IBINAHAGI ni Sunshine Cruz na na-expose siya at nag-positive sa Covid-19 kaya kailangang mag-isolate para hindi na makahawa.

Sinimulan niya ang IG post noong April 14 sa pamamagitan ng isang quote: “He won’t make us face anything that He knows we cannot get ourselves through.. Making us definitely stronger.”

     Saka sinabing, “Unfortunately, I was exposed and tested Covid positive last March 27. When I got my RT-PCR result, I went through a denial stage. It took a while for reality to sink in, I thought I would be asymptomatic and would probably just isolate myself for 14 days to make sure that the people at home will be safe as well. But here I am still isolated with symptoms after already taking different kinds of strong antibiotics and medicines.”

     Sa pagpapatuloy niya, “It’s my 20th day of isolation and as instructed by my doctor, I still can’t leave my room not unless my symptoms are gone. I have three kids and our kasambahays that i have to also protect from myself.”

     Pinagdiinan din niya sa mga makakabasa ng post na, “To everyone, Covid is real! In my 43 years of existence, I’ve had fever, the flu, and coughs but Covid symptoms can’t be compared to what I’ve experienced before. I am still grateful and blessed that the worst is over.

     “I will be taking a swab test tomorrow and I am hoping, praying for a negative result. I am positive that I will test negative! Claiming it!”

Payo pa ni Sunshine, “Stay safe everyone, wear your masks, face shields and keep your distance, let us all do our part in being a solution to this very difficult pandemic we are facing. God bless us all!”

Agad namang nag-react ang mga celebrity friends niya, na nagdarasal at nagpakita ng suporta sa kanyang pinagdaraanan.

Narito ang naging komento nina:

Karla Estrada, “ou will be ok soon shine!!! Lets claim it! Prayers for you and the entire family.”

Aiko Melendez, “Negative na yan in Jesus name sis. kaya mo yan sis laban.”

Charlene Gonzalez-Muhlach, “Prayers for a swift recovery @sunshinecruz718 be well.”

Ana Roces, “Im praying for your negative result Shine.”

Jackie Forster, “Praying for you and super glad you are much better.”

Danica Sotto-Pingris, “Praying for you, claiming your healing.”

Eula Valdes, “Praying for your swift recovery.”

Arnold Clavio, “Be strong. Your faith in Him will save you.”

Nag-comment sa pamamagitan ng three Folded Hands emoji sina Zsa Zsa Padilla at Carla Abellana na sign ng kanilang pagdarasal.

Marami ring followers niya ang nag-comment na ipagpi-pray nila ang aktres at gumaling na sa madaling panahon

Kaya ganun na lang ang pasasalamat si Sunshine.

Sabi niya, “Thanks everyone.

     “We are about to resume taping and it is part of our protocol to get swabbed and to test negative before going inside our lock in taping(bubble) for the safety of all artists, staff and crew. Hoping for the best para makapag work na din.

“Hoping and praying for the best!”

Sana nga mag-negative na si Sunshine para makabalik na sa taping ng Bagong Umaga na two weeks na lang at magtatapos na and hopefully wala namang maging aberya.  (ROHN ROMULO)

LAST week, masayang pinasilip ni Megastar Sharon Cuneta sa kanyang Youtube channel (Sharon Cuneta Show) ang part 1 ng behind-the-scenes ng latest movie niya sa Viva Films ang Revirginized.

May caption ito ng, “So excited for my new movie #Revirginized​ to come out this May on VivaMax! Here’s a little peek on our behind-the-scenes during shooting with Direk Darryl Yap. Enjoy watching, everyone! I love you all, God bless you and keep you all safe.”

Tumatak nga sa kanyang followers ang binitiwang linya habang pinakikilala ang kanyang honey sa movie na si Marco Gumabao, “This is my new leading man, kaya yung mga leading man ko noon ang tatanda niyo na.”

Ang laki naman ang paghanga ni Sharon sa kanyang direktor na si Darryl Yap, sabi niya, “he’s very young and is very genius.

Inamin naman ng direktor sa past interview niya na number one sa ‘bucket list’ niya ay maidirek si Sharon at nakalagay yun sa kanyang facebook account, kaya ganun na lang tuwa niya na early this year nang matanggap niya ang magandang balita mula sa Viva Films.

Kuwento naman ni Direk Darryl nang tanungin niya si Sharon kung ano ang mai-expect ng Sharonians sa Revirginized na hindi pa niya nagagawa sa past movie niya, “sabi nga you have to expect the unexpected.”

Kakaibang experience kay Sharon ang pagbabalik-Viva niya dahil new generation ang katrabaho niya, kaya bagong-bago ito para sa kanya, na kung saan si Direk Darryl lahat ang bahala sa kabuuan ng pelikula.

First time niya na makagawa ng movie na ilang days ay tapos na. Ang shortest movie niya raw ang Crying Ladies na tumagal naman ng nineteen shooting days.

Ayon kay Sharon, iikot ang story ng Revirginized around one weekend, “the transformation of this sad woman’s life, so I’ll stop there because ang daming surprises. But it’s nice, it’s a coming-of-age movie in many different contexts. So, I’m very excited, parang it’s time naman, I think I’ve earned the right after four decades to experiment and do movies that are not really kind of movies that my audience is used to seeing me in.

“So when it’s like that you take a chance usually it’s worth it. Atleast pag-retire ko, nagawa ko na ang gusto ko.”

Ni-reveal din ni Mega na marami pa siyang gagawin this year, na kung saan sakto naman sa celebration ng Viva Films ng 40^th Anniversary sa November.

“Remember this laugh, remember this moment, today si March 5, 2021, because right at this moment I can’t tell you what is inside my head and what’s making heart jump.

     “But you’ll know in a very short time, I hope it won’t have to come from me but you will know, so… pray for me.”

Meron nga siyang teleserye sa VivaMax at ABS-CBN.  Another movie with Direk Darryl at naibalita na rin ang muli nilang pagsasama nina Direk Erik Matti.

Kaya masayang-masaya ang mga Sharonians dahil maraming kaabang-abang na projects ang Megastar at mauuna na nga ang Revirginized na ipalalabas na sa Mayo, na posibleng itapat sa Mother’s Day. (ROHN ROMULO)

NAKIKIPAGLABAN ngayon ang pamilya ni Laguna 3rd district provincial board member Angelica Jones sa sakit na COVID-19.

Pinost ni Angelica sa Facebook na nagkahawaan sa bahay nila kaya pati ang kanyang ina at ang kapatid ay nag-positive sa COVID-19.

Naka-confine sila ngayon sa San Pablo City District Hospital.

“Me, my mom and Angelo are Positive of COVID-19. Humihingi kami po ng inyong patuloy na dasal malampasan namin itong pagsubok. Please pray for my mom, Beth Jones, nasa ICU po sya. She has pneumonia and Covid 19.Please, really need your prayers. I have asthma, pneumonia, and COVID.. nananalig ako sa Panginoon sana di niya kami pababayaan. In Jesus name.. God will heal me and my family.”

Nahirapan din daw silang makahanap ng ospital na tatanggap sa kanila.

“Three days before po ako i-confine…. nauna i-confine ang aking ina mula lumabas ang result na positibo sa COVID. Kahit saan puno ang mga hospital ng COVID patients. Three days kami nag isolate ni Angelo sa house. Sobrang hirap ako sa paghinga akala ko katapusan ko na.    “Di ko po alam na may pneumonia at asthma ako nagpositibo sa Covid. Araw araw po ako nakikiusap at nagdadasal sa Panginoon na iligtas kami. I thank the district hospital of San Pablo City. Ginawan po ng paraan para kaming mag ina at ni Angelo magkaroon ng room at iniaalagaan kami ng mga doctor at nurse hanggang ngayon. Sana ay gumaling. Hinihiling ko po dalangin sa aking ina hanggang ngayon ay nasa ICU pa.”

***

NAGBABALIK sa showbiz ang ‘90s beauty queen-actress na si Michelle Aldana.

Gaganap si Michelle bilang mother ni Gabbi Garcia sa GTV series na Love You Stranger.

Nakilala si Michelle noong manalo ito bilang Miss Asia Pacific in 1993. Kinontrata ng Viva Films si Michelle at lumabas ito sa mga pelikulang Ikaw Ang Miis Universe Ng Buhay Ko, Segurista, Ang Pinakamagandang Hayop Sa Balat Ng Lupa, Hindi Pa Tapos Ang Laban, Hawak Ko Buhay Mo, Ang Tipo Kong Lalake, Marami Ka Pang Kakaining Bigas, Mauna Ka Susunod Ako, Wala Nang Iiibigin Pang Iba at Extranghero.

Iniwan ni Michelle ang showbiz noong 1998 at tumira sa Germany. Kinasal siya kina Christoph Heinermann (2001) at Edward Burke (2014). Sa South Africa na siya naka-base ngayon.

Na-excite nga raw si Michelle na muling umarte after 22 years. Iba raw kasi yung nakakapagsalita siya ulit in Tagalog.

***

MANHID na nga ba ang puso ni Katrina Halili?

Ito raw ang mararamdaman ng aktres dahil hindi na raw siya kinikilig sa mga lalake.

Kung noon daw ay mabilis kiligin si Katrina, lalo na kapag may crush siya. Ngayon daw ay parang wala na yung kilig sa katawan niya.

“Ang hirap naman. Wala talaga akong kilig sa kanila. Wala na akong maalala. Burado na sila,” tawa ni Katrina.

Huli raw kinilig si Katrina ay noong may pursigidong manliligaw siya na nakilala niya sa Boracay. Pero ang tagal na raw yon at hindi na raw bumalik ang feeling na iyon sa katawan niya.

“Siguro nanawa na rin ako kasi nung bagets pa ako lagi akong kinikilig at marami akong crush noon. Ngayon okay na ako kasama ang anak kong si Katie. Yakap at halik ng anak ko ang kailangan ko at hindi sa kung sinong lalake,” diin pa niya.  (RUEL J. MENDOZA)