Pinuri ni Health Secretary Francisco Duque III ang nabuong joint memorandum circular ng ilang ahensiya ng gobyerno para mapabilis ang importasyon ng COVID-19 vaccines at maging ang manufacturing.

Ayon sa kalihim, may malaking impact daw ang naturang kasunduan sa ekonomiya ng bansa dahil makikinabang dito ang business sector.

Sinabi pa ni Sec. Duque, ang inisyatibong ito na bukod sa target na maparami ang supply ng bakuna sa bansa, mahalaga rin daw ito upang iangat ang teknikal na kakayahan at kagalingan ng lokal na industriya.

Batay sa Joint Memorandum Circular No. 1, Series of 2021, pumirma rito ang Department of Health (DOH), Department of Trade and Industry (DTI), Department of Science and Technology (DOST), Food and Drug Administration (FDA), National Task Force against COVID-19 (NTF against COVID-19) at ang Anti-Red Tape Authority (ARTA).

Kabilang sa highlight ay ang pagtatayo ng “green lane” para mas mapabilis ang pagkuha ng permits, licenses, pagkuha ng otorisasyon sa pag-angkat ng bulto ng mga bakuna at ang pagtatayo ng COVID-19 vaccine manufacturing facility.

“Ang inisyatibong ito, bukod sa magiging tulong sa pagdami ng supply ng bakuna sa bansa upang maprotektahan ang sambayanang Pilipino, ito ay mahalagang kontribusyon upang iangat ang teknikal na kakayahan at galing ng lokal na industriya, para palakasin ang ekonomiya ng ating bansa,” ani Duque.

Para naman kay Trade and Industry Secretary Ramon Lopez, sinabi nito na ang naturang hakbang ay panimula sa pagiging self-sufficiency ng bansa sa vaccine production dahil makakaengganyo ito sa pamamagitan ng incentives para sa mga vaccine manufacturers.

“This is the first and necessary step in our journey towards having our very own vaccine manufacturing facility,” pahayag pa ni Lopez. (Bishop Jesus “Jemba” M. Basco)

Pinagutos ng Land Transportation Franchising and Regulatory Board (LTFRB) sa mga public utility vehicles (PUVs) na may biyaheng inter-regional at inter-provincial na ruta ang paggamit ng safe, swift and smart passage o S-PASS travel management system.

Ang S-PASS ay isang communication platform na ginawa ng Department of Science and Technology (DOST) upang masiguro ang kalusugan at kaligtasan ng mga pasahero na nagbibiyahe sa pagitan ng provincial at regional borders. Ginawa rin ito upang maiwasan ang paglaganap ng COVID 19.

Inilungsad ng DOST ang S-PASS noong nakaraang Marso habang ang COVID 19 cases ay tumataas. Sa pamamagitan nito, ang mga pasahero ay maaaring tingnan ang mga travel restrictions sa kanilang pupuntahan. Habang ang mga LGUs ay gumagawa ng real-time monitoring ng mga parating ng mga pasahero.

Sa ilalim ng LTFRB memorandum circular, ang mga pasahero ay kinakailangan na mag parehistro sa S-PASS system bago sila bumili ng tickets. Ang circular ay nilagdaan ni LTFRB chairman Martin Delgra noong May 11.

Kailangan lamang nilang gamitin ang kanilang mobile number upang mag apply ng travel passes mula sa mga LGUs sa pamamagitan ng kanilang websites. Binigyan diin naman ng DOST na hindi nila control kung gaano katagal maaprubahan ng LGUs ang kanilang application.

Kinakailangan na magbigay din sila ng proof na may S-PASS sila bago sila payagan na sumakay ng bus.

Ang isa pang kailangan ay ang travel coordination permit o travel pass-through permit na binibigay ng local government kung saan sila ay papunta.

“Violation of the circular will be deemed a breach of a resolution issued by the Inter-Agency Task Force for the Management of Emerging Infectious Diseases,” wika ng LTFRB.

Sa paggamit ng S-PASS, ang mga tao ay puwedeng mag apply ng travel coordination permit na siyang pumalit sa travel authority para gamitin sa mga restricted na lugar.  Kung galing sa mga restricted na lugar upang pumanta sa unrestricted na lugar, ang mga pasahero ay puwedeng mag apply ng travel pass-through permit sa pamamagitan ng S-PASS.

Ayon sa LTFRB may mahigit sa 250 na ruta ng buses na may 5,000 na units sa loob at labas ng Metro Manila ang kanilang binuksan sa gitna ng pandemya.

Mayron lamang na 50 percent passenger capacity ang pinatutupad sa mga PUVs kasama ang minimum health protocols tulad ng sapilitang paggamit ng face masks at face shields kasama ang social distancing.  (LASACMAR)

KUMPIYANSA si Manila Mayor Isko Moreno Domagoso na sa September ay maaabot na ang “herd immunity” sa Maynila.

Ito ang pahayag ng alkalde ay pagkatapos makapagtala ng bagong record ang Manila LGUs  hinggil sa pagbabakuna sa loob lamang ng isang araw.

“We broke again our record of vaccines deployed and 95% of thet is the first dose”, pahayag ni Domagoso.

“The point is ang mga LGU gamitin lang nang husto ng national government, tingin ko ma-achieve natin ang ating goal by September na magkaroon ng herd immunity, ma-reach ang 70% vaccinated,”

Sa pinakahuling datos ng Manila health Department (MHD)  nitong Mayo 18 ay nasa 16,261 indibidwal  kung saan nalagpasan ang nauanng record na may kabuuang bilang na 15,763 nitong Mayo 17.

Muli namang nabanggit ng alkalde ang nauna na niyang sinabi na “super slow” ang deployment ng mga COVID-19 vaccines sa mga local government units o LGUs.

Aniya, nagbigay lamang siya ng “honest opinion”.

Ayon pa kay Domagoso, naiintindihan  aniya nito na mahirap makakuha ng mga bakuna kontra COVID-19  dahil sa taas ng demand nito sa buong mundo ngunit  kapag dumating na sa bansa ang bakuna ay dapat aniyang hindi na ito rumagal pa ng sampung araw  o linggo sa storage facility.

“Maiintindihan ko pa yung a day or two kaya kailangan lagi mabilis yung deployment” dagdag pa ng alkalde.

Sinabi pa ni Domagoso na hindi naman ito nagrereklamo  pero minsan kailangan ipunto ang opinion o saloobin.

“Kasi kung talagang ang goal din natin magkaroon ng consumer confidence para mabuksan ang ekonomiya buksan na natin ‘yung A4 category,” diin ni Domagoso. (Bishop Jesus “Jemba” M. Basco)