Sen. Alan Cayetano, nagbitiw na bilang Senate President

NAG-concede at tinanggap na ni Senador Alan Peter Cayetano na hindi na siya ang Senate President matapos lumipat si Senador Joel Villanueva sa bagong mayorya ng Senado.

Inaasahang magbibigay ito ng sapat na bilang upang maghalal ng bagong lider sa Mataas na Kapulungan.

Sa isang pahayag umaga ng Miyerkules, Hunyo 17, kinumpirma ni Cayetano ang kanyang pag-concede matapos silang magkausap ni Villanueva, at inihayag na hindi na niya ito hahadlangan pa.

Aniya, hindi permanente ang liderato sa isang demokrasya, ito ay hiram lamang at hindi pagmamay-ari.

Ipinabot din niya ang kanyang pagbati at kooperasyon sa sinumang lehitimong ihahalal ng kapulungan. Binigyang-diin din ni Cayetano na isang malaking karangalan sa kaniyang buhay ang magsilbi bilang Senate President.

“Offices are temporary, titles are temporary, even majorities are temporary — but your right to the truth is not. I promise you, we will get to the bottom of this. We will find the masterminds. We will hold them accountable,” dagdag pa ng senador.

Sa kabila ng pagbaba sa puwesto, nangako si Cayetano na ipagpapatuloy niyang ipaglaban ang katotohanan anuman ang kaniyang posisyon o titulo.

“I may leave the position of SP, but I am honored to still be your PS — your Public Servant,” pagtatapos ni Cayetano.

 (DARIS JOSE)