SINAGOT na ni Miss Universe 2015 Pia Wurtzbach ang mga natatanggap niyang bashing mula sa netizens simula nung uma-attend siya ng mga fashion events abroad.

On Instagram, kunsaan nag-share ng reel si Pia sa pagrampa niya sa Paris Fashion Week, sinagot niya sa comment section ang ilang pang-ookray sa kanya.

Ilan sa nakuha ng comments ni Pia ay “second-rate, trying hard, copycat” daw siya ni Heart Evangelista, hindi raw bagay sa kanya ang mga designer clothes at nagmumukha raw baduy sa kanya, ill-fitting daw ang ilang suot niyang damit at nakakahiya, bulag daw ba ang stylist niya dahil hindi raw coordinated ang mga suot niya, huwag na lang daw siyang magsalita sa vlog niya dahil panira ang pag-buckle niya kapag nagsasalita siya ng ingles.

Heto ang sagot ni Pia: “I’ve been seeing all these nasty comments, below-the-belt name-calling, and accusations aimed towards others. Everyone should be reminded that this bickering, pitting women against each other, and pointing fingers isn’t right.

“Please stop fighting. I want to ask everyone, my supporters especially, as I always did even years ago during my Binibini or Miss Universe days, please do not pull other people down, lest to defend me.

“That is not what I want. And that’s not what I stand for. There is so much room in this world for everyone to shine.”

***

KABILANG si Zonia Mejia sa mga kontrabida ni Jo Berry sa ‘Lilet Matias: Attorney-At-Law’.

Kuwento ng Kapuso actress, gusto na raw niyang maiba ang image niya para mas mabigyan siya ng mga challenging roles.

“I really auditioned for the role of Trixie, yung half-sister i Lilet na isang influencer pero maldita at mapang-api. I want to try doing different roles na kasi lagi nilang sinasabi na I look too sweet to be a kontrabida.

“Kaya when I auditioned, iniba ko ‘yung look ko pati na yung paraan ng pagsalita ko. Natuwa ako when I got the part,” sey ni Zonia na sa first day taping pa lang ay tinaray-tarayan na niya si Jo sa kanilang eksena.

Nabuwag na raw ang loveteam ni Zonia with Jamir Zabarte. Ni-launch ang JaNia noong 2022 bilang Sparkle Sweethearts kasabay nila Mavy Legaspi at Kyline Alcantara (MavLine), Althea Ablan and Bruce Roeland (AlBruce), Abdul Raman and Shayne Sava (AbdAyne) at Allen Ansay and Sofia Pablo (AlFia).

Lumabas ang JaNia loveteam sa mga shows na Heartful Cafe at Jose & Maria’s Bonggang Villa. Nagpe-perform din sila sa All-Out Sundays.

“Kami naman po ni Jamir, we still work pa rin po sa mga hosting gigs like I Bilib, AOS and other shows. Pero sa mga teleserye po, hindi po muna kami magsasama. Napag-decide po ang management na mag-kanya-kanya muna para makapag-explore kami individually sa career po namin. ‘Yung loveteam lang ang nawala, pero hindi po mawawala ‘yung friendship namin. I always wish Jamir the best sa mga ginagawa niya ngayon,” sey pa ni Zonia.

***

SA edad na 72, ageing gracefully ang original Wonder Woman na si Lynda Carter!

Namataan sa Paris Fashion Week si Lynda at marami ang namangha sa ganda niya na di kumukupas.

Inamin ng aktres na except for some minor botox, wala raw siyang pinabago sa mukha niya. Hindi raw siya fan ng facelifts.

“People still recognize me all the time as Wonder Woman. I don’t cut my face, so I probably look just myself, but older. And the reason I’ve never had any facial surgery is just because I’m afraid. It’s scary, because we’ve all seen some bad ones,” sey niya.

Hindi na raw nagmahal ulit si Lynda after pumanaw ng husband niyang si Robert Altman noong 2021.

Parati niyang kasama ay ang 32-year old daughter niya na si Jessica na lookalike niya at rumampa sila sa Paris Fashion Week.

(RUEL J. MENDOZA)

NAGKAROON kami ng pagkakataon na makausap at magpasalamat na rin sa aktor at politician na si Senator Ramon “Bong” Revilla, Jr. Pinasyalan namin ang aktor, producer, politician sa kanyang opisina sa senado kasama ang mga opisyales ng Philippine Movie Press Club. Siyempre pinasalamatan agad namin si Sen. Bong sa dahil sa maagang pagpaşa at pirmado na ni PBBM ang kanyang expanded Centenarian Law na kilalang “Revilla Law”.

Ito ang magbibigay ng benepisyo ng mga senior citizen na sasapit sa edad na 80, 85, 90, 95 hanggang sa pagsapit ng edad na 100 years old. Bilang may magulang na 88 years old naitanong namin sa butihing senador na may akda ng nasabing batas kung kelan mapakinangan agad ng mga senior citizen ang nasabing batas? Ayon pa kay Sen. Bong napaaga lang daw ang pagpirma ng presidente sa nasabing batas at ganun na lang daw ang pasasalamat niya. Pero dahil nga nakalabas na ang 2024 budget kung kaya hindi pa napasama ang nasabing batas ni Sen. Bong sa mga bibigyan ng prayoridad na pondo. Kaya sa mga nagtatanong na constituents namin sa darating na 2025 pa magkaroon ng katuparan ito, na malaking bagay para sa mga senior citizen na aabot sa edad na 80, 85, 90, 95 na tatanggap ng 10k at pagsapit naman ng ika-100 taon ay 100k ang tatanggapin nila.

***

STILL on Sen. Bong, uumpisahan na rin daw ng aktor ang pelikulang “Alyas Pogi 4” na maaaring ilahok ng produksiyon niya sa darating na MMFF sa December. Kumpleto na raw ang casting pati na kung sino ang magiging direktor at leading lady niya. Pero hindi pa raw pwedeng banggitin kung sino ang makakaparehang babae ni Sen. Bong dahil under negotiation pa rin daw. Tungkol naman sa napabalitang pagsasamahan nilang movie ng mga kapwa sikat na action stars tulad ni Coco Martin ay nasa proseso pa rin naman daw sila ng pagpaplano and nothing definite pa raw. Ganun din daw ang napabalitang gagawin nilang movie din daw ng megastar Sharon Cuneta. İsa pa rin daw sa wino-work out ni Sen. Bong ay ang pakikipag-usap sa mga film producers at pati na rin sa theatre owners na babaan ang bayad sa mga sinehan.

Ito raw kasi ang maaaring dahilan kung bakit after ng MMFF ay hindi pa rin bumalik sa sigla ng mga moviegoers.

Dahil wala pa ring kumikita sa mga pelikulang pinalabas lately.

(JIMI C. ESCALA)

NAGBIGAY ng tribute o pagkilala ang pamunuan ng Cannes Film Festival sa biglaang pagpanaw ng premyadong aktres na si Jaclyn Jose.

Siya ang kauna-unahang Filipino at Southeast Asian na nagwagi ng Best Actress award sa Cannes Film Festival noong 2016 dahil sa mahusay niyang pagganap sa ‘Ma’ Rosa’, na mula sa direksyon ni Brillante Mendoza.

Sa official Facebook page at Instagram account ng Cannes last March 6, ipinost ang kanilang pagbibigyang-pugay kay Jaclyn sa naging kontribusyon nito sa movie industry.

“On learning of the death of Filipina actress Jaclyn Jose, the Festival de Cannes remembers her face beaming with emotion when she received the Award for Best Actress in 2016 in Brillante Mendoza’s Ma’Rosa.

“Like many of her other roles, she illuminated this beautiful portrait of a woman, embodying it with grace and humanity,” ayon sa post.

Kasama nito ang larawan ni Jaclyn na hawak ang kanyang Best Actress trophy.

Sa ‘Ma’ Rosa’, ginampanan niya ang ina na may sari-sari store na sumusuporta sa kanilang pamilya, nagbebenta rin siya ng illegal drugs.

Nang mahuli siya ng mga pulis, gumawa ang anak niya ng paraan para mailabas siya sa kulungan.

Last March 2 ay pumanaw nga si Jaclyn na si Mary Jane Guck sa totoong buhay, sa edad na 60.

Ang daughter niya na naka-base na sa Siargao na si Andi Eigenmann ang nagkumpirma na heart attack ang sanhi ng kamatayan ng kanyang ina.

Ang management ng pumanaw na aktres, ang PPL Entertainment, na unang nag-announce ng balita. Kasama kanyang pamilya at Philippine National Police, lumabas din na walang foul play sa nangyari.

Ipinagluluksa nga ng buong entertainment industry ang pagpanaw ng premyadong aktres at naglalabasan ang kani-kanilang tribute sa social media accounts.

Huling napanood si Jaclyn sa MMFF entry na ‘Broken Hearts Trip’ at ‘Pieta’ na parehong pinalabas noong December 2023.

Ilang sa notable performances ay sa movie na “The Flor Contemplacion Story” at “Patay Na Si Hesus.”

Ang FPJ’s Batang Quiapo naman huling serye na nagawa niya na kung saan gumanap siya bilang Chief Dolores Espinas.

Sa burol niya sa Arlington Chapel na dinagsa agad ng mga celebrities sa unang araw, nakiramay sina Christopher de Leon, Sandy Andolong, Lorna Tolentino, Tirso Cruz III, Alden Richards, Amy Austria, Ivana Alawi, Sylvia Sanchez, Isabel Rivas, director Adolfo Alix Jr., Allen Dizon, Jake Ejercito at Claudine Barretto.

Present ang family members na sina Gabby Eigenmann, Sid Lucero, Ryan Eigenmann, Max Eigenmann, Michael de Mesa, Eddie Mesa at Rosemarie Gil.

Nagkaroon din ng ‘Batang Quiapo’ at ABS-CBN night na pinangunahan ni Coco Martin at Vice Ganda last March 5 at ngayon gabi ay PPL night at sa Biyernes naman ang GMA night.

Hanggang sa Sabado ang wake ng premyadong aktres.

(ROHN ROMULO)