HINDI ipinagkaila ng Sparkle 10 star na si Ashley Ortega na nahirapan siyang maka-move on sa naging breakup nila ng ex-boyfriend na si Lucena City Mayor Mark Alcala.

Pero marami naman daw natutunan si Ashley sa breakup na iyon. Mas natutunan daw niyang mahalin ang sarili niya.

“Aaminin ko when we broke up talagang I was at my lowest din kasi siyempre na-in-love tayo ng sobra. But what happened before, it was a mutual agreement naman.

“So ngayon, I’m better. Siguro ang natutunan ko lang talaga is to not to depend on others na parang dapat magtira ka para sa sarili mo. I learned to love myself more,” sey ni Ashley.

Naikuwento na noon ni Ashley na dahil sa kanilang mga trabaho kaya nauwi sila sa hiwalayan.

“Naging busy kaming pareho sa work, and siguro isa sa mga naging problem was ‘yung distance. Mark was in the province and he was the newly-elected mayor. I was busy with work, kakatapos ko lang ng ‘Widows’ Web’ no’n and then I started training for ‘Hearts On Ice’.

“Kaya medyo nawala siguro ‘yung connection and communication. We decided to better ourselves individually na mag-focus na lang muna sa career and ayoko naman ipilit pa kung alam naman namin na mas lalo lang magiging toxic.”

After ‘Hearts On Ice’, kasama si Ashley sa historical drama ng GMA na ‘Pulang Araw’ with Barbie Forteza, Sanya Lopez, David Licauco, at Alden Richards. Gaganap siya bilang isa sa mga comfort women during the Japanese occupation sa Pilipinas.

***

SINAGOT nina Jessica Villarubin at Renz Verano ang kanilang natatanggap na negative comments sa social media dahil sa pagpili sa kanila na maging hurado sa na-revived na singing contest ng GMA na Tanghalan Ng Kampeon sa programa na ‘TikToClock’.

Ayon sa netizens: “Di nga marunong si Jessica, ‘di maganda mag-comment.” at “Hindi karapatdapat si Jessica, nasa gilid ‘yan kasi hindi sikat.”

Sagot ng The Clash Season 4 champion: “Nasa gilid po ako kasi nandito po ‘yung angle ko. Sa mga nagsasabi po na hindi po ako karapat-dapat na mag-judge, hindi po ako pumunta sa TiktoClock at sinabi sa kanila na ako na lang po ang mag-judge.

“Pinili po ako ng mga boss namin sa taas po. Doon pa lang po, ‘yung tiwala na ibinigay nila sa akin, napaka-thankful ko po na ako ang napili. There’s always room for improvement naman and willing akong ma-learn at ginagawa ko naman ‘yung best ko.

“Ito na lang po ‘yung last na sasabihin ko, mahal ko po kayo. I-bash niyo na lang po ako nang i-bash okay lang po.”

Ang OPM icon naman na si Renz Verano ay sinabihan ng netizen na: “Si Renz lang ang kilala ko, matanda pa. Dapat ‘yung mga champion sa kantahan ang kunin n’yong judge. Hindi nga marunong mag-appreciate ng talent ‘yan!”

Ito ang naging sagot ni Renz: “Noong 1982 po, ako ho ay sumali sa unang, the first Minus One singing contest sa Pilipinas. Ito po ay interschool. I was a student po ng UP Diliman, ni-represent ko po ang UP sa buong Pilipinas.

“Dahil po ako ay pinalad, ako po ang first grand champion ng first Students Pop Festival. Ako po ay sumali sa banda ng ilang taon. Tapos, ako ay naging vocal coach ng ilang taon din po.

“‘Yung first album ko platinum, ‘yung second album ko po na nandoon po ‘yung Remember Me, 5x platinum. Yung 3rd, 4th, at greatest hits nasa platinum. Noong 1995 nabigyan ako ng Awit Awards Best New Male Recording Artist.”

***

SA edad na 89, aktibo pa rin ang legendary Hollywood star na si Shirley MacLaine.

Katatapos lang niya ng pelikula with ‘Games of Throne’ actor Peter Dinklage na ang title ay ‘American Dreamer’ na isang dark comedy.

“It was one of the greatest experiences of my career. We really hit it off,” sey ng Oscar winner sa co-star niyang 4-time Emmy winner.

Sey naman ni Dinklage: “When you meet somebody like Shirley and her character and it just completely upends what you’ve always thought and makes you see things a whole new way.”

Mag-turn 90 na si Shirley on April 24 at plano niyang i-celebrate ito sa Atlantic City. Nagsimulang maging film actress si Shirley noong 1955 at lumabas siya sa mga pelikulang The Apartment, Sweet Charity, The Children’s Hour, Some Came Running, Around The World in 80 Days, The Turning Point, Gambit, My Geisha, Steel Magnolias, Postcards From The Edge, Coco Chanel at Terms Of Endearment kunsaan napanalunan niya ang Oscar Best Actress noong 1984.

(RUEL J. MENDOZA)

NEXT month ay mapapanood na sa TV5 ang “Lumuhod Ka sa Lupa” na kung saan bida si Sarah Lahbati kasama sina Sid Lucero, Rhen Escaño at Kiko Estrada.

Ang akala raw ni Sarah ay hindi na siya mabibigyan ng acting project kaya ganun na lang ang pasasalamat niya. “Personally it’s not something that I expected would happen in my life. “I am grateful. I don’t think life is perfect for everyone but it’s all about perspective. “Going back again to counting your blessings. How lucky I am,” pahayag pa ni Sarah sa interview sa kanya ng “On Cue” ng ABS-CBN. Pansamantalang nagpahinga si Sarah mula nang nagkaroon ng pamilya.

Eleven years old na si Xion ang panganay na anak nila ni Richard Gutierrez at six years old naman ang bunsong si Kai. Naging positibo ang naging pananaw ni Sarah sa buhay at alam niyang ang lahat ay kagustuhan ng nasa Itaas.

At ngayong aktibo na ulit si Sarah ay pangarap daw niyang makaganap ng isang role na aksiyon naman ang tema.

***

ANG Primetime Drama King na si Coco Martin ang isa sa mga unang rumesponde nang mabalitaang may nangyari kay Jaclyn Jose. Nakailang tawag na raw kasi si Coco at ilan sa mga staff sa namayapang aktres kung kaya ganun na lang ang naramdamang kaba ng Kapamilya actor. Sa eulogy naman na ginanap the other day ay maraming pinaluha si Coco sa mga ginawa niyang patotoo tungkol sa mga masasayang pag-alala niya sa mga pinagsamahan nila ni Jaclyn sa “FPJ’s Batang Quiapo”. Hindi pa rin daw alam ni Coco kung anong mangyayari sa karakter ni Jaclyn bilang si Chief Espinas, huh! Pero umugong ngayon na ang anak ng aktres na si Andi Eigenmann ang maaaring ipalit sa character ng namayapang aktres, huh!

Isang hepe sa kulungan ang role ni Jaclyn sa “Batang Quiapo” at marami pa raw sanang mangyayari sa karakter ni Jaclyn. At kung magkatotoo ngang si Andi ang kapalit sa role ng ina niya ay madaling gawan naman ng paraan yun ng Dreamscape at ni Coco Martin mismo. Inamin naman ni Coco na may malaking utang na loob daw siya kay Jaclyn. Ang aktres daw kasi ang nangumbinsi kay Coco na pasukin ang mainstream at pag-arte sa telebisyon. Naikuwento pa ng alaga ni Sir Biboy Arboleda ang mga maaaring matatawag na premonition habang nagte-taping sila ng ilang eksena ng “Batang Quiapo.” Sa isang eksena kasi kung saan nagpaalam si Chief Espinas kay Bubbles (Ivana Alawi) ay sobrang iyak daw ng una na parang nagpaalam sa totoo niyang anak na taliwas naman sa ibinigay na instructions. Kung kaya napa-cut ni Direk Coco sa naturang eksena at sinabihan si Jaclyn na bawasan ang pag-iyak. Nagpaliwanag naman si Jaclyn na tila nadala raw siya sa eksena dahil unti-unti na raw nawawala ang mga karakter sa loob ng kulungan.

(JIMI C. ESCALA)

MASAYANG inanunsyo ng Puregold CinePanalo Film Festival ang kanilang partnership sa Movie Workers Welfare Foundation, Inc. (MOWELFUND).

Layunin ng kolaborasyong ito na ibida ang industriya ng pelikula sa Pilipinas, partikular na ang mga bagong filmmaker, at ang mga kwentong itinatampok ang buhay at kultura sa Pilipinas.

Itinatag noong 1974, ang MOWELFUND ay isang non-stock at non-profit na organisasyon na nakapokus sa sosyal na kapakanan, edukasyon, at pag-unlad ng industriya ng pelikula, at misyon nitong suportahan ang mga nagsusumikap na propesyonal sa mundo ng pelikulang Pilipino.

Ibinahagi ni Boots Anson Roa-Rodrigo, Chairman ng MOWELFUND, ang kaniyang pasasalamat.

“Thank you, Puregold, for CinePanalo. [Through this initiative], Puregold offers assistance to filmmakers [in featuring] films that delve into wholesome family themes that define everyday Filipino slice of life.”

“Win-win” ang tambalang ito, ayon sa premyadong personalidad sa pelikula at telebisyon.

“Panalo ang Puregold for instilling family values through the potent medium of film. Panalo ang MOWELFUND Film Institute for offering logistics to young and enterprising filmmakers. Panalo ang aspiring film students and enthusiasts [because] CinePanalo helps them bring to life their dream projects through the magic of film.”

Kamakailang inanunsyo ng Puregold CinePanalo Film Festival ang pinal na listahan ng makatatanggap ng prestihiyosong film grant nito–anim na direktor para sa full-length film, at 25 na estudyanteng direktor para sa short film–na masinsinang pinili sa 200 na lahok mula sa iba-ibang sulok ng Pilipinas. Ipalalabas sa engrandeng debut ang mga pelikula sa Gateway Cineplex 18, Araneta City, mula Marso 15 hanggang 17.

Bakas sa mga napiling pelikula para sa festival ang temang “Mga Kwentong Panalo ng Buhay,” sa mga naratibo ng pagsusumikap, pakikisama, at ang matibay na diwa ng pagiging Pilipino.
Nagpasalamat din ang MOWELFUND sa suporta ng Puregold sa kanilang ika-50 anibersaryo, kung saan magdaraos ang organisasyon ng medical and dental misyon. Nagbigay ang Puregold ng mga grocery gift bags para sa mga miyembro ng komunidad ng pelikula.

Ngayong papalapit na ang Puregold CinePanalo Film Festival, ayon kay Puregold senior marketing manager Ivy Hayagan-Piedad, “With heartfelt appreciation, we recognize MOWELFUND and all our partners for their integral role in not just showcasing these inspiring Filipino narratives but also in fortifying our collective contribution to the flourishing Philippine movie industry.”

Gusto mo ba ng LIBRENG entertainment? Mag-subscribe na sa Puregold Channel sa YouTube. Para sa iba pang update, i-like ang @puregold.shopping sa Facebook, i-follow ang @puregold_ph sa Instagram at Twitter, at ang @puregoldph sa TikTok.

(ROHN ROMULO)