MATAGAL pa ang laban ng Pilipinas kontra coronavirus (COVID-19) pandemic dahil sa patuloy na pagsirit ng bilang ng COVID-19 cases sa bansa.

Sa kanyang Talk To The People, Huwebes ng gabi ay pinaalalahanan nito ang publiko na ang buong mundo ay nahaharap sa hindi nakikitang kalaban kaya’t ang laban sa virus ay hindi pa magtatapos “anytime soon.”

“You know we are facing an enemy that cannot be seen. We are facing an opponent where there is no sight at end,” ayon sa Pangulo.

“We are facing a turmoil not only in the Philippines but in the entire world. Kagaya ng mga (like) Brazil, thickly populated areas, they are scared of the third wave,” dagdag na pahayag nito.

Sa kabilang dako, binigyang din naman ng Pangulo na hindi nagkulang ang pamahalaan na tugunan ang pandemiya.

“I’d like to just disabuse the mind of na nagkulang tayo… Hindi tayo nagkulang,” anito.

Aniya, matapos na magpalabas ng advisory ang World Health Organization (WHO) ukol sa virus ay kaagad niyang binuo ang Inter-Agency Task Force (IATF) for the Management of Emerging Infectious Diseases sa loob ng 48 oras.

Aniya pa, ang desisyon niyang magpatupad ng lockdowns ay kaagad na ginawa bunsod na rin ng rekumendasyon ng mga medical experts kabilang na si Health Secretary Francisco Duque III.

“Kung ano’ng sabihin ni Secretary Duque, eh ‘yon ang susundin ko. Siya ‘yong Secretary of Health, eh,” ayon sa Punong Ehekutibo.

Samantala, muli namang inulit ng Pangulo ang kanyang “melodramatic warning” ukol sa pandemiya at maaari lamang maresolba sa pamamagitan ng bakuna na mayroon namang “worldwide shortage,”

Dahil dito, hindi niya tiyak kung kailan magtatapos ang ang laban kontra COVID-19.

“Now, when will we have that stocks sufficient to vaccinate the people? I really do not know. Nobody knows,” anito.

SUPORTADO ni Pangulong Rodrigo Roa Duterte ang planong magkaroon ng local production ng coronavirus disease 2019 (Covid-19) vaccines.

ito’y matapos na iulat ni Trade Secretary Ramon Lopez, sa isang virtual meeting, na may apat na pharmaceutical firms ang nagpahayag ng kanilang intensyon na makipagsapalaran sa local vaccine manufacturing.

Ani Lopez, kasalukuyan nang nakikipag-usap ang pamahalaan sa apat na “potential” Covid-19 vaccine manufacturers.

“Para hindi tayo totally dependent sa pag-import ng vaccines. Of course, ngayon ho talagang nagde-depend tayo dahil wala tayong local manufacturing capabilities ,” ang sinabi ni Lopez kay Pangulong Duterte sa isinagawang pulong ng Inter-Agency Taskforce for the Management on Emerging Infectious Diseases (IATF-EID) sa Malakanyang.

Base sa naging presentasyon ni Lopez, ang United Laboratories at Glovax ay kabilang sa mga pharmaceutical companies na nagpahiwatig ng kanilang plano na gumawa ng Covid-19 vaccines sa bansa.

Ang potential vaccine manufacturers, ani Lopez ay humihiling ng “green lane on government permits” upang matiyak na mabilis na mapo-proseso ang lahat ng mga requirements at kakailanganing dokumento.

Aniya pa, ang pagbili ng pamahalaan ng locally-produced vaccines ay labis na nakapanghihikayat, “subject to standards, specs and prices.”

“They need our support. Kailangan i-commit din ni government na bibilhin natin iyan para self-reliant and self-sufficient tayo. So ‘yun po ang isang kahilingan dito,” ayon sa Kalihim.

Sinabi naman ni Pangulong Duterte sa kanyang Talk To The People, Huwebes ng gabi na welcome sa kanya ang posibleng paggawa o pagmamanupaktura ng Covid-19 vaccines sa bansa.

Aniya, ang posibilidad na magkaroon ng Covid-19 vaccines na gawa sa Pilipinas ay isang “answered prayer.”

“Parang dasal natin ito sa gobyerno kasi historically, the Philippines is one of the laggard, sabi nila because there’s a lot of paperwork at kung anu-ano ang hinihingi,” ang pahayag ng Pangulo.

At para suportahan ang local production ng mga bakuna ay ipinag-utos ng Pangulo sa mga ahensiya ng pamahalan na madaliin ang pag-proseso ng mga requirements.

Naniniwala ang Punong Ehekutibo na aabot lamang ng “less than an hour” para magpalabas ng permits para sa mga kompanya na interesadong gumawa ng Covid-19 vaccines sa bansa.

“Ask everybody to cooperate. Itong government procurement of locally-produced [vaccines], subject to standards, specs and prices, madali lang naman ito kung trabahuhin mo ito . I don’t think it would take about one hour trabahuhin mo sa opisina . It’s a matter of preparation,” giit ng Pangulo. (Bishop Jesus “Jemba” M. Basco)