ANG San Miguel Corporation (SMC), ang nanalong bidder sa rehabilitasyon ng NAIA ay naglaan ng P3 hanggang P5 billion para sa pagtatayo ng bagong off-ramp na magdudugtong sa NAIA Expressway papuntang Ninoy Aquino International Airport (NAIA) Terminal 3.

Gagawin ang proyekto upang mabawasan ang pagsisikip ng trapiko at magkaroon ng magandang daloy ang mga sasakyan papunta sa NAIA.

“We have already got the permits from the Pasay local government unit and the Toll Regulatory Board. The off-ramp is expected to be completed within a year,” ayon kay SMC chairman and CEO Ramon S. Ang.

Dagdag pa ni Ang na ang New NAIA Infra Corp (NNIC) ng SMC ay handang-handa na upang mag take-over sa operasyon at pag-aayos ng NAIA ngayon darating na Sept. 14, 2024 na ayon sa kanya ay makikita na ang mga pagbabago sa NAIA simula sa darating na November.

“NNIC plans to invest a total of P170.6 billion to operate, maintain, and upgrade NAIA, bringing it up to international standards. The project encompasses both landside ang airside operations, aiming to enhance passenger experience and airport efficiency,” saad ni Ang.

Ang nasabing consortium ay naglaan ng P88 billion para sa rehabilitasyon ng NAIA sa susunod na anim na taon. Ang 25-year concession agreement ay kasama ang upfront payment na nagkakahalaga ng P30 billion, annual payments na P2 billion, at 82 porsiyentong revenue share para sa pamahalaan.

Maliban sa SMC, kasama rin sa consortium ang RMM Asian Logistics Inc., RLV Aviation Development Inc., at ang Incheon International Airport Corp.

Samantala, nilinaw ng Manila International Airport Authority (MIAA) na wala pang konkretong plano ang ahensya kung isasara nila ang NAIA Terminal 4.

“Closing the terminal is unlikely to happen at the moment, but there was an initial thought of shutting it down and expanding the Runway 13/31. The SMC has not informed us if such plan would push through. They initially thought of closing the Terminal 4,” sabi nig MIAA acting general manager Eric Ines.

Sa mga nakaraang panayam kay Ang, kanyang natalakay ang nasabing plano subalit sinabi nila na pag-aaralan pa nila ang planong ito.

“The plan to close Terminal 4 is uncertain, while also acknowledging the possibility that the consortium would give this a go in the future,” dagdag ni Ines. LASACMAR

TUMAAS ng 39% ang dengue cases sa bansa base sa pinakahuling epidemiologic data ng Department of Health.

Mula Enero 1 hanggang Agosto 10, 2024 umaabot na sa 150,354 ang kaso o 39% mas mataas kumpara sa 107,953 noong 2023.

Sa nasabi ring panahon, mayroong 396 dengue deaths, na mas mababa sa 421 deaths noong 2023.

Nakapagtala rin umano nang pagtaas ng mga kaso ng sakit sa lahat ng rehiyon sa bansa, maliban sa SOCCSKARGEN, Zamboanga Peninsula, at Bicol.

Kaugnay nito, patuloy na pinapayuhan ng DOH ang publiko na maging maingat at tumalima sa kanilang 4S strategy laban sa dengue lalo na’t inaasahan pa ang pagtaas ng mga kaso nito sa panahon ng tag-ulan.

“Keep cleaning our surroundings – search and destroy mosquito breeding grounds: anything with stagnant water,” ayon kay Secretary Teodoro J. Herbosa.

NAGLAAN ang gobyerno ng Pilipinas ng P49.8 billion budget para sa Social Pension ng mga Indigent Senior Citizens sa bansa sa ilalim ng 2025 National Expenditure Program.

Ayon sa Department of Budget and Management, makatutulong ito upang matiyak ang patuloy na implementasyon ng social protection program para sa mga Filipino senior citizen ng DSWD.

Sinabi pa ng ahensya na ang alokasyon ay magbibigay-daan sa mahigit 4.08 milyong mahihirap na senior citizen na makatanggap ng buwanang allowance na P1,000 sa susunod na taon upang madagdagan ang kanilang pang-araw-araw na pamumuhay at gastusin sa pagpapagamot.

Ang mga kwalipikadong benepisyaryo ng Social Pension Indigent Senior Citizens program ay nagsimulang tumanggap ng buwanang allowance na P1,000 ngayong taon, kasunod ng pagsasabatas ng Republic Act (R.A) No. 11916, na nagdoble sa kanilang buwanang pensyon mula P500.

Samantala, sa pagpapatupad ng expanded Centenarians Act, kabuuang P3 bilyon ang inilaan para pondohan ang P100,000 cash gift para sa mga Pilipinong umabot sa edad na 100, gayundin ang karagdagang P10,000 cash benefit sa lahat ng Pilipino edad 80, 85, 90 at 95.

Kung maaalala, nilagdaan ni PBBM ang R.A. 11982 noong Pebrero 2024, na nagpalawak ng saklaw ng R.A. 10868 at nagbigay ng mga benepisyo sa mga octogenarian at nonagenarian.

I AM deeply relieved of the Sandiganbayan Special Fifth Division’s decision finding merit in my motion for reconsideration and acquitting me of the direct and indirect bribery charges. This ruling reaffirms the innocence I have consistently maintained throughout the ordeal, which spanned a decade, as I sought to prove the baselessness of the accusations against me.

Pinatotohanan ng korte ang naunang pahayag ko na wala akong tinanggap na suhol, direkta man o hindi. Hindi ako kailanman gumamit ng pondo ng bayan para sa pansariling interes o para pagtakpan ang anumang gawain na taliwas sa mga umiiral na batas. At higit sa lahat, pinatotohanan ng desisyong ito na hindi ko sinira ang tiwala na ibinigay sa akin ng mga mamamayan.

Lubos akong nagpapasalamat sa Sandiganbayan sa pagkatig sa aking inihaing motion for reconsideration. Gayunpanan, hindi pa tapos ang laban. Bilang isang lingkod bayan, gagawin ko ang lahat sa abot ng aking makakaya, kahit gaano pa katagal, na linisin ang aking pangalan.

Hindi madali ang kabanatang pinagdaanan ko ngunit nanatili ang aking tiwala sa ating justice system at kumpiyansa na mapatunayan ang aking integridad bilang halal ng bayan.

This experience has only further solidified my commitment to work tirelessly for the betterment of our nation as we move forward.

IPINAG-UTOS ng Quezon City Government ang agarang pagpapasara ng AED Infinity Wellness Spa matapos matuklasan na galing dito ang unang pasyente ng MPOX sa bansa.

Dagdag pa riyan ay nadiskubre rin ng Quezon City Government na walang kaukulang business permit ang naturang establisimyento.

Ayon kay Mayor Joy Belmonte, bukod sa wala silang business permit, wala rin silang mga kinakailangang Ancillary Permits tulad ng Sanitary Permit, Environmental Clearance at Fire Inspection Certificate.

Paliwanag pa ng alkalde, illegal silang nag-o-operate, kaya mataas din ang tsansa na may iba pang illegal na ginagawa doon.

Aayudahan naman ng lokal na pamahalaan ang mga empleyado ng nasabing Spa na pawang mga residente din ng lungsod.

Kaugnay nito, nananawagan si Mayor Belmonte sa mga nasa fun and leisure industry na sumunod sa patakaran at kumuha ng kaukulang mga permit, clearance at certificate na mula sa lokal na pamahalaan.

Inanunsyo rin ni Belmonte na otomatikong isasama na sa Quezon City Card ang Health Clearance upang maging mas maayos ang sistema. (PAUL JOHN REYES)