2021 May 08 Archive - People's Balita

Archive for May 8th, 2021

Scrimmage ipu-push ng PBA sa May 16

Posted on: May 8th, 2021 by @peoplesbalita No Comments

Puntirya ng Philippine Basketball Association (PBA) na masimulan ang scrimmage ng mga teams sa Mayo 16 kung bibigyan ng go-signal ng Inter-Agency Task Force (IATF).

Ito ang isa sa mga tatalakayin sa pakikipagpulong ng pamunuan ng liga sa local government unit sa Batangas na magsisilbing training venue ng ilang PBA teams.

Aprubado na ng Batangas City ang ensayo ng mga PBA teams sa Batangas City Coliseum at Batangas State University Gym at kung magiging maayos ang lahat, nais ng PBA na makapa-scrimmage na rin.

Kailangan na lamang na maayos ang lahat gaya ng mga health protocols ng LGU at ang sariling health protocols ng PBA na nakasaad sa Joint Administrative Order (JAO) mula sa Games and Amusements Board, Department of Health at Philippine Sports Commission.

Maliban sa Batangas, inaasikaso na rin ng ilang teams ang pagdaraos ng training sa iba pang ve-nues tulad ng Ilocos Norte. Sa oras na makumpleto na ang lahat ng requirements, umaasa ang PBA na maaaprubahan ng Inter-Agency Task Force (IATF) ang pagsisimula ng scrimmages.

Tatagal pa hanggang sa Mayo 14 ang Modified Enhanced Community Quarantine (MECQ) sa buong NCR plus bubble na binubuo ng Metro Manila, Bulacan, Cavite, Laguna at Rizal.

Umaasa si PBA commissioner Willie Marcial na sa oras na bumaba ang kaso ng coronavirus disease (COVID-19) sa NCR plus bubble, ay ibababa rin sa mas magaan na community quarantine ang rehiyon.

Ito ang posibleng maging hudyat upang tuluyan nang makapagsimula ang liga.

Isa sa kundisyon ng IATF ang pagbaba muna ng kaso ng COVID-19 sa bansa bago desisyunan ang opening ng PBA Season 46.

Kaya naman tutulong na rin ang PBA sa kampanya para manawagan sa buong sambayanan na mag-ingat at sumunod sa health protocols.

May sariling social media campaign ang PBA na #PBAItuloyAngLaban.

Pfizer at BioNTech pumayag na babakunahan ang mga atleta na sasabak sa Tokyo Olympics

Posted on: May 8th, 2021 by @peoplesbalita No Comments

Nagsama ang Pfizer at German company na BioNTech SE na magdonate ng ilang doses ng kanilang COVID-19 vaccine para maturukan ang mg atleta kasama ang kanilang delegasyon na dadalo sa Tokyo Olympic at Paralympic Games.

Ayon sa kumpanya na darating sa mga delegasyon ang unang dose ng bakuna hanggang sa katapusan ng Mayo.

Tiniyak nila na matuturukan ang mga ito ng ikalawang dose ng bakuna ilang araw bago ang pagsisimula ng torneo.

Ang nasabing hakbang ay matapos na aprubahan ng International Olympic Committe (IOC) ang pagpapabakuna ng mga manlalaro at delegates.

Nakausap na rin ng IOC ang mga opisyal ng Japan at si Pfizer Chief Executive Officer Albert Bourla sa nasabing pagbibigay ng donasyon na mga bakuna.

Magugunitang nilimitahan ng Olympic organizers ang mga manonood ng laro dahil sa patuloy pa rin ang pagkakahawaan ng mga bagong variant ng COVID-19.

Memoriam wall sa mga yumao,itinatag ng Quiapo church

Posted on: May 8th, 2021 by @peoplesbalita No Comments

Nagtatag ng memoriam wall ang Minor Basilica of the Black Nazarene o Quiapo Church sa harap ng simbahan kung saan maaaring isulat ang pangalan ng mga yumaong mahal sa buhay lalo na ang nasawi sa coronavirus.

Ayon kay Fr. Douglas Badong, parochial vicar ng basilica, ito ay pakikiisa ng simbahan sa panawagan ng Arkidiyosesis ng Maynila na maglaan ng araw at oras para ipanalangin ang mga yumao dahil sa nakakahawa at nakamamatay na virus.

“Mayroon kaming memoriam wall kung saan isusulat ng mga tao ang pangalan ng mga namatay sa panahon ng pandemya,” mensahe ni Fr. Badong sa Radio Veritas.

Batay sa pastoral instruction na inilabas ni Archdiocese of Manila Apostolic Administrator Bishop Broderick Pabillo, hinihikayat nito ang mga simbahan ng arkidiyosesis na magsagawa ng panalangin para sa mga apektado ng pandemya.

Noong ika-5 ng Mayo ay itinalaga ito ng arkidiyosesis sa pananalangin para sa lahat ng frontliners na patuloy sa paglilingkod sa gitna ng mapanganib na epekto ng pandemya sa sariling kalusugan.

Ika-6 Mayo naman ang itinalagang araw para ipagdasal ang mga may karamdaman lalo na ang nahihirapan at nahawaan ng COVID-19 habang sa Mayo 7 naman ipagdasal ang mga pumanaw.

Ibinahagi ni Fr. Badong na magsasagawa ng pagsisindi ng kandila at pag-aalay ng panalangin ang Quiapo Church sa gabi ng Mayo 6 ganap na alas 7 ng gabi na pangungunahan ni Msgr. Hernando Coronel.

Sa Mayo 8 naman magtitipon ang mga pari ng arkidiyosesis para sa isang misa ganap na alas 9 ng umaga sa Manila Cathedral para sa lahat ng yumao bunsod ng COVID-19 na pangungunahan ni Bishop Broderick Pabillo, Apostolic Administrator ng Archdiocese of Manila.

Hinikayat ng arkidiyosesis ang mananampalataya na makiisa sa mga gawain sa livestreaming sapagkat limitado lamang sa 30 porsyento ang pinapayagang makadalo sa mga simbahan bunsod ng modified enhanced community quarantine status sa National Capital Region at karatig lalawigan.

MEMORIAM WALL, INILAGAY SA HARAP NG SIMBAHAN ng QUIAPO

Posted on: May 8th, 2021 by @peoplesbalita No Comments

ISANG memoriam wall sa harap ng Minor Basilica of the Black Nazarene o Quiapo Church ang inilagay kung saan maaaring isulat ang pangalan ng mga yumaong mahal sa buhay lalo na ang nasawi sa coronavirus.

Ito ay bilang pakikiisa ng Simbahan ng Quaipo sa panawagan ng Arkidiyosesis ng Maynila na maglaan ng araw at oras para ipanalangin ang mga yumao na namatay dahil sa virus dulot ng COVID-19.

“Mayroon kaming memoriam wall kung saan isusulat ng mga tao ang pangalan ng mga namatay sa panahon ng pandemya,” mensahe ni Fr. Douglas Badong, parochial vicar ng basilica sa Radio Veritas.

Sa inilabas na pastortal instruction ni Archdiocese of Manila Apostolic Administrator Bishop Broderick Pabillo, hinihikayat nito ang mga simbahan ng arkidiyosesis na magsagawa ng panalangin para sa mga apektado ng pandemya.

Noong ika-5 ng Mayo ay itinalaga ito ng arkidiyosesis sa pananalangin para sa lahat ng frontliners na patuloy sa paglilingkod sa gitna ng mapanganib na epekto ng pandemya sa sariling kalusugan.

Ika-6 Mayo naman ang itinalagang araw para ipagdasal ang mga may karamdaman lalo na ang nahihirapan at nahawaan ng COVID-19 habang sa Mayo 7 naman ipagdasal ang mga pumanaw.

Ayon kay Fr. Badong, magsasagawa ng pagsisindi ng kandila at pag-aalay ng panalangin ang Quiapo Church sa gabi ng Mayo 6 ganap na alas 7 ng gabi na pangungunahan ni Msgr. Hernando Coronel.

Magtitipon naman ang mga pari ng arkidiyosesis sa Mayo 8 para sa isang misa ganap na alas 9 ng umaga sa Manila Cathedral para sa lahat ng yumao bunsod ng COVID-19 na pangungunahan ni Bishop Broderick Pabillo, Apostolic Administrator ng Archdiocese of Manila.

Hinikayat naman ang mananampalataya na makiisa sa mga gawain sa livestreaming sapagkat limitado lamang sa 30 porsyento ang pinapayagang makadalo sa mga simbahan bunsod ng modified enhanced community quarantine status sa National Capital Region at karatig lalawigan. (GENE ADSUARA)

‘A Quiet Place Part II’ Final Trailer Is Out, Monsters Are On The Loose

Posted on: May 8th, 2021 by @peoplesbalita No Comments

PARAMOUNT Pictures has released the final trailer for the upcoming film, A Quiet Place Part II after such a long delay and finally will be premiering in US cinemas.

The debut of the final trailer is good news for the film. The title has bounced around on the release calendar five times since its original date of March 2020.

The fact that Paramount has posted the final trailer is a vote of confidence that, as Covid numbers fall, the movie’s May 28, 2021 release date will stick. Another vote of confidence for the quality of the project: That’s Memorial Day weekend.

It looks like the monsters have come out of the forest in the sequel to John Krasinski’s 2018 smash hit, A Quiet Place, and they are hungry.

A Quiet Place Part II takes place after the deadly events back in the first movie. This time, the Abbott family must face the terrors of the outside world while fighting for their survival in silence.

As they explore the unknown, they discover that the creatures hunting by sound are not the only threats there is around.

Whereas the first movie played hide and seek with the creatures, the final trailer for A Quiet Place Part II sees them wreaking havoc all over town, in what looks like a boiler room and, of course, back in the forest.

Krasinski and Emily Blunt are back as Lee and Evelyn Abbott in the Krasinski-directed sequel, as are Millicent Simmonds and Noah Jupe as their children. The trailer also gives us glimpses of Djimon Hounsou and Cillian Murphy in supporting roles.

Watch the trailerhere: https://www.youtube.com/watch?v=BpdDN9d9Jio for hints at that plot as well as a quick homage to the Alien franchise.

The footage ends with the words “Only in Theaters,” which is a great thing to see after a year away from the kind of big screen entertainment this film promises.

According to CEO Bob Bakish, A Quiet Place Part II will appear on Paramount+ after a 45-day theatrical run.

The first installment of A Quiet Place was a major hit for Paramount in 2018, scoring $188 million in the US and more than $340 million worldwide.

Coming soon in PH cinemas, no release date has been announced for this film. For more information, check out the film’s social media pages on Facebook, Twitter, and Instagram.

(ROHN ROMULO)

PDu30, umaasa na magpapakita ng ligtas at epektibo ang Ivermectin

Posted on: May 8th, 2021 by @peoplesbalita No Comments

UMAASA si Pangulong Rodrigo Roa Duterte na ang local clinical trials ng Ivermectin ay magpapakita na ito’y ligtas at epektibo ‘for human use’ laban sa Covid-19.

Sa kanyang Talk To The People, Miyerkules ng gabi ay sinabi ni Pangulong Duterte na naniniwala siya na mayroon dapat na katotohanan sa pagiging epektibo ng Ivermectin dahil may ilang doktor ang handang itaya ang kanilang integridad para lamang magamit ang Ivermectin sa kanilang mga pasyente.

“Maraming doktor bumilib diyan e. Kaya baka , if there are doctors willing to put out their neck on the chopping board, ipusta nila ang integrity nila , so there has to be some truth in it. Or at least ang medisina or whatever it is, has an effect in fighting Covid or building the antibodies in your system,” ayon sa Pangulo.

Kapag naipakita na ang clinical trials sa anti-parasitic drug ay ligtas at epektibo, sinabi ng Pangulo na ang Ivermectin ay maaari para sa “palliative care” na nakatuon sa pagbibigay ng kaginhawaan sa pasyente na nakararamdam ng sakit at iba pang sintomas ng seryosong karamdaman.

“Maski ano nalang, palliative na hindi ka mahawa kaagad . There has to be an effect in that thing there that is being introduced into your body,” ayon kay Pangulon Duterte.

Aniya pa, naghihintay siya ng clinical trials na magpapakita ng gumagana ang gamot sa Covid-19 patients sa bansa.

“Kung maglabas ‘yan , that’s what I’m hoping, it will turn out that way we can use it. So that, ako ang unang mag-ano. Because inumin mo para ano ka , at least yung preventive,” aniya pa rin.

Umaasa rin ang Punong Ehekutibo na bibigyan ng timbang ng mga eksperto ang ang malakas na paniniwala ng ilang doktor na ang Ivermectin ay makagagamot ng pasyenteng may covid 19.

“I hope they would also place a little bit of an importance to those doctors who really I said who went out to proclaim the efficacy of itong si Ivermectin,” ani Pangulong Duterte.

Nauna rito,ipinag-utos ng Pangulo sa Department of Science and Technology (DOST), Department of Health (DOH), at FDA na magsagawa ng local trials para sa paggamit ng Ivermectin.

Sinabi naman ni Philippine Council for Health Research and Development (PCHRD) executive director Jaime Montoya na itutuloy ng DOST ang clinical trials ng Ivermectin ‘for human use’ laban sa Covid-19.

Ayon naman kay Food and Drug Administration (FDA) Director-General Eric Domingo, inaasahan niya na ang local clinical trials ay makukumpleto sa loob ng anim hanggang walong buwan habang ang international clinical trials ay maaaring makumpleto sa susuod na isa hanggag dalawang buwan.

Makaubuti ani Domingo na hintayin ang “clearer evidence” na ang antiparasitic drug ay mapakikinabangan ng Covid-19 patients.

“Ang sinasabi lang naman po ng mga espesyalista natin , is that we wait for the evidence…There’s a possibility po that it is useful but there’s also that possibility na it’s the same as not taking it. Kailangan lang po hintayin natin ang clearer evidence ng effect,” anito.

Sa ngayon, pinagkalooban ng FDA ang dalawang ospital ng special permit para gamitin ang Ivermectin para sa Covid-19 patients nito.

Mayroon nga lamang “pressure” para aprubahan ito.

Samantala, nahati naman ang medical community sa kung ang Ivermectin ay kailangan na ibigay sa Covid-19 patients o hindi, subalit pinaalalahan ang publiko na “there is a lack of data and evidence on its efficacy against Covid-19.” (Daris Jose)

Sinovac vaccines maaaring iturok kay PDu30 para sa second dose

Posted on: May 8th, 2021 by @peoplesbalita No Comments

Posible na ang coronavirus disease (COVID-19) vaccine na gawa ng Sinovac Biotech ang gagamitin para sa second dose ni Pangulong Rodrigo Duterte kung sakali na mabigo ang Sinopharm na makakuha ng approval mula sa mga health regulators.

Sinabi ito ni Dr. Rontgene Solante, miyembro ng Department of Science and Technology’s Vaccine Expert Panel (DOST-VEP), matapos na maturukan si Pangulong Duterte ng first dose nito ng Sinopharm vaccine noong Lunes, Mayo 3.

Sa ngayon wala pang emergency use authorization ang Sinopharm mula sa Food and Drugs Administration (FDA) ng Pilipinas.

Sinabi ni Solante na posibleng gamitin ang Sinovac vaccine kay Pangulong Duterte para sa second dose nito dahil magkapareho lang naman aniya ang platform nito sa Sinopharm.

Iginiit ni Solante na dapat mabigyan muna ng emergency use authorization ang isang coronavirus vaccine bago ito payagang magamit sa bansa para matiyak na ligtas at epektibo itong gamitin.

Nabatid na sa ngayon ay nagpapatuloy ang pag-aaral ng vaccine expert panel hinggil sa paghalo-halo ng mga bakuna. (Daris Jose)

Higit 90% ng cash subsidies naipamahagi na sa mga PUV operators – LTFRB

Posted on: May 8th, 2021 by @peoplesbalita No Comments

Lagpas 90% ng direct cash subsidies o mahigit P900 million na ang naibigay sa 80,249 public utility vehicle (PUV) operators sa buong bansa, ayon sa Land Transportation Franchising and Regulatory Board (LTFRB).

Sa isang statement, sinabi ng LTFRB na sa ilalim ng Direct Cash Subsidy Program ng ahensya at ng Department of Transportation (DOTr), kabuuang P916,058,000 subsidiya na ang napaabot sa mga PUV operators noong Abril.

Nabatid na ang bawat operator ay nakatanggap ng P6,500 sa kada PUV unit sa ilalim ng kanilang prangkisa bilang cash aid upang matulungan sila matapos na tinamaan ang kanilang hanapbuhay bunsod ng safety protocols na ipinatupad para mapigilan ang pagkalat ng COVID-19.

Kabuuang 178,244 PUV units ang inaasahan na makakatanggap ng financial aid.

Ang mga eligible para rito ay ang mga operators ng public utility buses, point-to-point buses, public utility jeepneys, mini-buses, UV express vehicles, at FilCab units. (Bishop Jesus “Jemba” M. Basco)

Panibagong 1.5-M doses ng Sinovac vaccines, dumating na sa PH

Posted on: May 8th, 2021 by @peoplesbalita No Comments

Dumating na sa Pilipinas ang 1.5-million doses ng COVID-19 vaccine na binili ng pamahalaan sa Chinese company na Sinovac.

Bago mag-alas-8:00 ng umaga kahapon, Biyernes nang lumapag sa Ninoy Aquino International Airport (NAIA) ang flight ng Cebu Pacific na may lulan sa shipment ng mga bakuna.

Ito na ang pinakamalaking shipment ng COVID-19 vaccines na dumating sa bansa.

Mismong sina Health Sec. Francisco Duque III at vaccine czar Sec. Carlito Galvez ang sumalubong sa shipment ng Chinese vaccines.

Sa kabuuan, mayroon nang natanggap na 5-million doses ng Sinovac vaccine ang Pilipinas.

Kabilang na ang 1-million doses ng donasyon ng Beijing.

Una nang sinabi ni Chinese Ambassador to the Philippines Huang Xilian na may 2-million doses ng Sinovac vaccines na inaasahang darating ngayong buwan.

Batay sa datos ng Food and Drug Administration, may efficacy rate na 65% to 91% ang Chinese vaccine sa mga malulusog na indibidwal, at may edad 18 to 59 years old.

Nasa pagitan naman ng 51% to 52% ang efficacy rate sa mga senior citizens.

Habang 50.4% ang efficacy rate ng naturang bakuna sa mga healthcare workers.

Ayon sa miyembro ng DOST-Vaccine Expert Panel na si Dr. Rontgene Solante, walang dapat ikabahala ang publiko sa mababang efficacy rate, dahil kinikilala ng World Health Organization ang bisa ng mga bakunang nasa higit 50% ang efficacy rate.

“COVID-19 vaccine is so important because aside from the minimum health standard protocol, and all of those prevention method, napaka-importante na you’ll also develop immunity on your own.” (Gene Adsuara)

DINGDONG, happy and proud na binahagi ang katuparan ng dream nila ni Mommy ANGELINE

Posted on: May 8th, 2021 by @peoplesbalita No Comments

SOBRANG nakaka-touch pinost ni Kapuso Primetime King Dingdong Dantes sa kanyang social media accounts, ilang araw bago ang selebrasyon ng Mother’s Day sa buong mundo.

Last year, isang short film ang ginawa ni Dingdong para bigyang pugay ang lahat ng mga ina, kasama na ang asawa na si Marian Rivera-Dantes, na featuring sa video, kasama ang nakaka-touch na tula na sinulat ng musician na si Yan Yuzon tungkol sa unconditional love ng mga ina sa kanilang anak.

Inilabas ang naturang video habang kasagsagan ang Covid-19 na naulit naman sa taong ito dahil sa mataas pa rin ang bilang nang nagkakasakit sa buong bansa.

Anyway, super special naman ang latest project na ito ni Dingdong para sa kanyang ini-endorse na produkto, ang Ensure Gold na kung saan for the first time ay makakasama sa isang commercial ang mommy niya na si Angeline Gonzalez Dantes.

Sa panimula ni Dingdong sa kanyang post, inalala niya ang kanyang kabataan at noong nagsisimula pa lang siya sa showbiz, “I started doing TV commercials when i was 3 years old, and it was my Mom who would accompany me to auditions.

“Siya rin ang kasama ko when I first tried appearing in a movie during my teenage years.

“In between those experiences, i can still clearly remember how we would talk about our dream of appearing on TV together, much more for an advertisement.”

Sa pagpapatuloy ni Dong, “Today, I am so happy to share with all of you this dream turned into reality, a product of continuous collaboration with a brand that I have been trusting for six years now.

“And i am just so proud to not only be sharing the screen with none other than my Mother, but also directing this meaningful project with her for Mother’s Day.

“I truly enjoyed being with her in the set but, more importantly, it has been my greatest pleasure to honor her for all that she has done through my passion and craft.

“Without a doubt, I am who I am today in front and behind the camera because of her constant motivation, guidance and love.

“Happy Mother’s Day, Ma! Angeline Gonzalez Dantes.”

Pinasalamatan din ni Dingdong Vicki Dantes, Angelo Dantes, Mika Talusan Dantes, at Evan Aranas.

At binanggit din niya ang special participation ni baby Andres Dantes sa naturang touching video na kinunan niya.

Ang lakas din ng dating ng tagline na ads na dinirek ni Dingdong na para sa lahat ng ina, “Ikaw ang lakas namin noon, kami naman ang mag-aalaga sa lakas mo ngayon.”

Umani ng views and likes at marami nga ang na-touch na celebrity friends and followers na yun iba pa ay naiyak sa mensahe ng video na napakahusay na naihatid ang labis na pagmamahal at pasasalamat ni Dingdong sa kanyang ina, kaya maraming naka-relate lalo na yung mga kapiling pa niya ang kanilang mga nanay.

Matatandaan din last year, sa special event ng buhay ni Dingdong, na kung saan nag-celebrate siya ng 40^th birthday, tumatak ang naging message niya sa kanyang Mommy Angeline, bukod sa asawa niyang si Marian.

Post nga ni Dong last August 2, 2020, “Today, I honor my mother who brought me into this world. I had to have my own children to make me realize the sacrifices that our mothers do for us. “She literally put her life on the line for me. So whenever I get a birthday greeting, I also celebrate her strength, love, and commitment in raising a kulit boy like me.”

(ROHN ROMULO)