KAPUSO actress Jasmine Curtis-Smith is thankful na despite sa umiiral na pandemya dahil sa Covid-19, na nasa second year na ngayon, ay tuloy pa ring dumarating ang mga offers sa kanya, movies and television man. 

May bago siyang teleseryeng gagawin sa GMA Network, ang The World Between Us na muli nilang pagtatambalan ni Alden Richards.

Isa ang teleserye sa 100 new shows ng network na gagawin nila this year.

Third time na itong pagsasama nina Alden at Jasmine sa isang project, una ang Imagine You & Me na kasama nila si Maine Mendoza. 

Sinundan ito ng first episode ng drama anthology na I Can See You: Love on the Balcony na ipinalabas na sa Netflix Philippines at ni-replay din ng GMA last Holy Thursday.

“I’m happy that despite the pandemic, I continue to get assignment and be busy,” sabi ni Jasmine.

“Last year, tinapos ko rin muna ang lock-in taping namin ng ‘Descendants of the Sun’ with Dingdong Dantes, Jennylyn Mercado at kami ni Rocco Nacino. 

“Hindi ko pa alam kung kailan magsisimula ang lock-in taping namin ni Alden, one of the nicest guys in showbiz and it’s always a joy to be working with a fine actor like him.” 

Balitang this May na magsisimula ang lock-in taping ng The World Between Us na makakasama rin nila si Tom Rodriguez.

***

STILL on lock-in taping.

Muling hindi natuloy ang lock-in taping ng I Left My Heart In Sorsogon dahil bukod sa muling naghihigpit ng IATF, maraming lugar din ang ibinalik sa ECQ.

Pare-pareho nang prepared sina Heart Evangelista at ang dalawang leading men niya na sina Richard Yap at Paolo Contis, nang muling dumami ang kaso ng Covid-19 sa iba’t ibang lugar ng bansa.

Hindi lamang iyon, dumating din ang Typhoon Bising na napuruhan na naman ang Bicol Region.

   “Excited na sana akong muling umarte,” biro ni Heart.

“Three years ago pa iyong last serye ko, ‘My Korean Jagiya.’ Inihanda ko na rin ang lahat ng mga outfits and accessories na gagamitin ko para sa role ko sa serye, kahit iyong mga dati kong damit na kailangan sa story, nai-ready ko na rin para dalhin sa lock-in taping namin. Hopefully, next month ay matuloy na rin kami.”

***                                         

ANO kaya ang magiging feeling ng mag-asawang Zoren Legaspi at Carmina Villarroel na sa kambal nilang anak na sina Mavy at Cassy, may dalawang guys nang mukhang close na kay Cassy?

Unang nabalita si Darren Espanto, pero dahil hindi sila magkasama sa network, mas close at mas pinag-uusapan sina Cassy at JD Domagoso. Kapwa sila Kapuso at magkatambal ngayon sa romantic-comedy primetime series na First Yaya ng GMA Network.

Sa serye ay parang aso’t pusa ang characters nina Cassy at JD, pero off-camera, pareho silang enjoy magtrabaho dahil nauna na silang nagkasama sa Studio 7 at sa All-Out Sundays. 

Masayahin ang panganay ni Manila Mayor Isko Moreno, at biro niya, payag daw siyang maging ‘yayo’ ni Cassy, “para lagi ko siyang kasama, para ako na ang gagawa ng pagkain niya, gigising sa kanya, para lagi akong nakabantay sa kanya.”

“Seriously, masaya po ako sa first teleserye namin ni Cassy,” dagdag pa ni JD. “Natutuwa po ako kapag nababasa ko sa social media accounts ng ‘First Yaya’ na bagay kami, at swak sa characters namin ang role na ginagampanan namin.”

Napapanood ang top-rating series gabi-gabi pagkatapos ng 24 Oras sa GMA-7.  (NORA V. CALDERON)

TAHIMIK lang ang actress na si Sunshine Dizon kahit na naglalabasan na ang mga balitang lumipat na siya ng ABS-CBN mula sa pagiging isang Kapuso.

Ang daming nagulat sa totoo lang bilang si Sunshine ang isa sa masasabing Kapuso all through-out her career.

Wala rin statement na inilalabas pa ang kanyang talent management, ang PPL Entertainment, Inc. Pero, nag-Instagram Live ang kanyang manager na si Perry Lansigan at nang may magtanong tungkol sa isyu ng paglipat ni Sunshine ng network, paulit-ulit lang siyang sumagot na dapat, ang artista raw ang sinusuportahan kung nasaan man ito, lalo na at kung sinasabi na fan ka ng particular na artista.

Pero may nagsulat at nakalabas na nga na kasama si Sunshine sa naging storycon ng unang serye na pagbibidahan ni Janine Gutierrez opposites Paulo Avelino.  

Yes, tatlo silang mga dating Kapuso.

***

ISA kami sa nakakita na madalas nag-i-interact sa Twitter at Instagram ang bagong magkapareha ngayon na Kapuso stars, ang Asia’s Pop Diva na si Julie Anne San Jose at ang Kapuso Hunk na si David Licauco.

Pansin din naman kasi na parang may kakaibang real kilig ang dalawa mula nang magsimulang magkasama at mag-lock-in taping para sa kanilang unang serye, ang Heartful Café.

Kaya siguro ang mga tagahanga ni Julie Anne, iba rin ang suporta at kilig sa kanilang dalawa kahit na sa Lunes, April 26 pa sa GMA-7 at GMA Heart of Asia magsisimula silang mapanood.

     “Well, actually noong start nga, nagugulat ako, yung attention, ang dami, e. Hindi ko na-experience before,” sabi ni David.

Kaya napaisip daw siya na baka ganun talaga ang mga fans ni Julie sa mga nagiging leading men nito. Pero kinumpirma nga raw sa kanya ni Julie na iba ngayon.

Aniya, “Inisip ko baka even sa mga naging partner niya, gano’n ang mga fans niya. But then, I asked her na baka naman ganun lang silang lahat na nali-link na pair mo. But then, Julie answered na hindi, ngayon lang sila kinilig.

     “Wow, napaka-ano pala, baka nga it might work. At nakakatuwa ang mga fans niya kasi, kahit na ano ang gawin ko, almost every day nagtatanong sila, wala bang, uy, wala bang post about Julie?  Nakakatuwa lang na nakakapagpa-happy ka ng mga fans.”

Sa isang banda, trailer pa lang ng Heartful Café ay mukhang kakaiba nga ang kilig na ihahatid ng dalawa. Kaya no wonder, when David was asked kung ano ang mamimiss niya kay Julie, hindi raw siguro niya ito mamimiss dahil feel niya or hoping siya na magkakasama pa rin sila sa susunod nilang projects. (ROSE GARCIA)