2022 December 29 Archive - People's Balita

Archive for December 29th, 2022

Filipino-Chinese businesses, umaasa sa state visit ni PBBM sa China; itutulak ang joint exploration talks

Posted on: December 29th, 2022 by @peoplesbalita No Comments

KUMPIYANSA ang Filipino-Chinese businesses na ang nalalapit na state visit ni Pangulong Ferdinand Marcos Jr. sa China ay makapagpapalakas sa larangan ng kooperasyon kabilang na ang potensiyal na joint exploration ng mga resources sa West Philippine Sea.

Nauna nang sinabi ng Federation of Filipino Chinese Chambers of Commerce and Industry, Inc. (FFCCCII) na ang mga opisyal nito ay handang makiisa kay Pangulong Marcos at sa kanyang delegasyon sa panahon ng kanyang state visit na nakatakda sa Enero 3–6, 2023.

“We believe this historic state visit is very important to the growth potentials of our Philippine economy, because China is our most important economic and trade partner, the world’s emerging new economic superpower, and our neighbor,” ang nakasaad sa kalatas ng FFCCCII na binasa ni president Henry Lim Bon Liong sa isang press conference.

“We are hopeful for enhanced Philippines-China economic and development partnerships, especially in areas of agriculture, trade, infrastructure, energy, tourism, and people-to-people exchanges,” dagdag na pahayag nito.

Base sa bagong data na available mula sa Philippine Statistics Authority (PSA), makikita na ang China ay top importer ng mga kalakal noong Oktubre ($2.22 billion) at pang-apat na top export destination para sa kalakal na gawa sa bansa ($959.59 million).

Kumpiyansa rin ang FFCCCII na ang state visit ng Pangulo ay makapanghihikayat ng mas marami pang Chinese industrial export enterprises para mamuhunan sa Pilipinas, “with Chinese export factories going to Vietnam, Thailand, Cambodia, and Indonesia.”

“Hopefully also, there will be progress in possible joint oil and gas exploration in the seas that shall benefit both the Philippines and China, with hopefully wisdom and political will from our national leaders as they meet in Beijing,” ayon sa FFCCCII.

Nagbigay ng update sa career sa US: Fil-Can na si MIKEY, binalitang tapos na ang first-ever Hollywood movie

Posted on: December 29th, 2022 by @peoplesbalita No Comments

BINALITA ng Filipino-Canadian singer-comedian na si Mikey Bustos na katatapos lang niya sa shooting ng kanyang first-ever Hollywood project.

Sa kanyang IG, nagbigay ng update si Mikey sa kanyang career ngayon sa US, pero hindi niya muna binanggit kung ano ang project na kanyang natapos…

“It’s a wrap! Wrapped yesterday for my first ever Hollywood tv/film role.

“Crazy right?! Never imagined this day would come, as it’s a dream I’ve secretly been hoping for/working towards since I was a kid. If you’re an actor friend of mine, I’ve probably bugged you at least once about how to get into professional acting.

“But as Lady Gaga once said, “It only takes one person to believe in you.” Someone finally did, and my heart couldn’t be more grateful! It feels like the start of something truly exciting. I never want it to end! Ever. I also was able to work with some of the most incredible human beings I’ve ever met in my life!

“Stay tuned for more about its worldwide premiere in 2023! May you all have a Happy holidays, Merry Christmas, & Happy New Year! Love you, guys! Xoxo”

Nakilala si Mikey dahil sa kanyang mga YouTube videos tungkol sa mga nakakatawang ginagawa ng mga Pinoy sa ibang bansa. Pinanganak at liumaki sa Toronto, Canada si Mikey at parehong Pinoy ang kanyang mga magulang. Kaya alam niya kung paano makiag-communicate at makisalamuha ang mga Pinoy sa sarili nilang paraan.

Bago sinubukan ni Mikey na magka-career dito sa Pilipinas, sumali ito sa Canadian Idol at nakapag-perform sa ilang clubs sa New York City. Dito sa Pilipinas, nakagawa siya ng nationwide TV commercial at naging endorser ng ilang food brands. Lumabas din siya sa ilang shows ng GMA-7 tulad ng Bubble Gang, Pepito Manaloto at Tweets For My Sweets. Nakasama rin siya sa comedy film na Sosy Problems.

Noong 2019, nag-out si Mikey bilang bisexual at inamin niya ang relasyon nito sa kanyang manager na si RJ Garcia.

Pinaglaway naman niya ang ilang beki netizens dahil sa mga paborta pics niya sa IG na resulta ng kanyang 15-month body transformation.

(RUEL J. MENDOZA)

Harap-harapang inisnab ng mga hurado ng ‘MMFF 2022’: ‘Family Matters’, deserving sa mga nominasyon at manalo ng major awards

Posted on: December 29th, 2022 by @peoplesbalita No Comments

NAGUSTUHAN namin ang light family drama na ‘Family Matters’, na film entry ng CineKo Productions sa 48th Metro Manila Film Festival, na kung saan ilang beses kaming naantig at nagpatulo ng mga luha.

Tagumpay ang blockbuster tandem ng filmmaker Nuel Naval at screenwriter Mel Mendoza-del Rosario dahil sapol na sapol ang pinag-uusapang pelikula, na tiyak na lahat tayo ay makaka-relate sa istorya ng Pamilya Florencio, at bato na lang ang puso sa hindi tatamaan kahit isang eksena.

Sa higit dalawang oras ang tinagal ng pelikula, pero hindi talaga namin ito tinayuan, kahit kailangan nang mag-cr, dahil bawat sandali ay mahalaga sa pagbuo ng mga karakter na mahusay na pinagtagni-tagni ng premyadong manunulat sa pelikula.

Naka-sentro sa dalawang mag-asawang senior na mahusay na ginampanan nina Noel Trinidad (na na-nominate bilang best actor) at Liza Lorena bilang Francisco at Eleonor.

Mayroon silang apat na anak na sina Kiko (Nonie Buencamino), ang panganay at matagumpay na anak; Fortune (Mylene Dizon), ang maybahay; Ellen (Nikki Valdez), na tumandang dalaga dahil sa pag-aalaga sa mga magulang; at Enrico (JC Santos), ang ‘menopause baby’ na palaging binu-bully.

Isang araw, biglang nagpasya si Ellen na umalis at ‘di nagpaalam para magbakasyon sa Amerika at makipagkita sa kanyang kasintahan online na si Chris.

Na nagdulot ng problema sa tatlong naiwang kapatid at nagpasya silang magpalitan sa pag-aalaga kina Francisco at Eleonor. At habang hinaharap ang problema, naglabasan at sumiklab ang mga isyu sa pagitan ng magkakapatid.
Sa pagitan ng tatlong aktres—sina Mylene, Agot Isidro (na gumanap bilang Odette, asawa ni Kiko), at Nikki, nagtagisan nga sila ng husay sa pag-arte, kaya para sa amin deserving silang ma-nominate sa best supporting actress category. Kung na-nominate si Nonie, ay may ‘k’ din si JC, na nagpakitang-gilas din sa pagganap.

Kahit sina James Blanco at Ian Pangilinan ay may kanya-kanyang highlights na kapansin-pansin.

Kaya marami talaga ang nadismaya sa mga dumalo sa Gabi Ng Parangal ng MMFF 2022 na ginanap noong December 27, sa New Frontier Theater sa Cubao, Quezon City, sa harap-harapang pang-iisnab sa ‘Family Matters’ ng mga hurado sa pagpili ng nominees at winners.

Ang tanging napanalunan ng naturang pelikula ay ang Gatpuno Antonio J. Villegas Award. Pero marami ang umasa na hahakot ito ng tropeo, kasama ang isa sa Best Picture, pero nalaglag ito sa nominasyon.

Kaya takang-taka ang mga nakapanood na ng pelikula dahil na wala man lang napanalunang major awards.

Lalo pa nga’t wala kang itulak-kabigin sa kahusayan ng buong cast, maayos at maganda ang screenplay, production design at cinematography pero hindi yata ito napansin ng mga hurado.

Anyway, highly recommended talaga ang ‘Family Matters’ na tiyak na tatatak sa puso ng mga Pinoy, na magbibigay ng pagpapahalaga sa bawat miyembro ng pamilya.

Hindi man sila pinalad sa Gabi ng Parangal, patuloy naman itong pinipilahan at pinupuri ng manonood na kung saan bali-balitang umakyat na sa ikatlong puwesto at napapanood na sa higit 100 theaters nationwide.

(ROHN ROMULO)

Pinas, nakikitang magiging 27th largest economy sa buong mundo sa 2037

Posted on: December 29th, 2022 by @peoplesbalita No Comments

NAKIKITANG tataas ang paglago ng ekonomiya ng bansa at makokopo ang 27th spot bilang biggest economy sa buong mundo sa 2037.

Sa World Economic League Table (WELT) 2023 ng Centre for Economics and Business Research (CEBR), ang pagtataya sa ulat, ang Pilipinas ay tatalon ng 11 notches sa rankings, magmumula sa electronics manufacturing sector.

“The Philippines is projected to continue its growth run in the coming years… lifting the country from 38th spot in the ranking as of 2022 to 27th by 2037,” ayon sa CEBR.

Inaasahan kasi ng CEBR na ang gross domestic product (GDP) ng Pilipinas ay makapagtatala ng isang average growth na 5.3% sa susunod na limang taon.

Sa pagitan ng 2028 at 2037, winika pa ng CEBR na “Philippines could keep a “relatively high” GDP growth “at a further 5% per annum.”

Tinuran ng CEBR na ang Pilipinas at iba pang bansa gaya ng Bangladesh at Vietnam, ay maaaring mapalakas ang kanilang katayuan sa pamamagitan ng “securing a niche in the global value chain and improving labor productivity.”

Matapos lumiit ng 9.5% noong 2020, kapansin-pansin naman ang pagbangon ng local economy mula sa pananalasa ng COVID pandemic simula pa noong nakaraang taon.

Nangako naman ang administrasyong Marcos na hindi na ito magpapatupad ng hard lockdowns upang mas lalong mapalakas ang economic activities.

“The economy has been buoyed by a tight labor market, with the share of the labor force not in work estimated to have fallen by 2.0 percentage points to 5.7% in 2022. The high number of people in employment is a key strength for the economy, ensuring that consumer spending can be supported in the short to medium term,” ayon sa CEBR.

Melindo humihingi ng suporta sa para sa kanyang championship fight

Posted on: December 29th, 2022 by @peoplesbalita No Comments

CEBU CITY-Huhihingi ng dasal at suporta sa mga kabakabayng pinoy si dating IBF at IBO light-flyweight world champion Milan “El Metodico” Melindo para sa pinakahihintay niyang championship fight sa darating na Enero 11, 2023 sa Cebu City Sports Center (CCSC) kung saan kanyang makakaharap ang isang Thailander na regional boxing champion.

Sa exclusibong panayam ng Bomboradyo Cebu, sinabi ni Melindo na gusto niyang muling umangat ang kanyang karera sa boxing at maging kampiyon muli sa dalawang magkaibang division matapos sa kanyang matagal na pahinga sa ring at tatlong sunod-sunod na pagkatalo sa Japan.

Pero hindi magiging madali ang kagustohan ni Melindo na may record na (38-5-14 KO’s) dahil makakaharap niya ang isang malakas na boxer na si Chaiwat Buatkrathok na may kargadang (38-7-25KO’s) at ang kasalukoyang WBC Asian Boxing Council Continental featherweight champion.

Sa nasabing laban pag-aagawan nina Melindo at Buatkrathok ang bakanteng Oriental Pacific Boxing Federation (OPBF) silver featherweight title sa loob ng 10 round bout.

Samantala, makakalaban naman ng reigning World Boxing Foundation (WBF) Australasian flyweight champion at pinoy boxer Kit Garces (5-0-4KO’s) ang kapwa Pinoy na si Noli James Maquilan(4-1-3KO’s) sa co-main event.

Bilang karagdagan, mayroong walong undercard bouts na itinampok sa fight card na in-line para sa Sinulog Festival 2023. . (CARD)

Worst is over, best is yet to come-Diokno

Posted on: December 29th, 2022 by @peoplesbalita No Comments

SINABI ni Finance Secretary Benjamin Diokno na habang “the global economy is likely to face a mild recession” sa 2023 matapos ang COVID-19 pandemic at pagsalakay ng Russia sa Ukraine, “the worst is over and better years are expected” para sa Pilipinas.

Sa isang kalatas, sinabi ni Diokno na ang Pilipinas ay “did very well in 2022,” tinukoy nito ang “political at economical wins.”

“After a modest recovery in 2021, GDP will likely grow much faster than the official target range of 6.5 to 7.5 percent this year,” dagdag na pahayag nito.

“All sectors will be surging, led by manufacturing and construction, while strong domestic demand is supplemented by exports,” wika pa ng Kalihim.

Ibinilang ni Diokno ang labor market bilang unemployment rate na dumulas sa pinakamababa na 4.5% at 4.6 million new jobs na nalikha noong Oktubre.

Sa kahalintulad na buwan, ang underemployment rate, o percentage na nangangailangan ng mas maraming oras ng trabaho ay dumausdos sa 14.2% habang ang average number ng oras ng trabaho ay tumaas

Base rin sa data, mas maraming Filipino, may edad na 15 pataas, ang nakiisa sa manggagawa, itaas ang labor force participation rate sa 64.2%.

Ang manufacturing sector ay “source of optimism” ayon kay Diokno.

“The S&P Global Philippines PMI (Purchasing Managers’ Index) has mostly been in an expansion mode, reaching 52.7 percent index points in November. Jobs in the manufacturing sector increased by 10.42 percent in October 2022 year-on-year as improved sales signaled business expansions and higher capacity use,” anito.

“The expanded job creation is a sign of future growth prospects for the sector. Looking ahead, output expectation in the next 12 months remains optimistic with hopes of demand expansions,” dagdag na pahayag nito.

Ani Diokno, ang lahat ng oil prices ay bumalik na sa level nito bago ang Russia-Ukraine conflict sa gitna ng pangamba sa global demand.

“Rising COVID cases and the strict quarantine measures in China have had dampening effects on crude oil prices and other energy commodities. In brief, the oil futures market remained in backwardation as of 29 November 2022, owing to weak demand due to production disruptions in China, tighter global financial conditions, and deteriorating world growth prospects,” paliwanag nito.

“Higher oil costs are also exerting pressure on domestic inflation, which soared to a 14-year high of 8% in November,” ayon sa ulat.

Samantala, inamin naman ni Diokno na ang inflation ay major concern para sa Philippine authorities, subalit sinabi nito na ang inflation ay magsisimulang gumaan sa susunod na taon, ang prediksyon na kalalabasan nito ay sa loob pa rin ng target band na 2% hanggang 4% sa 2024.

“This positive prediction is based on the very close coordination between monetary and fiscal authorities and the falling prices of oil and related commodities,” paliwanag nito.

‘Deleter’, big winner sa Gabi ng Parangal ng ‘MMFF 2022’: NADINE at IAN, waging best actress at best actor na, stars of the night pa

Posted on: December 29th, 2022 by @peoplesbalita No Comments

BIG winner ng horror-suspense movie na “Deleter” ng Viva Films sa Gabi ng Parangal ng Metro Manila Film Festival 2022 na ginanap sa New Frontier Theater sa Cubao, Quezon City, noong December 27.

Nagsilbing hosts sina Giselle Sanchez, Cindy Miranda at BB Gandanghari.

Si Nadine Lustre ang itinanghal na Best Actress para mahusay na pagganap sa “Deleter” kung saan nakalaban niya sina sina Ivana Alawi (Partners In Crime), Toni Gonzaga (My Teacher) at Heaven Peralejo (Nanahimik Ang Gabi).

Ang “Deleter” ang nakakuha ng Best Picture (Viva Films), Best Cinematography, Best Editing, Best Visual Effects, Best Sound at Best Director para kay Mikhail Red.

Waging Best Actor si Ian Veneracion para sa “Nanahimik Ang Gabi”. Kinabog niya ang early favorites na sina Jake Cuenca (My Father, Myself) at Noel Trinidad (Family Matters).

Double win din para kina Nadine at Ian dahil sila rin ang napiling Stars of the Night.

Sina Dimples Romana (My Father Myself) at Mon Confiado (Nanahimik Ang Gabi) naman ang napiling Best Supporting Actress at Best Supporting Actor.

Marami naman ang nadismaya sa pang-iisnab ng mga hurado ng MMFF 2022 sa “Family Matters” na inaasahang hahakot ng awards. Tanging ang Gatpuno Antonio J. Villegas Award ang natanggap nitong parangal.

Narito ang kumpletong listahan ng mga nagwagi sa Gabi ng Parangal ng MMFF 2022:

Best Picture: Deleter

2nd Best Picture: Mamasapano: Now It Can Be Told

3rd Best Picture: Nanahimik Ang Gabi

Best Actress: Nadine Lustre (Deleter)

Best Actor: Ian Veneracion (Nanahimik Ang Gabi)

Best Director: Mikhail Red (Deleter)

Best Supporting Actor: Mon Confiado (Nanahimik Ang Gabi)

Best Supporting Actress: Dimples Romana (My Father, Myself)

Best Screenplay: Eric Ramos (Mamasapano: Now It Can Be Told)

Fernando Poe Jr. Memorial Award for Excellence: Mamasapano: Now It Can Be Told

Gatpuno Antonio J. Villegas Award: Family Matters

Gender Sensitivity Award: My Teacher

Best Child Performer: Shawn Niño Gabriel (My Father, Myself)

Best Cinematogaphy: Deleter

Best Editing: Deleter

Best Production Design: Nanahimik Ang Gabi

Best Visual Effects: Deleter

Best Original Theme Song: “Aking Mahal” sung and composed by Atty. Ferdinand Topacio (Mamasapano: Now It Can Be Told)

Best Musical Score: Nanahimik Ang Gabi

Best Sound: Deleter

Best Float: My Father, Myself

Marichu Vera-Perez Maceda Memorial Award: Vilma Santos

(ROHN ROMULO)

Argentina lango pa din sa World Cup Fever

Posted on: December 29th, 2022 by @peoplesbalita No Comments

Hindi pa rin humuhupa sa Argentina ang mainit nilang pagkampeon ngayong taon ng FIFA World Cup.

Bukod sa may mga kasiyahan ay pilahan pa rin ang mga fans ng pagpapalagay ng tattoo.

Karamihan ng mga Argentinian ay nagpapatattoo ng larawan ng kanilang football star na si Lionel Messi.

Bukod aniya kay Messi ay pinapatatto nila ang trophy ng FIFA ganun din ang mukha ng goalkeeper na si Emiliano Martinez na siyang naging susi sa panalo nila kontra sa defending champion na France.

Magugunitang tinalo ng Argentina ang France sa pamamagitan ng penalty shootout dahil sa makailang beses na nagtabla ang kanilang laro kahit tapos na ang 90 minutes regulations. (CARD)

DSWD, tiniyak ang tulong sa mga taong apektado ng pagbaha sa Bicol, VisMin

Posted on: December 29th, 2022 by @peoplesbalita No Comments

NANANATILING “in close contact” ang Department of Social Welfare and Development (DSWD) sa.mga biktima ng malawakang pagbaha dahilan ng “shear line at northeast monsoon” sa ilang bahagi ng bansa.

Ayon sa impormasyon na ipinalabas ng Social Marketing Service (SMS) ng DSWD, patuloy na nagbibigay ang ahensiya ng kinakailangang tulong sa pamilya at indibiduwal na apektado ng pagbaha sa Eastern Visayas (Region VIII), Zamboanga Peninsula (Region IX) at Caraga Region.

Sa emergency meeting, araw ng Martes, ang lahat ng DSWD field offices ay nagbahagi ng updates ukol sa kanilang disaster response operations, kabilang na ang probisyon ukol sa family food packs at non-food items, at maging ang katayuan ng prepositioning relief goods sa iba’ibang lokalidad.

“As of Dec. 26,” mahigit sa P3.2 milyong halaga ng humanitarian assistance ang ibinigay ng DSWD sa Regions VIII, IX, at Caraga.

Iniulat naman ng DSWD offices sa tatlong rehiyon na mahigit sa 34,751 pamilya o 133,443 katao ang apektado ng weather disturbance.

Sa nasabing bilang, 12,154 pamilya o 51,386 katao ang kasalukuyang nasa temporary shelter sa 142 evacuation centers na itinayo ng local government units sa mga apektadong lugar.

May kabuuang 133 bahay sa tatlong rehiyon ang napinsala.

Sinabi naman ni Field Office V Regional Director Norman Laurio na mahigit sa 17,100 pamilya o 69,042 indibiduwal ang apektado ng flooding incident sa Bicol Region.

Tiniyak naman ng mga regional directors na ang kanilang mga disaster teams ay maayos na nag-deploy sa mga apektadong lokalidad para tumulong local government units sa pagsasagawa ng relief operations para sa kanilang apektadong constituents.

Sa kabilang dako, mahigit sa P1.6 milyong halaga ng tulong ang ipinagkaloob ng DSWD sa mga pamilyang apektado ng flash floods sa Bicol region.

Samantala, umapela naman ang DSWD na manatiling bigilante at sundin ang kautusan ng lokal na opisyal para matiyak ang kanilang kaligtasan.

Derrick Pumaren out na sa De La Salle University Green Archers

Posted on: December 29th, 2022 by @peoplesbalita No Comments

ISANG panibagong head coach ang nakatakdang magtimon sa grupo nina Evan Nelle, Mark Nonoy, Mike at Ben Philipps, Cyrus Austria at buong De La Salle University Green Archers men’s basketball team sa 86th season ng University Athletic Association of the Philippines (UAAP) tournament kasunod ng anunsyong hindi pagre-renew sa kontrata ni coach Derrick Pumaren ngayong taon.

Naging masalimuot ang sana ay malinaw na yugto ng Green Archers sa 85th season na punong-puno ng potensyal sa pagkakaroon ng malalim na roster na kinabibilangan rin nina Rookie of the Year Kevin Quiambao at one-and-done offensive guard na si Deschon Winston, subalit nauwi sa masaklap na paglagapak sa playoff berth kontra Adamson University Soaring Falcons upang magtapos sa ikalimang pwesto sa pagtatapos ng liga.

Ayon sa report ay napagdesisyunan ng mga opisyales ng koponan na hindi na palalawigin pa ang kontrata ng two-time UAAP at PBA champion coach sa pagtatapos nito sa Disyembre 31.

Minsan nang binitbit ni Pumaren ang DLSU sa kampeonato noong 1980 hanggang 1990 (Season 52 at 53) kontra Far Eastern University Tamaraws at University of the East Red Warriors sa pangunguna nina Jun Limpot at Johnedel Cardel.

Isa sa mga paborito ang DLSU Green Archers sa mga malalakas na koponan kabilang ang kampeong Ateneo Blue Eagles at University of the Philippines Fighting Maroons pagpasok ng season kasunod na rin ng matagumpay na kampanya sa FilOil EcoOil Preseason Cup at PBA D-League. (CARD)