitan ng Bonifacio Global City At Ortigas Central Business District.

Aniya, ilan pa sa mga target na matapos ng pamahalaan sa susunod na taon, Binondo – Intramuros Bridge at ang Estrella – Pantaleon Bridge. (Bishop Jesus “Jemba” M. Basco)

Simula noong Biyernes, July 10 ay pinayagan na ng pamahalaan ang pagsakay ng mag-asawa sa motorcycle subalit kinakailangan silang sumunod sa mga health standards na pinatutupad ng Inter-Agency Task Force for the Management of Emerging Infectious Diseases (IATF).

Isa sa mga mandatory health requirements ay ang paglalagay ng body shields sa pagitan ng driver at ng sakay nito upang maiwasan ang direct physical contact.

“Back-riding is allowed between married couples,” wika ni presidential spokesperson Harry Roque.

Kinlaro naman ni Interior Secretary Eduardo Ano na ang mag-asawa ay hindi kinakailangan kasal basta sila ay nagsasama sa iisang bubong.

“Couple living in the same household, whether they are married or they are common-law husband and wife or boyfriend and girlfriend but they are living in the same household,” dagdag ni Ano.

Kung sila ay kasal, kinakailangan pareho ang kanilang apelyido o di kaya ay may parehas na address sila sa kanilang IDs upang mapatunayan na sila ay nagsasama.

Ayon rin kay Roque na kailangan nilang sumunod sa mininum public health standards tulad ng pagsusuot ng face masks at helmet kasama na ang pagsunod sa minimum speed limit.

Ang bagong road courtesy na ito ay hindi kasama ang operasyon ng motorcycle-riding apps tulad ng Angkas na hanggang ngayon ay wala pa rin na franchise.

Sa  hanay naman ng Philippine National Police (PNP), sinabi ni Lt.Gen. Guillermo Eleazar na sa ngayon ay gumagawa sila ng guidelines upang maiwasan ang pagkalito sa pagpapatupad nito.

Sinabi rin ni Eleazar na kinakailangan mayroon specific na guidelines upang maiwasan na ang mga tao ay magkukunwaring mag-asawa upang makalusot lamang sa quarantine control points at checkpoints.

“They would do every alibi that they can think of just to circumvent the rules even if they are fully aware that what they are doing are wrong,” wika ni Eleazar.

Natuwa naman si Senator Grace Poe sa desisyon ng pamahalaan na payagan ang mag-asawa na sumakay sa motorcycle upang maibsan na rin ang problema sa public transportation sa panahon ng pandemic. “It’s a significant relief to families who rely solely on their motorcycles to get to work or place of livelihood. Rationality and compassion for Filipino families finally prevailed in this policy,” ayon kay Poe.

Subalit pinaalalahanan din ni Poe ang mga mag-asawa na sumunod sa naaayon na mga existing safety protocols tulad ng parating pasusuot ng face mask at helmet, disinfection at pasunod sa traffic rules upang masiguro ang pagkakaroon ng isang virus-free na transportation.

Samantala, binalaan naman ng Metropolitan Manila Development Authority (MMDA) ang publiko laban sa paggamit ng colorum na motorcycles o habal-habal upang makarating lamang sa kanilang destinasyon.

“We are not pleading to those who are legally married or live-in partners. They are allowed to ride on motorcycles together. The question is for colorum motorcycle riders who will take advantage of this again,” sabi ni MMDA traffic chief Bong Nebrija.

Ang hindi susunod sa bagong back-riding policy ay papatawan ng kaukulang penalty sa ilalim ng Republic Act 11332 o ang Mandatory Reporting of Notifiable Diseases and Heath Events of Public Health Concern Act.  (LASACMAR)