Kabilang sa two-day sail ay ang tatlong Indian vessels at nagsimula , araw ng Lingo, isang araw bago umalis si Pangulong Ferdinand Marcos Jr. para sa kanyang 5-day state visit sa India kasama rito ang makausap at makapulong si Indian Prime Minister Narendra Modi.

Itinaas naman ng Pilipinas ang defense cooperation kasama ang hanay ng mga kaalyado sa nakalipas na taon matapos ang serye ng banggaan sa South China Sea.

Halos angkinin naman ng Beijing ang buong katubigan sa kabila ng international ruling kung saan ang panggigiit nito ay walang legal na basehan.

Ang naval vessels ng India kabilang na ang ‘guided missile destroyer INS Delhi’ dumating sa Pilipinas para sa isang port visit bago matapos ang nakaraang linggo.

Ang patrol “started yesterday afternoon, then it’s ongoing up to this moment… the activity at the moment is replenishment at sea,” ang sinabi ni Lieutenant Colonel John Paul Salgado sa AFP.

Habang nasa India, inaasahan naman na lalagdaan ni Pangulong Marcos ang isang kasunuan sa larangan ng ‘law, culture and technology’, ayon kay Foreign Affairs Assistant Secretary Evangeline Ong Jimenez-Ducrocq, subalit nakatutok ang lahat ng mata at atensyon sa anumang potential defense agreements.

Bago pa umalis ng Pilipinas, pinuri ni Pangulong Marcos “steadfastness in upholding international maritime law, including the UNCLOS” ng dalawang bansa.

Sa nakalipas, ang Pilipinas ay bumili ng BrahMos supersonic cruise missiles mula India, isang armas na mayroong top speed na 3,450 kilometers (2,140 miles) kada oras.

Ang India, naugnay sa border clashes kasama ang China sa Himalayas, ay isang miyembro ng tinatawag na Quad, isang grupo na kinabibilangan ng fellow democracies sa Estados Unidos, Japan at Australia.

Makailang ulit namang sinasabi ng Beijing na ang four-way partnership, unang inakala ng namayapang si Japanese prime minister Shinzo Abe, ay nilikha bilang paraan para pigilan ang Tsina. ( Daris Jose)

ISANG lalaki na wanted sa kaso ng pagpatay ang arestdo sa loob lamang ng 5-minute response operation ng mga tauhan ng Northern Police District (NPD) matapos itawag sa 911 ng isang concerned citizen sa Caloocan City.

Sa ulat, nakatanggap ng tip mula sa isang concerned sa pamamagitan ng 911 ang mga tauhan ni Caloocan Police Chief P/Col. Joey Goforth na nakita ang isang lalaki na tugma sa description ng wanted na indibidwal habang naglilinis ng sasakyan isang carwash sa Tanigue St., Brgy. 14.

Kaagad namang rumesponde sa lugar ang mga tauhan ng Caloocan Police Sub-Station 4 kung saan nakumpirma ng mga ito na ang nasabing indibidal ay tugma nga sa description ng Target Intelligence Packet.

Nakipag-ugnayan ang mga tauhan ni Col Goforth sa District Special Operations Unit (DSOU) ng NPD na dumating naman kaagad sa lugar dakong alas-4:30 ng hapon.

Dito, isinilbi ng pulisya sa akusado ang warrant of arrest na inisyu ng Caloocan City Regional Trial Court Branch 128, noong July 17, 2025, para sa kasong Murder na walang inirekomendang piyansa.

Hindi naman umano pumalag ang akusado na nakatala bilang number one Most Wanted Person sa Regonal, District at Station levels nang bitbitin siya ng pulisya.

Pinuri naman ni P/BGen. Jerry Protacio, Acting District Director ng NPD ang teamwork at pagiging alerto ng lahat na involved units.

“This arrest proves that with strong coordination and community support, justice will always catch up to those who try to run from the law. We are one with the PNP leadership in delivering swift response and upholding public safety.” pahayag niya. (Richard Mesa)

KALABOSO ang isang lalaki na most wanted sa droga nang matimbog sa Simultaneous Anti-Criminality and Law Enforcement Operations (SACLEO) ng pulisya sa Malabon City.

Ikinasa ng mga tauhan ni Malabon Police Chief P/Col. Allan Umipig ang pagtugis sa akusado na si alyas “Adhe,” 36, na nakatala bilang No. 10 Top Most Wanted Person sa Malabon CPS.

Dakong alas-12:10 ng tanghali ng tuluyang masukol ng mga operatiba ng Warrant and Subpoena Section (WSS) ang akusado sa Barangay Tañong, ng Lungsod.

Maayos naman umanong naisilbi sa akusado ang warrant of arrest na inisyu ng Malabon City Regional Trail Court (RTC) Branch 170, noong July 25, 2025 para sa paglabag sa Section 11, Article II of R.A. 9165 (Comprehensive Dangerous Drugs Act of 2002) na may inirekomendang piyansa na P200,000 para sa kanyang pansamantalang kalayaan.

Pansamantalang nakapiit ang akusado sa custodial facility unit ng Malabon CPS habang hinihintay ang pagpapalabas ng commitment order mula sa hukuman para sa paglilipat sa kanya sa City Jail.

Pinuri naman ni P/BGen. Jerry Protacio, Acting District Director ng Northern Police District ang arresting teams sa kanilang dedikasyon sa kaligtasan ng publiko at koordinasyon na nagresulta sa matagumpay na pagkakaaresto sa akusado. (Richard Mesa)

PINANGUNAHAN nina Department of Agrarian Reform (DAR) Secretary Conrado M. Estrella III at Department of Migrant Workers (DMW) Secretary Hans Leo J. Cacdac ang inspeksyon sa lugar at turnover ceremony ng Multi-Purpose Building sa Tumana Rosales, Pangasinan na magsisilbing bagong tanggapan ng DMW – Regional Office . (BOY MORALES SR.)

KAISA si 4Ps Partylist Rep. JC Abalos kay Senador Erwin Tulfo sa panawagan nito na siguruhin na tanging mga karapat-dapat na benepisaryo ang nakakatanggap ng tulong mula sa gobyerno, lalo na yaong mga programa para sa mga mahihirap.

“Dapat patas. Walang kulay politika, walang palakasan, at walang padrino. mahalaga ang kabuhayan at paghanapbuhay para maiangat ang ating mga kababayan mula sa kahirapan,” ani Abalos.

Ayon sa mambabatas, importante ang pagkakaroon ng livelihood programs para sa mamamayan .

Ngunit, hindi naman siya pabor sa panukala na alisin ang 4Ps program. Ang kailangan aniya ay i-recalibrate at palakasin ang implementation nito kahalintulad sa ibang government social services.

“Livelihood is indeed a powerful tool against poverty. But 4Ps addresses poverty from a different front, by investing in the education and health of children from the poorest households. It ensures they attend school, get regular health checkups, and that their parents participate in monthly family development seminars. We don’t have to choose one over the other. Livelihood and conditional cash transfers are not mutually exclusive. Poverty is complex, and it demands a multi-pronged approach”, giit ni Abalos.

Naniniwala pa ito na dapat gamitin ang lahat ng pamamaraan upang labanan ang kahirapan tulad nang paglalaan ng livelihood support, conditional cash transfers, healthcare, at edukasyon.

Pinaalalahanan pa nito ang lahat na walang [government] program ang perpekto, maging ito ay 4Ps, livelihood assistance, at iba pang social services at programs.

Sa kabila na vulnerable ang mga programa ng gobyerno sa misuse ay hinid sapat na dahilan ito para irekomenda ang pagpapatupad nito.

Sinabi naman ni Mamamayang Liberal Party List Rep. Leila de Lima na dapat palakasin at hindi ibasura ng programa.

Aniya, may mga gaps sa implementasyon at may ilan ding pang-aabuso kung kaya dapat itong palakasin gaya ng tamang pag-target, better monitoring, at better support systems, hindi pag-abandona sa milyong pamilya na matagal ng umaasa sa naturang program para mabuhay, maka-recover, at makatayo muli.

Bilang pangunahing author at sponsor ng Republic Act No. 11310, ang batas na nag-institutionalized sa 4Ps, sinusuportahan nito ang programa. Mahigit sa 1.5 million households ang nakapagtapos mula sa kahirapan sa ilalim ng 4Ps.

“Ngayong nasa Kongreso ako muli, isinusulong ko ang House Bill No. 1434 o ang Expanded 4Ps Act. Sa ilalim ng panukalang ito, palalawigin natin ang suporta sa mga benepisyaryo, hindi lamang sa tulong-pinansyal kundi sa pamamagitan ng adult education, livelihood training, employment facilitation, at entrepreneurship development. Hindi lang pantawid, kundi panghabambuhay na kabuhayan ang layunin,” anang mambabatas.

(Vina de Guzman)