- September 22, 2026
Ang Diyaryong Pinagkakatiwalaan
Archive for May 5th, 2023
Para sa single at babae lang ang ‘Miss Universe’: GLORIA, ‘di pabor na makasali ang may asawa, may anak at transsexual
HINDI pabor si Gloria Diaz na makasali sa Miss Universe ang mga may asawa, may anak, at transsexual.
Kauna-unahang Pilipinang Miss Universe si Gloria kaya may bigat ang kanyang opinyon o pananaw tungkol dito.
“Di dapat, Universe na lang, huwag nang Miss. Kasi, hindi na Miss yun, di ba,” umpisang sagot sa amin ni Gloria.
“Dapat ‘Universe’! Hindi, I think they even include transvestites. Siyempre, going with the times, ‘no?
“Pero my personal opinion, which is not to be taken in the negative way, dapat may sarili silang contest.
“May Mrs. Universe, may Lesbian Universe, may Tranny Universe.
“There is room for so much. Oo, mga category na ganun, ganyan. Tapos, kasi even sa Mrs. Universe, andaming magaganda diyan na nanganak na. Okay lang yon!”
Pati ang age limit ay binago na rin dahil hanggang twenty-eight years old ay puwede pa ring sumali sa Miss Universe na dati ay eighteen hanggang twenty six years old lamang ang age requirement.
“Kasi actually, ‘pag twenty eight ka na, dapat may career ka na, hindi ba? Dapat mga… like during my time, from seventeen or eighteen hanggang twenty three, ikaw na ang pinakamatanda.
“In fact noon, pag may twenty three years old, sasabihin nila, ‘And the oldest candidate, twenty three years old…’ “Ganyan, no? Bukod-tanging ikaw ang pinakamatanda.
“Pero ngayon, nakaka-twenty eight na yata, puwede pa rin, e. It’s hard. It’s a very new idea na sa akin, not very acceptable.”
Para rin sa marami, nararapat lamang na bukod ang beauty pageant para sa mga may-asawa, nanay, lesbian, bisexual, o transsexual.
“Dapat kanya-kanya! O sige, di at least it gives people more chances, di ba,” reaksyon ni Gloria.
“Kasi, you’re representing this country. E, kung may mas magandang babae, o mas magandang tranny… mas mahirap kalaban ang tranny.
“Kasi I’ve been a judge sa Super Sireyna. Ang gaganda talaga nila! At talagang palaban! Kaya nilang magsirku-sirko diyan, di ba?”
Bida si Gloria bilang si Dalena sa pelikulang ‘Lola Magdalena’; kakaiba ang papel niya dito bilang faith healer sa araw at lolang pokpok o prostitute sa gabi.
Kasama niya sa pelikula sina Perla Bautista, Liza Lorena, Pia Moran, at Sunshine Cruz.
Sa panulat ni Dennis Evangelista at sa direksyon ni Joel Lamangan kasama rin sa cast sina Angel Guardian, Carlo San Juan, Jim Pebanco, Marcus Madrigal, Harlene Bautista, Dorothy Gilmore, at Joonee Gamboa.
Ang executive producer ng Lola Magdalena ay si Amelia OJA Zuniga ng Hiro Hito Film Production.
***
SA ‘Fast Talk With Boy Abunda’ nitong Martes, ikinuwento ni Glaiza de Castro na naging malakas ang Brew Box Baler ng kaniyang mister na si David Rainey nitong nagdaang Semana Santa.
“Minsan makikita ako ng mga tao sa Baler naghuhugas ng plato.
“‘Di pa ako dumadating sa pagbu-brew ng kape pero nagpe-prepare ako ng mga foods,” pagbabahagi ni Glaiza.
“Nung Holy Week po, that was our busiest week and nakita ng tao ‘yung struggle ko din kasi I was also trying to help David,” kuwento ng aktres.
“Ang sarap din sa experience na ma-overcome ko ‘yun na kahit na hindi ako familiar sa ganitong klase ng set-up,” sabi pa ni Glaiza.
Pag-amin ni Glaiza, hindi siya naka-focus noon sa negosyo dahil sa pagiging abala at tutok niya sa kaniyang showbiz career.
Ngayon, nakita na niya na maaari palang gawin kapag wala siyang taping at kapag nasa Baler siya.
May isa pang negosyo sina Glaiza bukod sa coffee shop nila ng kanyang mister, mayroon ding mina-manage si Glaiza sa Baler na Casa Galura, na bed and breakfast business.
Natutuwa naman si Tito Boy sa tagumpay na nararanasan ni Glaiza na tinawag niyang mabuting tao kaya pinagpapala.
At bilang belated wedding gift ay binigyan ni Tito Boy ng painting si Glaiza bilang regalo sa kasal nila ni David noong 2021 sa Ireland, at muli nitong nakaraang Enero sa Zambales.
Mapapanood si Glaiza sa upcoming GMA Afternoon Prime series na “The Seed of Love,” kasama sina Mike Tan, Valerie Concepcion, Boy2 Quizon, at Ashley Rivera, sa May 8 na.
(ROMMEL L. GONZALES)
Dahil punum-puno ang schedule this year: BEA, piniling mag-backout na lang sa first movie nila ni ALDEN
NAKALULUNGKOT dahil hindi na matutuloy ang pagtatambal nina Bea Alonzo at Alden Richards sa ‘A Special Memory’.
Pinili nga ng aktres na mag-backout na lang sa dapat sana ay una nilang pagtatambal sa pelikula ni Alden Richards dahil punum-puno ang schedule niya this year.
Sa official statement mula sa management ni Bea…
“In the spirit of fairness, we deemed it appropriate to advise the producers of “Special Memory,” a movie adaptation of “A Moment to Remember,” that Ms. Bea Alonzo had to respectfully beg off from this movie project due to her full schedule this year. Ms. Bea Alonzo has contractual obligations with GMA Network to fulfill, and that shall remain as our top priority.
“She is currently taping LOVE BEFORE SUNRISE (“LBS”) with Mr. Dennis Trillo. In addition, she will be participating in GMA 7’s still to be announced new reality show within the same timeframe as the LBS taping. We have also been advised of her next teleserye scheduled to commence in the last quarter of 2023.
“In between those TV projects, we shall be announcing two motion picture projects slated to commence Principal Photography this year. These two movie projects have been disclosed as early as 2021, to both GMA Network and the Special Memory producers from the very start of scheduling discussion in 2021.
“And understandably, due to the pandemic, certain schedules had to be cancelled and postponed. Production team have been made aware that any postponement on agreed upon schedules, would mean they are giving up that reserved window in Bea’s calendar and will have to go to the end of the line because there were other producers waiting for their turn in 2022 and 2023.
“We would like to take this opportunity to express our sincerest gratitude to Ms. Annette Gozon-Valdez, Mr. Tony Tuviera, and Boss Vic del Rosario for always embracing us with their kindest understanding. We encourage everyone to join us in wishing the entire Special Memory Production Team, all the best! Thank you!”
***
INI-REPORT ng “Chika Minute” ng “24 Oras,” ang naiibang karanasan nina Bianca Umali at Ruru Madrid habang nagsu-shoot sila ng ilang eksena sa Paris para sa GMA Primetime series nilang “The Write One.”
Pinanood kasi sila ng mga turista habang nagsu-shoot at marami sa kanila can’t help but express their admiration sa ginawa nilang eksena. Isa nga raw long-time couple from Minnesota, USA, ang nag-comment at pinalakpakan sila after the take, nang malamang ang title ng series ay “The Write One,” nag-comment sila kay Ruru na, “I think you found her.” At sinagot naman sila ni Ruru ng “Yeah, I found her.”
Kahit ang ilang tourists daw ay pumalakpak din after the scenes, kahit hindi nila naiintindihan ang Tagalog dialogue, dahil they felt daw the actors’ emotions.
Ang “The Write One” ay napapanood every night, 9:35 pm sa GMA-7, I Heart Movie at Pinoy Hits. May live streaming din ito sa Viu from Saturdays to Tuesdays.
***
NAGHAHANDA na ang mahusay na writer ng mga award-winning teleseryes sa GMA Network na si Suzette S. Doctolero para sa upcoming project niyang may tentative title na “Pulang Araw.” Kaya nag-post siya sa kanyang Twitter account ng: “Hello. May lolo at lola ba kayo, o kakilala, kaibigan, kaanak, na nakapagtrabaho, manggagawa o artist/performere sa mga Bodavil o Vaudeville noong araw? Message me. Salamat!”
Ang bagong serye na susulatin ni Suzette ay isa pang project na pagtatambalan nina Barbie Forteza at David Licauco para sa GMA Network, habang nagsu-shoot pa sila ng first movie nila together, ang romantic-comedy movie na “That Kind of Love,” na magsu-shoot din sila ng ilang eksena sa ibang bansa.
(NORA V. CALDERON)
US global firms, nag-commit ng malaking investments sa Pilipinas
NAGING produktibo ang pangalawang araw ng opisyal na pagbisita ni Pangulong Ferdinand R. Marcos Jr. sa Estados Unidos, araw ng Martes (Wednesday Philippine time) matapos na makakuha ng commitments o pangako mula sa American global firms sa panahon ng eight back-to-back meetings sa kalahating araw pa lamang.
Bilang bahagi ng kanyang official trip sa Estados Unidos, ang mga pulong na idinaos sa Blair House sa Washington D.C. kung saan umupo si Pangulong Marcos at nakipag-usap sa iba’t ibang business leaders ay may layuning umakit ng mas maraming mamumuhunan sa Pilipinas.
Sa kabilang dako, kasama ni Pangulong Marcos ang kanyang official Philippine delegation, nagsimula ang kanyang business meeting ng alas-1:45 ng hapon kasama ang mga prominenteng Filipino at American businessmen, Ang United States-Philippines Society, co-chair ni dating `US Ambassador John D. Negroponte, ang isa sa nagpahayag ng kanyang pangako ng “greater cooperation and partnership” sa development ng Philippine economy.
“(The) President’s visit… sets the table for our work, of US-Philippine Society (USPS) in the months and years ahead, thank you for that,” ang sinabi ni Negroponte kay Pangulong Marcos.
Kilala rin bilang The Society, ang USPS ay isang non-profit, bi-national organization ng prominenteng civic at business leaders ng Amerika at Pilipinas.
Ang Negroponte, ang tumatayong co-chairs ng The Society ng prominenteng Filipino businessman na si Manuel V. Pangilinan.
Ang Society ay inorganisa noong May 2012 na may layuning palakasin at palakihin ang kamalayan ng profile ng Pilipinas sa Estados Unidos sa larangan ng “security, trade, investments, tourism, environment, history, education and culture.”
Ang grupo ay “strong partner” ng Philippine Embassy sa Washington, D.C. sa pag-organisa ng mga event na nagbibigay-diin sa matatag at malakas na relasyon sa pagitan ng Pilipinas at Estados Unidos para sa pag-promote ng “security, economic, cultural and social interests.”
Nakipagpulong din ang Pangulo kay John Padget, pangulo at CEO ng Carnival Corp., na nagsabi sa Pangulo na ang kanyang group of companies ay magha-hire ng 75,000 Filipino seafarers sa susunod na tatlo hanggang apat na taon.
Nakipagpulong din ang Pangulo sa mga opisyal ng Moderna, isang global shared service facility na sumuri sa matinding epekto ng medications/vaccines, alas- 3 ng hapon.
Sinabi ng Moderna executives sa Pangulo na plano nilang magtatag ng “shared service facility” sa Pilipinas na makakapag-cater sa Asia-Pacific region.
Kapwa naman sinabi nina Moderna Chief Commercial Officer Arpa Garay at Senior Vice President at General Manager Patrick Bergstedt na “they are set to establish a “Shared Service Facility for Pharmacovigilance” para makapagbigay ng mas maraming employment opportunities sa mga health professionals sa bansa.
Binigyang diin ni Garay ang matagumpay na public-private partnership sa pagitan ng gobyerno ng Pilipinas at Moderna na kapuwa nais pa nilang palawakin.
Matapos makipagpulong sa Moderna, nakipagpulong mana ang Pangulo sa mga opisyal ng Ultra Safe Nuclear Corporation,isang US-based global leader at vertical integrator ng “nuclear technologies and services.”
Matapos ito ay nakipagpulong naman ang PAngulo sa business process outsourcing (BPO) company Atento, planong magtayo ng kauna-unahang call center sa Pilipinas sa Iloilo Business Park sa Mandurriao district, Iloilo City.
Alas-5 ng hapon ay nakipagpulong naman kay Pangulong Marcos ang mga opisyal ng Solar firm Maxeon, isang global leader sa solar technology at innovation. Sinabi ng opisyal ng Solar firm Maxeon na tinitingnan nila na mamuhunan ng USD900 million sa solar energy sa Pilipinas, hangarin na isulong na palawakin ang knailang operasyon sa bansa.
Sinabi ni Bill Mulligan, CEO ng Maxeon na nago-operate ng SunPower brand sa lahat ng global markets kabilang na ang Maxeon brand sa Estados Unidos, Canada at Japan, na ang investment ay makapagbibigay ng mahigit sa 3,000 trabaho sa susunod na mga taon.
Matapos ang pakikipagpulong sa Maxeon, nakipagpulong naman ang Pangulo sa opisyal ng Analog Devices Inc., isang global semiconductor leader na gumagamit ng Intelligent Edge, para mas palaksin at palawigin ang kanilang operasyon sa Pilipinas sa pamamagitan ng unibersidad at akademiya.
Samantala, kabilang sa mga miyembro ng opisyal na delegasyon ng Pilipinas sa business meetings ay sina dating Pangulo at ngayon ay Senior Deputy Speaker Gloria Macapagal-Arroyo, Speaker Martin Romualdez, Trade and Industry Secretary Alfredo Pascual at Presidential Communications Office (PCO) Secretary Atty. Cheloy Garafil.
Kasama rin sina Special Assistant to the President Secretary Antonio Ernesto Lagdameo Jr., Philippine Ambassador to the US Jose Manuel Romualdez at DTI Undersecretary Ceferino Rodolfo sa nasabing pulong. (Daris Jose)
“DUNE: PART TWO” TRAILER TAKES AUDIENCES BACK TO THE DESERT
LONG live the fighters.
The saga continues as award-winning filmmaker Denis Villeneuve embarks on the epic adventure “Dune: Part Two,” the next chapter of Frank Herbert’s celebrated novel “Dune.” The highly anticipated follow-up to 2021’s six-time Oscar-winning “Dune,” from Warner Bros. Pictures and Legendary Pictures, opens in Philippine cinemas November 1, 2023.
Watch the trailer: https://www.youtube.
About “Dune: Part Two”
“Dune: Part Two” will explore the mythic journey of Paul Atreides as he unites with Chani and the Fremen while on a warpath of revenge against the conspirators who destroyed his family. Facing a choice between the love of his life and the fate of the known universe, he endeavors to prevent a terrible future only he can foresee.
Denis Villeneuve directed from a screenplay he co-wrote with Jon Spaihts based on Frank Herbert’s novel. The film is produced by Mary Parent, Cale Boyter, Villeneuve, Tanya Lapointe and Patrick McCormick. The executive producers are Josh Grode, Herbert W. Gains, Jon Spaihts, Thomas Tull, Brian Herbert, Byron Merritt, Kim Herbert, with Kevin J. Anderson serving as creative consultant. Oscar-winning composer Hans Zimmer is again on hand to create the score.
The film stars Timothée Chalamet, Zendaya, Rebecca Ferguson, Josh Brolin, Austin Butler, Florence Pugh, Dave Bautista, Christopher Walken, Stephen McKinley Henderson, Léa Seydoux, with Stellan Skarsgård, with Charlotte Rampling, and Javier Bardem.
In cinemas November 1, “Dune: Part Two” is distributed in the Philippines by Warner Bros. Pictures, a Warner Bros. Discovery company.
Join the conversation online and use the hashtag #DunePartTwo
Photo & Video Credit: “Warner Bros. Pictures”
(ROHN ROMULO)
UN pinaghahanda ang mundo sa El Niño, bagong heat records
NAGBABALA ang United Nations (UN) tungkol sa lumalaking posibilidad na magkaroon ng bagong heat records dahil sa weather phenomenon na El Niño na mararanasan sa mga susunod na buwan.
Sa ulat ng Agence France-Presse, inihayag ng World Meteorological Organization ng UN ang 60% na posibilidad na ang El Niño ay mag-develop sa katapusan ng Hulyo at mayroon ding 80% tiyansa na maganap ito sa katapusan ng Setyembre.
Ang El Niño, ayon sa ulat ay isang natural na climate pattern ng klima na karaniwang nauugnay sa pagtaas ng init at tagtuyot sa buong mundo, at malakas na pag-ulan sa ibang lugar.
Ito ay huling naganap noong 2018 hanggang 2019.
Mula 2020, ang mundo ay tinamaan ng napakahabang La Niña na kabaligtaran naman ng El Niño.
Gayunpaman, sinabi ng UN na ang huling walong taon ang pinakamainit na naitala, sa kabila ng paglamig ng epekto ng La Niña sa halos kalahati ng panahong iyon.
Sinabi ni WMO chief Petteri Taalas na ang La Niña ay nagsisilbing isang pansamantalang preno sa pandaigdigang pagtaas ng temperatura.
Sinabi rin ni Taalas na ang pagbuo ng isang El Niño ay malamang na humantong sa isang bagong spike sa pandaigdigang pag-init at tataas ang posibilidad na magkaroon ng bagong world record sa temperatura kaya kailangang magkaroon ng early warning device upang maging ligtas ang mga tao.
“The world should prepare for the development of El Niño,” pahayag ni Taalas.
US military, binigyan ng “full honors” si PBBM sa The Pentagon
GUMAWA ng isang kasaysayan si Pangulong Ferdinand R. Marcos Jr. bilang kauna-unahang foreign head of state na binigyan ng “full honors” sa The Pentagon sa ilalim ng administrasyon ni US President Joseph Biden.
Winelcome ni US Secretary of Defense Lloyd J. Austin si Pangulong Marcos ng “full honors” sa The Pentagon.
Sinabi ng US Dept of Defense Protocol office na ang full honors na ibinigay sa Pangulo ay unang ipinagkaloob sa foreign head of state o gobyerno sa ilalim ng administrasyong Biden.
Sa kanilang pagpupulong, nagpahayag si Austin ng commitment ng kanyang bansa para sa tanggulan ng Pilipinas, “President (Joseph) Biden has made clear our commitment to the defense of the Philippines is ironclad. And let me tell you once again that our Mutual Defense Treaty applies to armed attacks on our armed forces, coast guard vessels, public vessels, or aircraft in the Pacific including anywhere in the South China Sea,” ang sinabi ni Lloyd kay Pangulong Marcos.
“So, make no mistake Mr. President, we will always have your back in the South China Sea or elsewhere in the region,” ang wika nito.
Sinabi naman ni Pangulong Marcos na ang “call of the times… is asking for us to meet the new challenges perhaps we have not faced before.”
“That’s why it is very important that it is continuing… the exchanges that we have started,” ayon sa Pangulo sabay sabing “I look to a very bright future between the Philippines and the United States – a future that is founded on the long experience and as you say, friendship and familial relationship because the people-to-people exchanges between our two countries have been ongoing at every level.”
Samantala, ang pagbisita ng Pangulo sa The Pentagon ay kasunod ng muling pagpapatibay ng Pilipinas at Estados Unidos sa kanilang security alliance sa gitna ng tensyon sa Asia-Pacific region.
Matatandaang unang nagpulong sina Pangulong Marcos at American defense chief sa Palasyo ng Malakanyang, buwan ng Pebrero.
Sa isinagawang courtesy call ni Austin, nangako ito na tutulungan ang Pilipinas na gawing modernisado ang defense capabilities at itaas ang interoperability ng American at Filipino military forces.
Sa kanilang naging pagpupulong naman sa The Pentagon, inilarawan ni Austin ang Pilipinas bilang Isang “indispensable friend” at kaalyado ng Estados Unidos
“Our alliance is rooted in our common democratic values,” ayon kay Austin.
Binigyang diin ni Austin ang “degree of participation” ng pinagsamang military forces ng allied nations sa ilalim ng Balikatan Exercises.
“The recently concluded — the largest and most complex iteration of ever of Exercise Balikatan and it included more than 17,000 troops in the Philippines, the United States, and Australia, training side-by-side across air, land, sea, and for the first time, cyberspace,” ani Austin.
“And I said before Mr. President, we’re more than allies, we’re family and we share a common vision for free and open Indo-Pacific because a region governed by rules and rights help provide security and prosperity for our two countries and for the whole region,” dagdag na wika ni Austin. (Daris Jose)
Utos ni PBBM sa mga ahensiya ng pamahalaan, LGUs: Suportahan ang programa laban sa kriminalidad
TININTAHAN ni Pangulong Ferdinand R. Marcos Jr. ang isang memorandum circular na inaatasan ang lahat ng ahensiya ng pamahalaan at hinikayat naman ang local government units na suportahan ang 2023 National Crime Prevention Program (NCPP).
Sa ilalim ng Memorandum Circular No. 19, nilagdaan ng Pangulo araw ng Martes, ang direktiba ay alinsunod sa adopsyon ng “whole-of-government” approach sa pagtugon sa kriminalidad at tiyakin ang kapayapaan at seguridad sa bansa.
Ang 2023 NCPP ay “operationalizes the strategies for ensuring peace and security under the Philippine Development Plan 2023-2028” kung saan ang National Police Commission (Napolcom) ang mangangasiwa sa implementasyon ng NCPP.
Ang 2023 NCPP ay dinibelop (develop) ng Napolcom sa pamamagitan ng Technical Committee on Crime Prevention and Criminal Justice nito, isang inter-disciplinary body na binubuo ng kilalang eksperto mula sa ahensiya ng gobyerno at non-government organizations na kabilang sa criminal justice system.
Ang Napolcom ay isang agency na attached sa Department of the Interior and Local Government (DILG) kung saan responsable para sa administrasyon at kontrol ng Philippine National Police (PNP). (Daris Jose)
Higit 2,000 trabaho, tampok sa Bulacan Trabaho Service Caravan
LUNGSOD NG MALOLOS – Higit 2,000 oportunidad dito at sa ibang bansa ang naghihintay sa mga Bulakenyong naghahanap ng trabaho sa pagsasagawa ng Pamahalaang Panlalawigan ng Bulacan sa pamamagitan ng Provincial Youth, Sports, and Public Employment Services Office (PYSPESO) ng Bulacan Trabaho Service (BTS) Caravan sa Huwebes, Mayo 4, 2023, 8:00 ng umaga sa Bulacan Capitol Gymnasium sa lungsod na ito.
Iniimbitahan ni Gob. Daniel R. Fernando ang mga interesadong Bulakenyo na makiisa sa Labor Day job fair na nakaangkla sa temang “Pabahay, Bilihing Abot-Presyo, Benepisyo ng Matatag na Trabaho para sa Manggagawang Pilipino” at magparehistro sa https://bitly.ws/Dwy8.
“Narito po muli ang isang pagkakataon para sa ating mga kalalawigan upang matagpuan ang kanilang pangarap na hanapbuhay na siyang magiging susi upang makamit nila ang kanilang mga pangarap para sa kanilang sarili at sa kanilang pamilya,” anang gobernador.
Maliban sa 40 lokal at 10 overseas na ahensya, mayroon ding mga serbisyong may kaugnayan sa empleyo na matatagpuan sa gawain upang magbigay ng front desk assistance sa mga aplikante kabilang ang NBI, SSS, DFA, BIR, PSA, Philhealth, DTI, PAG-IBIG, at TESDA.
Mayroon ding libreng print at photocopy ng mga dokumento para sa lahat ng naghahanap ng trabaho.
Bukod pa rito, maaaring bumili ng mga sariwang ani kabilang ang bigas, gulay, prutas at iba pa sa murang halaga sa KADIWA Retail Store; libreng gupit at masahe sa pakikipagtulungan ng mga nagsipagtapos ng In-house Skills Training; at trade fair sa pangunguna ng Department of Trade and Industry tampok ang mga produkto at serbisyo ng mga piling benepisyaryo ng DOLE Integrated Livelihood Program (DILP). (BISHOP JESUS “JEMBA” BASCO)
Dating Mayor ng Antique, itinalaga bilang bagong pinuno ng SBMA
ITINALAGA ni Pangulong Ferdinand Marcos Jr. si dating Antique Mayor Jonathan Dioso Tan bilang Administrator and Chairman ng Subic Bay Metropolitan Authority na may termino na anim na taon.
Pinalitan ni Tan si Rolen C. Paulino.
Ang appointment letter ni Tan na pirmado ng Pangulo ay may petsang Abril 28, 2023.
“By virtue hereof, you may qualify and perform the duties of the office, furnishing the Office of the President and the Civil Service Commission with copies of your Oath of Office,” ang nakasaad sa nasabing appointment letter na tinintahan ng Pangulo.
Sa ulat, nagbitiw sa puwesto si Paulino, ang chairman at administrator ng SBMA sa harap ng mga empleyado sa lowering of flag noong Marso 31, 2023, araw ng Biyernes.
Nagsumite si Paulino ng kaniyang courtesy resignation epektibo sa Abril 15, 2023 kay Pangulong Ferdinand Marcos Jr., ilang araw matapos ang inilatag na State of the Freeport Address (SOFA) kung saan pinasalamatan niyang lahat ang mga dumalo.
Sa SOFA, una niyang pinasalamatan ang mga empleyado at mga opisyal ng SBMA, mga stakeholder, mga local government unit officials ng mga lugar na nakasasakop sa Subic Bay Freeport tulad ng Zambales, Olongapo City at Bataan.
Iniisa-isa nito ang lahat ng kanyang mga accomplishment sa loob ng maikling panahon, kung saan ang kanyang termino aniya ay natapat sa panahon ng pandemya pero nagawa aniya nang maayos at epektibo ang kanyang tungkulin.
Ayon kay Paulino, ang kaniyang termino ay 6 na taon base sa kaniyang appointment mula sa dating Pangulong Rodrigo Duterte, pero naghain siya ng courtesy resignation upang mabigyang-laya si Marcos na pumili ng bagong SBMA chairman and administrator. (Daris Jose)