SANIB-PUWERSA ang Presidential Communications Office (PCO) at ang mga higanteng social media company sa Pilipinas sa paglaban sa “misinformation at disinformation.”

Binigyang diin ni PCO Undersecretary for Digital Media Services Emerald Ridao sa pagtitipon na may katawagan na UniComm 2024 sa Bayleaf Hotel sa Intramuros, Maynila ang pangangailangan na ‘wakasan na” ang “misinformation at disinformation” sa loob ng “digital sphere” laban sa mga programa ng gobyerno at indibiduwal.

“We are starting with our digital defense today because it is very clear to us that misinformation and disinformation campaigns against the government programs, and against the persons within the administration, are increasingly prevalent,” ayon kay Ridao.

“And so, we’re hoping that together,  we can really put an end to this problem within our digital sphere,” dagdag na wika nito.

Sa kabilang dako, dumalo naman sa “Tech Talks” discussion ang mga opisyal mula sa Meta, Google, at TikTok.

Ibinahagi ng mga ito ang kanilang “invaluable insights at expertise sa paglaban sa misinformation at disinformation.”

Sa kabilang dako, pinaalalahanan ni Meta public policy associate manager Genixon David ang publiko na panatilihing ‘secure’ ang kanilang social media accounts. Ang Meta ay ang kompanya na nasa likod ng Facebook, Instagram, Threads at WhatsApp.

“As much as possible, let’s make our passwords strong and unique,” ayon kay David.

Pinag-iingat din nito ang publiko laban sa paggamit ng kanilang pangalan, kaarawan, address o iba pang identified data bilang kanilang passwords, at pinaalalahanan ang mga ito na iwasan ang paggamit ng single password sa multiple social media accounts para maiwasan na makompromiso.

Tinuran naman ni Google head of government affairs Yves Gonzales na hindi pinapayagan ng YouTube ang mga contents na naglalaman ng seryosong panganib sa pagpapakalat ng medical information na salungat sa local health authorities o guidelines na itinakda ng World Health Organization.

Sinabi ni Gonzales na misyon ng YouTube na bigyan ng boses ang publiko sa social media at bigyan ang mga ito ng go-to platform kung saan sila matututo, mai-entertain at makalilikha ng audience sa pamamagitan ng kanilang channels.

“YouTube has basically democratized having an audience, as an open platform, users like you, [like] individual users and governments come to YouTube on a voluntary basis and you have the full control over when, if and what kind of content you choose to upload,” ayon kay Gonzales.

Binigyang diin naman ng pinuno ng public policy ng TikTok sa Pilipinas at Malaysia na si Toff Rada ang kahalagahan ng pagkakaroon ng “critical thinking” lalo na kapag ang users ay hindi ma-distinguish o masabi ang tama at maling content.

“Even if you remove the bad pieces of content, even if you put up the right pieces of content, if your user cannot distinguish between right and wrong, then it is of no use. So, I think we have to build that critical thinking,” ayon kay Rada.

Samantala, tinalakay din sa komperensiya ang mga hamon na kinahaharap ng mga ahensiya ng gobyerno kabilang na ang “account hacking at pagpapalaganap ng fake news.”

Tinalakay din ang mga panukala para pagaanin ang panganib kabilang na ang pag-Iwas mula a pagpapalaganap ng pag-uulat ng “compromised accounts at advocating for the cultivation of critical thinking skills.” (Daris Jose)

LUMIKHA ang national government ng isang Inter-agency Coordinating Council na mangangsiwa sa ‘accounting’ at paglikha ng master’s list ng government lands na maaaring gamitin para sa mass housing.

Sinabi ni Department of Human Settlements and Urban Development (DHSUD) Jose Rizalino Acuzar na ang naturang hakbang ay bahagi ng intensyon ng pagpapalabas ng Administrative Order AO 21 na nagbibigay atas sa buong burukrasya para tiyakin ang pinakamainam na gamit ng government lands sa pagsuporta sa nilalayon ng national development.

Ipinaliwanag ng AO ang government lands bilang nakatiwangwang na lupa o abandonadong lupa o iyong hindi na ginagamit para sa layunin kaya ito nakareserba o binili; lupa na mayroong titulo o hanggang ngayon ay wala pang titulo sa ilalim ng pangalan ng gobyerno at ibang lupa na itinakda ng AO.

“In the AO, all hands that we need are already onboard. We are giving our full attention to come up with the Master List the soonest so that we can identify the areas that are suitable for housing and immediately consider it for Pambansang Pabahay,” ayon kay Acuzar.

Sinabi ni Acuzar na ang Inter-agency Coordinating Council is co-chaired ng DHSUD at Department of Environment and Natural Resources (DENR), kung saan ang pinuno ng Department of Agrarian Reform (DAR) bilang vice chairperson. Ang mga miyembro ng ahensiya ay kinabibilangan ng Departments of the Interior and Local Government, Agriculture, Justice, at Information and Communications Technology (DICT); Office of the Executive Secretary; Office of the Solicitor General; Land Registration Authority; at Commission on Higher Education.

Primarily, maghahanda naman ang coordinating council at magsusumite sa Pangulo ng isang digital Master List ng government lands, at mag-update ng kahalintulad kung kinakailangan.

Maaaring ipakita sa listahan ang lokasyon ng lupa, kabuuang lugar, property classification, kasalukuyang aktuwal na paggamit, bukod sa iba pa at iba pang kaugnay na impormasyon.

“The council is also directed to ensure the timely submission of land inventories by government offices, as well as the integrity, completeness and accuracy of the data. With DICT, the council will study, formulate and implement a mechanism for the digitalization of the Master List,” ayon kay Acuzar.

Winika pa nito na ang DENR – Land Management Bureau (LMB), bilang coordinating council’s secretariat ay inaatasan na magkaloob ng administrative at technical support, habang ng burukrsya ay magsisilbi bilang repository ng lahat ng dokumento at impormasyon na may kinalaman sa Master List.

Ang coordinating council ay inatasan na bumalangkas ng ‘implementing guidelines’ ng AO, nagpapakita na ang format ng Master List at ang proseso at mekanismo para sa pag-uulat at pagsusumite ng kani-kanilang inventory ng government offices kasama ang tungkulin ng land identification at inventory.

“Within 60 days from the effectivity of the implementing guidelines, all national government agencies and instrumentalities are directed to prepare and submit to the council through the DENR-LMB a complete inventory of lands in their possession,” ayon kay Acuzar.

Samantala, ang DHSUD at DENR-LMB ay makikipag-ugnayan sa local government units para sa gagawing pagsusumite ng huli alinsunod sa Republic Act 7279. (Daris Jose)

BUMUO si Pangulong Ferdinand Marcos Jr. ng isang special committee para mas palakasin ang human rights protection at promosyon sa bansa.

Base sa Administrative Order No. 22, tinintahan ni Executive Secretary Lucas Bersamin noong Mayo 8, ang Special Committee on Human Rights Coordination ay nilikha, inatasan na panatilihin ang inisyatiba at nagawa ng United Nations for the Joint Programme (UNJP) on Human Rights sa aspeto ng law enforcement, criminal justice, at policy-making.

Si Bersamin ang uupong chairman ng komite, at co-chair naman si Justice Secretary Jesus Crispin Remulla. ang ibang mga miyembro ng komite ay ang mga pinuno ng Department of Foreign Affairs (DFA) at Department of the Interior and Local Government (DILG).

“[I]t is imperative to sustain and enhance the accomplishments under the UNJP, which is set to expire on 31 July 2024, through institutionalization of a robust multi-stakeholder process for the promotion and protection of human rights in the Philippines,” ayon sa AO.

Ang Pilipinas ay isang state party sa ilang international human rights instruments, gaya ng Universal Declaration of Human Rights, International Covenant on Economic, Social and Cultural Rights, at International Covenant on Civil and Political Rights.

Itinatag din ng Pilipinas ang Presidential Human Rights Committee (PHRC) para bumalangkas ng isang National Human Rights Action Plan, at tiyakin ang pagsunod ng bansa sa obligasyon nito sa international human rights groups.

Magsisilbi naman ang PHRC Secretariat bilang secretariat ng special committee para makapagbigay ng mahahalagang “technical, administrative, at operational support.”

Kabilang naman sa “duties at functions” ng komite ay ang pagsasagawa ng imbestigasyon at accountability, data-gathering hinggil sa di umano’y paglabag sa karapatang-pantao ng law enforcement agencies, at pagpapalawig sa civic space at engagement sa pribadong sektor.

Dapat din itong magpatupad ng human rights-based approach tungo sa drug control at counter-terrorism.

Inatasan din ang komite na i-monitor at tiyakin ang epektibong implementasyon ng government policies at programs na “aimed at upholding and protecting human rights of persons deprived of liberty, particularly in guaranteeing that no one is subjected to torture and other cruel, inhumane or degrading treatment of punishment.”

Samantala, ang pondo para sa paunang implementasyon AO, ay kukunin sa kasalukuyan at available appropriations ng member-agencies special committee. (Daris Jose)

SUOT ang kanilang makukulay at magagarbong costume, nagpasiklabhan sa showdown dance competition ang mga mag-aaral mula sa iba’t ibang paaralan sa Malabon at mga kawani ng pamahalaang lungsod kung saan ipipakita nito ang kwento ng kasaysayan at mayabong na kultura ng Malabon bilang bahagi ng pagdiriwang ng Tambobong Indakan Festival 2024.

Inilunsad ni Mayor Jeannie Sandoval ang ikalawang Tambobong Indakan Festival na nagtatampok ng mga talento, kasanayan, pagkamalikhain, at koordinasyon ng 23 grupo ng mga mag-aaral mula sa iba’t ibang paaralan sa lungsod at departamento ng lokal na pamahalaan upang isulong ang mayaman at makulay na kasaysayan ng Malabon, alinsunod sa pagdiriwang ng ika-23 Anibersaryo ng Pagkalungsod ng lungsod at ika-425 Anibersaryo ng Pagkakatatag nito. (Richard Mesa)