2024 January Archive - People's Balita

Archive for January, 2024

VP Sara, sasabak sa susunod na eleksyon

Posted on: January 24th, 2024 by @peoplesbalita No Comments

NGAYON pa lamang ay idineklara na ni Vice President Sara Duterte na sasabak siya sa susunod na eleksyon.

Hindi naman binanggit ni VP Sara kung anong posisyon ang plano niyang takbuhin lalo pa’t ang kanyang termino bilang Bise-Presidente ay magtatapos pa sa 2028.

Ang susunod na halalan sa bansa ay sa taong 2025, ito’y para sa Senate, congressional, at local seats.

Sa naging talumpati ni VP Sara sa isang event sa Davao City, sinabi nito na “I heard my brothers, Mayor Baste and Congressman Pulong, say that they will not run in the next election, so I am here today to campaign with you because I will run in the next election”, tinukoy ang kanyang mga kapatid na si Davao City Mayor Sebastian Duterte at Davao City 1st District Representative Paolo Duterte.

Sa kabilang dako, dismayado naman si VP Sara sa di umano’y “buying of signatures” para sa sinasabing people’s initiative para amiyendahan ang ilang probisyon sa Saligang Batas.

Para kay VP Sara, insulto aniya iyon sa mga ordinaryo at mahirap na mamamayang Filipino.

Sumasalamin aniya ito sa karakter ng isang politician, sa isyu ng vote-buying tuwing eleksyon.

“So nakakasama ng loob na ginaganoon yung mga tao na kailangan pa suhulan para papirmahin sa people’s initiative ,” ayon kay VP Sara. (Daris Jose)

Lalaki na wanted sa pagpatay sa Valenzuela, nabitag sa Caloocan

Posted on: January 24th, 2024 by @peoplesbalita No Comments

ISANG lalaki na wanted sa pagpatay ang nasakote ng mga operatiba ng Station Intelligence Section (SIS) ng Valenzuela police sa isinagawang manhunt operation sa Caloocan City, kamakalawa ng gabi.

Sa ulat ni Valenzuela police chief P/Col. Salvador Destura Jr. sa Northern Police District (NPD), nakatanggap ng impormasyon ang SIS na naispatan sa Camarin, Caloocan City ang presensya ng akusadong si alyas “Roger” na kabilang sa mga most wanted person ng Valenzuela City.

Bumuo ng team ang SIS sa pangunguna ni P/Cpt. Ronald Sanchez saka nagsagawa ng manhunt operation kontra wanted persons na nagresulta sa pagkakadakip sa akusado dakong alas-7:00 sa Barangay 175, Camarin, Caloocan City.

Ani Cpt. Sanchez, inaresto nila ang akusado sa bisa ng warrant of arrest na inisyu ni Presiding Judge Arthur B Melicor ng Regional Trial Court Branch 284, Valenzuela City noong June 23, 2023, para sa kasong Murder.

Pinuri NPD Director P/BGen. Rizalito Gapas ang Valenzuela police sa kanilang pinaigting na manhunt operation kontra wanted persons na nagresulta sa pagkakadakip sa akusado na pansamantalang ipiniit sa Custodial Facility Unit ng Valenzuela CPS habang hinihintay ang pagpapalabas ng commitment order mula sa korte. (Richard Mesa)

PBBM, muling binuhay ang Task Force El Niño

Posted on: January 24th, 2024 by @peoplesbalita No Comments

IPINAG-UTOS ni Pangulong Ferdinand R. Marcos Jr. sa pamamagitan ng isang executive order (EO) na muling buhayin ang Task Force El Niño.

Inanunsyo ni Defense Secretary Gilbert Teodoro Jr. ang muling pagbuhay ng task force noong December 2023, subalit ang EO ay nilagdaan lamang noong Enero 19 at In-upload sa Official Gazette, araw ng Lunes.

“The Task Force El Niño is hereby reactivated under the Office of the President,” ang nakasaad sa EO No. 53.

Si Teodoro ang tatayong chairperson ng task force, habang ang hepe ng Department of Science and Technology ang magsisilbi naman bilang co-chairman.

Ang iba pang miyembro ng task force ay kinabibilangan ng mga Kalihim ng Department of Environment and Natural Resources, Department of Health, at National Economic and Development Authority. (Daris Jose)

Namahagi ang Pamahalaang Lungsod ng Navotas ng tig limang kilong bigas

Posted on: January 24th, 2024 by @peoplesbalita No Comments

Sa pagtatapos ng pagdiriwang ng ika-118th Navotas Day, namahagi ang Pamahalaang Lungsod ng Navotas ng tig limang kilong bigas sa bawat pamilyang Navoteños sa pangunguna nina Mayor John Rey Tiangco at Congressman Toby Tiangco, kasama ang iba pang opisyal ng lungsod. (Richard Mesa)

ICC, walang hurisdiksyon sa Pinas; hindi makikipagtulungan sa imbestigasyon sa war on drugs ng nakalipas na administrasyon- PBBM

Posted on: January 24th, 2024 by @peoplesbalita No Comments

MULING iginiit ni Pangulong Ferdinand R. Marcos Jr. na walang hurisdiksyon ang International Criminal Court (ICC) sa Pilipinas at hndi rin makikipagtulungan ang kanyang gobyerno sa imbestigasyon ng ICC sa “war on drugs” ng nakalipas na administrasyon.

Hiningan kasi ng paglilinaw ang Pangulo sa napaulat na nasa Pilipinas ang mga kinatawan ng ICC at kung pinayagan ng gobyerno na makapasok ang mga ito sa bansa at kung makikipagtulungan ang pamahalaan sa imbestigasyon ng ICC ukol sa war on drugs ng nakaraang administrasyon.

“Let me say this for the 100th time. I do not recognize the jurisdiction of ICC in the Philippines. I do not, I consider it as a threat to our sovereignty. The Philippine government will not lift a finger to help any investigation that the ICC conducts,” ang sinabi ni Pangulong Marcos sa isang media interview kasunod ng isang event sa Quezon City.

“However, as ordinary people, they can come and visit the Philippines pero hindi kami tutulong sa kanila. In fact, binabantayan namin sila, making sure that hindi sila— that they do not come into contact with any agency of government,” dagdag na wika nito.

At kung ang ICC ay kumokontak sa mga ahensiya ng gobyerno gaya ng police personnel at local government, sinabi ng Pangulo na inatasan niya ang mga ito na huwag makipagtulungan sa mga kinatawan ng international body.

“Huwag niyong sasagutin, ‘yun ang sagot natin. That we don’t recognize your jurisdiction, therefore, we will not assist in any way, shape or form, any of the investigations ICC is doing here in the Philippines,” ayon sa Punong Ehekutibo.

Matatandaang, pinahintulutan ng International Criminal Court ang hiling ng Prosekusyon na ipagpatuloy ang imbestigasyon sa madugong drug war sa bansa.

Ayon sa pahayag na inilabas ng ICC Pre-Trial Chamber noong January 26, 2023 sinabi ng korte na hindi sila kumbinsido na seryoso ang gobyerno ng Pilipinas na imbestigahan ang mga patayang naganap sa “war on drugs”.

Napaulat naman na nagsagawa ng pagsusuri sa giyera kontra sa droga ang Department of Justice sa panahon ni dating Pangulong Rodrigo Duterte, at sa pamumuno ng noo’y justice secretary at ngayo’y solicitor general, Menardo Guevarra.

Hiniling din noon ng gobyerno na itigil na ng ICC ang imbestigasyon dahil may kakayahan naman daw itong magsagawa ng sariling pagsisiyasat at pagsasampa ng kaso.

Dahil dito, pansamantalang ipinahinto ng ICC ang kanilang imbestigasyon noong Nobyembre 2021 subalit ayon sa ICC- matapos nilang suriin ang mga ebidensya mula sa Philippine Government, ICC Prosecutor at obserbasyon ng mga biktima- hindi sapat at hindi kongkreto ang mga ginawa ng gobyerno ng Pilipinas kaya ipinag-utos nila ang muling paggulong ng imbestigasyon. (Daris Jose)

PBBM sa Comelec: “Bayad” na people’s initiative signature campaign, ipawalang-bisa

Posted on: January 24th, 2024 by @peoplesbalita No Comments

DAPAT lamang na ipawalang-bisa ng Commission on Elections (Comelec) ang mga pirma sa People’s Initiative na nakuha kapalit ng pera.

“Well, pagka-binayaran ‘yung signature, hindi tatanggapin ng Comelec ‘yun. So walang magandang mangyayari,” ayon kay Pangulong Ferdinand Marcos Jr., sa isang panayam matapos ang opisyal na paglulunsad ng Lung Transplant Program ng Lung Center of the Philippines (LCP) at National Kidney and Transplant Institute (NKTI) sa Quezon City.

Binasura naman ng Pangulo ang napaulat na signature-buying para sa naturang kampanya, sinabi na may napaulat na may ilang benepisyo na matatanggap para makaakit ng mga botante na pumirma.

Itatanong aniya sa mga miyembro ng Kongreso kung tama ang napaulat na ito.

“So, ang pagkakaalam ko hindi naman, wala namang ganoon. Ang sinasabi hindi bayaran ng cash, kundi nangangako ng kung anu-anong benefits. Tinitignan namin, sabi ko, “itinanong ko sa ating legislation, totoo ba ‘yan?,” aniya pa rin.

Tinugunan din ng Chief Executive ang suhestiyon na suspendihin ng mga ahensiya ang kanilang social services programs upang hindi magamit sa pangangalap ng pirma para sa people’s initiative.

Sinabi ng Pangulo na hindi niya magagawang pigilan o ihinto ang implementasyon ng kahit na anumang serbisyo lalo pa’t maraming mga Filipino ang nangangailangan ng tulong.

“Hindi naman nagbago ‘yung mga release natin, constant pa din. Hindi naman maganda din ‘yun kasi may mga nangangailangan talaga,” ayon sa Chief Executive.

Sa halip aniya ay hayaan ang Comelec na gawin ang trabaho nito pagdating sa balidasyon ng mga pirma.

“We just let Comelec do their job and their work to validate the signature. And if there’s suspicion na may ganoon nga ay hindi talaga mabibilang ang mga signature na ‘yun,” ayon sa Pangulo.

At upang maikonsiderang mahalaga ang people’s initiative, ang bawat congressional district ay kailangan na makakalap ng pirma ng 3% ng registered voters nito. (Daris Jose)

Nagpasalamat si Mark sa bonggang regalo: MICHELLE, may customized Barbie Doll na suot ang Whang-Od inspired gown

Posted on: January 24th, 2024 by @peoplesbalita No Comments

MAY sarili ng Barbie Doll si Miss Universe Philippines Michelle Marquez Dee at suot ng doll ang Whang-Od inspired evening gown na gawa ni Mark Bumgarner.

Regalo ito kay MMD at Mark ng Miss Universe Philippines Director of Communications Voltaire Tayag.

“My thank you gift to Michelle for having worked so hard and for being so amazing at Miss Universe,” caption niya sa Instagram post.

Nagpasalamat si Mark sa bonggang Michelle Dee Barbie.

“Today marks the second month of Michelle Dee’s memorable and iconic participation at Miss Universe. And I’m feeling nostalgic and emotional. Thank you @voltairetayag for this gift.; a Barbie version of @michelledee in my Whang Od inspired evening gown for Miss Universe 2023.

“This dress will be forever special and remembered, truly an experience of a lifetime. And you dear Michelle will be forever my Miss Universe, woman of substance, style, grace, and an unwavering spirit. A perfect representation of a modern Filipina…of a modern woman.”

***

NAGING emotional ang Kapuso singer na si Vilmark Viray noong malaman niya na gagamitin ang kanta niyang “Lisan” para sa GMA na Love. Die. Repeat. at kakantahin pa mismo ito ni Jennylyn Mercado.

Ang “Lisan” ang second self-composed single ni Vilmark under GMA Music, na inilabas noong April 2023. Espesyal para sa singer-songwriter ang kanta dahil isinulat niya ito noong pumanaw ang kanyang ama noong December 2022.

“Naiyak po ako that time kasi the song was really special to me kasi nga I dedicate that song for my father. And to be able to see that song na magagamit s’ya in a kind of big teleserye, it’s really fulfilling.

“Hearing the version of Ms. Jennylyn, talagang ‘yung luha ko bumagsak. And then sobrang kinilig ako kasi nag-reply siya na ‘Thank you Vilmark sa pagpapahiram ng napakaganda mong kanta.'”

***

SASAMPAHAN ng demanda ang ‘Modern Family’ star na si Sofia Vergara ng pamilya ng drug lord na si Griselda Blanco dahil sa upcoming Netflix mini-series na Griselda.

Gagampanan ni Vergara ang buhay ng Colombian drug dealer na nakilala noong 1970s hanggang early 2000s.

Mga anak ni Blanco ang maghahain ng lawsuit sa 51-year old Colombian actress pati na sa Netflix, claiming “unauthorized use of their family’s image and likeness in the upcoming series”.

Mag-premiere sa Netflix on Jan. 25 ang Griselda, pero mukhang ma-delay ito dahil sa isasampang injunction.

Ayon sa TMZ: “Blanco is a public figure, the lawsuit doesn’t specify that Netflix can’t depict her, however the children are claiming that the use of their own images and likeness without their permission is violating their rights.”

(RUEL J. MENDOZA)

LTFRB: Magkakaroon ng “recalibration” sa PUVMP

Posted on: January 24th, 2024 by @peoplesbalita No Comments

MAGKAKAROON ng “recalibration” sa Public Utility Vehicle Modernization Program (PUVMP) ng pamahalaan upang bigyan tuon ang mga problema at concerns ng mga nagrereklamong operators at drivers ng public utility jeepneyes (PUJs).

Ito ang sinabi ni Land Transportation Franchising and Regulatory Board (LTFRB) chairman Teofilo Guadiz sa isang hearing sa committee ng transportasyon ng mababang kapulungan.

Naglabas ng mga concerns at issues ang ibang jeepney drivers na nag comply sa consolidation policy ng LTFRB sa ilalim ng PUVMP.

Isang driver-operator ang nagsabing nawala ang kanyang pagmamay-ari ng kanyang units matapos na sumali sa kooperatiba. Ayon sa kanya, ang kooperatiba na ang may-ari ng kanyang mga units. Sa isang pagkakataon pa ay pinatawan sila ng carnapping charges. Sinabi niya na gumastos siya ng malaki upang mailipat lamang ang prangkisa sa kooperatiba. Sila rin ang nagbayad para sa pagtatayo ng garahe upang mag comply sa mga requirements ng LTFRB subalit wala ang pangalan nila sa korporasyon.

“They filed a carnapping case against us. There are four of us who were charged with carnapping, 38 counts of carnapping. The 44 units that were approved on our route were given to us and we are the ones who manage them,” wika ng isang driver-operator.

Humingi sila ng tulong sa LTFRB subalit sinabi ng ahensiya na wala silang magagawa dahil ito ay isang issue sa pagitan nila at ng kooperatiba.

Sa ilalim ng PUVMP, ang isang jeepney driver ay kinakailangan sumali sa kooperatiba upang magkaron ng approval ng kanilang provisional authority (PA) at kasunod nito ay upang mabigyan sila ng kanilang prangkisa.

“Based on the reports reaching us, there is a necessity to recalibrate or re-evaluate the processes or our agency, together with the Office of Transportation Cooperatives (OTC) who is managing these cooperatives. So, we will take a second look, a hard look, so that these issues will not recur,” saad ni Guadiz.

Sinabi naman ni House committee on transportation chairman Romeo Acop na sana ang LTFRB ay nagbigay ng extension ng deadline sa consolidation dahil sa mababang accomplishment sa rationalization ng mga ruta para sa mga modernized units.

“If you were given P5.5 billion for this program, this is all you will show? Ten percent for route rationalization? Seventy percent for consolidation? If you hadn’t threatened them, it wouldn’t have reached this percentage?,” wika ni Acop.

Ayon kay PISTON president Mody Floranda at No to Jeepney Phaseout Coalition convenor Elmer Foro sa nasabing pagdinig na napilitan lamang na lumahok ang iba dahil sa takot na hindi na sila makapagpatuloy na pumasada para sa kanilang pagkukunan ng kabuyahan.

Naghain naman si committee vice chair Dan Fernandez na magkaron ng isang resolusyon upang hikayatin si President Ferdinand Marcos na i-reconsider ang kanyang naunang desiyon na hindi na papayagan ang extension sa consolidation.

Samantala, sinabi naman ni House Speaker Martin Romualdez sa nasabing hearing din na may report siyang nakuha na ang LTFRB at Department of Transportation (DOTr) ay binibigyan ng pabor ang gawang China na sasakyan kapalit ang traditional Filipino jeepneys sa ilalim ng programa.

Subalit pinasungalingan ng LTFRB at DOTr ang nasabing akusasyon na binibigyan nilang pabor ang gawang China na mini-buses. Nilinaw ng dalawang ahensiya na hindi sila nagdidikta kung anong klaseng brand na modernized jeepneys ang kanilang kukunin.

Sinusugan naman ng dalawang kooperatiba sa Cebu ang sinabi ng LTFRB at DOTr na hindi sila involved sa seleksyon at pagbili ng modernized units sa ilalim ng PUVMP at hindi sila pinipilit na bumili ng imported units. Ang dalawang kooperatiba ay ang ang El Pardo Transport Cooperative at Federation of Cebu Transport Cooperatives.

Ayon sa kanila, ang kanilang biniling units ay mula sa manufacturers na nag comply sa specifications tulad ng size at design na naaayon sa Philippine National Standard (PNS) ng Department of Trade and Industry (DTI).

Ang hinihingi lamang nila sa pamahalaan ay sana ay maging mababa ang taxes sa mga manufacturers upang ang mga sasakyan ay maibenta sa mababang presyo. Isa pa rin sa kanilang kahilingan ay kung maaaring itaas ang equity subsidy na binibigay ng pamahalaan sa mga kooperatiba sa pagbili ng bagong units na may financing program sa Development Bank of the Philippines (DBP) at Land Bank of the Philippines (LBP). LASACMAR

Pupunta si Kathryn pero ‘di invited si Daniel: Dream wedding ni BEA, siguradong tutuparin ni DOMINIC

Posted on: January 24th, 2024 by @peoplesbalita No Comments

AYON sa isang panayam, inamin ni Dominic Roque na nagpi-prepare na sila ni Bea Alonzo para sa kanilang kasal na mangyari na taong ito.

Mula nang pumasok ang 2024 ay nagsimula na sila ng kanyang fiancee sa kanilang wedding preparation, na kung saan pareho silang excited.

“The wedding is happening outside Metro Manila, the guest list is not yet complete, but our best friends, families, and relatives are going to be there.

“Next week, we’ll go full swing with the planning,” ayon sa naging pahayag ni Dominic.

Pag-amin pa ng aktor na may mga pagkakataon na naaasar daw sa kanya si Bea dahil feeling daw ng Kapuso actress ay hindi raw siya masyadong tutok sa preparasyon para sa nalalapit na kasal.

“Sometimes, she gets annoyed with me because she feels like I’m not too involved, but every woman has a dream wedding, and Bea has one.

“We’re just thankful that a lot of our friends are involved in this. It’s her dream (wedding) so I’m giving it to her, we’re doing it together,” paliwanag pa ni Dom.

Samantala, makikita sa kanilang Instagram ang photos at videos na kuha sa Sapporo, Japan, na kung saan enjoy na enjoy sila sa malamig na klima ng bansa.

Makikita rin na isinabit ng engaged couple ang kanilang “love padlock” sa malapit sa Fortune Bell ng dinadayong lugar.

“Dom and I decided to be cheesy and got ourselves a lovelock and put it on the railings,” caption ni Bea sa kanyang IG post.

Dagdag pa niya, “tinapon na namin yung key, pang forever na ‘to. Hahhahaha.”

***

SAMANTALA, sinagot ng aktor na si Kathryn Bernardo lang ang dadalo sa kasal nila ni Bea, dahil hindi raw imbitado si Daniel Padilla. .

Paliwanag ni Dominic, hindi pa raw sila okay ni DJ at hindi pa rin nag-uusap.

“Hindi naman kami… hindi pa kami okay ni DJ. I mean, we’re not talking since 2020.

“We haven’t seen each other for the longest time, since 2020.”

Itinanggi rin ni Dom na nagkita sila ni DJ sa FIBA. Ang tinutukoy raw nito ay si Marco Gumabao na kasama sa mga groomsmen niya, pati ang mga close friends na sina Patrick Sugui, at Khalil Ramos.

Hindi na siya nagbigay ng iba pang detalye sa nalalapit na kasal nila ni Bea, pero malamang ay magaganap ito sa ibang bansa.

At malalaman daw natin yun kung kailan at saan, sa mga darating na araw.

(ROHN ROMULO)

Pag-IBIG members, makakukuha ng mas maraming benepisyo

Posted on: January 24th, 2024 by @peoplesbalita No Comments

MAGANDANG balita para sa mga Pag-IBIG Fund members dahil nakatakdang I-enjoy ng mga ito ang “doubled savings at higher cash loan entitlements” habang patuloy na mayroong access sa abot-kayang home loans, sa kabila ng nakatakdang pagtataas sa monthly contribution rate kapuwa sa mga miyembro at employers nito simula sa susunod na buwan.

Sa ilalim ng bagong monthly contribution rate, ang monthly savings ng Pag-IBIG Fund members para sa share ng mga empleyado at sa mga employer ay tataasan ng ₱200 kada isa mula sa ₱100.

Sinundan nito ang adjustment sa maximum monthly compensation na gagamitin sa pagko-compute ng required na 2% employee savings at 2% ng employer share for Pag-IBIG Fund members, na ngayon ay tumaas sa ₱10,000 mula sa kasalukuyang ₱5,000.

“We at Pag-IBIG Fund have long recognized the need of our members to have higher savings that shall provide them with decent and fair returns upon their retirement, as well as higher cash loans to help them during times of need. By implementing the new Pag-IBIG Monthly Savings Rates of both members and employers originally scheduled in 2021, not only would we be able to improve the benefits of our members, we would also be better equipped to finance the growing demand for home loans of our members while maintaining our affordable rates. All these are in line with the call of President Ferdinand Marcos, Jr. to provide Filipino workers with opportunities to gain comfortable and productive lives,” ang paliwanag ni Secretary Jose Rizalino L. Acuzar, pinuno ng Department of Human Settlements and Urban Development (DHSUD) at 11-member Pag-IBIG Fund Board of Trustees.

Noong 2019, inaprubahan ng mga opisyal ng ahensya na itaas ang buwanang kontribusyon ng mga miyembro nito pagsapit ng 2021 dahil sa lumalaking pautang nito.

“Our strong financial position shall allow us to again postpone the increase in our contribution rates for a year. We are happy to report that even without any increase in our rates, we were able to post record-highs in 2022 with our membership savings collections reaching nearly ₱80 billion, loan payment collections amounting to ₱127.42 billion, short-term loan releases at ₱57.69 billion and home loan takeout amounting to ₱117.85 billion,” pagbibigay-diin ni Pag-IBIG Fund chief executive officer Marilene Acosta.

Samantala, ikinatuwa naman ni Acosta ang pagsuporta ng mga stakeholder, at siniguro sa mga miyembro ang “better benefits” sa ilalim ng bagong monthly contribution rate.

“We thank the Trade Union Congress of the Philippines (TUCP), the Federation of Free Workers (FFW), the Philippine Government Employees’ Association (PGEA), Overseas Filipino Workers’ (OFW) Organizations, and the Employers’ Confederation of the Philippines (ECOP) for supporting our plans and for recognizing that raising our monthly savings rates will allow Pag-IBIG Fund to continue to provide affordable home loans to its members in the coming years,” ani Acosta.

“It is also important to note that the increase in our monthly savings rates shall benefit our members the most because every peso they save will go to their Pag-IBIG Savings. Under our new rates, they will have higher Pag-IBIG Savings that earn annual dividends, which they shall receive upon membership maturity or retirement. For example, based on our old rates, a member would receive around ₱87,000 upon reaching membership maturity. On the other hand, a member who saves under our new rates over a period of 20 years would receive ₱174,000 or double the amount. And, because of their higher savings, they shall also be entitled to higher multi-purpose and calamity loan amounts to help them with their financial needs,” litaniya ni Acosta. (Daris Jose)