2021 April 27 Archive - People's Balita

Archive for April 27th, 2021

MM mayors wala pang rekomendasyon sa IATF

Posted on: April 27th, 2021 by @peoplesbalita No Comments

Wala pang nabubuong consensus ang mga alkalde sa Metro Manila kung kanila bang irerekomenda o hindi ang pagpapalawig nang modified enhanced community quarantine status (MECQ) sa National Capital Region (NCR).

Ayon kay Metro Manila Council (MMC) chairman Benhur Abalos Jr., maraming kinukonsidera sa kanilang magiging desisyon ang mga alkalde sa NCR kabilang na ang bilang ng mga available na ICU beds sa rehiyon pati na rin ang opinyon ng mga economic managers ng Duterte administration.

Sinabi naman ni Marikina City Mayor Marcelino Teodoro na hindi pa nila nakukuha ang data analytics pati na rin ang inputs ng private sector kaya hindi pa sila nakakabuo ng desisyon patungkol sa quarantine status sa NCR.

Bagama’t bumaba na ang mga naitatalang kaso sa NCR, nasa critical level p[a rin aniya ang dami ng COVID-19 cases kaya kailangan ding ipagpatuloy ang contact tracing.

Mahalaga ikonsidera ang mga ito lalo pa at may mga projection nang pagdami ng mga kaso sa oras na ibalik sa general community quarantine ang NCR, pati na rin ang scenario kapag ipagpapatuloy ng dalawa pang linggo ang MECQ.

Kaya mamayang alas-4:00 ng hapon ay magkakaroon ulit ng pulong ang Metro Manila mayors at maaring doon magkaroon ng recommendation na.

Magugunita na itinakda sa darating na Abril 30 ang pagtatapos ng MECQ sa NCR pati na rin sa apat na karatig probinsya. (Daris Jose)

LGUs may 1-time extension para sa cash aid distribution hanggang May 15 – DILG

Posted on: April 27th, 2021 by @peoplesbalita No Comments

Kinumpirma ni Interior and Local Government Secretary Eduardo Año na nasa 61.85% na ang naipamahagi sa kabuuang P22.9 billion na pondo na inilaan ng gobyerno para sa mga residente ng National Capital Region (NCR) na apektado sa dalawang linggong re-imposition ng enhanced community quarantine (ECQ) sa “Plus Bubble.”

Nasa P4,000 cash aid ang ibinigay ng pamahalaan sa bawat pamilya.

Ayon kay Año, sa Metro Manila 68.51% ng kompleto at mayroon ng ECQ-fund disbursement, sumunod ang Laguna na may 65.76% completion, Rizal na may 56.9%, Bulacan na may 53%, at Cavite na may 47%.

Inihayag din ng kalihim ng Department of Interior and Local Government (DILG) na kanilang bibigyan ng “one-time extension” para sa cash aid distribution ang mga local government unit (LGU) hanggang May 15.

Layon nito na kanilang matugunan ang mga reklamo kaugnay sa pamamahagi ng tulong pinansyal at maayos ito sa kanilang lebel pa lamang upang hindi na umabot pa sa demandahan.

Pinuri naman ng kalihim ang mga LGU sa maayos na pamamahagi ng cash aid.

Binigyang-diin ni Año, na kanilang papanagutin ang mga local officials na mapatunayang magbubulsa ng pera ng gobyerno. (Daris Jose)

Ads April 27, 2021

Posted on: April 27th, 2021 by @peoplesbalita No Comments

Kelot todas sa pakikipagbarilan sa pulis sa Caloocan

Posted on: April 27th, 2021 by @peoplesbalita No Comments

Dedbol ang isang 22-anyos na lalaki matapos makipagbarilan sa pulis sa Caloocan city, kamakalawa ng hapon.

Ayon kay Caloocan police chief P/Col. Samuel Mina, nagsasagawa ang mga tauhan ng Caloocan Police Sub-Station 12 sa pangunguna ni P/Capt. John David Chua ng detective patrol sa kahabaan ng Phase 9, Langit Road, Brgy. 176, Bagong Silang dakong 5:30 ng hapon nang maispatan ni P/Cpl. Leobert Rivera si Anlou Resusta, ng Phase 8, Bagong Silang na may nakasukbit na baril sa kanyang baywang habang sakay ng isang motorsiklo.

Sinita ni PCpl. Rivera si Resusta subalit, sa halip na huminto ay biglang pinaharurot ng suspek ang kanyang minamanehong motorsiklo na naging dahilan upang habulin siya ng pulis.

Nang mapansin ng suspek na hinahabol siya ng pulis, binunot nito ang kanyang baril at pinaputukan si Cpl. Rivera na naging dahilan upang mapilitang gumanti ng putok ang parak hanggang sa tamaan sa katawan si Resusta.

Isinugod ang suspek ng mga tauhan ng SS-12 sa Bermudez Hospital subalit, kalaunan ay inilipat ito sa Caloocan City North Medical Center kung saan siya idineklarang dead-on-arrival sanhi ng tinamong tama ng bala sa katawan.

Narekober ng mga tauhan ng Northern Police District-Crime Laboratory Office (NPD-CLO) na rumesponde sa crime scene ang anim na basyo ng bala ng caliber .9mm pistol habang ang Armscor .9mm pistol na may magazine at kargado ng limang bala ay nakuha naman sa nasawing suspek.

Sinaboini Col. Mina na inaalam na ni case investigator P/Cpl Karl Piggangay kung may criminal background ang nasawing suspek. (Richard Mesa)

Training ng PBA teams balak sa MGCQ areas

Posted on: April 27th, 2021 by @peoplesbalita No Comments

Ang mga training facilities sa Modified General Community Quarantine (MGCQ) areas ang magiging sagot upang masimulan ang pagsasanay ng mga PBA teams.

Kaya naman umaasa ang pamunuan ng PBA na makakakuha ito ng go-signal mula sa Inter-Agency Task Force (IATF) para maumpisahan na ang scrimmages ng mga ito.

Sinabi ni PBA commissioner Willie Marcial na pinapayagan ang mga PBA teams na magtungo sa mga MGCQ areas para sa kanilang training camp.

Subalit nilinaw nito na kailangang nasa isang bubble setup ito gaya sa Inspire Sports Academy sa Calamba, Laguna upang masiguro na ligtas ang lahat sa coronavirus disease (COVID-19).

Base sa patakaran ng IATF, tanging sa mga MGCQ areas lamang maaaring magkaroon ng training/scrimmages gayundin ang pagtataguyod ng tournament ng mga professional leagues.

The Musical Film Sensation ‘In the Heights’ Trailer Dances Its Way Into Oscars Telecast

Posted on: April 27th, 2021 by @peoplesbalita No Comments

DURING the live 93rd Academy Awards or the Oscars, Warner Bros. has released a new trailer for the upcoming big-screen adaptation of In The Heights, helmed by director Jon M. Chu and based on the Broadway musical by Lin-Manuel Miranda.

The trailer introduced by the actor and musician comes on the heels of the recent release of the first (and title) track for the film, which debuted last week courtesy of Atlantic Records.

Check out the new trailer below:

“The time has come for the event of the SUMMER.#InTheHeightsMovie pic.twitter.com/fCoYZkDK9A

The musical film sensation from Crazy Rich Asians director, initially was slated for summer 2020 but was delayed by COVID-19. Warner Bros. released the film’s first trailer back in December 2019.

Set in New York’s Dominican neighborhood of Washington Heights, In the Heights follows the life of Usnavi de la Vega (Anthony Ramos), who spends his days dreaming about a better life, while he takes care of his small bodega and saves every penny for a brighter future.

In addition to Ramos, the In the Heights cast includes Corey Hawkins, Melissa Barrera, Leslie Grace, Olga Merediz, Daphne Rubin-Vega, Gregory Diaz IV, Stephanie Beatriz, Dascha Polanco and Jimmy Smits.

The film is produced by Miranda, Quiara Alegría Hudes, Scott Sanders, Anthony Bregman and Mara Jacobs, with screenplay by Hudes.

Last month, the film’s release date was actually shifted — but it turns out that’s good news for fans after all, as In the Heights will be premiering a week earlier than originally anticipated.

Chu took to social media to share the good news with fans, tweeting: “Surprise. We coming to theaters one week earlier!!! There has been so much demand since our trailer release this week that we decided to get it out to you sooner. Let’s gooooooooooooo!!!! See you soon.”

In the Heights will be available in theaters and on HBO Max on June 11. (ROHN ROMULO)

Panawagan na tanggalin ang pondo ng Anti-Insurgency Task Force, hindi makatarungan – Malakanyang

Posted on: April 27th, 2021 by @peoplesbalita No Comments

PARA sa Makanyang, hindi makatarungan na alisan ng pondo ang national anti-community task force.

“Sa akin po hindi naman po justified. Hayaan nating gawin nila ang katungkulan nila,” ayon kay Presidential Spokesperson Harry Roque.

Kaya nga, hayagang binasura ng Malakanyang ang panawagan ng mga senador na tanggalin ang pondo ng anti-insurgency task force na mayroong P19-billion allocation sa ilalim ng 2021 budget.

Giit ng Malakanyang, mapakikinabangan naman ito ng taumbayan.

Ang pahayag na ito ni Sec. Roque ay tugon sa panawagan ng ilang senador na alisin ang pondo ng National Task Force to End Local Communist Armed Conflict (NTF-ELCAC) dahil sa red-tagging sa mga organizers ng community pantries.

Nauna rito, kapuwa inakusahan nina NTF-ELCAC spokesman Police Lieutenant General Antonio Parlade, Jr. at Assistant Secretary Lorraine Badoy si Ana Patricia Non — isa sa mga organizers ng Maginhawa community pantry — bilang komunista.

Inihalintulad ni Parlade si AP Non kay Satanas “offering an apple to Eve,” habang si Badoy naman ay hindi malaman kung saan napunta ang P1 bilyong halaga ng donasyon sa Maginhawa community pantry.

“Iyong pondo po ay para sa mga proyekto na magbigbigay asenso sa mga lugar na meron pang rebelde,” ayon kay Sec. Roque.

“Hindi naman po justified ‘yan [pagtanggal ng pondo],” dagdag na pahayag ni Sec. Roque.

Sa ulat, sinimulan ng AP Non ang community pantry sa kahabaan ng Maginhawa St., Quezon City na nagsilbing inspirasyon naman sa iba para magbigay ng libreng pagkain sa mga nangangailangan sa gitna ng COVID-19 pandemic at quarantine restrictions na dahilan para mawalan ng hanapbuhay ang mga tao. (Bishop Jesus “Jemba” M. Basco)

Huling Linggo ng Abril: Halos 1-M na ang total COVID case sa PH, 109 bagong nasawi

Posted on: April 27th, 2021 by @peoplesbalita No Comments

Mula sa 9,661 kahapon, bahagyang bumaba sa 8,162 ngayong huling araw ng Linggo sa Abril ang bagong kaso ng Coronavirus Disease (COVID) sa bansa.

Sa tala ng Department of Health (DOH) kaninang alas-4:00 ng hapon, umakyat na sa kabuuang 997,523 ang mga tinamaan ng deadly virus sa Pilipinas.

Sa ilalim ng lingguhang “Oplan Recovery,” inulat ng DOH ang 20,509 na bagong recoveries kung saan nasa 903,665. na ang bilang ng mga gumaling mula sa COVID.

Nasa 16,783 naman ang kabuuang bilang ng mga nasawi matapos madagdagan ngayong Linggo ng 109.

Una nang iniulat ng independent group na OCTA Research na hindi malabong sumipa sa mahigit isang milyon ang kabuuang bilang ng COVID-19 cases sa Pilipinas bago matapos ang Abril.

“Before the end of April, the Philippines is expected to have recorded more than 1,000,000 total COVID-19 cases,” base sa report ng grupo.

Guidelines, inilabas ng QC gov’t para sa mga magtatayo ng community pantry

Posted on: April 27th, 2021 by @peoplesbalita No Comments

Kasunod na rin ng pagkamatay ng isang senior citizen sa community pantry na inorganisa ng aktres na si Angel Locsin, naglabas kaagad ang Quezon City government ng kanilang guidelines para sa pagtatayo ng mga community pantries sa lungsod.

Ito ay para matiyak na nasusunod ang mga health protocols at mapanatili ang peace and order sa gitna ng Coronavirus disease 2019 (COVID-19) pandemic.

Sa memorandum na may petsang Abril 23, 2021 na pirmado ni Mayor Josefina “Joy” Belmonte nasa siyam ang nilalaman ng protocol sa mga gustong magpatayo ng kanilang community pantries.

Kabilang dito ang koordinasyon sa mga barangay, sumunod sa covid health protocols, kailangang maging maayos at mayroong magmamando sa mga pantries.

Kasama pa rito ang oras ng pagbubukas ng mga pantries na alas-5:00 ng umaga hanggang alas-8:00 ng gabi.

Dapat ding panatilihin ng mga organizers ang sanitation at cleanliness sa mga pantries.

Responsibilidad din dapat ng mga organizers ang food safety at kailangang fresh o hindi pa expired, hindi rin panis ang mga ipapamahaging mga pagkain.

Kailangan din ng mga organizers na maging patas sa pamamahagi ng mga pagkain sa pamamagitan ng paggamit ng points systems, pagbibigay ng mga stubs o coupons para sa mga bona fide residents lamang.

Maliban dito, kailangan ding makipag-ugnayan ang mga organizers sa Law and Order Cluster, regulatory departments at sa barangay.

At panghuli, ang guidelines ay epektibo na ngayon, maliban na lamang kung mayroong pagbabago rito o tuluyang bawiin ng City Mayor.

Una rito, sa panayam ng Bombo Radyo Philippines kay Department of Interior and Local Government (DILG) Usec. Jonathan Malaya sinabi nitong wala silang nakikitang dahilan para ipatigil ang mga community pantries sa bansa dahil malaki raw ang tulong nito ngayong panahon ng pandemic.

Dahil na rin sa pagkamatay ng isang katao sa community pantry na inorganisa ng aktres na si Angel Locsin, plano ngayon ng Department of Interior and Local Government (DILG) na gumawa na ng protocol sa mga community pantries na nagsulputan na sa iba’t ibang panig ng bansa.

Sa panayam ng Bombo Radyo Philippines kay DILG Usec. Jonathan Malaya, sinabi nitong dapat ay hindi na maulit ang naturang insidente maging ang pagsisiksikan ng mga taong bumuhos sa naturang pantry.

Iginiit ni Malaya na kailangan talagang magpaalam sa barangay ang mga organizers ng community party para makapag-deploy sila ng kanilang mga tanod at mga barangay officials na magbabantay sa lugar.

Kung sakali raw kulang ang ipapadala ng barangay puwede naman silang makipag-ugnayan sa PNP dahil handa naman ang barangay na tumulong dito.

Steph Curry at Warriors tinambakan ang Nuggets

Posted on: April 27th, 2021 by @peoplesbalita No Comments

Pinayagan na rin ang mga fans na makapanood sa unang pagkakataon sa NBA game sa San Francisco, kasabay din upang saksihan nila kung paano tinambakan ng kanilang team na Golden State Warriors ang bumibisitang Denver Nuggets.

Bago nagsimula ang game, nagbigay ng welcome address si Stephen Curry at hindi naman siya binigo upang ipagsigawan ang kanyang pangalan at sinabayan ng “M-V-P,” “M-V-P!” chant.

Muli na namang nagpakitang gilas si Curry na tumipon ng 32 points para tulungang ilampaso ng Warriors ang Nuggets, 118-97.

Sumuporta rin si Draymond Green na nagtala ng 19 assists at 12 rebounds.

Sa ngayon meron ng 30-30 kartada ang Warriors, habang hawak naman ng Nuggets ang 38-21 record.

Agaw atensiyon din sa mga fans ang matchup ng dalawang MVP candidates na sina Curry at Nikola Jokic na hindi rin nagpahuli sa 19 points.