ALINSUNOD sa direktiba ni Pangulong Ferdinand Marcos Jr., na panatilihing payapa at makabuluhan ang idaraos na Traslacion, naka-alerto ang puwersa ng PNP, DILG at ibang ahensiya ng gobyerno upang siguruhin ang kaligtasan ng mga dadalo sa nasabing kaganapan.
Sinabi ni Presidential Communications Office (PCO) Undersecretary at Palace Press Officer Claire Castro, ayon sa tala ng pulisya, aabot sa 18, 212 uniformed personnel ang ide-deploy sa mga lugar na pagdarausan ng Pista ng Poong Nazareno.
Makakaasa aniya sa itinaas na presensiya ng kapulisan ang mga debotong lalahok sa Traslacion lalo na sa tatlong mga pangunahing lugar gaya ng Quirino Grandstand, sa buong ruta na daraanan ng prusisyon at sa Quiapo Church na huling destinasyon ng imahe ng Poong Nazareno.
Sa kabilang dako, ipinag-utos naman ni Acting PNP chief Lt. Gen. Jose Melencio Nartatez Jr., sa mga tropa ng kapulisan na maging alerto, mahinahon at makatao sa pagse-serbisyo sa kapwa Filipino.
At para rin aniya sa dagdag na seguridad, magpapatupad ng No-Fly Zones ang PNP malapit sa pagdarausan ng Traslacion habang may cellphone signal jamming din bilang additional na preventive measures.
Nagpaalala naman ang DILG sa mga lalahok na maging alerto at iwasan na magdala ng mga matatalim, at nakasusugat na bagay, mga paputok at pyrotechnics devices at iba pang ipinagbabawal na kagamitan.
Mahigpit ding ipinagbabawal ang pagdadala ng armas gaya ng baril, alinsunod sa ipinatutupad na gun ban sa Lungsod ng Maynila.
“Nawa’y maging matiwasay, ligtas at makabuluhan ang selebrasyon ng Pista ng Poong Nazareno para sa lahat ng deboto,” ayon kay Castro. ( Daris Jose)
- April 27, 2026
Ang Diyaryong Pinagkakatiwalaan
Archive for January, 2026
PNP at DILG, tiniyak na puspusan ang preparasyon para sa Pista ng Poong Nazareno- Malakanyang
Mga sundalo, hinikayat na maging bahagi ng mga nagbabantay sa kaban ng bayan… PBBM, pinangunahan ang panunumpa ng 37 mga bagong promote na heneral at Flag Officers ng AFP
PINANGUNAHAN ni Pangulong Ferdinand R. Marcos jr ang panunumpa ng 37 mga bagong promote na heneral at Flag Officers ng AFP.
Sa naging talumpati ng Punong Ehekutibo, sinabi nitong ang promosyon ng mga heneral ng AFP at ng Philippine Navy ay repleksiyon hindi lamang ng kanilang kakayahang manguna kundi kumpiyansa din sa kanilang pagpapasiya sa harap ng pressure at kawalang katiyakan.
At sa gitna aniya ng nakuhang promosyon, binigyang diin rin ng Pangulo na ang halaga ng isang tunay na pinuno ay nasusukat sa tamang asal at magandang halimbawa na kanyang ipinapakita at hindi sa taas ng kanyang ranggo.
Kasunod naman ng nalagdaang pambansang budget kamakalawa ay hinikayat ng Punong Ehekutibo ang mga sundalo na magkaroon ng partisipasyon sa pagbabantay sa kaban ng bayan.
Sinabi ni Pangulong Marcos na inaasahan ang kasundaluhan na maging mapagkakatiwalaang tagapangasiwa na nagbabantay sa yaman ng bayan at dapat na makabilang sa mga nagsisiguro na ang bawat piso ay mapupunta sa dapat nitong puntahan ng may integridad at makadagdag pa sa kakayahan at kahandaan ng Hukbong Sandatahan. (Daris Jose)
Kakampi sa pag-ahon: Mayor Jeannie, namahagi ng tulong pinansyal sa mga pamilyang nasunugan sa Malabon
ALINSUNOD sa mga pagsisikap na gawing mas accessible ang mga serbisyo at programa ng Pamahalaang Lungsod ng Malabon sa mga Malabueño, partikular ang mga naapektuhan ng mga sakuna at emerhensiya, pinangunahan ni Mayor Jeannie Sandoval ang pamamahagi ng tulong pinansyal sa 64 pamilya na nawalan ng bahay sa naganap na sunog sa Juliana Street, Barangay Potrero noong unang bahagi ng Enero.
“Alam po namin ang bigat na nararamdaman ng ating mga kababayang naapektuhan ng sunog sa Potrerokaganapan lang, lalo na at kasimula pa lamang ng bagong taon. Kaya naman po agad tayong nagpaabot ng tulong para tiyakin ang muling pag-ahon ng ating mga kababayan mula sa sakunang ito,” ani Mayor Jeannie.
Kasama ang CSWDD, nagtungo si Mayor Jeannie sa Potrero Elementary School kung saan pansamantalang tumutuloy ang mga apektadong pamilya at personal na inabot ang tig-₱10,000 sa 16 na may-ari ng mga nasunog na istruktura, ₱5,000 sa 40 pamilya na ang mga bahay ay ganap na nasira, at ₱3,000 sa walong pamilya na ang mga bahay ay bahagyang nasira ng sunog.
Nauna rito, nagbigay rin si Mayor Jeannie ng family food packs na naglalaman ng mga de-latang pagkain, bigas, kape, at noodles, pati na rin ng mainit na pagkain, lalagyan ng tubig, at mga hygiene kit, upang matugunan ang mga agarang pangangailangan ng mga apektadong residente.
Nagpadala rin ang Malabon Disaster Risk Reduction and Management Office (MDRRMO) ng Mobile Jeannie Services, kabilang ang Mobile Shower, habang ang mga tauhan ng City Health Department ay nagsagawa ng mga medikal konsultasyon.
Pinayuhan ng alkalde ang publiko na iwasan ang pag-overload ng mga saksakan ng kuryente, regular na inspeksyunin ang mga sirang o nakalantad na mga kable, patayin ang mga kagamitang elektrikal kapag hindi ginagamit, itago ng maayos ang mga materyales na madaling magliyab, at ilayo ang mga posporo, lighter, at kandila sa mga bata.
Samantala, pinaalalahanan ni City Administrator Dr. Alexander Rosete ang mga residente na manatiling mapagmatyag at mahigpit na sundin ang mga hakbang sa kaligtasan sa sunog, lalo na sa mga komunidad na matao.
“Mahalaga ang seguridad ng bawat tahanan para sa mga pamilya, sa bawat residente. Kaya’t pinapaalalahanan po natin ang lahat na siguruhin ang kaligtasan sa ating kapitbahayan. Iwasang gawin at pabayaan ang mga bagay na maaaring maging sanhi ng sunog. Inaanyayahan natin ang lahat na makiisa sa mga adbokasiya at sundin ang mga paalala para sa mas maayos na pamumuhay sa bawat komunidad,” pahayag niya. (Richard Mesa)
LTO, NAGSAGAWA AGAD NG IMBESTIGASYON AT SUSPENSYON SA ILANG TAUHAN NITO DAHIL SA REKLAMO NG ISANG TRANSPORT BLOGGER/WRITER
AGAD na ipinag-utos ni Land Transportation Office (LTO) Chief, Assistant Secretary Markus V. Lacanilao, ang pagsasagawa ng masinsinan at patas na imbestigasyon kaugnay ng reklamong inihain ng transport blogger at writer na si Ginoong James Deakin laban sa ilang tauhan ng LTO Central Office.
Kasabay nito, iniutos din ni Asec. Lacanilao ang pansamantalang suspensyon ng mga LTO personnel na umano’y nasangkot, habang isinasagawa ang masusing pagsisiyasat hinggil sa alegasyong iregularidad sa pagproseso ng nakumpiskang driver’s license ng anak ni G. Deakin. Ang nasabing insidente ay naganap matapos ang isang paglabag sa batas-trapiko sa Skyway Stage 3, Quezon City noong Disyembre 18, 2025.
Ayon kay Asec. Lacanilao, humiling na ang LTO ng kopya ng CCTV footage mula sa Skyway Corporation upang matukoy kung naging makatuwiran at naaayon sa patakaran ang ginawang panghuhuli ng deputized Law Enforcement Officer na sangkot sa insidente. Ang pagsusuri sa CCTV ay bahagi ng komprehensibong imbestigasyon ng ahensya upang matiyak ang katotohanan ng mga pangyayari at mapanatili ang tiwala ng publiko.
Tiniyak ni Asec. Lacanilao sa publiko na hindi binabalewala ng LTO ang mga alegasyong inilahad ni G. Deakin. Aniya, “Naninindigan ang LTO sa integridad, pananagutan, at patuloy na repormang institusyonal. Binibigyang-diin din namin na bukas at handang makinig ang tanggapan ng LTO Chief sa lahat ng mamamayan, mula sa iba’t ibang antas ng lipunan, at nananatiling madaling lapitan ng mga nangangailangan ng tulong, paglilinaw, o nararapat na remedyo sa pamamagitan ng wasto at naaayon sa batas na mga proseso.”
Idinagdag pa ni Asec. Lacanilao na, “Mahalaga ang puna at opinyon ng publiko sa pagtukoy ng mga bahagi ng aming mga proseso na maaaring higit pang pagbutihin upang mas mahusay na mapagsilbihan ang sambayanang motorista.”
Binigyang-diin ng LTO na kung mapatutunayang may pagkukulang o paglabag sa umiiral na mga patakaran, ang mga nararapat na hakbang pandisiplina at pagwawasto ay agarang ipatutupad, alinsunod sa batas at sa layunin ng ahensya na panatilihin ang isang sistemang patas, malinaw, at tapat sa paglilingkod sa publiko. (PAUL JOHN REYES)
Malakanyang, idineklara ang Enero 9 bilang Special Non- Working Day sa Maynila para sa Kapistahan ng Itim na Nazareno
IDINEKLARA ng Malakanyang ang araw ng Biyernes, Enero 9, 2026, bilang special non-working day sa Lungsod ng Maynila upang masiguro ang maayos na pagdiriwang ng Kapistahan ng Itim na Nazareno.
Sa ilalim ng Proclamation No. 1126, nilagdaan araw ng Lunes, Enero 6, sinabi ng Malakanyang na milyong mga deboto ang inaasahan na daragsa sa Quiapo Church at sa Lungsod ng Maynila sa panahon ng Kapistahan ng Itim na Nazareno sa araw ng Biyernes, Enero 9.
Tinukoy ng proklamasyon ang kahilingan ng Lungsod ng Maynila na ideklara ang Enero 9 bilang isang special non-working day upang masiguro ang maayos na prusisyon ng mga deboto at para mapadali ang daloy ng trapiko.
“Now, therefore, I, Ralph G. Recto, Acting Executive Secretary, by authority of the President, Ferdinand R. Marcos Jr. do hereby declare Friday, 09 January 2026, a special (non-working) day in the City of Manila,” ang nakasaad sa proklamasyon. ( Daris Jose)
Hindi naman mapipigilan kung magiging sila DUSTIN, inamin na humanga kaya na-in love kay BIANCA
MATALIK na magkaibigan sina Dustin Yu at David Licauco.Ibinahagi ni Dustin, sa Youtube channel ni Karen Davila, kung paano siya natulungan ni David sa iba-ibang aspeto ng buhay, maging sa pagnenegosyo.“Noong time na magkakilala na kami, nag-i-start na siyang mag-business.“Nagpapadala siya ng food sa set, tapos ako parang wow ang galing nito, artista tapos may business. Noong time na yun nag-i-struggle ako financially. Gusto kong kumita nang kumita.“Naging close kami ni David tapos lagi na ako sumasama sa kanya sa meetings niya.“Lagi niya ako sinasama sa restaurant niya. Hindi niya alam, inaalam ko na lahat. Kapag wala siya sa restaurant niya, pumupunta ako, kinakausap ko managers niya, pumupunta ako sa kitchen, inaaral ko na lahat.“May isang beses napag-usapan namin, ‘Bakit hindi tayo magnegosyo, tulungan kita’, sabi ni David. ‘Pero hahayaan lang kita, tutulungan lang kita, tuturuan kita, hahayaan kita, hindi tayo magkasosyo kasi mag-aaway tayo’.“Siya yung nagbukas sa akin ng chicken stall. Siya yung tumulong sa akin doon. Sabi niya sa akin, alam mo kailangan mo na maghanap ng stable income o kaya passive income. Kumuha ka ng location, maghanap ka, mag-ikut-ikot ka.“Tinuruan niya na ako paano mag-marketing, paano mag-handle ng tao, paano kumausap ng suppliers.”At bukod sa pagne-negosyo, ayon pa rin kay Dustin, mas lumalim ang friendship nila ni David.“‘Yung friendship namin, hindi lang siya mababaw. Ang dami rin naming pinagdaanan, ang dami rin naming similarities. Si David parang kapatid ko na rin talaga siya, ang dami niyang natulong sa akin, sa business, sa love, sa career.”Nagsimula ang friendship ng dalawa noong nagkasama sila sa mga proyekto sa GMA tulad ng ‘Pulang Araw’ at ‘Mano Po Legacy: The Family Fortune.’Nasa main cast si Dustin ng ‘Shake Rattle & Roll: Evil Origins’ na official entry sa 51stt Metro Maila Film Festival ng Regal Entertainment, Inc.Bida rin si Dustin sa ‘Love You So Bad’ kasama sina Bianca de Vera at Will Ashley na part din ng MMFF na balitang extended pa hanggang January 14 ang showing ng lahat ng entries.And speaking of Bianca, natanong ni Karen kung na-in love ba siya sa ka-loveteam.Sagot ng young actor, “alam naman ng lahat ng tao na napahanga ako ni Caca (Bianca), kaya oo naman Ms. Karen, hindi naman ‘yun maitatanggi.”Pero sa ngayon ay close friends pa rin sila at naniniwala si Dustin, kung darating ang panahon na magiging sila, ay hindi nila ‘yun mapipigilan o mapipilit.Lahad pa ni Dustin, “kung darating, darating talaga. And it takes two people to be in a relationship, biglaan na lang yan Ms. Karen, parang boom!”(ROMMEL L. GONZALES)
Ayon sa isang kilalang celebrity psychic Tambalang KATHRYN at JAMES, ‘di masyadong papatok sa manonood
KUNG nag-rate ang solo project ni Daniel Padilla na ‘Incognito’ ay baka hindi raw pumatok ang teleserye nina Kathryn Bernardo at James Reid na ‘Someone, Someday.’Nakatakdang ipalabas ito this year sa ABS-CBN, ALLTV 2, at iba pang platforms.So-so lang ang magiging resulta at mismatch raw ang bagong tambalang Kathryn at James. Kaya hindi raw talaga ito magwo-work, ayon sa celebrity psychic na si Jay Costura sa vlog ni Councilor Aiko Melendez.Ilan pa sa mga medyo hindi positibong hula ngayong year of the fire horse, ay marami raw third party issues at maraming marriages ang masisira, may isang veteran actress na magsa-suffer raw sa malala nitong sakit.Si Vice Ganda ay pinag-iingat sa sakit nito sa sikmura. Magiging komplikado naman daw ang relasyon ni Bea Alonzo sa Chinese businessman na si Vincent Co, tuloy-tuloy rin daw ang kaso ni Kim Chiu sa sister nitong si Lakam Chiu.Maganda naman ang nakikita ni Costura para kina Marian Rivera at Dingdong Dantes na tinawag niyang “Power Couple.” Strong pa rin daw ang pagsasama ng dalawa. Posibleng pasukin raw ni Dingdong ang politics sa 2028.Si Jay Costura ay binansagang Nostradamus ng Asya dahil sa hula nitong si PBBM ang mananalong presidente noong 2022.***KUNG dito sa Pilipinas, ay napakaraming followers ni GMA Artist JC Regino, na may 735K followers sa official Facebook Fan Page, sa San Diego California, Las Vegas at iba’t-ibang parte ng Amerika ay sikat rin siya at dinudumog talaga ng crowd tuwing may concert.Yes bukod kasi sa may sikat na kanta o single na “Babytawan” under GMA Records na humahamig na ng 1.2M views ang music video. Sobrang talented rin ang bunsong anak ni the late OPM icon na si April Boy Regino at Madelyn Regino. Tulad ng kanyang ama na mahusay na concert performer at composer si JC.Samantala nabahiran ng lungkot ang sayang nadarama ni JC sa pagpanaw ng kanyang uncle Jimmy Regino. Dapat ay kasama nila ito ng kanyang Tito Vingo Regino sa matagumpay nilang concert na “JC Regine and the April Boys” sa East Plaza Blvd National City, San Diego California last December 12.Nagsilbing tribute kay Jimmy ang nasabing soldout na konsiyerto na produced ng sister ni JC na si Charmaine. Isa si JC sa naging punong abala sa burol ni Jimmy hanggang sa maihatid ito sa kanyang huling hantungan.(PETER S. LEDESMA)
Dahil nagustuhan at naka-relate sa pelikulang ‘I’mPerfect SYLVIA, tuwang-tuwa sa pagpunta ni Cong. LEILA kasama ang anak na si ISRAEL
ISA kami sa naimbitahan para block screening ng ‘I’mPerfect’ sa VIP Cinema 1 ng Fisher Mall nitong Linggo, ika-4 ng Enero.Present ang limang actors with Down Syndrome sa pangunguna si Earl Amaba, na malungkot dahil nila nakasama sa block screening ang ka-loveteam na Krystel Go na tinanghal na sa Best Actress sa 51st MMFF, nasa Naga City ito nagbabakasyon.Punong abala siyempre ang premyadong aktres at producer na si Sylvia Sanchez na part din ng advocacy movie ng Nathan Studios. Sumaglit din ang gumanap na asawa niya sa movie na si Joey Marquez.Silang dalawa pala ang magri-represent ng ‘I’mPerfect’ sa ‘Konsyerto para sa Filipino’. Gaganapin ang free concert at meet and greet para OFWs sa Middle East sa January 10, abangan lang kung saan ang venue sa Dubai, UAE.Samantala, sa naturang block screening um-attend si Congresswoman Leila de Lima, kasama ang anak niyang si Israel na talented artist on the autism spectrum na kilala sa kanyang paintings.Kaya naman tuwang-tuwa si Sylvia na napaunlakan ni Cong. De Lima ang kanyang imbitasyon na panoorin ang kanilang pelikula.Kuwento ng aktres, “noong nasabi niya sa akin na meron siyang anak na may autism, sabi ko, ‘i re-react out kita. Hindi pulitiko sa pulitiko, kundi sa mga anak, o sa person with disabilities, tulad ang anak nyo na person with autism at sa cast na persons with down syndrome, thank you po Congresswoman.”Pahayag naman ng Cong. Leila after na mapanood ang movie, “ang isa sa nagustuhan ko ay yung towards the end, they’re trying their best to be husband and wife kahit alam nilang may mga limitasyon ang buhay nila as husband and wife.“Pero nagustuhan ko rin ay ‘yung realization ng kanilang mga parents. Parang moments of epiphany, kasi noong umpisa parang meron talaga silang pagdududa kung kakayanin ba ng kanilang anak na sina Jiro at Jessica bilang huband and wife.“But in the end, nagkaroon silang ng realization and that was very moving na na-accept nila.”Nagpasalamat din si Ibyang sa suporta at tulong ni Executive Director Glenda Relova ng National Council on Disability Affairs para ma-promote ang pelikula na patuloy na napapanood sa cinemas nationwide.At kahit napanood na namin ang ‘I’mPerfect’ sa premiere night, naapektuhan pa rin kami sa mahusay na pagganap nina Krystel at Earl, ganun din ang matinding suporta nina Sylvia, Joey, Lorna Tolentino, Tonton Gutierrez, Zaijian Jaranilla at Janice de Belen.Mula ito sa kapuri-puring direksyon ni Sigrid Andrea Bernardo.***Bagong pangulo at opisyales ng SPEEd, hinirang naHINIRANG na ng Society of Philippine Entertainment Editors (SPEEd) ang bagong pangulo at iba pang opisyal nito kasabay ng pagsisimula ng taong 2026.Inihalal ng SPEEd si Tessa Mauricio-Arriola, lifestyle at entertainment editor ng The Manila Times, bilang bagong pangulo.Pinamumunuan na ngayon ni Mauricio-Arriola ang organisasyong nagsimula bilang isang social club ng mga entertainment editors mula sa mga pambansang broadsheet, nangungunang tabloid, at mga pangunahing online portal.Ang yumaong Manila Standard entertainment editor na si Isah V. Red ay isa sa nagtatag ng SPEEd, na nagsilbi ring president emeritus ng grupo.“Sa aming bagong hanay ng mga opisyal, nais naming sumulong nang may matapang na pananaw, ngunit kasabay nito ay manatiling tapat sa mga pinahahalagahang palaging gumagabay sa SPEEd at patuloy na sumusuporta sa direksiyong pinaniniwalaan ng grupo,” sabi ni Mauricio-Arriola.Kasama niya sa bagong hanay ng mga opisyal sina Maricris Nicasio ng Hataw (bise presidente—internal) at Gerardine Trillana ng Malaya Business Insight (bise presidente—external).Sina Ervin Santiago ng Inquirer Bandera at Rohn Romulo ng People’s Balita ay nahalal na mga kalihim, habang sina Dondon Sermino ng Abante TnT at DWAR1494 at Anna Pingol ng Pika-Pika at Pilipino Star Ngayon ay magsisilbing mga ingat-yaman. Si Jerry Olea ng PEP ay itinalaga naman bilang auditor.Ang mga inihalal na PRO ng grupo ay sina Nickie Wang ng Manila Standard, na muling nahalal, Neil Ramos ng Tempo at Janice Navida ng Bulgar.“Habang pumapasok tayo sa isang bagong kabanata, nananatili tayong nakatuon sa pagsuporta sa mga komunidad at, sa pamamagitan ng taunang Eddys, patuloy na pinararangalan ang mga manggagawa sa industriya ng pelikula na siyang dahilan kung bakit posible ang mga makabuluhang kuwentong ito,” dagdag ni Mauricio-Arriola.Ang beteranong mamamahayag na si Nestor Cuartero ng Tempo, Manila Bulletin, at The Market Monitor, ay patuloy na nagsisilbing tagapayo ng SPEEd.Kabilang sa mga miyembro ng konseho ng mga nakaraang pangulo sina Ian Fariñas ng People’s Tonight, Eugene Asis ng People’s Journal, Salve Asis ng Pilipino Star Ngayon at PangMasa.Ang iba pang miyembro ay kinabibilangan nina Dinah Sabal Ventura ng Daily Tribune, Jun Lalin ng Abante, Nathalie Tomada ng The Philippine Star, Bobby Requintina ng Manila Bulletin, Dindo Balares, retiradong editor ng Balita, at Rito Asilo, retiradong editor ng Philippine Daily Inquirer.(ROHN ROMULO)
Alex Eala, panalo vs Paris Olympics silver medalist sa Round of 32 ng 2026 ASB Classic
PANALO ang Pinay tennis star na si Alex Eala sa Round of 32 ng women’s singles ng 2026 ASB Classic.
Sa laban ngayong hapon (Enero 6), naipanalo ni Eala ang deciding set (ikatlong set) sa iskor na 6-4.
Una munang nakuha ng kaniyang kalaban na si Donna Vekić ang unang set, 4-6, ngunit naitabla ito ni Eala sa ikalawang set, 6-4.
Pagpasok ng deciding set, agad na dinomina ng Pinay star ang laban at hindi na nakabangon si Vekić, na dating Paris Olympics silver medalist.
Susunod na makakaharap ni Eala ang Croatian tennis player na si Petra Marčinko sa Round of 16 ng naturang torneo.
Premyo sa Australian Open aabot na sa $75-M; pinakamataas ngayong 2026
TUMAAS ng 16% ang prize money ng Australian Open kumpara noong nakaraang taon ang pinakamalaking pagtaas para sa torneo sa 2026
Ayon sa mga organizer ng unang Grand Slam ng tennis season, aabot sa 111.5 million Australian dollars (humigit-kumulang US$75 million) ang kabuuang prize money ng torneo na magsisimula sa Enero 18, 2026.
Mas mataas ito kumpara sa 96.5 million Australian dollars na ipinamahagi noong 2025.
Napag-alaman na ang mga mananalo sa men’s and women’s singles ay tatanggap ng tig-4.15 million Australian dollars (US$2.8 million), na katumbas ng 19% na pagtaas mula noong nakaraang taon.
Samantala, tataas din ng 16% ang premyo para sa mga manlalaro sa qualifying tournament, habang lahat ng kalahok sa main draw ng singles at doubles ay garantisadong hindi bababa sa 10%.