NADISKUBRE ni Judy Ann Santos na hindi pala basta-basta ang pag-produce ng isang pelikula. 

Ito ang natutunan niya sa pag-produce niya ng 2024 Metro Manila Film Festival official entry na ‘Espantaho.’

“Malaking bagay yung nagkausap kami ni Atty. Joji Alonso (producer ng Quantum Films). Alam kasi niya ang pasikut-sikot sa pagiging producer at nag-share siya sa akin ng ilang bagay na kailangan ko malaman bilang producer.”

Natuto raw na huwag basta maglabas ng pera si Juday hanggang hindi niya nalalaman kunsaan ito gagastusin. Nalaman din niya na kapag nagpa-pack-up siya ng shooting, malaki ang perang mawawala sa kanya.

“As much as possible, iniiwasan namin ang mag-pack-up. Naaawa kasi ako sa production staff lalo na nung sunud-sunod yung mga bagyo. Pero payo sa akin ay maging firm ako sa mga desisyon ko para walang ibang masisisi.”

Dasal ni Juday na kumita ang ‘Espantaho’ para mas maenganyo siyang mag-produce pa ng marami pang pelikula at makapagbigay ng trabaho sa maraming movie workers.

Ang ‘Espantaho’ ay ang ika-12th MMFF movie ni Juday. Ang iba ay Babae (1997), Nasaan Ang Puso? (1997), Kasal-Kasalan Sakalan (1998), Esperanza The Movie (1999), Mano Po 2: My Home (2003), Aishite Imasu 1941: MahalKita (2004), Kasal Kasali Kasalo (2006), Sakal Sakali Saklolo (2007), My Househusband: Ikaw Na! (2011), Si Agimat, Si Enteng At Si Ako (2012), and Mindanao (2019).

Juday has won two MMFF Best Actress trophies for Kasal, Kasali, Kasalo in 2006 and Mindanao in 2019.

At noong araw ng Pasko, isa nga ang ‘Espantaho’ sa nangunguna sa takilya.

***

30 years na pala since lumabas ang hit Christmas song ni Mariah Carey na “All I Want for Christmas Is You.”

Kinita na ni Mariah sa 1994 holiday hit niya ay higit na sa $60 million in royalties ayon sa Forbes.

Last Dec. 13, “All I Want for Christmas Is You” became the first holiday song to reach 2 billion streams on Spotify.

Ginawaran din ang song ng RIAA (Recording Industry Association of America) Diamond Award in 2021 for making 10 million sales and streams.

In 2023, the song was inducted into the Library of Congress’ National Recording Registry.

(RUEL J. MENDOZA) 

ISA kami sa nakasigaw at sobrang na-tense sa mga matitinding eksena ni Star for All  Santos Vilma Santos sa ‘Uninvited’ na entry ng Mentorque Productions sa ongoing 50th MMFF. 

Nagsisigawan ang moviegoers pati na ang invited media sa ginanap na block screening noong Araw ng Pasko sa Cinema 3 ng Gateway Mall.

Gulat na gulat talaga kami sa ginawa ni Ate Vi kasama sina Aga Muhlach at Nadine Lustre sa last 15 minutes ng ‘Uninvited’ na kung saan naisakatuparan na niya na maipaghiganti ang sinapit ng kanyang anak at kasintahan nito na ginagampanan nina Gabby Padilla at Elijah Canlas.

Napasigaw din kami ng ‘go Ate Vi gooooo! ’ Matapos na nag-dialogue ang karakter ni Nadine ng ‘go!’, na kung saan pinatatakas na niya si Ate Vi sa crime scene.

Isa nga yun sa highlights ni Ate Vi, pinalakpakan din ang eksenang makita niya ang pinaslang na anak sa isang damuhan. Ang husay din dito ni Lotlot de Leon, na ina naman ng boyfriend ng anak ni Ate Vi.

Kaya na-confirm namin na pang-best actress talaga ang acting ni Ate Vi at hindi kami magtataka, kung mag-back-to-back win siya sa Gabi ng Parangal bukas, December 27 sa Solaire Resort Manila.

Last year sa 49th Metro Manila Film Festival si Ate Vi ang nakapag-uwi ng best actress trophy para sa ‘When I Met You in Tokyo’.  Ang  kung siya ang papalarin na manalo, first ever niya ito na magkakaroon ng back-to-back win sa history ng MMFF at magiging pang-anim na niya.

Marami nga ang nagsasabi na wala ng dapat patunayan pa ang isang Vilma Santos, pagdating sa kahusayan sa pag-arte.

Pero patuloy siyang natsa-challenge sa bagong role na ginagampanan at hindi ito kayang baliwalain sa ‘Uninvited’ na mula sa direksyon ni Dan Villegas.

Ramdam namin na lalo pang nag-level up at ibang kalidad na naman ang ipinamalas ni Ate Vi, na dapat talagang palakpakan kaya patuloy pinipilahan sa mga sinehan nationwide.

Kaya naman tuwang-tuwa ang mga nakapanood na, lalo ang Vilamanians na may sariling pa-block screening, dahil hindi sila binigo ng kanilang matagal nang hinahangaan na wala pa ring kupas kahit ano pang panahon.

(ROHN ROMULO)