2021 July Archive - People's Balita

Archive for July, 2021

Revised rules para sa “Green Lanes”, inaprubahan ng IATF

Posted on: July 26th, 2021 by @peoplesbalita No Comments

INAPRUBAHAN ng Inter-Agency Task Force (IATF) araw ng Huwebes, Hulyo 22, 2021, ang revised rules para sa “Green Lanes”.

Sinabi ni Presidential Spokesperson Harry Roque na ang pasahero na galing sa mga bansang kabilang sa green lanes ay magkakaroon lamang ng 7-day facility-based quarantine at RT-PCR testing matapos ang kanilang pang-limang araw na quarantine.

Kinakailangan aniya na lahat ng pasahero na galing sa gveen list countries ay magpakita ng unang-una ang pinanggalingan nila ay “Green List country/jurisdiction/territory” kungv saan ay nanatili ang mga ito ekslusibo sa Green List countries/jurisdictions/territories sa nakalipas na 14 na araw bago pa dumating ang mga ito sa Pilipinas at kailangan na ang mga ito ay fully vaccinated, “whether in the Philippines or abroad.”

Kinakailangan din aniya na ma-verify ang vaccination status ng mga ito, “independently” o makumpirma ng mga awtoridad sa Pilipinas bilang “valid and authentic upon arrival in the country.”

Para naman aniya sa mga bansa na kuwalipikado sa Green Lanes o mga pasahero na galing sa mga bansa na sakop ng green lanes, ang Bureau of Quarantine (BOQ) ay kailangang tiyakin ang mahigpit na symptom monitoring habang nasa facility quarantine ng 7 araw.

” Even if the RT-PCR test yields a negative result, the individual shall still complete the 7-day facility-based quarantine. If the RT-PCR test is, however, positive, prescribed isolation protocols must be followed. Upon completion of such quarantine, the BOQ shall issue a Quarantine Certificate which indicates the individual’s vaccination status. The individual is thereafter enjoined to do self-monitoring for the next 7 days,” ayon kay Sec. Roque.

Sa kabilang dako, para naman sa ibang mga pasahero na darating sa Pilipinas na hindi naman aniya galing sa green lanes ay kailangan pa rin na sumailalim sa 10-day facility-based quarantine at 4-day home quarantine, kabilang na ang RT-PCR test sa pang-7 araw.

Kinakailangan din aniya na ang mga ito ay galing sa non-Green List country/jurisdiction/territory, nanirahan na sa non- Green List country/jurisdiction/territory “14 days before their arrival in the Philippines.”, hindi pa aniya bakunado ang mga ito.

“Even if fully vaccinated, their vaccination status cannot be independently verified/confirmed by Philippine authorities as valid or authentic upon their arrival in the country,” ayon kay Sec.Roque.

Samantala, ang lahat naman ng mga pasahero maging ito man ay Filipino o dayuhan na nagta-transit sa pamamagitan ng non-Green List country/jurisdiction/territory ” shall not be deemed as having come from or having been to the said country/jurisdiction/territory

“Ibig sabihin, hindi po sila ta-tratuhin na para po silang ay nanggaling sa isang non-green country kung sila po ay nagta-transit doon lamang,” anito.

Kaugnay nito, nag-classify naman ang IATF ng Green List countries/jurisdictions/territories bilang low risk countries/jurisdictions/territories, batay na rin sa rekumendasyon Department of Health (DOH).

Sinabi ni Sec. Roque na ang pinagbatayan naman ng DoH para sa nasabing classification para sa mga sumusunod na metrics: para sa populasyon na mas higit pa sa 100,000, ang incidence rate (cumulative new cases over the past 28 days per 100,000 population) ay mas mababa pa aniya sa 50; at para naman aniya sa populasyon na “less than 100,000,” ang COVID-19 case counts (cumulative new cases over the past 28 days) ay hindi naman mas maliit sa 50, “as prescribed by its Technical Advisory Group.” (Daris Jose)

Higit 5,000 dagdag na COVID case sa PH, halos 100 bagong nasawi – DOH

Posted on: July 26th, 2021 by @peoplesbalita No Comments

Mula sa 6,216 kahapon, bahagyang bumaba sa 5,479 na ngayong araw ng Linggo ang bagong dagdag na kaso ng Coronavirus Disease (COVID-19) sa bansa.

Sa tala ng Department of Health (DOH) nitong alas-4:00 ng hapon, umakyat na sa kabuuang 1,548,755 ang mga tinamaan ng deadly virus sa Pilipinas.

Sa ilalim ng lingguhang “Oplan Recovery,” inulat ng DOH ang 5,573 na bagong recoveries kung saan nasa 1,467,269 na ang bilang ng mga gumaling mula sa COVID.

Nasa 27,224 naman ang kabuuang bilang ng mga nasawi matapos madagdagan ngayong Linggo ng 93.

Kasabay ng unang Linggo ng Hulyo, kabuuang 52,708 ang aktibong kaso ng COVID sa Pilipinas. (Daris Jose)

3 patay, 5 sugatan; pag-ulan asahan pa rin – NDRRMC

Posted on: July 26th, 2021 by @peoplesbalita No Comments

Iniulat ng National Disaster Risk Reduction Management Council (NDRRMC) na tatlo ang naitalang nasawi habang lima ang sugatan dahil sa matinding pag-ulan at malakas na hanging dulot ng habagat.

Ayon kay NDRRMC spokesperson Mark Timbal, isa ang namatay matapos tamaan ng bumagsak na punong-kahoy habang dalawa ang natamaan ng kidlat.

Dagdag pa ni Timbal, sumampa na sa 44,563 individuals ang inilikas at kasalukuyang tumutuloy sa 81 evacuation centers nationwide dahil pa rin sa southwest monsoon.

Dahil dito, pinag-iingat ng NDRRMC ang publiko dahil kahit wala na ang Bagyong Fabian sa Norte ay magdudulot pa rin ng pag-ulan ang habagat.

Nabatid na ilan sa mga siyudad sa Metro Manila ay binaha dahil sa patuloy na pag-ulan.

Samantala sa panig ng PAGASA (Philippine Atmospheric, Geophysical and Astronomical Services Administration), dahil sa patuloy na habagat, ang Metro Manila, Ilocos Region, Abra, Benguet, Zambales, Bataan, Pampanga, Bulacan, Cavite, Batangas, Occidental Mindoro, at Calamian Islands, ay makakaranas pa rin ng monsoon rains.

Makakaranas naman ng maulap na panahon na may kasamang kalat-kalat na pag-ulan at thunderstorms, ang Cagayan Valley, Antique, at nalalabing bahagi ng Cordillera Administrative Region, Central Luzon, Cavite-Laguna-Batangas-Rizal-Quezon, at Mindoro-Marinduque-Romblon-Palawan.

Habang ang ibang lugar sa bansa ay magkakaroon ng bahagyan hanggang maulap na panahon na may kalat-kalat ng pag-ulan at thunderstorms.

Pina-alalahanan din ng PAGASA na posibleng magkaroon ng flash floods o landslides sa mga nabanggit na lugar dahil sa habagat. (Gene Adsuara)

Signal jamming sa ilang lugar sa QC, asahan – NCRPO

Posted on: July 26th, 2021 by @peoplesbalita No Comments

Kinumpirma ni National Capital Region Police Office (NCRPO) chief, M/Gen. Vicente Danao na magpapatupad sila ng signal jamming sa ilang bahagi sa Quezon City bukas, ang huling State of the Nation Address (SONA) ni Pangulong Rodrigo Duterte.

Pinapayagan na rin ang mga magpoprotesta sa ilang mga piling lugar sa Quezon City.

Ayon kay Danao may mga specific areas na hindi gagana ang signal dahil may ilalagay silang jammer.

Binigyang-diin ni Danao, para maiwasan ang bigat ng daloy ng trapiko at pigilan ang transmission ng COVID-19 virus, nagkasundo ang Quezon City authorities at mga raliyesta na ang mga anti-government protests ay gagawin sa limitadong lugar.

Ayon sa heneral, hanggang sa St. Peters church sa Tandang Sora ang maximum na pwedeng puntahan ng mga protesters.

Magkakaroon din ng pro-Duterte rallies sa lugar kung saan una ng napagkasunduan.

Hiniling naman ng PNP sa mga organizers ng mga magsasagawa ng kilos protesta na mahalaga na ibigay ng mga organizers ang pangalan ng lahat na lumahok sa rally para sa contact tracing.

Sa kabilang dako, inihayag ni Danao na walang namo-monitor na banta sa seguridad ang PNP sa SONA ng pangulo.

Nasa 15,000 police personnel kasama ang mga force multipliers ang idi-deploy ng PNP para magbigay seguridad sa SONA. (Daris Jose)

Pinas may ‘local transmission’ na ng Delta variant

Posted on: July 24th, 2021 by @peoplesbalita No Comments

Sinang-ayunan na ng Department of Health (DOH) ang opinyon ng ekspertong si Dr. Rontgene Solante na posibleng mayroon nang ‘local transmission’ ng mas mapanganib na Delta variant ng COVID-19 sa Pilipinas.

Ayon kay Health Undersecretary Maria Rosario Vergeire, bagama’t kalat-kalat ang mga natuklasang Delta variant cases, nagpatupad na agad sila ng reaksyon para sa ‘local transmission’.

Sa kabila ng mga pa-ngamba na hindi makakayanan ng ‘health system’ ng Pilipinas ang panibagong surge kagaya ng nangyayari sa Indonesia, tiniyak ng DOH na ginagawa nila ang lahat ng paraan para maiwasan ito at inihahanda ang lahat ng pagamutan sa posibilidad na pagkalat ng variant.

Kailangan umanong magtulungan ang nasyunal at lokal na pamahalaan para mapalakas ang healthcare system. Ito ay sa pamamagitan ng pagtiyak na sapat ang COVID-19 beds, ICU at TTMF bed capacity, gamot at oxygen tanks at mga healthcare workers.

Kailangan rin ng pagtulong ngpubliko sa simpleng paraan ng pag-praktis sa ‘minimum public health standard’ at boluntaryong pagpapabakuna. (Daris Jose)

‘Kontrabida’ ni NORA, mukhang hinahanapan pa ng magandang playdate

Posted on: July 24th, 2021 by @peoplesbalita No Comments

GUSTO namin batiin si Roderick Paulate or Kuya Dick sa kanyang nominasyon sa 34^th Star Awards for TV as Best Supporting Actor para sa GMA 7 series na One of the Baes.

We don’t know kung ilang beses na nagwagi sa PMPC Star Awards for TV si Kuya Dick pero we are sure na masaya siya sa kanyang bagong nominasyon.

In a recent talk, we asked him ano ba ang kanyang pakiramdam whenever he gets an award nomination?

“Siyempre lagi naman tayong nagpapasalamat for the recognition. Nakatutuwa at muli tayong napansin. A nomination serves as validation good work. Nakatutuwa na marami pa rin ang naniniwala sa ating munting kakayahan bilang actor,” wika ni Kuya Dick.

Nakatapos na si Kuya Dick ng isang movie para sa TREX Entertainment titled Mudrasta pero wala pa kaming balita kung kailan ang showing ng pelikula.

Marahil ay naghihintay si Mr. Rex Tiri, ang amiable owner ng TREX Entertainment, sa pagbubukas ng mga sinehan at saka niya ipalalabas ang Mudrasta.

Hindi naman kami sure kung may balak siyang isali ang Mudrasta sa MMFF sa December, lalo na kung streaming ang screening at hindi pa rin bukas ang sinehan.

Mahirap magtiwala sa streaming kasi baka ma-pirate ang movie tulad ng nangyari sa Anak ng Macho Dancer.

Anyway, marami sa mga fans ni Kuya Dick ang nasasabik na muling mapanood ang award-winning actor sa pelikula at telebisyon. Kaya nakaabang sila kung kailan ipalalabas ang Mudrasta na dinirek ni Julius Alfonso.

***

KAILAN kaya ipalalabas ang Kontrabida, ang bagong movie ni Superstar Nora Aunor para sa Godfather Films ni Joed Serrano?

Malakas ang dating ng Kontrabida, na dinirek ni Adolf Alix, Jr. lalo nang lumabas ang larawan ni Ate Guy na kuha sa pelikula na ibang-iba ang kanyang dating.

Maging ang publicity pictorial ni Ate Guy ay kakaiba rin ang arrive! Halatang pinag-isipan para bigyan ang aktres ng aura of a great actress.

Siguro nag-aabang din si Joed ng magandang playdate para sa showing ng Kontrabida. Pwedeng naghihintay rin siya sa pagbubukas ng mga sinehan.

Kung sakaling magbukas na ang cinemas, pwede pa rin naman mag-impose ng protocol. Kailangan ka rin magsuot face mask at face shield. At yung mga bakunado lamang ang pwedeng manood just to ensure everybody’s safety.

Tapos one seat or two seats apart pagpasok sa sinehan, na well-disinfected.

Hay, sana nga magbukas na ang mga sinehan.

***

NAKITA naman ang mga pangalan nina Robin Padilla, Willie Revillame at Raffy Tulfo sa listahan ng senatorial candidates ng administration party.

Alam kaya nina Robin, Willie at Raffy na nandoon ang pangalan nila?

Next question, bukal ba sa puso nila ang pagtakbo sa senado or hindi lang sila makahindi sa administrasyon?

Walang experience sa politics sina Robin, Willie at Raffy. Alam kaya nila kung gaano kahirap ang trabaho ng isang senador?

Hindi lang basta papogi ang paggawa ng batas. Hindi madali makipag-debate. Siguro naman aware sila kung paano pinakain ng alikabok ni Sen. Franklin Drilon si Sen. Bong Go sa debate.

Kung kami sina Robin, Willie at Raffy, pag-iisipan namin nang maraming beses kung dapat bang tumakbo bilang senador.

It requires expertise and knowledge of parliamentary procedures.

Maaari naman silang makatulong sa mga taong bayan kahit na hindi sila tumakbong senador.

(RICKY CALDERON)

‘Rastro’ fans nina RHIAN at GLAIZA, nabubuhay na naman dahil sa mga post nina KYLIE at ANDREA

Posted on: July 24th, 2021 by @peoplesbalita No Comments

KUNG dati ay talagang may pag-iwas sina Dominic Roque at Bea Alonzo na mag–post na magkasama sila, ngayon, open na ang mga ito.

Nagpo-post na sila ng mga ganap nila habang magkasamang nagbabakasyon sa U.S. at tina-tag na rin nila ang isa’t-isa. Tulad nga ng recent camping nila.

In fairness sa dalawa ha, physically bagay ang mga ito. Ang ganda nilang tingnan together. Siguro nga kung ang pagbabasehan ng tulad ng ginagawa ng iba na sa status ng career ay hindi magka-level, bilang isang Queen na ang status ni Bea, e, ano naman, wala naman talagang level o status kapag love na ang pinag-usapan.

Iba naman ang level o status ha sa may nasasagasaan halimbawa may iba na palang karelasyon. Both single naman sila.

Marami rin netizens na kinikilig sa dalawa at nagko-comment na “kilig na kilig ako!” “rooting for them.”

Pero may netizen din na nakapansin na tila parang paligsahan daw ng mga ganap ang BeaDom at JuRalds naman na sina Julia Barretto at Gerald Anderson, huh!

***

HANGGANG ngayon, buhay na buhay pa rin ang mga naging fan nina Glaiza de Castro at Rhian Ramos dahil sa naging serye nilang The Rich Man’s Daughter.

Napakaraming naging fan ng dalawa at umasang totohanan ang mga roles nila.

Nabubuhay na naman ang mga fan nila na karamihan ay lesbian dahil sa mga post nina Kylie Padilla at Andrea Torres. Obviously, tulad nina Glaiza at Rhian, mga lesbian din ang characters na gagampanan nina Kylie at Andrea.

Nag-comment si Glaiza nang, “awooo” sa post ni Kylie. Ang dami na agad nag-comment kay Glaiza at halos iisa ang sinasabi, lahat ay nagtatanong dito kung kailan daw babalik ang Rastro.

“Glai, ‘wag mong sabihin na wala ng rastro?”

“Anong awoo te glai??? Di pa kami tapos sa rastro.”

“Waiting pa rin sa rastro comeback.”

“Sana di mo pa rin kami nakakalimutan, ‘yung mga rebels mo.”

Ang rastro ay ang nabuong pangalan ng mga fan ng “loveteam” nina Rhian at Glaiza.

(ROSE GARCIA)

Ads July 24, 2021

Posted on: July 24th, 2021 by @peoplesbalita No Comments

PDu30, walang babanggitin na kahit na anumang political plans para sa 2022 sa kanyang final SONA

Posted on: July 24th, 2021 by @peoplesbalita No Comments

SINABI ng Malakanyang na walang babanggitin na kahit na anumang political plans para sa 2022 si Pangulong Rodrigo Roa Duterte sa kanyang huling State of the Nation Address (SONA).

“Siguro po hindi mapapasama ang kanyang mga planong politikal,” ayon kay Presidential Spokesperson Harry Roque said.

“Ang importante is the roadmap for his last year in office,” dagdag na pahayag nito.

Matatandaaang sinabi ng Pangulo na seryoso niyang pinag-iisipan ang pagtakbo bilang bise-presidente sa 2022 elections.

Tumatayong chairman ng PDP-Laban si Duterte na una nang hinimok ng kanyang mga kapartido na tumakbong bise-presidente sa eleksiyon sa susunod na taon.

Nauna rito, sinabi ni Sec. Roque na nakatuon ang pansin ng Pangulo para sa kanyang final SONA sa Hulyo 26 sa mga hakbang na kailangan para umunlad ang bansa.

“He will focus on social programs, infrastructure, peace and security, foreign policy…he will address what and where we are now and looking forward to his final year,” ayon kay Sec.Roque. (Daris Jose)

Ridley Scott, Back In A New Historical Epic Film ‘The Last Duel’

Posted on: July 24th, 2021 by @peoplesbalita No Comments

DIRECTOR Ridley Scott is back with a new historical epic film titled The Last Duel, starring Matt Damon, Adam Driver, Jodie Comer, and Ben Affleck, based on a real-life trial by combat.

The director of the films The Martian, Black Hawk Down, and Gladiator will now tell a story set in the midst of the Hundred Years War.

Watch the trailer for The Last Duel below: https://www.youtube.com/watch?v=_neyKOWX9z0

The film is based on the actual events written in Eric Jager’s book The Last Duel: A True Story of Crime, Scandal, and Trial by Combat in Medieval France. It tells the story of the respected knight Jean de Carrouges, his wife Marguerite, and the well-revered Norman squire Jacques Le Gris.

When Le Gris assaults Marguerite, the woman refuses to stay silent and steps forward to accuse him of the crime. This results to a trial by combat which pits Le Gris against Jean de Carrouges in a grueling fight to the death.

“When etiquette, social aspirations and justice were driven by the codes of chivalry, the consequences for defying the institutions of the time – the Church, the nobility at court, a teenage king – could be severe. For a woman navigating these violent times, one who had no legal standing without the support of her husband, the stakes were even higher,” the press release for the film teased.

The movie is Damon and Affleck’s first writing collaboration since their breakthrough movie Good Will Hunting back in 1995, and it’s Scott’s first film since All the Money in the World and Alien: Covenant, both of which were released in 2017.

This is one of two new Scott movies that will be showing this year — the biographical drama House of Gucci, starring Driver and Lady Gaga, arrives in November.

The Last Duel is produced by 20th Century Studios and set to release on October 15.

(ROHN ROMULO)