2020 July Archive - People's Balita

Archive for July, 2020

Higit 33K active COVID-19 cases wala sa ospital – DOH

Posted on: July 20th, 2020 by @peoplesbalita No Comments

Hindi matatagpuan sa ospital ang 33,786 active cases ng coronavirus disease 2019 (COVID-19), batay sa datos mula sa Department of Health (DOH) na ipinakita.

Katumbas nito ang nasa 93% active cases.

Base sa DOH Data Drop, 31,090 o 92 percent ng aktibong kaso ay mild; 2,551 ang asymptomatic; at 2,184 ang naka-confine sa ospital.

Sa datos mula sa National Disaster Risk Reduction and Management Council, ang 585 quarantine facilities para sa mga kumpirmadong kaso sa buong bansa ay nasa 15,677 ngunit 2,963 lamang ang okupado.

Samantala, ikinabahala naman ng National Kidney and Transplant Institute ang patuloy na pagdami ng COVID-19 patients dinadala sa kanilang pasilidad.

Batay kay NKTI executive director Dr. Rose Marie Rosete-Liquete, maaari aniyang mahirapan ang mga health care worker kung patuloy na tataas ang bilang sa ospital maging ang mga non-COVID-19 patients ay maaari ring mahawa.

“It’s not a healthy environment anymore. Malaki impact nito sa hospital also being a transplant center, not only for our health workers, kundi sa ating mga pasyente na almost all of them are immunocompromised,” paliwanag ni Liquete.

Saad pa ni Liquete, hindi na kakayanin ng NKTI na dagdagan pa ang COVID-19 bed capacity dahil mayroon din silang non-COVID-19 patients.

“We also have non-COVID patients na importante rin maalagaan din sila. May mga pasyente rin na non-COVID, wala namang pneumonia pero may problema kunwari sa kidneys. So mako-compromise naman ‘yon kung pati non-COVID beds ko ay kukunin, kaunti na nga lang eh,” giit ni Liquete.

Sa datos, mayroong 60 COVID-19 patients ang naturang ospital. (Daris Jose)

Silent protest ikinasa ng San Lazaro medical frontliners

Posted on: July 20th, 2020 by @peoplesbalita No Comments

Nagsagawa ng silent protest ang San Lazaro Hospital noong Huwebes, July 16 sa gitna ng coronavirus disease 2019 (COVID-19) pandemic sa pamamagitan ng paglalatag ng kanilang mga sapatos sa harapan ng ospital.

Sa ulat, humihingi ang frontliners ng sapat na suplay ng personal protective equipment (PPEs) at kanilang mga sweldo habang sila ay naka-mandatory 14-day quarantine.

Hiniling din nila na ipagawa ang mga elevator sa ospital.

Kasalukuyang mayroong 13 empleyado ang positibo sa COVID-19 na nasa tent umano sa labas umano ng ospital.

Hindi naman nagbigay ng pahayag ang pamunuan ng ospital tungkol dito. (Daris Jose)

Terence Crawford, looking forward pa rin na makaharap si Pacquiao

Posted on: July 20th, 2020 by @peoplesbalita No Comments

Hindi pa rin nawawalan ng pag-asa si reigning WBO world welterweight champion Terence Crawford na makaharap si Pinoy boxing champion Manny Pacquiao.

Sinabi nito ng kung hindi lamang sa naranasang coronavirus pandemic ay natapos na ang kontrata.

Sakaling hindi aniya siya mapili ng fighting senator ay handa itong harapin ang sinumang nasa 147 pound division.

Magugunitang maraming mga sporting events sa buong mundo kabilang na ang boxing ang naantala at hindi natuloy dahil sa coronavirus pandemic.

Nauna ng ipinahayag ni Top Rank CEO Bob Arum na inaayos na nito ang laban ni Pacquiao kay Crawford.

Maynila may sariling air quality monitoring station na

Posted on: July 20th, 2020 by @peoplesbalita No Comments

Mayroon nang sariling real-time ambient air quality monitoring station ang pamahalaang lungsod ng Maynila na inilagay sa Mehan Garden malapit sa Manila City Hall.

Ayon kay Manila Mayor Isko Moreno Domagoso, gagamitin ang nasabing makinarya upang makapagbigay ng datos hinggil sa kalidad ng hangin na nalalanghap sa lungsod kung saan maaaring gamitin ito sa public information, pagtukoy sa mga critical area, research studies, at iba pa.

Ginanap ang turn-over ceremony at paglagda sa isang memorandum of agreement (MOA) sa nasabing monitoring station ngayong umaga sa lokal na pamahalaang lungsod sa pangunguna ni Domagoso kasama si Department of Public Services (DPS) Director Kenneth Amurao at ilang opisyal ng Department of Environment and Natural Resources (DENR) gayundin sa Environmental Monitoring and Enforcement sa ilalim ng Environmental Management Bureau sa NCR.

Ibinahagi naman ni Domagoso sa mga kinatawan ng DENR na malaki ang pagpapahalaga ng lokal na pamahalaang lungsod na mapanatili ang malinis na hangin sa Maynila kung saan mapapansin ang mga ipinapalagay nitong mga “horizontal” at “vertical” gardens sa lungsod.

Bukod pa aniya dito, ang pagpasa sa isang batas na hindi maaaring ibenta ang itinuturing na “Baga ng Maynila”, ang Arroceros Forest park.

“Kapag malinis ang kapaligiran, maginhawa ang hangin, malinis lahat, kahit papaano ay maiiwasan ang pagdami ng pagkakasakit.” ani Domagoso. (Bishop Jesus “Jemba” M. Basco)

Antibody testing sa NBA, ipatutupad

Posted on: July 20th, 2020 by @peoplesbalita No Comments

Upang masiguro na walang palpak sa ginagawang coronavirus testing, idinagdag ng National Basketball Association (NBA) sa kanilang mahigpit na health protocols ang antibody testing bago muling magsimula ang liga.

Ayon sa NBA, ang dead coronavirus cells ay made-detect din sa COVID-19 testing at maglalabas ito ng positive result dahilan para hindi paglaruin ang isang player at ilagay sa quarantine.

Kung magkakaroon muna ng test para sa antibody, matutulungan nitong malaman kung ang manlalaro ay asymptomatic o dati nang gumaling mula sa COVID virus disease.

Nag-aalala umano ang NBA sa mga false positive test ng manlalaro, lalo na sa mga star player habang papalapit ang playoffs.

Bumuo ang liga ng 22 teams na maglalaro sa central Florida, sa muling pagbubukas ng liga sa July 30, na maglalaro ng tig-eight regular-season games, papuntang playoffs na bubuin ng 16 teams.

Unang sasabak sa laro sa ESPN Wide World of Sports Complex ang Utah Jazz kontra New Orleans Pelicans at susundan nang salpukan ng Los Angeles Lakers at Los Angeles Clippers.

Sa inilabas na memo may apat na steps na dapat kompletuhin bago payagang maglaro ang isang team.
Una, kailangan ng 14 days bago payagang muling maglaro ang nagpositibo sa virus. Pangalawa, kailangan ng manlalaro ang dalawang negative test sa loob ng 24-hour period. Pangatlo, kailangan dumaan sa antibody test ang manlalaro sa loob ng 30 days at ang pang-huli dapat magkaroon ng negative na coronavirus test bago makisalamuha at magkaroon ng physical contact sa iba.

Ayon sa ulat, ang lahat ng resulta ay nire-review ng infectious disease expert at epidemiologist na nagtatrabaho sa NBA at sa players’ association ng liga

“MALUSOG NA BATO SA PANDEMYA” AT NATIONAL KIDNEY MONTH 2020

Posted on: July 18th, 2020 by @peoplesbalita No Comments

Ang buwan ng Hunyo sa ating bansa alinsunod sa Presidential Proclamation No. 184 (1993, President Fidel Ramos) ay kinikilala bilang National Kidney Month.

Tinatayang 20% ng pambansang populasyon o 21.4 million ay nakararanas ng problema sa bato base sa glomerular filtration rate na sumusukat ng kapasidad ng ating bato.

.
Kabilang sa mga sakit sa bato ang Chronic Kidney Disease, kidney stones, Glomerulonephritis, Polycystic Kidney Disease at Urinary Tract Infections.

Ika-pitong pangunahing sanhi ng pagkamatay ng mga Filipno ang CKD, isa ang tinatamaan nito bawat oras o halos 9,000 bawat taon.

Sa kasalukuyan, nasa halos 80,000 na ang regular na sumasailalim sa Dialysis at mahaba ang pila para sa kidney transfer na naisasagawa lamang sa 400 pasyente kada taon.

Maiiwasan na ang CKD basta maagapan ang dalawang pangunahing sanhi nito, ang hypertension at ang diabetes.

Dahil sa high blood pressure, sumisikip at humihina ang mga ugat sa bato kaya hindi sapat ang blood supply na napupunta rito.

Napag-alaman naman na 40% ng mga taong may Type 1 diabetes ay magkakaroon ng kidney failure habang ang mga nasa Type II diabetes ay makararanas nito sa loob ng limang taon buhat sa pagkakasakit.

Ang bato ang mahalagang bahagi ng ating urinary system, mayroon itong vital life-maintaining function bilang monitor and regulator of body fluid.

Ang inilaabas nating ihi ay dumi mula sa ihiniwalay na sustansiya ng ating bato.

Gumagawa ito ng mga kemikal na katulad ng erythropoietin at angiotensin para mapanatiling malusog ang ating katawan at sinasala ang kabuuan ng blood supply kada dalawang minuto.

Sa panahong dumaranas tayo ng Corona Virus Disease-2019, kailangan na malakas ang ating mga bato para mas mabilis na malabanan ang delikadong virus.

Sa rami ng gamot na kailangang inumin, dapat na matibay ang mga kidney para kayanin ito ng ating katawan.

Para mapanatiling malusog ang mga bato, ayon sa mga eksperto, makatutuong ang regular exercise, magkaroon ng healthy diet, at mapanatili ang ideal body weight na 52.3 kilograms sa lalaki at 47.8 kgs. sa mga babae na 5 feet and above.

Iwasan din ang paninigarilyo, huwag masyadong mag-rely kaagad sa pag-inom ng mga over-the-counter pain killers at maging ng herbal medicines na hindi sumasangguni sa doktor.

Uminom ng maraming tubig bawat araw, iwasan ang masyadong maaalat na pagkain, at maglaan ng panahon para sa physical check-up bawat taon, lalong-lalo na kung mayroong family history ng hypertension, diabetes o renal failure.

Ads July 17, 2020

Posted on: July 17th, 2020 by @peoplesbalita No Comments

COPA aayuda sa swimming – Buhain

Posted on: July 17th, 2020 by @peoplesbalita No Comments

Inihayag ni two-time Olympian at SEA Games swimming record holder Eric Buhain na handa ang Congress Organization in Philippine Aquatics (COPA) Inc. na tulungan ang mga coach, trainer at iba pang indibidwal sa sector ng sports na apektado ng COVID-19 pandemic.

“Actually, nabuo namin ang COPA kasama ang mga kapwa ko swimming coach at mga kaibigan bago pumutok ang COVID-19. Kasama sa programa namin ang magsagawa ng trainings at seminars, but with COVID-19 pandemic, natuon ang pansin namin sa fund-raising para matulungan natin ang ating mga kasama na umaasa sa swimming,” pahayag ni Buhain.

Gumagawa na rin ng programa ang COPA, bukod sa maliit na halagang ayuda, para mabigyan ng ‘loan’ ang mga swimming coach at trainor at makapagtayo ng maliit na negosyo tulad ng online selling.

“Natutuwa kami at marami tayong mga kaibigan na talagang nagbigay ng tulong, so far mahigit 500 swimming group na ang tumutulong sa COPA. Yung unity at malasakit sa swimming community,” sambit ni Buhain sa Tabloids Organization in Philippine Sports (TOPS) ‘Usapang Sports’ via zoom sa pamamagitan ng Sports on Air at livestream sa YouTube at Facebook.

Sa kasalukuyan, suportado ni Buhain ang panawagan ng swimming community na maaprubahan ng Inter-Agency Task Force ang pagbabalik ng swimming.

“May mga pag-aaral naman na talagang nagsasabi, mismong DOH sinabi na namamatay ang virus sa tubig na may chlorine at acid which is matatagpuan sa tubig sa swimming pool. Under strict health protocol, kaya naman na maibalik na ang swimming,” sambit ni Buhain.

“Itong swimming sports naman ay hindi yung magtatampisaw at magsasama ang mga bata. Per lane naman ito, isang swimmer per lane at salubungan. Besides, dadaan sila sa rapid test before sumabak kaya mababa ang tsansa sa hawaan,” ayon kay Buhain sa sports forum na itinataguyod ng Philippine Sports Commission (PSC) at PAGCOR.
“We have to be positive, I think ito ang thinking ng lahat ng kapwa ko atleta lalo na yung mga nag-qualified na sa Tokyo Olympics,” aniya.

Franchise ng Blackwater sa PBA ibinebenta na

Posted on: July 17th, 2020 by @peoplesbalita No Comments

Nagdesisyon ang may-ari ng PBA team Blackwater Elite na ibenta na ang kanilang franchise.

Sinabi ni team owner Dioceldo Sy, na ibinebenta na nila ang kanilang franchise sa halagang P150 million.

Dagdag pa nito na napilitan na silang ibenta ito matapos na sila ay patawan ng multa ng Philippine Basketball Association (PBA) at Games and Amusement Board (GAB) dahil sa paglabag sa health protocols.

May kaugnayan ang multa ng magsagawa sila ng ensayo na lumalabag sa strict health and safety protocols.

Inamin nito na nasaktan siya sa insidente kaya nagdesisyon na lamang sila.

Flattening of the curve’ sa COVID-19 naabot na – Duque

Posted on: July 17th, 2020 by @peoplesbalita No Comments

Naabot na ng Pilipinas ang tinatawag na ‘flattening of the curve’ ng mga kaso ng COVID-19 mula noong Abril pa, ayon kay Health Secretary Francisco Duque III.

“We have successfully flattened the curve since April,” ayon kay Duque sa isang online press conference kahapon.

Iginiit niya na ang kaniyang konklusyon ay base sa mas mahabang pagdoble ng kaso ng COVID-19 at ng bilang ng mga nasasawi. Mula sa 2.5 araw bago magdoble ang bilang ng mga kaso, nasa 8-12 araw na umano ito ngayon bago magdoble.

Dulot umano ito ng malaking ibinuti ng programa at pagresponde ng pamahalaan sa COVID-19 tulad ng mga quarantine protocols at pagpapalakas ng kapabilidad ng health system.

Sa Metro Manila, may average na 8.89 araw bago magdoble ang mga kaso habang 8.25 araw naman sa Cebu City. Sa buong bansa, may average na 8.18 araw bago magdoble umano ang mga kaso.

Ngunit inamin naman ni Health Undersecretary Maria Rosario Vergeire na mas mataas ang average na kada araw ng COVID-19 na 766 ngayong Hulyo kumpara noong Hunyo. Dulot umano ito ng pagtaas sa mga kaso sa mga binabantayang lugar at clustering o pagkakakumpol-kumpol nito sa mga komunidad.