Ang Diyaryong Pinagkakatiwalaan
Tuluyan ng kinansela ng ASEAN Basketball League ang bagong season ngayong taon dahil sa coronavirus disease 2019 o COVID-19.
Ayon sa liga, na kanila ng itutuloy ang mga laro sa 2021.
Labis kasi naapektuhan ang liga sa ipinatupad na lockdown kaya minabuti nilang kanselahin na lamang ang season.
Magugunitang noong Marso 13 ng kinansela na nila ang mga laro matapos na ipatupad ang lockdown sa maraming bahagi ng bansa.
Nagbigay ng ilang kondisyon at guidelines si National Task Force Against COVID-19 chief implementer Carlito Galvez Jr. kaugnay sa binabalak ng Commission on Higher Education (CHED) at Department of Education (DepEd) na posibleng pagkakaroon ng limited face-to-face learning sa mga paaralan.
Sinabi ni Sec. Galvez, dapat may dormitoryo kung saan mananatili ng ilang buwan ang mga estudiyante at isasailalim sila sa RT-PCR test bago papasukin at kung lalabas, panibagong test pagbalik.
Sa mga paaralan naman sa elementarya at sekondarya, kailangang magsagawa muna ng inspeksyon at kailangang alisin ang mga playground kung saan hindi makokontrol ang pagkukumpulan ng mga bata.
Kailangan din daw walang canteen na parang buffet style dahil dito posibleng magkakahawaan ng virus lalo walang face mask pag kumakain at magkakaharap pa.
Idinagdag pa ni Sec. Galvez na dapat din magkaroon ng re-engineering sa mga paaralan para sa isang entry gate at isang hiwalay na exit gate para hindi magkakasalubungan ang mga bata.
Simula sa Lunes, Hulyo 20 ay istrikto nang ipatutupad ng pamahalaan ang paggamit ng motorcycle shields upang maiwasan ang pagkalat ng COVID-19.
Matatandaang noong Hulyo 10 ay pinayagan na ang pag-aangkas ng mga mag-asawa sa motorsiklo ngunit dapat na may physical barriers pa rin sila upang malimitahan ang virus transmission.
Ayon kay Department of Interior and Local Government (DILG) Secretary Eduardo Año, na siya ring vice chairman ng National Task Force against the pandemic (NTF), sa ngayon ay sinisita pa lamang at binabalaan ang mga magkakaangkas na wala pa ring barrier sa kanilang motorsiklo.
Gayunman, simula aniya sa Lunes ay uumpisahan na rin ng Joint Task Force (JTF)-SHIELD ang panghuhuli sa mga motorcycle riders na patuloy na lalabag at hindi pa rin gagamit ng barriers kung may angkas ito.
Sa ngayon aniya ay may dalawang motorcycle shields na aprubado na ng NTF COVID-19 kabilang ang dinisenyo ni Bohol Gov. Arthur Yap at ang iminungkahi naman ng Angkas.
Tiniyak naman ni Año na ang dalawang naturang disenyo ay pinag-aralan at kapwa ligtas na gamitin. (Daris Jose)
LUNGSOD NG MALOLOS – Matapos ang isang buwang konstruksyon upang mabilisang makatugon sa pandemya, pasisinayaan na ang sariling Bulacan Molecular Diagnostic Laboratory Building ng lalawigan sa Bulacan Medical Center Compound kanina.
“Inaasahang mapapalawak ng molecular lab facility ang kapasidad ng lalawigan na magsagawa ng mga test na mas mabilis at may tamang mga resulta. Ito ay mahalagang bahagi ng pagbawi at resiliency plan upang makatulong makapagbigay daan sa “new normal,” ani Fernando.
Sasamahan sina Gobernador Daniel R. Fernando at Bise Gob. Wilhelmino M. Sy-Alvarado ni Dr. Emily V. Paulino, Development Management Officer V ng Department of Health-Bulacan, Kenneth Samaco ng World Health Organization at Punong Bayan ng Guiguinto Ambrosio Cruz, Jr. sa pagbabasbas na pangungunahan ni Fr. Joseph Fidel Roura na susundan ng ribbon cutting ceremony.
Sinabi ni Fernando na makatutulong ang pasilidad na mapababa ng mga kaso dahil sa mas malawak na kapasidad nito na magsagawa ng mas maraming mga test at makuha ang resulta sa loob lamang ng ilang oras, dahilan para agad na malaman at matukoy kung sino ang negatibo at positibong pasyente para maiwasan ang posibleng pagkakahawaan.
“Naniniwala po tayo na isa sa mga susi upang mapabilis ang paglutas natin at mapigil ang paglobo ng mga pasyenteng may COVID-19 ay ang pagsasagawa ng mass testing kung kaya naman sinikap ng inyong lingkod na magkaroon tayo ng sarili nating pasilidad upang hindi na tayo makipagsiksikan sa ibang laboratoryo at maghintay ng matagal upang malaman kung tayo ay positibo o negatibo sa COVID-19,” ani Fernando.
Aniya, tulad ng inilunsad kamakailan at ngayo’y bukas na na Bulacan Medical Center GeneXpert Laboratory, magagamit din ang Bulacan Molecular Diagnostic Laboratory para suriin ang mga specimen para sa TB, flu, HIV at Hepatitis B and C sa pamamagitan ng polymerase chain reaction machine (PCR), DNA at RNA na maaaring sumukat at magamit upang makita ang pagkakaroon ng partikular na uri mga virus at mikrobyo.
Ayon kay Dr. Hjordis Celis, Provincial Health Officer II, kayang magsagawa ng Bulacan Molecular Diagnostic Laboratory gamit ang PCR, ng 96 tests na maglalabas ng resulta sa loob ng 3 hangang 4 na oras.
Bago ito opisyal na magbukas, sasailalim ang Bulacan Molecular Diagnostic Laboratory sa competency examination at magsasagawa ng proficiency testing sa Agosto 3, 2020. (Bishop Jesus “Jemba” M. Basco)
Inanunsyo ng Department of Social Welfare and Development (DSWD) na halos nasa 10 milyong Pilipino ang nawalan ng trabaho dahil sa epekto ng coronavirus disease o COVID-19 crisis.
“The health crisis alone has created deep impacts on the economy, as well as our fellow Filipinos’ livelihood and well-being, with prospects of an estimated 10 million Filipinos losing their jobs, the repatriation of nearly 70,000 displaced overseas Filipino workers, and the increasing number of Filipinos involuntary hunger among others,” ani DSWD Secretary Rolando Bautista.
Sa kabila nito, siniguro naman ng DSWD na kumikilos na ang mga ahensyang nasa ilalim ng Human Development and Poverty Reduction Council.
Batay kay Bautista, ang core strategies ng council ay education, health, social protection, at building opportunities para sa mga Pilipino.
Samantala, sinabi naman ng Department of Labor and Employment na may ilan silang programa para matulungan ang repatriated overseas Filipino sa kanilang sitwasyon.
Inilahad ni Labor Secretary Silvestre Bello III ang isang Balik Pilipinas, Balik Hanapbuhay program kung saan binibigyan ng P20,000 ang OFWs para makapagsimula ng kanyang negosyo.
Maging ang mga proyekto sa ilalim ng Build, Build, Build Program ay para rin sa boost construction jobs.
“This will revive the construction industry and we hope to generate not less than 400,000 working opportunites,” lahad ni Bello.
Isa pang programa ang DOLE Integrated Livelihood Program kung saan binibigyan ang OFWs at iba pang manggagawa na bigyan ng loan na may “very minimal interest” para makapagsimula sa negosyo. (Daris Jose)
MALAKI ang posibilidad na may ilang kolehiyo sa bansa ang magsara bunsod ng kakulangan sa mga enrollees.
Ito ang sinabi ni CHED Commissioner Dr. J. Prospero “Popoy” E. De Vera III sa public address ni Pangulong Rodrigo Roa Duterte, araw ng Miyerkules, Hulyo 15.
Ani De Vera, natatakot kasi ang mga magulang para sa kaligtasan ng kanilang mga anak sa gitna ng coronavirus disease 2019 pandemic.
“Meron na pong ilang eskwelahan na nagsabi sa CHED na magsasara sila dahil yung enrollment po ay talagang bumaba, natatakot ang mga magulang at estudyante at mayroon na pong ilang nag-report sa CHED,” ani De Vera.
“Ang problema po, wala kaming policy sa pagsara kasi itong COVID ay hindi pa nangyari sa matagal na panahon, so we’re only crafting it,” dagdag na pahayag nito.
May ilan aniyang private schools at local governments ang nalilito sa kung ano ang kanilang gagawin ukol sa pagpasok sa mga lugar na walang internet connection.
“Pero humihingi ho ko ng guidance ‘yung mga private schools, in particular, atsaka local governments kasi hindi ho nila alam ang gagawin lalo sa mga area na wala talagang internet connection,”aniya pa rin.
Nauna rito, ipinanukala ni De Vera na i-delay o iurong sa second semester ang klase na kailangan ang person-to-person interaction. (Daris Jose)
Hinikayat ng Department of Environment and Natural Resources (DENR) ang mga Filipino na labanan ang climate change sa pamamagitan ng pagtangkilik sa “plant-based diet” na napag-alaman na nakababawas ng “ecological footprint” ng “human food consumption.”
Ang DENR, sa pamamagitan ng Environmental Management Bureau (EMB), ay naglunsad ng isang buwang “public information drive” upang hikayatin ang publiko na iwasan ang pagkain ng animal-based products sa halip ay kumain na lamang ng prutas at gulay.
Ang “Plant-Based Solutions for Climate Change,” isang kampanya na nakapaloob sa pagdiriwang ng Nutrition Month ngayong Hulyo, ay nanghihikayat sa mga Filipino na kumain ng mas maraming prutas at gulay, alinsunod na rin sa rekomendasyon ng Food and Nutrition Research Institute (FNRI) na balanseng nutrisyon mula sa “three main food groups” – ang “go, grow and glow” na mga pagkain.
Ayon kay EMB Director William Cuñado, ang pagtangkilik sa plant-based diet ay isang paraan upang mabawasan ang environmental impact ng food consumption ng isang tao.
“Switching to a plant-based diet not only benefits one’s health, it can also help protect the environment due to the smaller environmental footprints plant-based diets tend to have,” sabi pa ni Cuñado.
Base sa obserbasyon ng inyong lingkod, isa sa maituturing na pinakamahalagang dapat nating gawin ay baguhin ang ating lifestyle sa pamamagitan ng pagkain ng mga sariwang prutas at gulay.
Ang mga bagong pitas at ligtas sa kemikal na mga bungang kahoy at gulay ay ang mga pinakamayamang mapagkukunan ng “antioxidants”, na nakatutulong sugpuin ang anomang pinsalang maidudulot ng “free radicals”. Ang mga ito rin ang nagtataglay ng mga mapangalagang “phytochemicals”, gaya ng “flavonoids” at “carotenoids”.
Base sa isinagawang pag-aaral ng United Nations Food and Agriculture Organization noong 2013, ang pagkain ng karne mula sa hayop partikular na ang karne ng baka, ay nakapagtatala ng 14.5 percent ng global greenhouse gases kada taon.
Ito ay halos katumbas ng pinaghalong emission ng mga kotse, truck, eroplano at mga barko sa buong mundo.
Ayon sa isang pag-aaral ng University of Oxford, ang pagtigil sa pagkain ng meat at dairy products ay nakapagpapabawas ng kanyang carbon footprint ng hanggang 73%.
Sinabi pa ni Cuñado, sa pamamagitan ng plant-based diet, na nababawasan ang greenhouse gas emission, water consumption at land used para sa factory farming, kung saan ang lahat ng ito ay mga sanhi ng global warming at environmental degradation.
“By gradually modifying our meals and shifting to balanced diets with more plant-based food, we have already taken part in reducing greenhouse gases, which in turn will help slow down the rise in global temperatures,” diin pa ni Cuñado.
Ang isang buwan na kampanyang ito ay isinasagawa sa pamamagitan ng virtual o online dahil na rin sa restriction dulot ng COVID-19 pandemic.
Ang EMB ay regular na naglalabas ng infographics patungkol sa plant-based diet bilang solusyon sa climate change sa official Facebook page nito upang madali itong maunawaan at sundin ng mga tao.
Naglunsad din ito ng online food photo contest na tatawaging #UOTD o Ulam of the Day, kung saan ang mga kalahok ay maaaring ipadala ang larawan ng kanilang pagkain base sa nakasaad sa Pinggang Pinoy food guide na inirerekomenda ng FNRI.
Ang Pinggang Pinoy ay isang madaling intindihin na food guide na gumagamit na pamilyar na food plate model ng tama at balanseng pagkain.
Layunin nito na matulungan ang mga Filipino na magkaroon ng tama at malusog na habit ng pagkain na kailangan para makuha ang pinakamataas na sustansya na kanilang makukuha sa pagkain.
Posibleng ibalik muli ang back-riding para sa lahat ng motorista ng motorcycles at hindi na lamang para sa mga mag-asawa at live-in couples habang ang Philippine National Police (PNP) ay humihingi ng pasensiya sa mga ibang motorcycle riders.
Ayon kay PNP deputy chief ng operations Lt. Gen. Guillermo Eleazar na simula lamang ito ng pagpapatupad na payagan ang mag-asawa at live-in couples na magkasamang sumakay sa motorcycles.
“Initially partners first, then families, and eventually it will be for all,” wika ni Eleazar.
Pinayagan ng pamahalaan ang paggamit ng mag-asawa at live-in couples na sumakay sa motorcycles subalit kinakailangan na mayroon plastic barriers sa pagitan nila upang maiwasan ang pagkalat ng COVID-19
Maliban sa mag-asawa at live-in partners, pinapayagan din ang mga hanay ng lesbian, gay, bisexual, at transgender kung sila ay nagsasama sa iisang tahanan.
“The government is just being careful with their actions not allowing all motorcycle owners to have back-riders that could increase the number of COVID-19 infections,” dagdag ni Eleazar.
Ayon pa rin kay Eleazar na maaaring mag take advantage ang iba kung lahat ay sabay-sabay na papayagan na tumakbo sa lansangan.
Maliban sa body shields na pinayagan ng IATF na gamitin, dapat ay gagamit din ang mga riders ng face masks at helmets.
Pinaalalahanan din ni Eleazar na magdala ang mga back-riders na mag-asawa at live-in couples ng kanilang mga identification cards at iba pang dokumento para mapatunayan na sila ay talagang lehitimong mag-asawa at live-in partners na magkasama sa isang bahay.
Habang binalaan din ni Eleazar na ang mahuhuling lumalabag sa batas at hindi sumusunod sa mga healthy protocols ay kinakailangan magbayad ng karampatang multa.
Samantala, tinuligsa naman ni Senator Ralph Recto ang paggamit ng barrier para sa back-riding couples na ayon sa kanya ang paraan na ito ay hindi nakakasiguro na mabibigyan ng protection laban sa COVID-19 virus ang back-riders.
“What’s the use of barrier when couples hold hands in going to the motorcycle and kiss each other goodbye after the ride?”
Ayon sa kanya dapat sana ay nagkaroon muna ng scientific na pag-aaral ang pamahalaan bago ipinatupad ang nasabing policy. (LASACMAR)
Pinayuhan ni dating boxing champion Bernard Hopkins ang kapwa niyang mga retiradong boksingero na huwag ng bumalik pa sa boxing ring.
Sinabi ng 51-anyos na boksingero na mahihirapan na ang mga ito na maghanap pa ng mga makakalaban.
Pagtatawanan na lamang ang mga ito dahil sa mabagal na paggalaw at mahinang pagsuntok dahil na rin sa edad.
Magugunitang ilan sa mga boksingerong nagpahayag na bumalik muli ay sina Mike Tyson, Evander Holyfield at Oscar dela Hoya.
Desidido pa rin ang International Olympic Committee (IOC) na ituloy pa rin ang Tokyo 2021 Olympics.
Sinabi ni IOC president Thomas Bach, may mga scenario na silang kinokonsidera para manatili silang ligtas at matuloy ang torneo.
Dagdag pa nito, tuloy-tuloy ang pagsasagawa ng pakikipag-ugnayan ng kaniyang opisina sa mga opisyal ng Japan.
Magugunitang noong Marso ay nagdesisyon ang IOC at organizer ng Olympics na kanselahin ang torneo dahil sa coronavirus pandemic.