TINIYAK ni Department of Social Welfare and Development (DSWD) Secretary Rex Gatchalian na nakahanda na ang departamento na magbigay ng tulong sa local at foreign nationals na maaapektuhan ng nalalapit na pagsasara ng Philippine Offshore Gaming Operators (POGOs) operations sa pagtatapos ng taon.

“Una sa lahat, base sa aming datos, ang karamihang nagtatrabaho o maaaring ma-displace sa mga POGO centers are non-Filipino citizens, although mayroon pa ring mga Filipino,” ayon kay Gatchalian sa isinagawang 2024 Post-SONA Discussions on Environmental Protection and Disaster Risk Reduction.

“The non-Filipino citizens, normally, are victims of human trafficking and we have to work with their respective embassies, which we have done in certain cases, doon sa mga illegal POGOs to make sure that they are, first, provided [with assistance]. Kahit hindi sila mga Filipino, bulnerable at biktima rin sila,” ayon pa rin kay Gatchalian.

Nauna rito, tuluyan nang ipinagbawal ni Pangulong Marcos ang operasyon ng POGO sa bansa.

Sa mahigit na isang oras na State of the Nation Address (SONA) ng Pangulo ay inanunsiyo niya ang pag-ban sa POGO, dahilan para umani ito ng sigawan at standing ovation sa mga bisita sa plenaryo ng Kamara.

Ayon pa kay Pangulong Marcos, nagpapanggap na legitimate entities ang operasyon ng POGO subalit nagdudulot ito ng mas higit pa rito na mula sa gaming ay nagiging financial scamming, money laundering, prostitution, human trafficking, kidnapping, brutal torture at maging murder.

Kailangan na aniya na matigil ang pang-aabuso at hindi pagrespeto sa ating batas at kailangan na rin matigil ang panggugulo ng POGO sa ating lipunan at paglapastangan sa ating bansa.

Inatasan na rin ng Pangulo ang Philippine Amusement and Gaming Corporation (PAGCOR) na itigil at ihinto ang operasyon ng POGOs bago matapos ngayong taon.

Habang inatasan din ni Pangulong Marcos ang Department of Labor and Employment (DOLE) sa pakikipag-koordinasyon sa economic managers na hanapan ng bagong trabaho ang mga Filipino na mawawalan ng trabaho.

Sa pamamagitan aniya nito ay mareresolba ang mga problema na kanilang kinakaharap bagamat hindi naman lahat ay mareresolba nito.

Tinukoy naman ni Gatchalian ang DSWD at Department of Justice na “jointly operating” ang Inter-Agency Council Against Trafficking-Tahanan ng Inyong Pag-asa (IACAT-TIP) Center, isang multi-purpose building na nagbibigay ng matutuluyan o kanlungan para sa mga victim-survivors ng human trafficking.

“We house them there temporarily, work with their governments, so they can go home safely in the fastest possible time,” ayon kay Gatchalian.

Para naman sa mga displaced Filipino workers, tinuran nito na ang DSWD ay maaaring magbigay ng cash aid sa ilalim ng Assistance to Individuals in Crisis Situation (AICS) program.

Ibibigay din ang cash assistance upang magawa ng mga ito na makapagsimula ng maliit na negosyo sa ilalim ngSustainable Livelihood Program (SLP) upang makatulong na makabawi at makabangon mula sa krisis.

“Kung sakaling ang madi-displace ay mamamayan natin, mayroon tayong AICS. The loss of livelihood is a crisis. It is defined as a crisis so mayroon tayong immediate intervention dyan na social welfare. Ibig sabihin ay ayuda kaagad kasi ayaw natin na mawala ang pagkain nila sa mesa, sa hapag,” ang pahayag ni Gatchalian.

“Kung gusto nilang pumasok sa entrepreneurship, sa pagtatayo ng maliit na negosyo, then we can guide them and give them necessary grants sa pamamagitan ng SLP,” dagdag na wika nito.

Sa kabilang dako, sinabi naman ni Gatchalian na ginawa ng DSWD na shelter ang POGO hub para sa families and individuals in street situations (FISS) na umabot sa ilalim ng “Oplan Pag-Abot” program ng departamento.

“These are big facilities na mala-hotel. What we have to do is retrofit a little and put it to good use,” aniya pa rin.

Ang dating POGO building ay isang six-story structure na matatagpuan sa kahabaan ngWilliams Street sa Pasay City. (Daris Jose)

SINABI ni dating Pangulong Rodrigo Duterte na walang kinalaman ang Hakbang ng Maisug sa pagpapalabas ng di umano’y video na nagpapakita na may isang lalaki na may pagkakahawig kay Pangulong Ferdinand R. Marcos Jr. ang gumagamit ng ipinagbabawal na gamot bago pa ang State-of-the-Nation Address.

“The Hakbang ng Maisug national leadership has nothing to do with the release of the video footage showing President Ferdinand Marcos Jr. in the act of snorting cocaine in Maisug gatherings in Canada and the USA,” ang sinabi ni Duterte, araw ng Martes, Hulyo 23 tungkol sa “polvoron” video.

Sinabi ni Duterte na ang video na umiikot ngayon sa iba’t ibang social media platforms ay gawa ng Maisug “volunteers” sa dalawang lugar kung saan walang kaalaman at pahintulot ng Maisug organizing committee.

“The members of the Maisug leadership were just as surprised as the rest of the country when they saw the video for the first time,” ayon kay Duterte.

Ayon pa kay Duterte, kagyat namang hinamon ng kasalukuyang administrasyon ang ‘authenticity’ ng video, tinawag itong “obviously fake video” at isang “malicious crude attempt to destabilize the administration.”

Binigyang diin ni Duterte na ang mahinang pagtatangka ng administrasyon na i-dismiss ang video sa pamamagitan ng simpleng pagtanggi ay nagpalakas lamang ng kumukulong paghihinala sa drug addiction ni Pangulong Marcos.

Aniya, batid ng kahit na sinumang abogado na ang pagtanggi ay ” weakest form of defense.”

“Even the ordinary man on the street knows that the best way to put the issue to rest is for President Marcos to undergo a hair follicle drug test. When undertaken by a credible drug testing center, a negative result would erase all doubts once and for all,” ang sinabi ni Duterte.

Binatikos naman ni Duterte ang “feigned laughter, feeble denial, and complete silence” ni Pangulong Marcos sa halip na ang naging tugon nito ay isailalim siya sa drug test.

Aniya, ang drug user para sa Pangulo ay “no laughing matter” at dapat na siya ang unang makaalam.

Idinagdag pa niya na ang ‘critical juncture’ sa kasaysayan ng bansa, ay nang magbanta siyang magpapadala ng sundalo sa giyera, ang ‘drug habit’ ng Pangulo ay nagpapakita rin ng malinaw at kasalukuyang panganib.

“With due apologies to all the experts who vouched for the authenticity of the video, the refusal of President Marcos to undergo the hair follicle drug test is the best proof not only of the video’s authenticity but, worse, his drug addiction,” ang sinabi ni Duterte.

Winika pa ni Duterte na ang inilabas na pagtanggi ng Department of National Defense (DND) ay isang malaking sampal sa mukha ng bawat makabayan at kagalang-galang na sundalo na bitbit ang “highest code of conduct” ng militar.

“It is bad enough that the DND has to do the dirty job of issuing the denial, and it is worse that in doing so, it has become a party to a despicable act it should have been fighting against in the first place,” ayon kay Duterte.

Sa kabilang dako, kinuwestiyon naman ni Duterte ang mainstream media, minsan na naging ‘most unrestrained press’ sa Asya, sa halip na komprontahin si Pangulong Marcos sa isyu ay mas pinili pa na tumingin sa ibang paraan.

Binatikos din ni Duterte ang Senado at Kongreso sa di umano’y pagsuporta kay Pangulong Marcos sa gitna ng moral at legal crisis.

Aniya, may pagkakataon ang mga ito na magpunta sa tamang bahagi ng kasaysayan subalit sinayang lamang ng mga ito.

“By this act of showing in public what had been long whispered in private, the men and women of Maisug have proven themselves worthy to be called Filipinos,” ang sinabi ni Duterte.

Tinuran pa ni Duterte na in-exposed ng Maisug ang kanilang sarili sa panganib at kapahamakan subalit handa naman ang mga ito na mag sakripisyo na alisin ang pinuno ng estado na isang malaking kahihiyan sa buong mundo.

Binigyang-diin ni Duterte na sa mga susunod na araw ay magiging mahalaga sa bawat Filipino at bansa dahil mangangailangan ito ng desisyon ng bawat Filipino kung magiging bahagi ng MG naghahangad ng katotohanan at iyong sasama na lamang sa coverup.

“It is a choice between standing up and demanding that this country enforce the law without fear or favor or hiding in fear and self-preservation. It will not be an easy choice. Either way, it will define us individually and as a people,” ayon kay Duterte.

Aniya pa rin, “staying neutral is a vote of confidence for an administration with no compunction.”

Kung anumang ang maging desisyon ani Duterte at pipiliin, ang consequences ay mananatili sa mga tao. (Daris Jose)

KAPWA nagkasundo ang Pilipinas at Tsina sa isang “provisional arrangement” sa rotation and resupply (RORE) missions sa BRP Sierra Madre sa Ayungin Shoal.

Inanunsyo ng Department of Foreign Affairs (DFA) na kapuwa sumang-ayon ang magkabilang panig na ang kasunduan “will not prejudice each other’s positions in the South China Sea.”

“The Philippines and the People’s Republic of China have reached an understanding on the provisional arrangement for the resupply of daily necessities and rotation missions to the BRP Sierra Madre in Ayungin Shoal,” ayon sa DFA.

Kapwa naman kinikilala ng dalawang bansa ang pangangailangan na ‘i-de-escalate’ ang situwasyon sa South China Sea at pangasiwaan ang pagkakaiba sa pamamagitan ng dayalogo at konsultasyon.
Hanggang ngayon ay hindi pa nagbibigay ang DFA ng nilalaman ng kasunduan.

Ginawa ang kasunduan kasunod ng serye ng konsultasyon sa panig ng tsino, kasunod ng constructive discussions sa 9th Bilateral Consultation Mechanism meeting sa South China Sea noong Hulyo 2.

Ito naman ang unang normal na hakbang na napagkasunduan ng magkabilang panig hinggil sa Ayungin Shoal. (Daris Jose)

NAARESTO ng mga ahente ng Bureau of Immigration (BI) ang isang Chinese computer hacker na nagtatrabaho sa isang online gaming hub na dating sinalakay sa Porac, Pampanga noong nakaraang buwan.

Sa ulat kay Immigration Commissioner Norman Tansingco, ni BI fugitive search unit (FSU) kinilala ang dayuhan na si Lin Qiude, 40, na inaresto noong July 20 sa loob ng isang resort sa Point Freeport in San Fernando, La Union.

Sinabi ni BI FSU chief Rendel Ryan Sy na ang kanyang mga tauhan, kasama ang mga ahente mula sa intelligence division ng bureau, ay naglalayong hanapin at arestuhin ang mga indibidwal na umano’y sangkot sa online gaming related crimes na iniimbestigahan ng Presidential Anti Organized Crime Commission (PAOCC).

Ang operasyon ay isinagawa sa pakikipagtulungan ng mga intelligence group mula sa Philippine National Police (PNP), militar, at hukbong dagat, gayundin ng PNP Regional Office 1 at San Fernando City Police Station.

Noong ito ay inaresto, nalaman mula sa awtoridad ng Tsina na si Lin ay binasagan na isa itong pugante na wanted sa pandaraya.

Ayon sa awtoridad ng Tsina, si Lin ay napasailalim sa isang warrant of detention na inisyu ng isang public prosecutor sa Anxi County, China kung saan siya ay inakusahan ng pandaraya.

Ayon kay Sy, bukod sa pinaghahanap si Lin sa China, wanted din ito ng lokal na awtoridad na pinaghihinalaan na isa sa mga hackers na empleyado ng PAOCC na sinalakay sa Porac.

Si Lin ay pinaghihinalaan na responsable sap agha-hack ng mga bank accounts ng mga biktima na na nakabase mula sa US, Middle East and Europe. GENE ADSUARA

SINABI ni Bureau of Immigration (BI) Commissioner Norman Tansingco na lahat ng manggagawa ng Philippine Offshore Gaming Operators (POGO) and Internet Gaming Licensees (IGLs) ay kinakailangan ng umalis sa bansa sa loob ng 60 na araw.

Ang hakbang ay bunsod sa direktiba ni President Ferdinand “Bong Bong” Romualdez Marcos, Jr.na ipagbawal na ang POGO sa panahon ng kanyang termino nitong ikatlong State of the Nation Address last July 22.

“Disguising as legitimate entities, their operations have ventured into illicit areas furthest from gaming such as financial scamming, money laundering, prostitution, human trafficking, kidnapping, brutal torture, even murder,” sinabi ng Pangulo.

Sinabi pa ni Tansingco na ang mga dayuhan na nagtatrabaho sa POGO at IGL at mga kahalintulad na service providers ay binibigyan ng 59 araw na huminto na sa kanilang ugnayan at umalis na ng bansa.

Inaasahan nila na tinatayang 20,000 na mga dayuhang manggagawa sa industriya na umalis na ng bansa sa susunod na dalawang buwan.

Ayon pa kay Tansingco na ang mga nakabinbin at mga bagong aplikasyon ng visa para sa POGO at IGL workers ay hindi na tatanggapin ng BI.

Sinabi pa ni Tansingco na mayroon silang listahan ng mga dayuhan na nagtatrabaho sa POGO at IGL na nagmula sa Philippine Amusement and Gaming Corporation (PAGCOR).

Binalaan din niya ang mga lumalabag ay isasailalim sa deportasyon at inutusan ang intelligence division and fugitive search unit na arestuhin ang mga ito. GENE ADSUARA

TINIYAK ni Pangulong Ferdinand R. Marcos Jr. na patuloy na titiyakin ng gobyerno ang food security sa bansa at gawing ‘affordable’ ang pagkain sa publiko.

Sa kanyang ikatlong State of the Nation Address (SONA), sinabi ni Pangulong Marcos na habang umani ang Pilipinas ng mahigit sa 20 milyong tonelada ng palay noong nakaraang taon kapos pa rin para punan ang 16 milyong tonelada ng rice requirement ng bansa.

“Kaya patuloy nating sinusuportahan ang sektor ng agrikultura, upang mapabilis, mapadali, at mapalakas ang produksyon — mula sa pagpunla, pag-ani at paghuli, hanggang sa pagbiyahe at pagbenta — upang maiwasan din ang pagkasira ng mga produkto,” ang sinabi ni Pangulong Marcos.

“Nitong nakalipas na taon, higit isandaang milyong kilo ng mga sari-saring binhi, suwi, at pataba ang ipinamahagi sa mga magsasaka. Namigay rin ang pamahalaan ng mahigit tatlong daang libong inahin upang ito ay maparami,” aniya pa rin.

Pagdating naman sa palaisdaan nagpalabas ang gobyerno ng mahigit sa 500 milyong fingerlings at 3,000 fishing boats.

“It also rehabilitated fish ports to support the industry,” ayon sa Pangulo.

Ipinaabot din ng pamahalaan ang ‘technical and financial assistance’ para tulungan ang mga players sa agriculture sector na marami ang bagong kaalaman sa ‘production and sourcing’ ng capital.

“It is also ready to provide livestock raisers with African Swine Fever vaccine to protect farmers and raisers from future losses,” ang tinuran ni Pangulong Marcos.

“The government is also carrying measures to stabilize prices and boost the country’s food supply. Because of compelling emergency reasons, such as illegal price manipulations by hoarders, the government was constrained to temporarily implement mandated price ceilings on rice,” ang paliwanag ni Pangulong Marcos.

“We also extended the reduced tariff rates to facilitate the importation of rice, corn, and pork until the end of this year. Tinitiyak ko sa ating mga magsasaka at sa buong sektor ng agrikultura na ang mga ito ay pawang pang-gipitang solusyon lamang,” aniya pa rin.

“Also part of government’s thrust to ensure food security is giving land to the landless. In the last two years, more than 130,000 land titles were handed over to agrarian reform beneficiaries,” dagdag na wika nito.

“Tuloy-tuloy din at pinabibilis pa natin ang pagkakahati-hati ng mga collective Certificates of Land Ownership Award o ‘yung CLOA para sa mga indibidwal na benepisyaryo nito,” ang sinabi ni Pangulong Marcos.

Ang Certificates of Condonation ay ipinalabas para sa condonation ng mahigit sa P57 billion debt para sa 600,000 benepisaryo.

“Bukod pa rito, naresolba rin ang mahigit pitumpung libong mga kaso patungkol sa repormang agraryo. Kasama rito ang mahigit dalawang libong kasong matagal nang nakabinbin bago pa man pumasok ang administrasyon,” ang sinabi ng Punong Ehekutibo.

Ginawa ring modernisado ng pamahalaan ang ‘customs procedures’ at pinaigting ang pagsisikap sa pagpapatupad na nagresulta ng pagsamsam sa mahigit sa P2.7-billion smuggled agri-fisheries products na maaaring pumasok sa merkado at negatibong naka-impluwensiya sa presyo.

“And to discourage rice smuggling, seized staple is given to the poor, ayon sa Pangulo sabay sabing Future seizure will undergo similar procedure,” ang sinabi ni Pangulong Marcos.

“Ganoon din ang sasapitin ng lahat ng mga ipupuslit na mga bigas. Ang ibang mga produkto naman ay ating sisirain o susunugin — bukod pa sa pagkakakulong sa mga mahuhuling mga salarin,” aniya pa rin.

Sa kabilang dako nangako naman si Pangulong Marcos na ipatutupad sa lalong madaling panahon ang pre-border technical verification at cross-border electronic invoicing ng import commodities na makapagbigay ng malakas na signal na ibig ipakahulugan ng pamahalaan ay “serious business.”

At upang manawagan ang ‘unnecessary business costs’, hindi mangongolekta ang local government units (LGUs) ng ‘fees at charges’ mula sa motorists transporting goods at merchandise habang bumabagtas sa national roads, sinabi ng Pangulo na hinikayat nito ang LGUs na umatras mula sa pag komentaryo ng kahalintulad na bayarin para sa paggamit ng lokal na lansangan.

“And because of the success of KADIWA Centers in providing the public with affordable goods, the KADIWA program will continue to be implemented,” ang sinabi ni Pangulong Marcos.

“Katuwang ang mga lokal na pamahalaan, dinadagdagan pa natin ang mga KADIWA sa iba’t ibang panig ng bansa. Higit sa lahat, layunin nating gawing permanente rin at mas madalas pa ang pagdaraos ng mga KADIWA,” pahayag ng Chief Executive. (Daris Jose)

KABILANG sa P6.35-trillion na panukalang national budget para sa 2025 ay ang alokasyon na nagkakahalaga ng halos P10 billion para sa health maintenance organization (HMO) benefits para sa mga manggagawa ng gobyerno.

“It’s almost P10 billion, or P7,000 per employee. Per year po. Because we [government workers] do not have health maintenance,” ayon kay Budget Secretary Amenah Pangandaman sa isang panayam.

“We don’t have HMO for check-ups and when we need to be hospitalized. We don’t have that incentive,”ayon sa Kalihim sabay sabing “This is in the 2025 budget for the medical allowance, so government workers will have HMO benefits.”

Aniya pa, kailangan lamang na magpalabas si Pangulong Ferdinand Marcos Jr., ng executive order (EO) na magre-regularize sa ranks ng contract service workers sa government service.

“The EO, will supplant the Civil Service Commission Circular covering the government’s contract of service workers which is set to expire this year,” ayon kay Pangandaman.

“The President will issue an Executive Order which will be effective by January next year,” Pangandaman said.

“It will transition… those who we can enlist for plantilla positions in the national government…unti unti po natin sila ipapasok sa gobyerno,” dagdag na wika nito.

“Medyo marami po ito, and they need capacitating because there are those who don’t have civil service [exam] qualification. We’ll continue to provide help so they can ultimately meet the quality standards of civil service,” aniya pa rin.

Samantala, sa katatapos lamang ng ikatlong State Of the Nation Address (SONA) ni Pangulong Marcos, sinabi nito na ang kanyang administrasyon ay naglaan ng pondo para sa ‘adjustments’ ng sahod ng mga empleyado ng gobyerno. Nangako rin ang pamahalaan na magbibigay ng karagdagang benepisyo para sa mga ito. (Daris Jose)