2021 May Archive - People's Balita

Archive for May, 2021

6 drug suspects nadamba sa buy bust sa Valenzuela

Posted on: May 10th, 2021 by @peoplesbalita No Comments

REHAS na bakal ang kinasadlakan ng anim na hinihinalang sangkot sa ilegal na droga matapos matimbog sa magkahiwalay na buy bust operation ng pulisya sa Valenzuela city, kahapon ng madaling araw.

Sa imbestigasyon ni PCpl Christopher Quiao, dakong 3:20 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo sa ilalim ng pangangasiwa ni P/Col. Ramchrisen Haveria Jr. ng buy bust operation sa 36 Batimana, Brgy. Marulas.

Kaagad sinunggaban ng mga operatiba si Jonathan Ebacuado alyas “Ethan”, 29, matapos bentahan ng P500 halaga ng droga ang isang undercover police na nagpanggap na buyer.

Kasama ring inaresto ng mga operatiba sina Rolando Timan, 46, tricycle driver at Ericson Aguvida, 32 matapos makuhanan ng tig-isang plastic sachet ng hinihinalang shabu.

Umaabot lahat sa 5 grams ng hinihinalahg shabu na tinatayang nasa P34,000 ang halaga ang narekober sa mga suspek, buy bust money, cellphone at P600 cash.

Nauna rito, alas-12 ng madaling araw nang masunggaban din ng kabilang team ng SDEU sina Jephril Alba, 43, Romulo Deleon, 33, at John Christopher Angulo, 32, sa isinagawang buy bust operation sa 384 S. De Guzman St., Brgy. Parada.

Ayon kay SDEU investigator PSMS Fortunato Candido, nakumpiska sa mga suspek ang nasa 10 grams ng hinihinalang shabu na tinatayang nasa P68,000 ang halaga, P500 buy bust money, cellphone at P800 cash. (Richard Mesa)

MARITIME SECTOR, TUTULONG SA 12 FILIPINO CREW NA NAGPOSITIBO SA COVID 19

Posted on: May 10th, 2021 by @peoplesbalita No Comments

HANDANG tumulong ang maritime sector ng Department of Transportation (DOTr),na binubuo ng Maritime Industry Authority (MARINA), Philippine Ports Authority (PPA), at Philippine Coast Guard (PCG),kasama ang mga miyembro ng ahensya ng One-Stop Shop (OSS)Port of Manila sa lahat ng mga tripulanteng Pilipino na nagpostibo sa COVID-19 sakay ng container ship mula India.

Sa impormasyong nakuha ng MARINA, ang MV Athens Bridge ay umalis mula India noong April 22 ayon sa shipping agent ng barko at dumating sa Haiphong, Vietnam noong May 1 para sa RT-PCR test ng mga tripulante.

Dito nalaman na mula sa 21 Filipino crew ,12 ang nasuring positibo ng COVID-19.

Nakatanggap naman ng request ang PCG noong May 6 mula sa kapitan ng barko upang mabigyan ng medical evacuation ng dalawang miyembro na kailangan ng agarang pangangalagang medikal kung saan noong mga oras na iyon ay nasa Corregidor Island ang barko..

Matapos mabigyan ng clearance mula sa BOQ at Department of Health (DOH), inatasan ang MV Athens Bridge sa quarantine anchorage area na itinalaga ng OSS Port of Manila.

Nagbigay din ng seguridad ang PCG upang matiyak na walang barko o banca na hindi otorisado na lumapit sa nasabing barko.

Matagumpay namang naibaba ng BOQ doctors ang dalawang crew na critical para sa agarang medical evaluation at dinala sa dedicated medical facility .

Habang ang iba pang crew ay nanatili sa barko ngunit binigyan ng medical supplies kabilang ang oxygen tanks sa tulong an rin ng BOQ at PCG.

Tiniyak naman ng national government sa oamamagitan ng maritime sector ng DOTr na ang sitwasyon at kondisyon ng mga tripulante ay lagging nasususbaybayan.

Bibigyang prayordad din ang health protocol at kaligtasan sa buong proseso. (GENE ADSUARA)

DAVID, nagbiro na matagal nang inaaya si JULIE ANNE; loveteam posibleng mauwi sa totohanan

Posted on: May 10th, 2021 by @peoplesbalita No Comments

KINIKILIG ang mga fans at mga netizens na tagasubaybay ng romance-drama series na Heartful Cafe ng bagong GMA Network’s love team na sina Julie Anne San Jose at David Licauco.

Napapansin na raw kasi na hindi na acting ang kilig na ipinapakita nina Julie at David, minsan daw ay parang hindi na scripted ang ginagawa nina Heart (Julie Anne) and Ace (David).

Kaya ang tanong daw, pwede bang mauwi sa totohanan ang kanilang tambalan, dahil pareho naman silang single at walang nababalitang bagong boyfriend si Julie after ng break-up nila ni Benjamin Alves years ago.

Wala rin namang nababalitang may girlfriend si David.

Okey lamang ba iyon kay Julie? “Ako, never naman ako naging sarado, I mean, I’m open to any possibilitay naman. And, yes. If there’s a chance, to get to know him more, I mean, why not?”

At mukha namang open din si David, kahit pabiro ang sagot niya: “Ang tagal ko na ngang inaaya si Julie. Nasa sa kaniya na lang kung oo o hindi.”

Huwag kaligtaang panoorin ang love story nina Heart at Ace sa Heartful Cafe gabi-gabi sa GMA-7 after ng First Yaya.

***

MAY bago palang pinagkakaabalahan ngayon si Kapuso actress Glaiza de Castro dahil tapos na ang lock-in taping niya ng bago niyang GMA Afternoon Prime drama series na Nagbabagang Luha.

Nagtayo kasi ng isang coffee shop si Glaiza sa kanilang lugar sa Baler, Quezon, kung saan madalas siya kapag wala siyang ganap sa Manila.

Naka-post na sa kanyang Instagram ang kanyang newest venture, ang Cafe Galura (Galura ang real surname ni Glaiza): “Been working on this project since the start of the year with faith that one day, we will be able to welcome you all here. We’re slowly trying to complete everything for now and have been fitting out the interior of our cafe. Any recommendations on tables and chairs are welcome!”

Ang nakakatuwa, bukod sa nakakamanghang interior ng soon-to-open cafe ni Glaiza, mismong ang Irish fiancé niya, si David Rainey ang maghahanda ng coffee dahil sa kaniyang background sa coffee business.

Kaya naman nagdarasal na rin si Glaiza na muling magluwag na ang pagbibiyahe mula abroad papunta sa Pilipinas para makabalik sa bansa si David.

Very soon ay mapapanood na si Glaiza bilang si Maita sa Nagbabagang Luha, remake ng movie na dating nagtampok kina Lorna Tolentino, Gabby Concepcion at Alice Dixson.

Ngayon ay gagampanan ang characters nila nina Glaiza, Rayver Cruz at Claire Castro, respectively.

***

MUKHANG mag-I-enjoy ang mag-asawang Mikael Daez at Megan Young na first time magiging hosts ng isang bagung-bagong musical matchmaking competition ng GMA-7 na Sing For Hearts.

Nakakatuwa, simula pa lamang nang mag-announce na ang GMA ng online audition na ang mga interesadong contestants dapat ay single at not in a relationship, marami na ang nagtatanong kung makakakuha raw kaya sina Mikael at Megan ng maaaring maging magka-match sa programa?

Very soon ay magsisimula na itong umere. May nagsasabing baka raw palitan nito ang Centerstage hosted ni Asia’s Multimedia Star Alden Richards dahil nalalapit na ang grand championship ng Bida Kids singing competition na napapanood every Sunday evening sa GMA-7. (NORA V. CALDERON)

JUSTIN BIEBER, nakatanggap nang matitinding bashing dahil sa short dreadlocks at pinag-a-apologize

Posted on: May 10th, 2021 by @peoplesbalita No Comments

NAKATANGGAP ng matitinding bashing sa social media si Justin Bieber dahil sa kanyang bagong hairstyle.

Nagpa-short dreadlocks si Bieber para sa release ng kanyang bagong album. Pero imbes na maraming matuwa, binash ang pop singer dahil sa inasal niyang

“cultural appropriation and racial insensitivity.”

Ayon sa isang concerned netizen: “Dreadlocks are traditionally connected to the culture and identities of Black people, and wearing them is viewed by some as cultural appropriation.”

Marami ring mga black women ang na-offend sa dreadlocks ni Bieber dahil disrespectful daw ito sa kanilang kultura at kailangan niyang mag-apologize.

Noon pa man ay laging pinupuna si Bieber for racial insensitivity.

Back in 2014, inatake si Bieber ng Black community dahil sa pagbigkas nito ng N-word at gawin pa itong racist joke sa isang nag-viral na video.

***

BAGAY na bagay ngayong summer ang newest single ng Asia’s Pop Diva na si Julie Anne San Jose na pinamagatang “Free”!

Tila mapapasayaw ang mga fans at listeners sa good vibes na dala ng awitin. Ipinamalas din ng Kapuso star ang kanyang rapping skills dito! Balita namin, exciting at bongga ang official music video nito na malapit na ring i-release.

Hindi talaga maikakaila ang galing ni Julie hindi lang sa pagsayaw at pagkanta, pati na rin sa pag-arte bilang si Heart sa pinakabagong GMA primetime series na Heartful Cafe.

Samantala, napapanood din as a mainstay performer si Julie sa weekend variety show na All-Out Sundays.

***

SI The Clash Season 2 1st Runner Up Thea Astley ang boses sa likod ng dalawa sa official soundtracks ng top-rating GMA primetime series na First Yaya ang “Isang Tulad Mo” at “Ang Puso Kong Ito’y Sa’yo.”

Ayon sa kaniya, thankful at overwhelmed daw siya sa tiwalang ibinigay ng GMA sa kaniyang talento, “Hindi ko ma-explain kung gaano kasaya and kung gaano ka-overwhelming ‘yung feeling of gratefulness and being blessed.

“Hindi ko talaga ini-expect that there would come an opportunity like this, to sing a theme song for a very big show kaya sobrang thankful ko and saya when I recorded it. Both of the songs are really nice and wonderful to listen to.”

Puwede nang mapakinggan ang “Isang Tulad Mo” at “Ang Puso Kong Ito’y Sa’yo” sa GMA Playlist sa YouTube!

Napapanood din si Thea bilang isa sa mainstay performers ng weekend variety show na All-Out Sundays sa segment na ‘Queendom’ kasama sina Julie Anne San Jose, Aicelle Santos, at Lani Misalucha.

(RUEL J. MENDOZA)

DOH: Pagtuturok ng AstraZeneca COVID-19 vaccines, itutuloy na

Posted on: May 10th, 2021 by @peoplesbalita No Comments

Itutuloy na ng Pilipinas ang pagtuturok ng COVID-19 vaccines na gawa ng Oxford University at British pharmaceutical company na AstraZeneca.

Ito ang sinabi ng Department of Health (DOH) matapos na pansamantalang ipatigil ang pagbabakuna gamit ang naturang vaccine brand.

“Based on current evidence, Vaccine-Induced Thrombosis and Thrombocytopenia (VITT) is a very rare condition of blood clots associated with low platelet counts that can occur 4 to 28 days after receiving a viral vector vaccine such as AstraZeneca,” nakasaad sa statement.

“It was concluded that there are currently no known risk factors for VITT and that the benefits of receiving the vaccine against COVID-19 still outweighs the risk.”

Ayon kay Health Usec. Maria Rosario Vergeire, bunga ng pagpupulong ng ahensya, Food and Drug Administration, at Philippine Society of Hematology and Transfusion Medicine Inc. ang desisyon na ituloy ang pagbabakuna ng AstraZeneca vaccine.

Kung maaalala, sinuspinde ng DOH at Food and Drug Administration noong nakaraang buwan ang pagtuturok ng AstraZeneca vaccines sa mga edad 59-anyos pababa.

Hindi naman naapektuhan ang pagbabakuna ng nasabing vaccine brand sa mga senior citizen.

Kasunod ito ng mga naitalang insidente ng “blood clotting” at mababang platelet count sa ilang nabakunahan sa Europa at Estados Unidos. (Daris Jose)

Covid 19 positive Filipino crew members mula India tinutulungan ng DOTr

Posted on: May 10th, 2021 by @peoplesbalita No Comments

Mula sa maritime sector ng Department of Transportation (DOTr) kasama ang Maritime Industry Authority (MARINA), Philippine Ports Authority (PPA), Philippine Coast Guard, kasama ang mga ahensiya ng One-Stop Shop (OSS) ng Port of Manila ang nagsama sama upang bigyan ng assistance ang Filipino crew members sakay ng MV Athens Bridge mula India na may COVID 19.

Ayon sa shipping agent ng MV Athens Bridge, ang nasabing vessel ay umalis ng India noong April 22 at dumating ng Haiphong, Vietnam noong May 1 upang kunan sila ng RT-PCR Test. Noon nalaman na may 12 Filipino ang nag positibo sa COVID 19 mula sa 21 na crew members na Filipino na sakay nito.

Noong May 6 naman nakakuha ng mensahe ang PCG mula sa captain ng barko upang magsagawa ng medical evaluation ng 2 crew members na may kritikal na condtion na nangangailangan ng medical care.

Nang panahon yoon, ang MV Athens Bridge ay malapit na sa Corregidor Island na may 12 nautical miles ng island.

“Upon securing clearance from Bureau of Quarantine (BOQ) and the Department of Health (DOH), MV Athens Bridge was directed to the quarantine anchorage designated by OSS Port of Manila. Security is also provided by the PCG to ensure that no unauthorized vessel or banca will approach the vessel,” ayon sa DOTr.

Dumating naman ang mga doctors ng BOQ at tiningnan ang kalagayan ng 2 crew members na kritikal at inirekomdiya ang madaliang evacuation ng nasabing crew.

Sa ngayon, ang 2 crew members ay ligtas ng nadala sa dedicated medical facility kung saan sila sasailalim sa quarantine at paggagamot. Habang ang iba pang crew members ay binigyan ng mga kanilang pangangailangan tulad ng mga medical supplies at oxygen tanks, na galing sa PCG at BOQ.

“The national government, through the maritime sector of the DOTr, assures that the situation and the condition of the crew members will be consistently monitored. Health protocols will also be prioritized throughout the entire process,” dagdag ng DOTr.

Samantala, binuksan naman ang Eva Macapagal Super Terminal Quarantine Facility in Manila South Harbor bilang isang isolation dahil na rin sa pagtaas ng bilang ng nagkakasakit ng COVID at sa kakulangan ng mga isolation facilities sa Metro Manila.

“Initially, the facility was set up to merely accommodate repatriated seafarers and OFWs who are required to undergo a mandatory 14-day quarantine. With the conversion and retrofitting asymptomatic patients and patients with mild symptoms can now be accommodated and treated in the facility,” saad ng PPA.

Ang nasabing facility ay may 211-bed capacity na may apat na sections para sa patients, health staffers, at iba pang essential workers. Ang Sections A&B ay para sa mga health staff at iba pang essential workers habang ang Sections C&D ay par naman sa mga personnel ng PCG at PPA na mayron virus subalit asymptomatic o hindi kinakakitaan ng symptoms. LASACMAR

RABIYA, inaming nanonood ng BL series at ‘huge fan’ ng Thai Superstar na si MARIO MAURER

Posted on: May 10th, 2021 by @peoplesbalita No Comments

INAMIN ni Miss Universe Philippines 2020 Rabiya Mateo na ‘huge fan’ siya ng Thai Superstar at latest brand ambassador ng TNT na si Mario Maurer.

Sa short interview ng Thai Sashes na kilalang fashion blog sa kanilang bansa, sinabi ni Rabiya nang dumating siya sa Seminole Hard Rock Hotel sa Florida, USA, “I’m so excited to go visit Thailand. I’m a huge fan of Mario Maurer.

“To be honest, I’ve been watching your boy love series yeah maybe soon I will be able to go to the country of smiles.”

Labis ngang hinangaan ng Thai Sashes si Rabiya sa pagiging mababa ang loob at nag-sorry pa sa pagiging late. Siya kasi ang huling dumating sa official residence ng 69^th Miss Universe candidates, siyam na oras daw nilang hinintay si Rabiya para ma-interview at makunan ng photos at masaya naman sila na makita nag Pinay beauty queen.

Agad naman siyang nagpa-sample ng kanyan signature na ‘Hala Bira’ walk at pinagkaguluhan ng ilang beauty pageant fans.

Kinunan din si Rabiya ng mensahe sa nag-aabang na Pinoy fans.

“I’m so sorry, I got here late, I know a lot of my Filipino fans are waiting for me there in the Philippines, maraming salamat po.

“And yes, we’re gonna fight and we’re gonna do our best to perform really well on May 16. Thank you guys!”

Samantala, youtube channel ng The Jack’s Corner nilabas ang final predictions para sa Miss Universe 2020, pasok nga si Rabiya sa mga nanungunguna at malakas din sa fan votes.

Ang Top 20 ay kinabibilangan ng mga candidates mula sa Thailand, Peru, Brazil, Mexico, South Africa, Philippines, Canada, Romania, India, Indonesia, Australia, Puerto Rico, Chile, Vietnam, USA, Argentina, Venezuela, Russia, Czech Republic at Spain.

Goodluck Rabiya, bring back the crown!

***

PINOST ni Megastar Sharon Cuneta ang kanyang pasasalamat sa pinadalang cake noong nakaraang linggo ng kanyang anak-anakan na si Sarah Geronimo.

Caption ni Mega, “Thank you dear bunso @justsarahgph for the yummy Cereal Milk Tres Leches Cake that you made for me!

“Uuyyy nagbebake na si misis! Hahaha! Miss you and love you always! Ate.”

Puring-puri naman ng netizens ang pagiging sweet ni Sarah kay Sharon, pero mas marami ang nakapansin sa maganda niyang penmanship, na isa raw sa pinag-aralan ng Popstar Royalty.

May nag-comment pa na parang nahahawig ito sa penmanship ni Sharon. May nagwi-wish na raw ay magkasama rin ang dalawa sa isang project.

Well, attention Viva Films, baka naman! (ROHN ROMULO)

Ads May 10, 2021

Posted on: May 10th, 2021 by @peoplesbalita No Comments

PSC very proud sa Philippine weightlifters at fencers

Posted on: May 8th, 2021 by @peoplesbalita No Comments

Gusto sana ng Philippine Sports Commission (PSC) na bigyan ng magandang pagsalubong ang mga umuwing national weightlifting at fencing teams mula sa mga sinalihang Olympic qualifying tournaments sa Tashkent, Uzbekistan.

Ngunit simpleng salubong lang ang ginawa ng PSC dahil sa quarantine restrictions.

“Despite the imposed lockdowns and curfews in Metro Manila, we wanted to honor our athletes who made the country proud, within boundaries of the safety protocols of course,” sabi ni chairman William ‘Butch’ Ramirez.

Bumuhat ang national weightlifting team ng kabuuang dalawang gold, anim na silver at tatlong bronze medals sa Asian Weightlifting Championships at bagama’t walang nakuhang medalya ay pormal namang nasikwat ni 2016 Rio de Janeiro Olympic silver medalist Hidilyn Diaz ang tiket para sa quadrennial event sa Tokyo, Japan.

Sinabi ni Ramirez na tatanggap si weightlifting prodigy Vanessa Sarno, kumolekta ng dalawang ginto at isang pilak, kasama sina Mary Flor Diaz, Elreen Ando at Kristel Macrohon ng cash incentives base sa Republic Act No. 10699 o ang “National Athletes and Coaches Benefits and Incentives Act.’’. No. 10699 o ang “National Athletes and Coaches Benefits and Incentives Act.’’.

Samantala, walang napitas na Olympic berth ang mga national fencers na lumahok sa Asia-Ocea-nia Olympic Qualifying Tournament.

Si Samantha Catantan lamang ang nakahirit ng bronze medal sa nasabing torneo sa Uzbekistan.

Nakasama ni Catantan sa nasabing kampanya sina Nathaniel Perez, Jylyn Nicanor, Noelito Jose, Hanniel Abella at CJ Concepcion.

JANINE, sumabak agad sa iconic drama anthology na ‘MMK’ kasama si JM

Posted on: May 8th, 2021 by @peoplesbalita No Comments

KAMAKAILAN lamang pumirma ng kontrata si Janine Gutierrez sa ABS-CBN pero may guesting na agad siya sa top-rating and iconic drama anthology na Maalaala Mo Kaya this Saturday.

Katambal pa niya ang mahusay na actor na si JM De Guzman.

Maagap ang ABS-CBN sa pagbibigay agad ng acting assignment sa Gawad Urian Best Actress winner for Babae at Baril. Gusto agad nila na maisalang agad sa isang magandang palabas si Janine at perfect na perfect ang MMK.

Widely-followed ng mga manonood ang MMK which gives interesting stories tuwing Sabado ng gabi.

Tiyak na isang special na episode ang handog ng MMK para pagbidahan ni Janine. For sure ay acting piece ito. Idagdag pa ni si JM, na isa ring mahusay na actor, ang kasama ni Janine sa episode kaya tiyak na pabonggahan ito sa acting.

Pero kung light romance naman ang tema ng kanilang MMK episode, tiyak na maraming kilig moments sina Janine at JM.

Kaya huwag kaligtaan panoorin ang MMK ngayong gabi.

***

ISANG taon since nawala sa ere ang ABS-CBN.

Dahil lamang sa kapritso ng isang matandang president na vindictive. Ang kakatwa, kahit na walang napatunayang violations laban sa Kapamilya network, isinara pa rin ito. Maraming empleyado ng network ang nawalan ng trabaho.

Napakahirap na sitwasyon ito dahil nangyari sa panahon ng pandemya. Pero nawala man sa ere, ipinagpatuloy pa rin ng ABS-CBN ang paglilingkod nila sa bayan. Nandito pa rin sila sa ating piling, kahit na wala silang prangkisa.

Ipinagtibay ng ABS-CBN ang pangako nitong patuloy na paglilingkuran ang mga Pilipino sa mensahe nitong “Andito Kami Para Sa ‘Yo” noong Mayo 5, na ika-unang taon mula nang nawala ang network sa ere.

Ipinaabot ng ABS-CBN ang mensaheng ito sa social media sa tulong ng iba’t ibang programa, plataporma, at artista ng kumpanya. Paalala nila sa mga Pilipino, narito pa rin ang ABS-CBN upang sumuporta, at magbigay liwanag at ligaya sa kanila sa pamamagitan ng mga programa nitong napapanood sa free TV, cable, online, at sa streaming platforms.

Makikita sa bidyo na isinalin sa iba-ibang lenggwahe ang “Andito Kami Para Sa ‘Yo” upang mas personal na maipahatid ng ABS-CBN ang mensahe nito sa mga patuloy na tumatangkilik at nagtitiwala sa kumpanya para sa balita, public service, at entertainment, sa kabila ng mga pagsubok.

“Kayo po ang tanging dahilan kung bakit naglilingkod ang ABS-CBN, mula noon hanggang ngayon. Dahil sa inyong suporta, patuloy tayong nakakapaghatid ng mga kwento, nakapagbibigay ng saya at inspirasyon sa Pilipino,” sabi ng ABS-CBN sa social media posts.

Patuloy ang ABS-CBN sa paghahanap ng paraan upang maabot at mahatiran ng serbisyo ang mga Pilipino nasaan man sila sa mundo.

Ngayon, napapanood na muli ang iba-ibang entertainment programs ng ABS-CBN sa buong bansa, kabilang ang primetime block nito, sa free TV at gamit ang digital box sa A2Z Channel 11 at TV5.

Sa cable, nakakukuha rin ng aliw, saya, at kaalaman ang mga Pilipino sa Kapamilya Channel, Cinemo, A2Z, TV5, Jeepney TV, CinemaOne, Metro Channel, MYX, at Knowledge Channel. Habang maiinit na balita naman ang hatid ng TeleRadyo at ANC, the ABS-CBN News Channel.

Sa online, lalo pang mas maraming pagpipilian ang mga Kapamilya, dahil ipinapalabas din ng ABS-CBN ang iba-iba nitong offerings sa mga opisyal na social media pages at digital platforms nito, sa Kapamilya Online Live sa Facebook at YouTube, sa streaming service ng ABS-CBN na iWantTFC, at kamakailan lang, maging sa WeTV iflix.

Maging ang mga nasa iba’t ibang rehiyon sa Pilipinas ay naabot pa rin ng ABS-CBN sa pamamagitan ng TV5 at mga programa ng MOR Entertainment sa Facebook, kumu, Spotify, at YouTube.

Patuloy ring binibida ng ABS-CBN ang talento ng Pilipino sa pamamagitan ng Star Music at Star Cinema, samantalang tulong ang dala ng ABS-CBN News Public Service at ABS-CBN Foundation sa mga nangangailangan.

Para sa mga impormasyon at balita sa ABS-CBN, sundan ang @ABSCBNPR sa Facebook, Twitter, at Instagram, o bumisita sa www.abs-cbn.com/newsroom.

(RICKY CALDERON)