2020 February Archive - People's Balita

Archive for February, 2020

Trillanes, 9 iba pa, pinaaaresto sa kasong sedition

Posted on: February 15th, 2020 by @peoplesbalita No Comments

Naglabas na ng arrest warrant ang isang Quezon City court kahapon, Biyernes, Pebrero 14, laban kay dating Senador Antonio Trillanes IV at sa 9 na iba pang sangkot sa kasong conspiracy to commit sedition.

Inilabas ng Quezon City Metropolitan Trial Court Branch 138 ang warrant kung saan nag-ugat ang reklamo matapos na makitaan ng probable cause ng prosecutor ng Department of Justice ang ilang respondents kung kaya’t sila ay kinasuhan.

Cleared naman sa kaso ang iba pang “high-profile” respondents kabilang sina Vice President Leni Robredo, Senador Leila de Lima at Risa Hontiveros at dating Senador Bam Aquino.

Akusado rin sa sinasabing conspiracy case si Peter Advincula, ang nagpakilalang si alyas “Bikoy” na nasa serye ng video ng “Ang Totoong Narcolist” kung saan idinadawit si Pangulong Rodrigo Duterte at ang pamilya nito sa illegal drug trade sa bansa.

Kalaunan ay bumaligtad ito at pinangalanan ang ilang mga personalidad na kasapi sa oposisyon na nasa likod din umano ng nasabing video.

Si Advincula ngayon ang nag-iisang witness ng police Criminal Investigation and Detection Group.

Sinabi naman ng prosekyusyon na iko-konsidera pa nila ang paglilipat ng discharge ni Advincula bilang state witness. Sinabi rin nilang maaari silang mag-presinta ng iba pang witness sa korte.

SA 45th SEASON: 1 PBA TEAM, ‘SIKRETONG’ FOR SALE

Posted on: February 15th, 2020 by @peoplesbalita No Comments

MAAARING magkaroon ng isang independiyenteng koponan sa Philippine Basketball Association (PBA) kapag natuloy ang negosasyon ng isang malaking kampanya na matagal nang atat na makatuntong sa unang propesyonal na liga sa Asya at sa bansa.

Hindi lantaran ang posibleng pagbebenta sa isang prangkisa sa liga dahil lahat halos ng mga koponan ay patuloy ang pagpapapirma ng kani-kanilang mga manlalaro para makumpleto lineups bago magbukas ang Philippine Cup sa Marso 1.

Pero ang isa naman, napag-alaman sa isang impormante ng pahayagang ito na sadyang tagilid na ang kalagayan at matagal nang nais ibenta kaya pautay-utay nang binibitiwan ang mga de-kalibreng manlalaro.

Isang tweet ding nagbuhat sa @InsideThePBA : “Sources say that there is a PBA franchise that is about to be sold to an independent company that’s not related to SMC or MVP.”

Hindi naman dinenay o kinumpirma ng Office of the PBA Commissioner ang balita dahil kailanganng ipaalam mismo ng mga namumuno at opisyal ng mga may-ari ng koponan ang kanilang bilihan sa prangkisa upang makapagsagawa ng kaukulang hakbang at hindi makaapekto sa liga.

Samantala, may rule changes ang PBA Technical Committee na planong ipatupad sa papasok na 45th season.
Layon nitong maging mas exciting ang mga laro, at para na rin makasabay sa rules ng FIBA.

Iikot ang komite sa lahat ng teams para ipaliwanag at himayin ang rule changes, una rito ang hinggil sa substitutions at time resetting. May panukala ring baguhin ang fines at penalties at aprubado na ng Competition Committee ang rule changes.

Bagong set ng coaches ang bubuo sa Competition Committee ngayong taon – sina Leo Austria ng San Miguel Beer, Caloy Garcia ng Rain or Shine, Nash Racela ng Blackwater at Louie Alas ng Phoenix.

Ang unang Competition Committee sa ilalim ni Commissioner Willie Marcial ay binuo noong 2018 at kinabilangan nina Tim Cone ng Ginebra, Norman Black ng Meralco, Yeng Guiao ng NLEX at noo’y Alaska coach Alex Compton, kasama sina Ryan Gregorio at Quinito Henson.

Plano ng Office of the Commissioner na i-rotate ang coaches ng 12 teams para maging bahagi ng Competition Committee sa mga susunod na taon.

Kasabay nito, iniurong ng PBA ang mga pagbubukas ng Season 45 pati ang 10th D-League bilang suporta ng liga sa mga precautionary measure ng gobyerno bunga ng 2019 novel coronavirus outbreak.

Pangangalaga na rin ito ng liga sa kaligtasan ng mga player at fan na inaasahang dadagsa sa opener.

Ang dating Marso 1 opening ng papasok na season ay ipinostpone na sa Marso 8 sa Smart Araneta Coliseum pa rin, habang sa Marso 2 na sa Paco Arena ang opening day ng D-League na unang iniskedyul sa Pebrero 13.

“It’s a preventive measure against nCoV. It’s now in place and will be implemented,” pahayag ni commissioner Willie Marcial nitong Lunes. “The safety of our fans, teams, players and officials remain to be our utmost priority.” (REC)

P1 milyon swak sa PAGCOR Bingo

Posted on: February 15th, 2020 by @peoplesbalita No Comments

LIMPAK ang cash prizes sa mga tumatangkilik sa bingo sa ikalawang pagdaraos ng “P1K for P1M” PAGCOR-wide linked bingo game sa darating na Pebrero 22, sa Casino Filipino Manila Bay sa Rizal Park Hotel, Ermita, Maynila.

Matapos ang matagumpay na unang yugto ng programa nitong Enero 25, magbabalik ang pinakahihintay na laro ng sambayanan upang muling magbigay ng kasiyahan at katuparan ng pangarap. Sa halagang P1,000, may apat na ticket cards para sa 10 games ang kalahok na magagamit sa laro.

Pagkalipas nang matagumpay na unang pagsasadawa nitong Enero 25, magkakatsansang muli ang mga bingo player para maiuwi ang premyo ng Game 10 sa halagang P1,000. Bawat ticket ay may kapalit na apat na cards per game para sa 10 games.

Halangang P100,000 cash prize ang nakataya para sa Games 1 to 9 na magsisimula alas-dos nang hapon.

Sa mga interesadong lumahok, puwedeng maglaro sa CF Manila Bay o kahit saang nga sangay CF sa Angeles, Bacolod, Carmona, Cebu, Davao, Ilocos Norte, Iloilo, Mactan, Malabon, Olongapo, Parkmall (Cebu), Ronquillo (Manila), Tagaytay at Talisay (Cebu).

Bukod sa Pebrero 22, nakatakda rin ang “P1K for P1M” sa Marso 28, Abril 18, Mayo 23, Hunyo 13, Hulyo 18, Agosto 22, Setyembre 26, Oktubre 17, Novbyembre 14 at Disyembre 19.

Sa karagdagang impormasyon, tumawag lang sa PAGCOR Bingo Department 7755-3699 locals 7201 hanggang 7204 o bumisita sa website na www.pagcor.ph at www.casinofilipino.ph. (REC)

ABS-CBN bias, Cayetano kalma lang sa franchise renewal

Posted on: February 15th, 2020 by @peoplesbalita No Comments

Inakusahan ni House Speaker Alan Peter Cayetano na bias ang ABS-CBN kaya dinidinig sa Kongreso ang kanilang franchise renewal na mapapaso na sa Marso 2020.

“Walang doubt na institusyon ang ABS-CBN. Walang doubt na napakalaki ng naitulong sa ating bansa. Pero wala ring doubt na may mga issues, kaya nga sinabing ABias-CBN,” ayon kay Cayetano.

Paliwanag pa ni Cayetano, hindi umano nila prayoridad ang franchise renewal ng ABS-CBN lalo’t may mas mahalaga pang mga bill na dapat pag-usapan.

Ayon pa, kung magsimula na ang pag-usisa sa ABS-CBN franchise renewal ay magpo-pokus ang mga kongresista sa nasabing bill dahil nais nilang makapagbigay ng opinyon ukol dito.

“Kung gusto kong mag-grandstand, papatawag ako ng hearing agad…Pero is it the right timing? Tayo ba lahat nasa right frame ng mind ngayon o may mainit ng ulo pa?”

“Hindi [ito] ganoon ka-urgent. Bakit? Kasi hanggang March 2022, pwedeng mag-operate,” saad nito.

Paliwanag ni Senate President Vicente Sotto III at Rep. Tonypet Albano na kahit mag-expire ang prangkisa ng ABS-CBN sa March 2020, ay pwede pa silang mag-operate hanggang 2022 sa pagtatapos ng 18th Congress hanggang may bill para sa kanilang renewal.

Sec. Duque, sinalungat ang isyu na humuhupa na ang banta ng CoVid -19 sa bansa

Posted on: February 15th, 2020 by @peoplesbalita No Comments

PINALAGAN ni Health Sec Francisco Duque ang ulat na unti -unti nang humuhupa ang banta ng CoVid 19 at nagiging stable na ang sitwasyon sa mundo

Sa Laging Handa press briefing ay sinabi ng kalihim na hindi pa sapat ang mga datos at pabago-bago pa ang sitwasyon para sabihing nagiging mabuti na ang lahat

Kasama sa mga tinukoy ni Duque na dapat pang tingnan ang mga kaso at sitwasyon sa lalawigan ng Hubei at iba pang bahagi ng China gayundin sa mahigit 20 pang bansa na nagkaroon ng kaso ng CoVid 19

Maging ang pagpasok ng panahon ng tag-init sa Marso ay hindi rin tiyak kung ano ang magiging epekto sa transmission o pagkalat ng nasabing virus

Dahil naman sa nagkaroon na ng local transmission sa ibang bansa ng CoVid 19, ito ang pinaghahandaan ng pamahalaan upang matugunan sakaling magkaroon ng katulad na pangyayari sa bansa. (Daris Jose)

Empleyado ng Manila City Hall, huli sa panloloko

Posted on: February 15th, 2020 by @peoplesbalita No Comments

SWAK sa kulungan ang isang 38-anyos na dalaga at empleyado ng City Treasurers Office ng Manila City Hall dahil sa panloloko at pagnanakaw ng malaking halaga mula sa mga stallholders ng Paco Market.

Hawak ngayon ni P/Major Rosalino Ibay Jr., Hepe bg MPD-Special Mayors Reaction Team ang suspek na si Sherylet Lising, dalaga, Admin Aide I ng CTO, at nakatira sa 1770 Bulacan Street, Sta. Cruz, Maynila na sinampahan ng kasong paglabag sa Article 315 (Large Scale Estafa at Artcile 310 (Qualified Theft).

Si Lising ay naaresto sa loob mismo ng opisina ng City Treasurers office na matatagpuan sa ground floor ng Manila City Hall.

Tumatayo namang complai-nant sina Mary Grace Maliwat, 37 Liaison Officer ng Market Administration Office ng City Administration Office ; Hector Salonga , 53 , retail stallholder at Vice President ng Paco Market Stallholder , Zandro Guce , 53 ; Hilda Caramancion, 45 ; Yolanda Flandez, 65, kapwa mga retail stallholder sa Paco market; Ginalynne Ignacio ,36 , Stallholder ng nasabi ding pamilihan.

Pinangunahan naman nina P/Major Cicero M.Pura at P/Cpt.Edward G.Samonte ng SMaRT ang operasyon ayon na rin sa kautosan ni Manila Mayor Francisco ‘Isko Moreno’ Domagoso.

Bago ang pag-aresto, dumulog ang mga complainant sa tanggapan ng SMaRT kahapon kung saan pinagkatiwalaan umano ni Maliwat ang suspek na magbayad ng 68 piraso ng Business Permits ng Paco Market Stallholders na tinatayang aabot sa halagang P604, 450.00

Ibinalik umano ng suspek ang official receipt (O.R.) ng nasabing transaksyon kay Maliwat ng lingid sa kanyang kaalaman ang karamihan sa bahagi ng kabuuang binayaran ay pinalitan ng Managers check na nagkakahalaga naman ng P487,067.68 na nakapangalan sa NCT Transnational Corporation na kanya ring aksidenteng natuklasan kalaunan.

Kaugnay nito, dahil sa pagkakaiba at di karaniwanang transaksyon , ibinirepika ito sa City Treasurers Office at natuklasan na ang Managers check ay ginamit na labag sa batas para sa ibang transaksyon kaya nagsagawa ng imbestigasyon na nagresulta ng pagkakaaresto ng suspek.

Nakumpiska sa suspek ang Samsung Galaxy J7+ , Nokia Keypad Mobile Phone , Passbook ng RCBC na nakapangalan kay Elmira R. Raagas at naglalaman ng P280,000.00. (Gene Adsuara)

Ex-adviser ni Digong protector ng POGO?

Posted on: February 14th, 2020 by @peoplesbalita No Comments

PINANGALANAN sa Senado ng isang babaeng Taiwanese ang umano’y protektor ng Philippine Offshore Gaming Operators (POGO) sa bansa na isang Michael Yang.

Sinabi naman ni Senador Risa Hontiveros na inaalam pa nito kung ang tinukoy na Michael Yang ng nasabing Taiwanese woman ay ang dating economic adviser ni Pangulong Rodrigo Duterte na may pangalan ding Michael Yang.
“Right now, our main concern is the humanitarian aspect. We haven’t gone to the checking of identities,” sabi ng senador.

Lumutang sa Senado ang biktimang si Lai Yu Cian, 23-anyos, upang ireklamo ang sinapit umano niyang pang-aabuso sa kamay ng Chinese national na nag-recruit sa kanya para magtrabaho sa POGO.

Kasama si Hontiveros, umiiyak na isinalaysay ni Lai, ang masamang sinapit sa pinapasukang POGO kung saan matagal umano siyang ikinulong at hindi pinabalik sa Taiwan.

Dito na niya ibinunyag ang isang umano’y government official na nagpoprotekta sa illegal POGO na pinapasukan nito kaya’t wala siyang magawa kung hindi sumunod sa ipinagagawang kahalayan.

“They want me to work for 24 hours, treating me like a slave. I already told them that I wanna go home, I wanna go back to Taiwan but they forced me to work for them. They told me that they have a protector behind them, which are government people,” sinabi ni Lai.

Tinukoy nito ang “very powerful” protector at employer umano niya na isang Michael Yang.

“I heard about once or twice when my supervisor got mad at me, they mention Michael Yang. He didn’t explain to me. He just shouts that at me,” ayon pa kay Lai.

Si Lai na dumating sa bansa bilang turista noong Oktubre 1 ng nakaraang taon at inalok na magtrabaho bilang administration personnel sa POGO ay isa sa 30 East Asians na nasagip sa Mandaluyong City noong Pebrero 3.

“I did not know that it was an illegal business here. I know nothing. The only thing I know is I wanna have a job. Until now I cannot find my passport. I have to be strong to tell everything because they threatened me and my boss threatened me and abused me mentally and physically. I already told them that I want to go home but they forced me to work for them and always say they have a protector behind them who is government people,” pahayag ni Lai.
Dahil dito, nanawagan si Hontiveros sa pamahalaan na hanapin ang mga illegal at fly-by-night POGO sa bansa.

Duterte sa publiko: Manatiling kalmado, alerto vs COVID-19 threat

Posted on: February 14th, 2020 by @peoplesbalita No Comments

TODO panawagan at paalala si Pangulong Rodrigo Duterte sa publiko na mag-doble ingat at maging alerto kaugnay pa rin sa nagpapatuloy na outbreak ng Coronavirus Disease o COVID-19.

Sa kanyang recorded video message kahapon (Huwebes), sinabi ni Pangulong Duterte sa taumbayan na manatiling kalmado sa gitna ng pagkalat ng sakit at magtiwala lamang sa gobyerno at sa mga otoridad sa paglaban sa hamon.
“I call on our people to remain calm, vigilant, responsible and I also ask your trust and cooperation, support as we face the challenge,” wika ni Pangulong Duterte. “Tayo ay magkaisa together as one nation, this challenge can be overcome.”

Muling tiniyak ni Duterte na tatlo pa lamang ang kumpirmadong kaso ng COVID-19 kung saan wala pang ebidensiya ng lokal na pagkahawa sa komunidad sa bansa.

Ayon sa presidente, naiintindihan niya raw na marami sa mga Pilipino ang nakararanas ng pangamba, na aniya’y normal lamang sa ganitong mga sitwasyon.

“It is normal to feel anxious, concerned and even afraid. Maging malinis. Hugasan yung kamay frequently, yung paulit ulit. Kung every handshake mo, kung humatsing ka, takpan mo bunganga mo at tingnan mo hindi ka makahawa sa ibang tao. Kung ikaw naman ay may ubo, mag-mask ka na lang,” payo pa nito.

Kasabay nito, inihayag ni Pangulong Duterte na handa ang pamahalaan, katuwang ang World Health Organization, medical societies at private sector sa anumang puwedeng mangyari.

Tiniyak din ng Punong Ehekutibo na inaalagaan ng gobyerno ang mga overseas Filipino workers galing Wuhan, China na pinauwi at nasa quarantine ngayon sa New Clark City sa Capas, Tarlac.

Sa iba pang mga Pinoy na nasa lockdown areas sa China, sinabi ni Pangulong Duterte na hindi rin pababayaan ang mga ito at aasistehan ng pamahalaan kung nais na rin nilang umuwi.

“To our kababayans who remain in lockdown areas in China, I assure you that the government is ready to bring you home if you want. Hindi naman kayo papabayaan,” anang Pangulo. (Daris Jose)

VFA OUT

Posted on: February 14th, 2020 by @peoplesbalita No Comments

NAIPAALAM na ng gobyerno ng Pilipinas sa United- States ang termination ng Visiting Forces Agreement (VFA), magkakabisa ito pagkalipas ng 180 araw makaraang matanggap ang notice.

Kasunod nito ay matitigil na ang pagbisita ng US troops sa bansa para magsagawa ng exercise kasama ang Philippine troops. Nagsimula ang VFA noong 1998. Dalawang dekada na ang nakalilipas mula nang mapagkasunduan ang VFA at ngayon ay namiminto nang matapos.

Nag-ugat ang termination ng VFA makaraang kanselahin ng US ang visa ni Senador Ronald dela Rosa noong nakaraang buwan. Nagalit si Duterte sa ginawa- kay dela Rosa kaya bilang protesta, inaprubahan niya ang termination ng VFA. Minura pa ng Presidente ang US dahil masyado raw bastos.

Marami naman ang nabahala sa pag-terminate sa VFA, hindi raw sana naging pabigla-bigla ang gob-yerno sa pagpapatigil sa VFA. Marami namang nagawa sa bansa ang VFA, hindi lamang sa pagbi-bigay ng bagong kaalaman sa Philippine troops kundi pati na rin sa pagtulong sa mga biktima ng kalamidad.

May punto ang mga nagsasabi na kailangan ng bansa ang VFA o ang presensiya ng US troops laban- sa mga nagtatangka. Pero dapat din namang tingnan kung nasusunod ba ang nasa kasunduan ng VFA o dapat rebyuhin sapagkat may mga mali rito.

Mapuproteksiyunan nga ba ng US ang bansa sakali’t magkaroon ng sigalot sa rehiyon? Natutupad ba ang nasa kasunduan na bibigyan ng mga bagong barko at eroplano?

Tila hindi ito natutupad sapagkat pawang segunda mano ang dinadala rito na ginamit pa noong World War 2. Kung ganito ang nangyayari, dapat pa bang panatilihin ang VFA.

Kahit inilibing na: KOBE, GIANNA PUBLIC MEMORIAL SA STAPLES MAY BAYAD

Posted on: February 14th, 2020 by @peoplesbalita No Comments

INIHATID na umano sa kanilang huling hantungan ang mag-amang Kobe at Gianna Bryant dalawang linggo matapos masawi sa isang helicopter crash sa California.

Batay sa ulat sa US media, naging pribado lamang ang seremonya ng paglilibing na isinagawa sa Corona Del Mar, California nitong Pebrero 7.

“Vanessa and the family wanted a private service to mourn their loss,” ayon sa source. “The ceremony was extremely hard for everyone as it’s still hard for them to grasp they lost two beautiful souls.”

Tuloy naman ang idaraos na public memorial sa Pebrero 24 sa Staples Center na siyang home court ng Los Angeles Lakers, na naging koponan ni Kobe sa kanyang 20-year career sa NBA.

Sinasabing simboliko ang nasabing petsa sapagkat mistulang tribute ito sa No. 2 basketball jersey na isinuot ni Gianna at sa No. 24 na ginamit naman ni Kobe bilang miyembro ng Lakers.

Pero bago ito masilayan, kailangan munang bumili ng ticket dahil ayon sa naunang report ay pamilya, kaibigan, NBA officials, players, season ticket holders at local politicians lamang ang may ekslusibong pass upang makapasok nang hindi na kailangan nito.

Ang iba naman daw na nagnanais na masilayan ang public memorial ng yumaong basketball icon ay kailangan munang magkaroon ng ticket bago makapasok sa Staples Center.

Dahil 20,000 lang kasi ang upuan na kayang ma-accommodate ng stadium kaya kailangan itong kontrolin para maging maayos ang okasyon dahil halos 100,000 supporters ang nagnanais na makapasok at makita ang “Mamba”.
Hindi pa tiyak kung paano makakakuha ng ticket ang publiko pero tiniyak naman ng management ng Staples Center na hindi nila isasara ang stadium para sa mga taong nasi maging bahagi ng memorial.

Abiso rin ng ibang mga law enforcement na nakapalibot sa stadium na ang hindi makapapasok ay maaaring panoorin sa TV ang memorial ni Kobe.

Maalalang nasawi sina Kobe, Gianna, at pitong iba pa sa pagbagsak ng sinakyan nilang helicopter sa Calabasas, California nitong Enero 26.

Nagpahayag ng saloobin ang asawa ng basketbolistang si Vanessa sa kanyang Instagram nitong Lunes.

“My brain refuses to accept that both Kobe and Gigi are gone.” Madamdaming saad nito. “It’s like I’m trying to process Kobe being gone but my body refuses to accept my Gigi will never come back to me. It feels wrong. Why should I be able to wake up another day when my baby girl isn’t being able to have that opportunity?! I’m so mad. She had so much life to live. Then I realize I need to be strong and be here for my 3 daughters.”

Inaasahang aabutin ng isang taon bago matapos ang nagpapatuloy na imbestigasyon ng mga awtoridad hinggil sa insidente.