Ikinatuwa ng opisyal ng simbahan ang pagtutulungan ng mamamayan upang maibsan ang paghihirap  ng kapwa dulot ng coronavirus pandemic.

Ito ang tugon ni Archdiocese of Manila Apostolic Administrator Bishop Broderick Pabillo, chairman ng Commission on Laity ng Catholic Bishops’ Conference of the Philippines sa lumaganap na ‘community pantry’ kung saan maaaring kumuha ng libre ang kahit na sinong nangangailangan ng pagkain.

Ayon sa obispo ito ay konkretong hakbang na nagpapakita ng pagiging bukas palad sa pangangailangan ng kapwa.

“We commend the initiative of the community pantry kasi ito po ay nagpapakita ng pagtutulungan; it’s a very good way of spreading generosity and bayanihan among us,” pahayag ni Bishop Pabillo sa panayam ng Radio Veritas.

Kamakailan ay pinasimulan ng isang mamamayan ng Maginhawa street sa Quezon City ang Maginhawa Community Pantry kung saan naglalagay ng iba’t ibang uri ng pagkain tulad ng bigas, gulay, de lata at iba pa sa tabi ng daan kalakip ang paalalang ‘Magbigay ayon sa kakayahan, kumuha batay sa pangangailangan.’

Nag-viral online ang naturang adbokasiya na agad lumaganap hindi lamang sa Metro Manila kundi sa buong bansa.

Paalala ni Bishop Pabillo sa mamamayan na kumuha lamang ng sapat upang mabigyan ng pagkakataon ang iba na magkaroon ng pagkain sa hapag kainan.

“Hinihiling lang natin na we get what we need for that day believing that God will provide for another day; iwasan po ang hoarding na pansarili lamang,”  ani Bishop Pabillo.

Naniniwala si Bishop Pabillo na kung mas maraming  mga community pantries sa buong bansa mas higit na pansamantalang matutulungan ang mamamayan sa pang araw-araw na pangangailangan.

Dahil dito hinimok ni Bishop Pabillo ang mga parokya sa arkidiyosesis lalo na ang mga Basic Ecclesial Communities (BEC) na tularan ang magandang inisyatibo.

“Dito sa Manila ini-encourage ko po ang mga pari, ang mga parokya o sa pamamagitan ng mga BECs na makiisa sa ganitong initiative; it’s a good way of spreading this bayanihan among us,”giit ng obispo.

Umaasa rin ang obispo na bukas sa pagtugon ang mga may kakayahang tumulong sa paglunsad ng mga community pantry upang higit na maipadama sa pamayanan ang diwa ng pag-ibig ni Kristong muling nabuhay at ang diwa ng pagtutulungan lalo na sa panahon ng krisis.

Una nang sinabi ng National Economic Development Authority na mahigit sa tatlong milyong indibidwal sa Metro Manila ang nakararanas ng kagutuman dahil sa pandemya habang iniulat naman ng Department of Labor and Employment ang mahigit sa dalawang milyong Pilipino ang nawalan ng trabaho sa dalawang linggong ECQ.

Pinagpaliban ng Department of Transportation (DOTr) ang inagurasyon ng 2 bagong estasyon ng Light Rail Transit Line 2 East Extension mula sa dating April 26 at inilipat sa June 23 dahil na rin sa kagustuhan na magpatupad ng striktong health protocols.

Hindi na muna tinuloy ang inagurasyon dahil na rin sa mga bagong pangyayari na may kinalaman sa COVID 19 kahit  kumpleto na ang buong proyekto.

Magkakaron na lamang ng trial run para sa 2 bagong estayon ng LRT 2 sa darating na April 26.

Ayon kay DOTr undersecretary Timothy John Batan na hindi lamang tumataas ang bilang ng COVID 19 sa mga empleyado ng LRT 2 ang dahilan kung hindi dahil na rin ang Metro Manila ay nasa ilalim ngayon ng modified enhanced community quarantine (MECQ) hanggang katapusan ng buwan.

Isa pa rin sa dahilan ay ang mga banyagang naatasan na gumawa ng final stages sa installation, testing, at commissioning ng LRT 2 East Extension ay hindi makapasok ng bansa dahil sa pinaiiral na travel restrictions.

“Moreover, foreign rail experts who are necessary in the final stages installation, testing and commissioning works for the project have been unable to report for work or enter the country due to stringent restrictions being enforced,” wika ni Batan.

Dagdag pa rin ni Batan na kinakailangan din na ipagpaliban ang inagurasyon dahil na rin upang maprotektahan ang kalusugan at kaligtasan ng mga pasahero at empleyado ng rail lines.

Ang 2 bagong estasyon sa Marikina at Antipolo ay magbibigay ng serbisyo sa mga pasahero mula Recto sa Manila papuntang Masinag at pabalik. Inaasahang mababawasan ang travel time mula sa dating tatlong (3) oras sa pamamagitan ng jeepney o bus at kung saan ito ay magiging 40 minuto na lamang. Kapag fully operational na ang LRT 2 East Extension ito ay inaasahang makapagsasakay ng 80,000 na pasahero kada araw.

Dati pa na iniyahag ng pamunuan ng LRT 2 na ang train trips ay magsisimula ng 6:00 ng umaga hanggang 6:00 ng gabi hanggang matapos ang MECQ sa April 30.

Sa kabilang dako naman, mayron ng 282 rail workers ang gumaling mula sa COVID 19 simula noong Biyernes:  LRT Line 1-103; LRT 2 – 83; MRT 3 – 67; PNR -29.

Mula sa datus ng DOTr, ang apat (4) na rail lines ay may naitalang 703 na active cases ng COVID 19. Mula sa LRT 2- 233, LRT 1 -58, PNR – 221, at MRT 3 – 191 na mga active cases ang naitala.

Sa kabuohang 8, 277 na empleyado ng LRT 1, LRT 2, MRT3, at PNR, may 5,454 na ang nakonpirma na may COVID 19.  (LASACMAR)

PUMAPANGATLO ang Pilipinas sa ASEAN countries pagdating sa vaccination roll out ng COVID-19, ayon sa Department of Health (DOH).

Sa media forum ng DOH, sinabi Dr.Myrna  Cabotaje, head ng vaccine cluster ng ahensya na umabot na sa  1,456,793 ang nabakunahan  nang Sinovac at AstraZeneca.

Pangatlo ang Pilipinas sa Indonesia at Singapore .

Aniya may problema sa suplay pero may dumating naman kaya nakapagbakuna ng maraming indibidwal.

Sa nasabing bilang, nasa 1,264,811 na ang nabigyan ng bakuna sa unang dose habang 191,982 naman ang nakakumpleto sa pangalawang dose kung saan ito ang mga frontline health care workers .

Ayon kay Cabotaje, nasa 36% bakuna na ang naibigay sa mag health care workers habang 10%  naman sa senior citizens at 14% s amga indibidwal na may comorbidities.

Ito ay mula sa 3,155 vaccination sites na nagsagawa ng pagbabakuna.

Samantala, nasa 3,025,00 bakuna na ang naideliver sa buong bansa  at ngunit dahil sa limitadong suplay, ang COVID-19 prioritization framework ang ipinatutupad upang maprotektahan una ang mga nasa “risk” at “most vulnerable”.

Nagpapatuloy naman ang simultaneous vaccination sa mga priority group A1 o workers of frontline health services, A2 o Senior Citizens at A3 o mga persons with co-morbidity sa NCR plus bubble.

Sa ilang mga lugar, nagsimula na rin ang pagbabakuna sa A2 dahil sa surge ng mga kaso at dahil ang mahalagang bahagi ng A1 ay nabakunahan na. (Bishop Jesus “Jemba” M. Basco)