Binuksan noong nakarang Huwebes ng San Miguel Corp. (SMC) ang Nagtahan northbound at southbound exit ramps ng elevated Skyway Stage 3.

Sa pamamigitan ng northbound at southbound exit ramps ang mga motorista ay maaari ng dumaan papuntang Sta. Mesa at iba pang lugar deretso na sa Manila.

Ayon kay SMC president mababawasan ang travel time papuntang Manila dahil luluwag na ang traffic sa mga congested na lugar sa kahabaan ng mga daan papuntang Sta. Mesa.

“Motorists coming from the South Luzon Expressway, North Luzon Expressway or other points of entry to the Skyway 3 can now opt to get to their destinations in Manila faster, without having to go through traffic jams on major roads and busy streets,” sabi ni Ang.

Nangako naman si Ang na pipilitin nilang matapos pa ang mga natitirang access ramps ng Skyway 3 sa lalong madaling panahon.

Ang northbound ramps na bubuksan pa lang ay ang sa Quirino exit papuntang Roxas Boulevard, Quirino entry, Nagtahan entry, E. Rodriguez entry at Sgt. Rivera (C3) exit.

Sa southbound naman ang access points na bubuksan pa lamang ay ang A. Bonifacio entry, Sgt. Rivera exit and entry at Quirino exit.

“With the support of government agencies such as Departments of Public Works and Highways and Transportation and the political will of President Duterte, we were able to accomplish more, even with quarantine restrictions in place. We are counting on their continued support as we continue to work full blast to complete the remaining ramps,” dagdag ni Ang.

Ang mga operational access ramps naman ng Skyway 3 ay ang mga sumusunod: Buendia (Zobel) entry, Quirino Avenue exit, Nagtahan exit, Quezon Avenue exit, Quezon Avenue entry, A. Bonifacio exit at Balintawak exit para sa northbound. Habang ang bukas na sa southbound naman ay ang Balintawak entry, Quezon Avenue exit, Quezon Avenue entry, E. Rodriguez exit, Nagtahan exit, Plaza Dilao entry at Buendia exit.

Sinabi naman ni DPWH secretary Mark Villar na sinasamantala ng SMC ang taginit upang bumilis ang pagtatayo ng mga ramps sapagkat gusto ng pamahalaan na maramdaman ng mga mamayan ang mga benipisyo ng pagkakaron ng karagdagan interchanges sa pagitan ng Buendia at NLEX.

“The opening of all interchanges will further reduce traffic gridlocks along EDSA, Quezon Avenue, Araneta Avenue, Nagtahan at Quirino Avenue,” saad ni Villar.

Binuksan ng SMC ang main alignment ng elevated expressway noong nakaraang January subalit nabalam ang pagbubukas ng ibang access ramps dahil sa problema sa right-of-way. (LASACMAR)

Isinusulong ngayon ng Department of Health (DOH) ang “house-to-house swab testing” para sa COVID-19 sa tulong ng mga lokal na pamahalaan para mas maging epektibo ang ginagawang testing ng pamahalaan.

Sinabi ni Health Undersecretary Maria Rosario Vergeire na ito ay para malaman talaga ang tunay na istatus ng impeksiyon sa bansa kahit na “asymptomatic o symptomatic” ang mga kaso.“We are ramping up although experts are sa-ying we need to test more, and that is what we are trying to do,” ayon kay Vergeire.

Batid umano nila na imposible na i-test ang lahat ng Pilipino kaya kailangang ipagtupad ang Code strategy.  Nakapaloob dito ang “house-to-house”, paggamit ng rapid antigen kung kinakailangan at RT-PCR.

Sa kasalukuyan, nag­lalaro lamang sa pa­gitan ng 30,000-50,000 ang bilang ng indibidwal na isinasailalim sa tes-ting kada araw ngunit mas nais nila na itakda ito sa average na 50,000 kada araw.

Ginagamit na rin ngayon ang rapid anti­gen test kits na nai-de­ploy na sa mga lokal na pamahalan para isailalim sa testing ang mga taong natukoy na may expo­sure sa mga kumpirmadong kaso ng COVID-19 o iyong may mga sintomas.

Nitong Abril 19, nakapagtala ng 19.5% positivity rate sa higit 37 libong indibidwal na isinalang sa swab test. Mas mababa ito sa P24.2% na naitala noong Abril 3 kaya kailangang malaman ang tunay na estado ng impeksyon sa bansa.

Nangangahulugan umano ito na kaya mataas ang positivity rate ay dahil sa kulang ang ginagawang testing kada araw.

Una ng sinabi ni Vice Pres. Leni Robredo na kailangang makapag-test ang DOH ng 90,000 indi­bidwal kada araw sa Metro Manila lamang.

KAILANGANG alamin ng mga taong nagbibigay ng pera bilang donasyon sa mga organizers ng Manginhawa community pantry kung saan napupunta ang kanilang donasyon lalo pa’t may ulat na may mga organizers ang di umano’y nau-ugnay sa communist rebel group.

Sinabi ni Presidential Communications Undersecretary Lorraine Marie Badoy na labis na nakababahala ang fundraising account na itinayo ng “AP Non” sa PayPal.

Inalerto rin nito ang publiko sa mga pinaghihinalaang rebel connection.

Tinukoy ni Badoy ang Ana Patricia Non, o AP Non sa social media, na siyang utak ng community pantry na sinimulan sa Maginhawa, Quezon City kung saan ay maaaring mag-donate ang kahit na sinuman at makakuha ng pagkain.

Ang mutual aid project ay malawakang pinuri para sa pagpo-promote ng kabutihan sa panahon ng pandemya at nagsilbing inspirasyon sa iba na maglagay din ng kahalintulad na food banks sa kanilang kaptibahay.

Sa Facebook post, sinabi ni Badoy na pinamahalaan ni Non ang pangangalap ng kalahating milyong piso simula nang humingi ito ng financial support sa online ilang araw na ang nakalilipas.

Ang weblink at screenshot ng fundraising project ay ibinahagi ni Badoy sa online.

Ang nasabing account, na humihingi ng tulong para “provide support for organizers, volunteers, and advocates of community pantries in the Philippines in response to the economic crisis” na dulot ng pandemya ay nakalikom ng mahigit sa $12,000 mula sa mahigit na 200 contributors.

Ang fundraising drive, na pinasimulan ng isang nagngangalang Pauline Non ay nag-expire na sa loob ng 26 da na araw.

“Why dollars, I wonder? Dollars for international donors, of course. You know those poor innocent white dudes who have no idea they’re being taken for a ride,” Badoy said in a Facebook post on Wednesday, April 21.

“To those good hearts who have donated their dollars to AP Non, please ask for a clear accounting. Ask where your money went. Make sure it goes to where you want it to go,” ayon kay Badoy. (Bishop Jesus “Jemba” M. Basco)

Inaasahang palalawigin pa ng Department of Transportation (DOTr) ang paglalagay ng mga bike lanes sa bansa upang mapalawak ang programa sa transportasyon.

“We have so far finished 296 kilometers of bike lanes. We hope that by the end of the year we would have completed 535 kilometers of bike lanes in Metro Manila, Cebu and Davao,” wika ni DOTr Secretary Arthur Tugade.

Sa ilalim ng Bayanihan 2, ang DOTr ay binigyan ng P1.3 billion na nakalaan sa iba’t ibang proyekto sa programa ng transportasyon.

Ang nakalaan sa paglalagay ng mga bike lanes sa bansa ay nagkakahalaga ng P1.1 million. Mula sa halagang ito, ang nakalaan para sa Metro Manila ay P800 million para sa paglalagay ng 340 kilometers na bike lanes.

Mayron naming nakalaang pondo na P150 million bawat isa ang Metro Cebu at Metro Davao. Sa Metro Cebu inaasahang maglalagay ng 140 kilometers na bike lanes habang ang Metro Davao naman ay 60 kilometers.

Noong 2018 pa sinimulan ng DOTr ang paglalagay ng mga bike lanes nang wala pa ang pandemya sa bansa sa pagtutulungan ng mga pribado at iba’t ibang ahensiya ng pamahalaan.

Samantala, sa pagkikipagtulungan ng SM Supermalls inilungsad noong Miyekules ang DOTr-SM Bike Manual na ipamamahagi sa buong bansa para sa mga libo-libong road users.

Ang manual ay nilimbag sa English at Filipino at ipamimigay ng walang bayad sa lahat ng SM malls sa bansa.

“The Active Transport (Bike) Manual aims to educate cyclists, motorists, pedestrians, and other road users to safety, courtesy, and etiquette while using the country’s roads. It highlights safety guidelines and pointers for cyclists. These include the use of safety gears, regular bicycle inspection and maintenance, the use of hand signals, identifying blind spots to avoid crashes, how to make safe right turns and road/traffic protocols,” dagdag ni Tugade.

Ayon naman kay SM Supermalls President Steven Tan, sa kabuohan, ang SM Malls ay mayron humigit kumulang na 500 bike racks at may mahigit na 80 repair stations sa buong bansa.

Ang paglalagay ng mga bike lanes ay sa pagtutulungan din ng DOTr at Department of Public Works and Highways (DPWH) habang ang Metro Manila Development Authority (MMDA) ay nakikipagugnayan naman sa mga local government units, at iba pang ahensya ng pamahalaan tulad ng Department of Health (DOH), SM Supermalls at mga cycling advocates.

Hinihikayat ng mga health authorities ang mamayan na mag cycling bilang alternatibong transportasyon na hindi lamang maiwasan ang environmental pollution kung hindi na rin upang itaguyod ang mental at physical wellness ngayon panahon ng pendemya.  (LASACMAR)