2021 July 22 Archive - People's Balita

Archive for July 22nd, 2021

JENNICA, tinatarayan ang mga bashers na nag-iisip na gumigimik lang sila ALWYN

Posted on: July 22nd, 2021 by @peoplesbalita No Comments

ANG haba ng paliwanag ni Jennica Garcia sa kanyang Instagram account dahil sa isa o dalawang netizens na kinontra ang post niya.

Nag-post kasi si Jennica na tipong isinama siya ng tropa niya, pero parang sa couple’s trip daw pala at siya lang ang walang lovelife.

Madali naman talagang mai-imply ng post niya na barkadang lakad ito at single siya o sa pagkakataon na ‘yun, walang kasamang iba. Eh, ang siste, may mga nakakita sa kanila at nag-react sa post niya.

May nag-”Don’t Me, Don’t Us” kay Jennica at may nagsabi rin na “Showbiz nga naman.” Dahil nagkaroon ng impression na parang gumi-gimmick lang ito.

Kasama pala at katabi pa raw ni Jennica ang asawa na si Alwyn Uytingco at kasama rin ang dalawa nilang anak.

Ang haba-haba ng paliwanag ni Jennica at sinasabi niyang ‘di-porke’t hiwalay na ang mag-asawa, hindi na puwedeng magkasama. At binibigyang diin din niya na co-parenting sila at para sa kapakapanan ng dalawang anak nila. At ‘di rin ‘yun ang huling beses na magkakasama raw sila ni Alwyn.

May katarayan din si Jennica na mag-address ng comment sa kanya. Nagkalat ang bashers at haters sa social media. At kung gaano ino-open ng mga artista ang buhay nila sa socmed na aminin, malaki rin ang pakinabang nila, dapat handa rin ang mga ito na hindi lahat, positibo at sasang-ayon na lang sa lahat ng ipo-post nila.

Sa pagkakataong ito, hindi masisisi ang netizen na nakakita at nag-comment dahil sa implication na rin ng una niyang pinost.

***

ANG bilis makahalata o makaramdam ni Dennis Trillo.

Ito ang naging impression namin nang sa halip na ang isa sa gumaganap na misis niya sa bago niyang drama, ang Legal Wives na si Alice Dixson ang sumagot agad ng tanong, parang sumaklolo si Dennis rito.

Tinanong kasi ang main cast ng bagong primetime series ng GMA-7 na Legal Wives kung ‘yung situation nila sa serye, naranasan na nila sa totoong buhay.

Si Alice kasi ang unang asawa rito, pero tulad ng tatakbuhin ng istorya bilang isang Muslim, nagkaroon pa siya ng dalawa pang kaagaw na babae na naging legal wives din.

Ang tagal ni Alice na makasagot at tila ba nag-iisip ito kung sasagutin o hindi ang tanong. At do’n na to the rescue si Dennis na nagprisinta na siya na raw ang sasagot.

No wonder, only good words lang talaga ang lahat sa tinaguriang Kapuso Drama King. Lalo na nga ang tatlo niyang asawa sa serye na bukod kay Alice, may Andrea Torres at Bianca Umali pa.

(ROSE GARCIA)

COVID-19 reproduction number sa NCR tumaas – OCTA

Posted on: July 22nd, 2021 by @peoplesbalita No Comments

Tumaas ng may 11 percent ang average daily new cases sa National Capital Region (NCR) o may 701 mula July 13 hanggang July 19, mas mataas sa dating daily average case na wala pang 700 kaso sa nagdaang apat na linggo.

Ayon sa OCTA Research Team na ang pagbabagong ito ay isang bagay na dapat bigyang pansin ng pamahalaan dahil nakakaalarma ito kahit na masyado pang maaga para matiyak na magpapatuloy pa ang pagtaas ng kaso sa mga darating na linggo.

Ayon sa OCTA team ang Maynila at Makati ay pawang nakapagtala ng high reproduction numbers na mula 1.1 at 1.4.

“This indicates an increasing trend in new cases in these two LGUs. Manila had a one-week growth rate of 35% while Makati had a one-week growth rate of 29%,” ayon sa OCTa group.

Ilang LGUs na may one-week growth rates ay Valenzuela, Pasay, Marikina, at Parañaque.

Ayon sa OCTA group sa labas ng NCR, ang Mariveles ang nananatiling “very high risk” sa COVID-19 habang ang Davao City, Cebu City, Bacolod, Iloilo City, Makati, Cagayan de Oro, Baguio City, General Santos, Laoag, Lapu Lapu, at Butuan ay kinokonsidera nilang “high risk”.

Ang Maynila naman at Laoag ay may matinding pagtaas ng bagong kaso sa araw-araw habang ang Cebu City, Laoag, Lapu Lapu, at Mariveles ay may sobrang taas na infection rates.

James Wan’s ‘Malignant’ First Trailer Reveals A Terrifying New Horror Movie

Posted on: July 22nd, 2021 by @peoplesbalita No Comments

FROM the mind behind the ‘Conjuring’ universe comes this new terrifying horror movie, Malignant.

The first trailer is here, from the director who brought you “Saw,” “Insidious,” and “The Conjuring” and watch below:https://www.youtube.com/watch?v=nnr8w5lRhC4&t=146s

Malignant is the latest creation from “Conjuring” universe architect James Wan (“Aquaman,” “Furious 7”). The film marks director Wan’s return to his roots with this new original horror thriller.

The film is pretty spooky. After many cryptic hints, we finally have a proper look at the horror maestro’s new nightmare about a woman being chased by what she thought was her imaginary friend.

In the film, Madison is paralyzed by shocking visions of grisly murders, and her torment worsens as she discovers that these waking dreams are in fact terrifying realities.

Malignant stars Annabelle Wallis (“Annabelle,” “The Mummy”), Maddie Hasson (YouTube’s “Impulse,” TV’s “Mr. Mercedes”), George Young (TV’s “Containment”), Michole Briana White (TV’s “Black Mafia Family,” “Dead to Me”), Jacqueline McKenzie (“Palm Beach,” TV’s “Reckoning”), Jake Abel (TV’s “Supernatural,” the “Percy Jackson” films) and Ingrid Bisu (“The Conjuring: The Devil Made Me Do It,” “The Nun”).

Wan (“Aquaman,” “Furious 7”) directed from a screenplay by Akela Cooper (“M3GAN,” upcoming “The Nun 2”), story by Wan & Ingrid Bisu and Cooper. The film was produced by Wan and Michael Clear, with Eric McLeod, Judson Scott, Bisu, Peter Luo, Cheng Yang, Mandy Yu and Lei Han serving as executive producers.

Behind the scenes, Wan was joined by his frequent collaborators, director of photography Don Burgess and editor Kirk Morri (“Aquaman,” “The Conjuring 2”), production designer Desma Murphy (art director, “Aquaman,” “Furious 7”), as well as costume designer Lisa Norcia (“Insidious: The Last Key”). The music is by Joseph Bishara, who has composed the score for all seven films in “The Conjuring” Universe, among many others.

Malignant, like the rest of Warner Bros.’ 2021 lineup, is going to get a day-and-date release in theaters and on HBO Max, so you get to scream and be afraid no matter where you decide to watch the film.

The film will be released on September 10 and soon in Philippine cinemas.

(ROHN ROMULO)

19 Pinoy athletes palaban sa Olympic Gold — Ramirez

Posted on: July 22nd, 2021 by @peoplesbalita No Comments

Habang papalapit ang Tokyo Olympic Games ay lalong lumalakas ang paniniwala ni Philippine Sports Commission (PSC) chairman William “Butch” Ramirez na makakamit ng bansa ang kauna-unahang Olympic gold medal.

Ito ay sa kabila ng matinding kompetisyon na sasabakan ng 19 Pinoy athletes sa kani-kanilang events sa quadrennial event na magsisimula sa Hulyo 23.

“The 19 athletes we have, sa pananaw ko, this is the strongest and most prepared (contingent),” sabi ni Ramirez kahapon sa isang online press conference.

Pamumunuan nina 2016 Rio de Janeiro Olympics silver medalist Hidilyn Diaz, 2021 US Women’s Open champion Yuka Saso at world champion gymnast Carlos Edriel Yulo at boxer Nesthy Petecio ang tropa.

“It’s historic, as presiding chairman, I might be a witness of the first gold,” wika ng 71-anyos na PSC chief na nakatakdang magtungo sa Tokyo sa Hulyo 22.

Hangad ng bansa ang mailap na Olympic gold sapul nang lumahok noong 1924 sa Paris, France.

Kumpiyansa rin si Ramirez sa tsansa sa Olympic gold nina pole vaulter Ernest John Obiena, boxer Eumir Felix Marcial at skateboarder Margielyn Didal.

Ayon sa PSC head, higit sa P2 bilyon ang ginastos ng sports agency para sa training, foreign exposures at iba pang gastusin ng mga national athletes.

Ang iba pang tatarget ng medalya sa Tokyo Olympics ay sina boxers Irish Magno at Carlo Paalam, shooter Jayson Valdez, judoka Kiyomi Watanabe, taekwondo jin Kurt Barbosa, golfers Juvic Pagunsan at Bianca Pagdanganan, swimmers Luke Gebbie at Remedy Rule, trackster Kristina Knott, rower Chris Nievarez at weightlifter Elreen Ando.

Paglabas ng mga bata, suspendihin – Metro Manila

Posted on: July 22nd, 2021 by @peoplesbalita No Comments

Nais ngayon ng mga alkalde ng Metro Manila na manatili pa rin sa loob ng mga bahay ang mga bata na may edad limang taon pataas kasunod ng banta ng mas mapanganib na Delta variant.

Sinabi ni Parañaque Mayor Edwin Olivarez, chairman ng Metro Manila Council (MMC), na inirekomenda na nila sa Inter-Agency Task Force on Emerging Infectious Diseases (IATF) na bawiin muna ang resolusyon na nagpapalabas na sa mga bata .

“Kahapon nagkaroon kami ng consensus ng mga mayors sa Metro Manila, lahat ng mga LGU ng National Capital Region na i-defer muna itong pagpapatupad ng 5-years old to 17 years old na papayagang lumabas ng kanilang tahanan,” ayon kay Olivarez.

“Ang recommendation ng ating Metro Manila Council, totally bawal muna po dahil nga po itong binabantayang Delta variant na alam naman po natin more contagious at transmissible,” dagdag niya. Sang-ayon naman dito si Dr. Rontgene Solante, isang infectious diseases expert, na nagsabi na sa kabila na mababa ang kaso ng COVID-19 sa mga bata, wala pa ring ‘exemption’ sa edad kung mahahawa ng Delta variant.

Samantala, umaasa pa rin si Olivarez na maaabot ng Metro Manila ang ‘population protection’ sa buwan ng Nobyembre.

Ayon kay Olivarez, gumaganda na ngayon ang usad ng ‘vaccination program’ ng mga lokal na pamahalaan sa National Capital Region (NCR) dahil sa pagdating ng mga bagong suplay ng bakuna.

Target umano ng lahat ng alkalde na maabot ang ‘population protection’ sa Nobyembre para naman magkaroon na ng maayos at mas masayang Pasko ang mga mamamayan.

Ngunit lahat ng ito ay magdi-depende pa rin umano sa pagdating ng mas marami at tuluy-tuloy na suplay ng bakuna. (Daris Jose)

Pinas pinaghahanda sa ‘worst-case scenario’ vs Delta variant

Posted on: July 22nd, 2021 by @peoplesbalita No Comments

Kailangan maghanda ang Pilipinas para sa isang “worst-case scenario” laban sa posibleng pagkalat ng mas nakakahawang Delta coronavirus variant.

Ayon kay Dr. Gene Nisperos, board member ng non-governmental organization Community Medicine Development Foundation, hindi pa rin kasi sapat ang testing na ginagawa sa ngayon at mabagal din ang rollout ng pagbabakuna para maiwasan sana ang transmission ng Delta variant sa bansa.

Hindi na aniya dapat mangyari pa ulit ang sitwasyon noong nakaraang taon nang ipinagkibit-balikat noong simula ang COVID-19 pandemic.

Sa ngayon, mayroon pang walong active cases ng Delta variant sa Pilipinas, kasunod ng isinagawang retests sa mga pasyente na dating kinunsidera nang recovered.

Inamin ng Department of Health (DOH) na posibleng mayroong undetected infections ng mas nakakahawang variant ng coronavirus sa ngayon.

Sa walong active Delta variant cases, apat ang sa Cagayan de Oro, isa ang sa Manila, isa rin sa Misamis Oriental, habang dalawa naman ang mga Pilipino na dumating sa bansa galing abroad.

Para mapigilan ang pagkakaroon ng isa pang surge, sinabi ng mga health officials na kailangan maghanda ng mga komunidad sa presensya ng Delta variant.

Magugunita na huling nakaranas ng surge ang Pilipinas noong Marso, kung saan umaabot ng hanggang 10,000 kaso kada araw ang naitala. (Daris Jose)

24-HOUR CURFEW SA MINORS, IPINATUPAD MULI SA NAVOTAS

Posted on: July 22nd, 2021 by @peoplesbalita No Comments

DAHIL sa pagtaas ng kaso ng coronavirus disease, inihayag ng Pamahalaang Lungsod ng Navotas na ipatutupad muli ang 24 na oras na curfew para sa mga menor de edad.

Ayon kay Mayor Toby Tiangco, noong July 17, iniulat ng COVIDKAYA na ang Navotas ay nakapagtala ng 105.06% 2-week growth rate ng COVID cases, ang pinakamataas sa Metro Manila.

“In June, we had the lowest average daily attack rate in the region. We even recorded 41 active cases on June 25. Now, our active cases have multiplied almost four times. We cannot be complacent. We need to implement additional measures to keep our people safe, especially the children and vulnerable sectors,” paliwanag niya.

“Each of us wants our life to go back to normal. However, we are facing a pandemic and we need everyone’s support and cooperation in keeping each other safe,” dagdag niya.

Nauna rito, ang Inter-Agency Task Force for the Management of Emerging Infectious Diseases (IATF) ay nagpasa ng resolusyon na pumapayag sa mga kabataang edad 5 pataas na maaaring lumabas sa mga lugar na nasa ilalim ng general community quarantine at modified GCQ.

Ang Navotas ay naghahanda na sa pagpapatupad sa naturang polisiya subalit, nagpasyang pigilan ito dahil sa patuloy na pagtaas ng COVID cases.

Hanggang July 18, ang Navotas ay nakapagtala ng 11,244 cases, 10,713 dito ang mga gumaling, 154 ang active, at 377 ang mga namatay. (Richard Mesa)

Ads July 22, 2021

Posted on: July 22nd, 2021 by @peoplesbalita No Comments

Giannis nagbuhos ng 50-pts. sa pagkampeon ng Bucks after 50-yrs.

Posted on: July 22nd, 2021 by @peoplesbalita No Comments

Sa wakas kinoronahan na rin ang Milwaukee Bucks bilang NBA world champions makaraang tinapos na rin nila Finals series sa Game 6 laban sa mahigpit na karibal na Phoenix Suns sa score na 105-98.

Nagtapos ang serye sa 4-2.

Inabot din ng 50 taon bago muling nakatikim ng kampeonato ang Bucks na huling nangyari ay noon pang taong 1971 sa panahon ng basketball legend na si Kareem Abdul-Jabbar at Oscar Robertson.

Mula sa first quarter ay hindi na nagpabaya ang Bucks at agad nilang tinambakan ang kalaban.

Pagsapit ng 2nd quarter ay humabol ang Suns at nalimitahan nila ang Bucks sa kakarampot na 13 puntos lamang.

Pagsapit ng third ay bumawi ang Bucks at nagtabla ang score sa 77 sa pagtapos ng quarter.

Ang two-time MVP na si Giannis Antetokounmpo ay nagpakita ng pinakamatindi at historic peformance nang magbuhos ng 50 points.

Sa first half pa lamang ay tumipon na siya ng 33 points.

Binansagang mala-halimaw ang ipinakita ni Giannis nang magpasok ng 16 sa field goals mula sa 25 attemps, sa free throw isa lamang ang sumably gamit ang 16-of-17, liban pa sa meron siyang 14 rebounds at five blocks sa 42 minitues na paglalaro.

“People told me I can’t make free throws,” ani Giannis. “I made my free throws tonight and I’m a freakin’ champion!”

Kaya naman para sa lahat, hands down siyang winner o unanimous bilang finals MVP.

Bagamat medyo inalat sina Khris Middleton na nagpakita ng 17 puntos at si Jrue Holiday ay may 12, binibit naman nila si Giannis.

Sa panig ng Suns, nasayang ang diskarte nina Chris Paul at may 26 points at si Devin Booker ay nagtapos sa 19 points.

Samantala, batay naman sa NBA history si Antetokounmpo ang unang foreign-born Finals MVP mula nang mapili rin si Dirk Nowitzki noong taong 2011.

Napasama na ngayon si Giannis sa grupo ni Michael Jordan bilang taong players na nanalo ng NBA MVP, Finals MVP, All-Star Game MVP at Defensive Player of the Year sa kanilang career.

Ang pagkakaiba ngayon niya kay Jordan, si Antetokounmpo ay nakuha ang apat na prestihiyosong awards sa loob lamang ng dalawang seasons.