NAGBABALA ang mga nangungunang medical societies sa Pilipinas tungkol sa lumalalang epekto ng obesity sa kalusugan ng puso at bato at sinabing ang pagkaantala sa paggamot ay nagpapalala sa pagdami ng magkakaugnay na cardiovascular, kidney, at metabolic (CKM) diseases sa bansa.Ayon sa Philippine College of Endocrinology, Diabetes and Metabolism (PCEDM), mahigit 39.8% ng mga adult Filipino ay obese at 17.3% ay overweight, na nagpapataas ng panganib sa diabetes, hypertension, at chronic kidney disease—ilan sa mga pangunahing sanhi ng pagkamatay sa bansa.Upang tugunan ito, lumagda sa isang memorandum of agreement ang PCEDM kasama ang Philippine Heart Association (PHA), Philippine Society of Nephrology (PSN), at Philippine Association for the Study of Overweight and Obesity (PASOO) upang palakasin ang koordinadong aksyon laban sa obesity at mga komplikasyon nito.Ayon sa mga eksperto, hindi lamang lifestyle issue ang obesity kundi isang chronic disease na maaaring magdulot ng sakit sa puso, kidney disease, fatty liver, sleep apnea, at ilang uri ng cancer. Dahil dito, mahalaga ang maagang screening, malusog na pamumuhay, at mas mahusay na access sa serbisyong pangkalusugan.Nanawagan din ang mga eksperto sa pamahalaan na palakasin ang mga programa laban sa obesity at gawing mas madali para sa mga Pilipino ang pagpili ng mas malusog na pamumuhay.Ang kampanyang “8 Billion Reasons to Act on Obesity: Stronger Hearts, Healthier Kidneys, and Better Diabetes Control” ay isinagawa bilang paggunita sa Philippine Health Month, World Obesity Day, at World Kidney Day, kung saan nagkaroon ng libreng blood sugar tests, obesity screening, at kidney tests sa Quirino Grandstand upang palakasin ang kamalayan ng publiko tungkol sa obesity at mga kaugnay nitong sakit.Kabilang sa mga panelist sina Dr. Elaine Cunanan, Vice President ng Philippine College of Endocrinology , Diabetes and Metabolism, Dr Lourdes Ella Santos, Director 1 ng PHI, Dr. Ricardo A. Francisco, President ng PSN Dr. Nemecio A. Nicodemus, Presidente ng Philippine College of Physicians at Dr. Luzviminda S. Katigbak, President ng PASOO.(Gene Adsuara)
- March 11, 2026
Ang Diyaryong Pinagkakatiwalaan
Archive for March 11th, 2026
NTC, sumuporta… Free calls para sa OFWs sa Middle East , iniutos ni PBBM
MAAARI nang tawagan ng libre ng mga Overseas Filipino Worker (OFW) mula sa Middle East ang kanilang mga pamilya rito sa Pilipinas.Ito ang inanunsiyo ni Pangulong Ferdinand Marcos Jr. kasunod ng paglulunsad ng pamahalaan ng “Libreng Tawag Program” para sa mga bansang Iran, Iraq, Bahrain, Kuwait, Oman, Qatar, United Arab Emirates at Saudi Arabia.Sinabi pa ng Pangulo na magkakaroon din ng mga libreng call stations sa mga piling mall para mas madaling makausap ng mga pamilya ang kanilang mga mahal sa buhay.Sa pamamagitan aniya nito ay masisiguro na ang ating mga kababayan ay mananatili ang komunikasyon sa kanilang mga pamilya at masisiguro na ligtas ang kanilang kalagayan.“Through these efforts, we want to ensure that our kababayans can remain connected with their families, offer comfort to one another, and confirm their safety without additional financial burden,” ayon pa kay Pangulong Marcos.Samantala, nagpahayag ng buong suporta ang National Telecommunications Commission (NTC) sa direktiba ng Pangulo.Ayon kay NTC Commissioner Ella Blanca Lopez, mahalagang hakbang ang pag-activate ng Libreng Tawag Program upang matulungan ang OFWs na manatiling konektado sa kanilang mga pamilya sa gitna ng krisis.Sinabi ni Lopez na patuloy na babantayan ng NTC ang pagpapatupad ng direktiba ng Pangulo at magsasagawa ng kinakailangang koordinasyon upang matiyak na makikinabang dito ang OFWs at kanilang mga pamilya.Binigyang-diin pa ng NTC Commissioner, ang hakbang na ito ay bahagi ng pagsisikap ng pamahalaan na matiyak na nananatiling abot-kamay at maaasahan ang komunikasyon para sa mga Pilipino, lalo na sa panahon ng krisis. (Daris Jose)
PBBM, gustong makasama ang Pilipinas sa United Nations Security Council
MULING iginiit ni Pangulong Ferdinand Marcos Jr. ang bid ng Pilipinas na maging miyembro ng United Nations Security Council (UNSC) sa kanyang pulong kay UN Secretary-General António Guterres sa UN Headquarters.Ayon kay Palace Press Officer Claire Castro, tinalakay ng dalawa ang kampanya ng Pilipinas para sa non-permanent seat sa konseho. Aniya, hindi lamang para sa sariling interes ng bansa ang layunin ng pagtakbo kundi upang makapag-ambag sa pandaigdigang kapayapaan at seguridad.Inamin din ni Castro na maaaring mabanggit ang usapin ng West Philippine Sea kung sakaling maging miyembro ang Pilipinas ng UNSC.Gaganapin sa Hunyo 3, 2026 ang halalan para sa mga bagong miyembro ng konseho.(Daris Jose)
Karl Eldrew Yulo natapos na ang kampanya sa torneo sa Azerbiajan
NATAPOS na ang kampanya ni Filipino gymnast Karl Eldrew Yulo sa 2026 FIG Artistic Gymnastics World Cup na ginanap sa Baku, Azerbaijan.Balitang Pilipinas
Ang 18-anyos na si Yulo ay nagkamit ng pampitong puwesto sa men’s horizontal bar matapos makakuha ng 13,033 points.
Habang nasa pang-anim na puwesto naman ang kaniyang nakuha sa Floor Exercise na mayroong 13,900 points.
Bigo naman ito sa floor exercise at horizontal bar events.
Si Eldrew ay nakakabatang kapatid ni two-time Olympic gold medalist Carlos Yulo kung saan ito ang kaniyang unang kompetisyon sa senior level.
Susunod na pagsabak ng nakakabatang Yulo ay sa Antalya, Turkiye na magsisimula mula Marso 10 hanggang 12.
Target nito na makapag-qualify para sa 2028 Los Angeles Olympics kasama ang kapatid nito.
KUNG napanood mo sina Julia Barretto at Maris Racal sa recent Maya video nila na nagsasampalan ng pera, alam mo na kaya nilang gawing entertaining ang usapang pera.
Ngayon, sila’y nagbabalik, ngunit sa pagkakataong ito, hindi na tungkol sa pag-iipon — kundi tungkol sa pagiging ready kapag bigla kang nangailangan ng pera.
Sa latest Maya video, ipinakita nina Julia at Maris ang isang sitwasyon na very relatable sa maraming Pilipino: kapag kailangan mo ng cash, kadalasan kailangan mo ito agad.
Panoorin ang video kung saan pinakita nila kung gaano kabilis mag-loan sa Maya: Youtube Video: https://www.youtube.com/watch?v=MdlVzBw-iI8
Madalas nakaka-intimidate o hindi kaya’y nakaka-stress ang pag-loan. Kaya sa video na ito, ginamit ang humor at visual storytelling para ipakita na hindi nito kailangang maging komplikado. Kapag may biglaang gastos, hindi na dapat dagdag-alala ang paghahanap ng financial support.
Bahagi ito ng commitment ng Maya na gawing mas accessible at transparent ang financial services para sa mas maraming Pilipino. Bilang #1 Digital Bank at leading fintech ecosystem sa Pilipinas, pinagsama ng Maya ang savings, payments, credit, at loans sa iisang app — para mas kontrolado mo ang pera mo.
Mas pinadali ng Maya ang pag-loan sa pamamagitan ng mga loan opsyons nito. Kulang ang budget? May biglaang bayarin? Nandiyan ang Maya Easy Credit, kung saan pwede ka makakuha ng revolving credit line na hanggang ₱50,000, diretso sa app. May instant approval at mabilis na access sa pera. Walang requirements, walang pila, at walang mahabang proseso.
Perfect ito para sa short-term needs at unexpected gastos — mabilis, simple, at maaari mong bayaran sa app.
Para naman sa mas malalaking gastos, nandiyan ang Maya Personal Loan, kung saan pwede kang humiram ng hanggang ₱250,000, with repayment terms na hanggang 24 months. Fully digital ang application at madali at hassle-free ang approval process. Mula application hanggang approval, simple ang experience —katulad ng ipinapakita sa video: kapag kailangan mo ng funds ngayon, matatanggap mo kaagad.
Hinihikayat ng Maya ang responsableng pag-hiram ng pera. Kapag consistent at on-time ang pagbabayad mo, puwede kang magkaroon ng mas magandang loan offers, mas madaling access, at mas smooth na experience sa susunod.
To learn more, visit maya.ph or mayabank.ph, and follow @mayaiseverything on Facebook, Instagram, YouTube, and TikTok to stay updated. Approval and offer are subject to credit evaluation. Maya Philippines, Inc. and Maya Bank, Inc. are regulated by the Bangko Sentral ng Pilipinas (www.bsp.gov.ph). For 24/7 assistance, visit the Help Center in the Maya app or call us from 8 AM to 7 PM daily at +632 8845-7788.
(ROHN ROMULO)
Malaking challenge ang balik-tambalan sa ’The Silent Noise’… ANGELICA at ZANJOE, sobrang comfortable na talaga sa isa’t-isa
BALIK-TAMBALAN sina Angelica Panganiban at Zanjoe Marudo sa upcoming Filipino crime drama na “The Silent Noise” na produced ng ABS-CBN Studios.
Mula ito sa direksyon ni Onat Diaz (“The Alibi”), which tells the story of a deaf son who risks a Makakasama sina Angelica at Zanjoe sina Mylene Dizon, Zaijian Jaranilla, Mute Orquia at ang newest child actor na si KD Omalin.
Nasa mini-series din sina Joem Bascon, Karina Bautista, Tommy Alejandrino, Ramon Christopher Gutierrez, Joel Saracho, Junjun Quintana, Kakki Teodoro, at Ralph Malibunas.
Nitong March 10, ginanap ang Blue Carpet Celebrity Premiere at Grand Media Conference sa Gateway Mall 2, Cinema 11, na kung saan pinasilip ang first episode ng serye.
Anyway, fresh na fresh pa sa lahat ang balik-tambalan nina Angelica at Zanjoe sa ‘UnMarry’ na naging bahagi ng 51st MMFF at ito nga nagbabalik naman sila para sa isang mini-series, na susubok na naman sa husay nila sa pag-arte.
Para sa aktor, “iba naman ito sa dami ng pinagdaanan namin ni Angelica, from light to romance, comedy to gag show.”
Singit naman ng aktres, “I think ito ang pinaka-seryoso natin or darkest siguro na nagawa namin.”
Dagdag pa ni Z, “magaling ang project na ito para sa akin, kasi mas nate-test pa namin ang isa’t-isa.”
Kuwento naman ni Angge tungkol sa muling pagsasama nila ni Zanjoe.
“Feeling ko ganun na ka-kumportable si Z, dahil nakakapag-open up na siya lalo na pag may questions siya sa dapat niyang gawin kapag naguguluhan siya. Binibigyan ko naman siya ng payo, na dapat ganito lang.
“Parang kasi noon, may ego pa siya, na baka pag nagtanong ako, baka isiping hindi ko kaya ang eksena. Eh, ngayon we are comfortable with each other, kahit ako ganun din ako kanya, pag may agam-agam ako na, tama ba ‘yun, okay lang ba ang ginawa ko.
“Kasi siguro, parang package deal na kaming dalawa, lagi na lang kaming nakikita na magkasama sa isang project.”
Aminado rin ang dalawa na malaking challenge ang roles nila sa “The Silent Noise” na magpi-premiere sa Prime Video ngayong March 20 sa Pilipinas at mahigit 240 bansa at teritoryo sa buong mundo.
(ROHN ROMULO)
Congressional briefing, kailangang maisagawa hinggil sa lumalalang sitwasyon sa Gitnang Silangan, panawagan
NANAWAGAN si House Majority Leader Ferdinand Alexander “Sandro” A. Marcos ng Ilocos Norte na magsagawa ng congressional briefing hinggil sa lumalalang sitwasyon sa Gitnang Silangan.
Ayon kay Marcos, kailangan maisagawa ang congressional briefing upang ma-monitor ang sitwasyon ng mga Overseas Filipino Workers (OFW) sa Middle East at tiyakin ang kanilang kaligtasan.
Sinabi ni Marcos na inatasan ni Speaker Faustino “Bojie” G. Dy III and House Committees on Foreign Affairs at Overseas Workers Affairs na magsagawa ng joint briefing sa Miyerkoles, Marso 11, 2026, upang makapagbigay ng updated assessment sa Middle East situation at mga hakbang ng Philippine government na tulungan ang mga Pilipino na naipit sa sigalot.
“With a significant number of Filipinos working across the Middle East, it is important that we stay ahead of developments and ensure that the necessary support mechanisms are in place,” pahayag ni Marcos .
“The House wants to receive a full briefing on the situation on the ground and on the readiness of our agencies to assist our nationals should conditions require government intervention,” dagdag ng kongresista.
Ayon kay Marcos, kabilang sa mga iimbitahan sa gagawing congressional briefing ay mga mga kinatawan at opisyal ng Department of Foreign Affairs, the Department of Migrant Workers, at ibang mga ahensiya ng gobyerno na tumutulong sa assistance, evacuation, o maaring repatriation.
“Our overseas Filipino workers play a vital role in supporting millions of Filipino families and contributing to the country’s economic stability,” sinabi ni Marcos.
“At a time of uncertainty in the region, it is important that government remains fully prepared to protect their welfare and provide assistance when needed.”
(Vina de Guzman)
Sa kabila ng tensyon sa Gitnang Silangan… Sapat ang supply ng gasolina, pangunahing bilihin -Malakanyang
TINIYAK ng Malakanyang na sapat ang suplay ng gasolina at pangunahing bilihin sa bansa sa kabila ng pagtaas ng presyo ng langis bunsod ng tensyon sa Gitnang Silangan.
“Sa ngayon, tulad ng aking sinabi kahapon sa DTI, wala naman daw movement ng presyo sa mga basic commodities natin sa NCR at sa ibang mga region,” ayon kay Presidential Communications Office (PCO) Undersecretary and Palace Press Officer Claire Castro sa isang media briefing sa New York.
Dagdag pa ng Palasyo, anumang hindi pangkaraniwang pagtaas ng presyo ng mga pangunahing bilihin at produktong petrolyo ay dapat agad iulat sa DTI at Department of Energy (DOE).
Nagsimula na rin ang ilang kumpanya ng langis na magpatupad ng tatlong araw na sunud-sunod na dagdag-presyo sa produktong petrolyo.
Gayunpaman, sinabi ni Castro na nakahanda ang pamahalaan upang mabawasan ang epekto ng tensyon sa Gitnang Silangan.
“Hindi man ito nagaganap at hindi ito ang kagustuhan ng ating gobyerno pero dahil sa tension na nagpapatuloy sa Middle East, kailangan talagang paghandaan ng mga kababayan natin. Pero hindi kailangan magkaroon ng panic buying dahil kumpleto naman at enough pa ang supply, lalong-lalo na ang ating fuel at ng ating mga basic commodities,” ayon kay Castro. (Daris Jose)
3,700 NA SENIOR CITIZENS SA MAYNILA, TUMANGGAP NG P10,000 CASH GIFT
NAKATANGGAP ng milestone age cash gift ang ang mahigit 3,700 senior citizens sa lungsod ng Maynila sa ilalim ng Expanded Centenarians Act of 2024.
Isinagawa ang pamamahagi noong Lunes ng umaga, Marso 9, sa pakikipagtulungan sa National Commission of Senior Citizens (NCSC). Umabot sa 3,703 senior citizens sa Maynila na umabot sa milestone ages na 80, 85, 90, at 95 ang nakatanggap ng tig-₱10,000 cash incentive sa ilalim ng Republic Act No. 11982.
Kinilala ni Manila Mayor “Francisco Isko Moreno” Domagoso ang pambansang pamahalaan sa pagpapatupad ng pinalawak na batas na nagbibigay na ngayon ng insentibo hindi lamang sa mga centenarian kundi pati sa iba pang milestone ages.
“Bagay na aking pinagpapasalamat kay President Bongbong Marcos sa pagpapatupad ng batas kung saan ang mga umabot ng 80, 85, 90, at 95 years old ay binibigyan ng ₱10,000,” ani ng alkalde.
Ayon kay Domagoso, libu-libong matatandang residente sa Maynila ang nakikinabang sa programa, na dagdag pa sa mga sariling inisyatiba ng lungsod para sa senior citizens.
“Sa Maynila, nagsimula ’yan noong panahon natin noong 2019. Regular ang bigay natin sa senior citizens, ₱500 every month, at walang pinipili: mayaman, middle class o mahirap,” dagdag niya.
Sinabi rin ng alkalde na patuloy na nagbibigay ang pamahalaang lungsod ng karagdagang tulong sa mga senior citizen, kabilang ang buwanang allowance at mga programang pang-nutrisyon upang mapanatili ang kanilang kalusugan.
Tiniyak din niya sa mga senior citizen na patuloy na magsisikap ang pamahalaang lungsod na mapabuti pa ang mga programa at serbisyong nakalaan para sa kanila, at binigyang-diin na nananatiling prayoridad ng administrasyon ng Maynila ang kapakanan ng mga nakatatanda.
“Ang inyo namang Pamahalaang Lungsod ay hindi titigil na makagawa ng paraan para sa kapakinabangan ng ating mga lolo at lola. Gusto ko lang lagi na maramdaman ninyo na may gobyerno sa Lungsod ng Maynila na ipinagmamalasakit ang mga matatanda natin sa lungsod,” ani ni Domagoso..(Gene Adsuara)
Big-time oil price hike sisirit
NAGPATUPAD ngayon ng big-time oil price hike ang mga kumpanya ng langis bunsod ng lumalalang tensiyon sa Gitnang Silangan.
Sa inilabas na datos ng Department of Energy (DOE), ang mga retailers ay magpapatupad ng P7.00 – P13.00 sa kada litro ng gasolina, habang P17.50 – P24.25 sa diesel. Pinakamalaki ang pagtaas sa presyo ng kerosene na nasa P32.00 – P38.50.
Ayon sa DOE, staggered ang gagawing implementasyon ng mga kumpanya ng langis sa adjustments.
Nabatid na nakadepende ang presyo ng gasolina sa pandaigdigang merkado, lalo na sa Dubai crude, kaya apektado ang supply at demand sa buong mundo sa gitna ng sigalot sa Middle East.
Kaugnay nito, inilunsad ng DOE at Department of Information and Communications Technology (DICT) ang eGovPH Complaint Center upang mas mapalakas ang monitoring at masiguro ang patas na serbisyo at sapat na suplay ng petrolyo para sa bawat Pilipino.
Pinaalalahanan din ng DOE at DICT ang publiko na kung may mapansin silang mga kahina-hinalang aktibidad sa mga gasolinahan ay kaagad itong idokumento at i-report sa naturang complaint center.
Kabilang sa mga ipinamo-monitor ng DOE at DICT ay ang pagpa-panic buying, fuel hoarding, non-compliance o hindi pagtalima sa fuel pricing, hindi awtorisadong pagtataas ng presyo ng mga produktong petrolyo, pagtangging magbenta ng langis at fuel shortage o mababa hanggang sa walang available na produktong petrolyo.
“I-dokumento at i-report ito sa eGovPH app! Panoorin ang tutorial video para malaman kung paano mag-report,” ayon sa DOE at DICT.
Column with photo attached
Jemba in Action
Jess Basco
LTO, NAGLABAS NG SHOW CAUSE ORDER, 12 DRIVING SCHOOL SA NCR SINUSPINDE DAHIL SA CERTIFICATION IRREGULARITIES
NAGLABAS ang Land Transportation Office (LTO), sa pamamagitan ng Central Accreditation Committee on Driving Schools and Medical Clinics (CAC-DSMC), ng Show Cause Orders sa 12 accredited driving schools sa NCR at kani-kanilang mga instructors dahil sa umano’y mga iregularidad sa pag-isyu ng Practical Driving Course (PDC) Certificates of Completion.
Natuklasan na ang mga paaralan ay naiulat na nagbigay ng mga certificates sa mga mag-aaral na hindi sumailalim o hindi nakakumpleto ng mandatoryong walong (8) oras na practical driving instruction. Ang mga gawaing ito ay paglabag sa LTO Memorandum Circular No. VDM-2023-2460, kabilang ang pandaraya, maling representasyon, iregular na paggamit ng akreditasyon, at hindi pagsunod sa mga itinatag na regulasyon. Ang mga
instructors ay idinadawit din sa kanilang pagkakasangkot.
Ang mga kinauukulang partido ay inaatasan na magsumite ng kanilang mga written explanations at supporting documents sa loob ng limang (5) calendar days mula sa pagtanggap ng mga Show Cause Orders. Ang hindi pagsunod ay ituturing na pagtalikod sa kanilang karapatang marinig, at ang Committee ay magpapatuloy sa kaso batay sa mga magagamit na record.
Habang hinihintay ang imbestigasyon, ang lahat ng 12 driving schools at ang kanilang mga instructors ay isinailalim sa preventive suspension nang hanggang 30 araw. Mahigpit silang pinagbabawalan na magsagawa ng anumang aktibidad sa driver education activities at sa pag-access o paggamit ng Land Transportation Management System (LTMS) para sa pagproseso o pag-isyu ng mga sertipiko hanggang sa mailabas ang pinal na desisyon, maliban kung iba ang inalis o binago ng Committee. (PAUL JOHN REYES)